وفي الجزء الثالث والعشرون من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء الثالث والعشرون من رواية كنت للروح سقيا
بعد سنتين:
بتذكر في اليوم الفقدت فيهو شجن وابوي.. كيف هم ما معاي؟؟ كيف معاي بس شويه ذكريات؟؟ م اقول قدرت اتجاوزهم لانو شجن وابوي ذكرياتهم معاي كتيره شديد شجن كانت أقرب انسان لي دايما ح أفضل اتذكرها شجن م لقيت بعدها تاني ولا ح القى 
أثناء م انا سرحانه وعيت على صوت جوان وهي بتبكي ( ايوه جوان بتي عمرها شهرين اسي )
لؤي : هاتيها انا بسكتا… سرحانه وين حبيبي؟
شهد : اتذكرت شجن وابوي
لؤي : ربنا يرحمهم أن شاء الله… هم حاليا في مكان احسن من هنا….رايك شنو نقرأ ليهم نصلي ركعتين وندعي ليهم
شهد : طيب
بعد خلصنا صلاة ودعينا ليهم
شهد:تعال نقعد في البلكونه
لؤي:في المرجيحه على قولك
شهد: قلت ليك دوشلوميه مره اسمها مرجيحه اصلا م طوطحانيه
لؤي:وانا قلت ليك جغجغميه مره اسمها طوطحااانيه
شهد:لوي خلاص خلاص ارح وشيل جوان والله تعبانه
لؤي: وانتي البشيلك منو؟
شهد :بمشي براي
طلعنا وقعدنا
لؤي:عندي ليك سبرايز
شهد:شنو؟
لؤي:جهزت مكان ظريف للسيشن
شهد:متذكر؟
لؤي:طبعا طبعا …وتاني في وحده ….ان شاء الله بعد شهر ح نسافر عمره ومنها ح نمشي تركيا شهر عسل متاخر وكده
شهد:لؤؤؤؤي
لؤي: والله اسف على التاخير ده كلو بس عشان العلاج وتاني حملك وموضوع خطوبه خالد وهبه
شهد:حبيبي اصلا كلو لخير
لؤي:بتعرفي تركي؟
شهد:لا كلمات بسيطه بس
لؤي:ي بتنا انا التركي ده لعبتي
شهد: طيب قول نشوف التركي ده
لؤي:مراد بيك لا تتركني هيك….عم بتمطر عنا بالضيعه
شهد:ده م ترركي ده تونسي
لؤي:تونسي شنو ده تركي مدبلج
شهد: حتى م اعتقد تونسيه سورية
لؤي: شهد تركيه يعني تركيه
شهد : امم خلاص خلاص
لؤي: ممكن اغني ليك تركي اسي من راسي
شهد: اها صدعنا
لؤي:
اسمها اطربنا بس عموما م شغال بيك انا
احم احم
شهد وجوان انتو كل حياتي تي را را
رح حبكم حتى يوم مماتي تي را را
في بعدكم بتزيد اهااااتي تي را را
بتمنى تكونو معي حتى مماتي تي را را
شهد :بعيدا عن صوتك وكلماتك وكل شي بس والله بحبك انا محظوظه شديد بوجودك معاي ح تفضل نعمة بحمد ربنا عليها دائما بتعمل الحاجه البتبسطني وانت ما عارف انو وجودك جنبي بس الببسطني ربنا يخليك لي بطيبتك وجنك وصوتك ده حتى لما تقول لي م ح نمشي مكان الا نكون مطقمين الا تقتنع بعد تعبلؤي انت ارهب انسان لاقاني وم ح يلاقيني زيك
لؤي: “مسك يدي” عارفه اليد الماسكا دي عمري م ح افكها وح يكون كل همي اني ارضيك لاني ضحيتي عشاني كتير شهد وجودك منور حياتي عمري م اتخيلت ولا ح اقدر اتخيل حياتي من غيرك
شهد: نغني؟ وجودك شي مكملني؟
لؤي : طوالي بس جوان اقفلي لجوان اضانا عشان م تتلوث
(لؤي حاليا الحمدلله احسن بكتيير م اقول اتخلص من المرض مره وحده بس ماشي في تحسن ….
خالد وهبه اتخطبو وكانو حلوين مع بعض
خالتو وهمس رجعو بيتهم حتى همس خطبها زميلا وعرسهم قرب….
امي معاها خالتو وسماهر جو من دبي واصلا عايزين يستقرو خلاص ف ف قعدو مع امي ….
امي نزلت تواصل في شغلا “اصلا هي استاذه” …..)
قصة حب لؤي وشهد م خلصت هنا ولا ح تخلص لسه قدامهم عمر طويل مع بعض ان شاء الله م اوعدكم ب انو حياتهم تخلو من النقاشات بس في كل مره ح يرجعو وح تلاقيهم مشاكل كتيره بس ح يقدرو يتجاوزوها أن شاء الله
لؤي :لنّ نفترق أبداً حتى في الصمت.
لنّ نفترق حتى أثناء النوم ،
سنمشي معاً في الحُلم نفسه،
أو نهرّب معاً يداً بيدّ عندما يتحول إلى كابوس.
سأخفض رأسي معك كي تمرّ الأحلام من فوقِنا.
و أرفع قدمي و قدمك كي تمُرّ الخيباتُ من تحتنا.
سنجلس أحدُنا بجانب الآخر.
نبكي من خِلال أعيُن بعضنا.
نشبُك أحزاننا معاً.
و نجمع جُذور خيبتنا لتمُرّ علينا معاً.
لن يكون هُناك مجالٌ لتدخل منه الريح.
شهد :
إندلاع مشاعري
وفيضان إشتهائي حين أستيقظُ
لا أجد له مبرر
غير أني
لا أكتفي منكِ ـ
النهايه 
نهاية الروايه م بتعني نهايه حبهم
لقراءة الجزء السابق : الجزء الثاني والعشرون من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
