وفي الجزء الثامن رواية ضحية غدر للكاتبة زهرة الشيخ يا تري هل سيحدث شيء غير متوقع يقلب أحداث الرواية رأساً علي عقب ؟ دعونا نعرف إجابة هذا السؤال في السطور القادمة بإذن الله .
الجزء الثامن من رواية ضحية غدر
ف المستشفى
– وصل خال حياه وبنته ريم وسعده مرته
ف غرفة حياه
حياه كانت راقده
علي: رقيه كيفها تو البنت
رقيه : باهي احسن
سعده: حمدلله ع سلامتها
ريم : ان شالله هدا حد السو
رقيه : ان شالله تسلمو
علي : كيف صار معاها الحادث
رقيه : بدت تحكيله كل شي صار حتى ع زواج محمد
علي :
كيف
كيفرقيه : كيف ماقتلك خوي والله انا نبي نخليها عندي ولا عندك معاش مأمنتله ع حياه
علي : وينه محمد
رقيه: طلع اول ما طمن عليها
علي : زاد تعصب بااااه ساهل
سعده:
رقيه : بس هو معند مش حيعطينا البنت و ف القانون مانقدروش ناخدوها من باتها
علي : هدا لي نفكر فيه هوا ف الاخر بوها باهي ماعرفتي منو هدي لي بياخدها
رقيه : لا
الباب طق طق طق
محمد : السلام اعليكم
الكل : وعليكم السلام
علي : كيف حالك ؟
محمد: اهو ماشي الحال
علي : كيف صار بديت مهمل لين انضربت البنت وين كنت انت
محمد: واللهي صارت مشكله بينا وما خبرتني انها ماشيه
علي : الي صار صار توا حمدلله ع سلامتها
محمد: سلمك
علي: سمعت بتتزوز الخميس
محمد : اي ان شالله
علي : الله يعاون
رقيه / سعده :
محمد : تسلم
علي : لو تخلي عندنا حياه يكون احسن مدامك بتتزوج
محمد: ياريت بس بنتي هي ف الاخير حتقعد عندي
علي : ايه معاك حق المهم توا بنروح غدوا الصبح نجي ونشوفها ريم خليك عند بنت عمتك
ريم : تمام بابا
روح علي مع مرته سعده وروقيه اتصلت براجلها وحكتله وقاتله بتقعد عند حياه
♡♡♡♡♡♡♡♡♡♡♡♡♡♡♡
ف جهه تانيه نوتيلا تعشت ومشت لغرفتها بترقد
الباب طق طق طق
نوتيلا : خش زيد
زيد: تحسابي نسيتك وشدها من ايدها من هدا فؤاد
نوتيلا : زميلي ف الكليه
زيد : عارفه زميلك بس ليش ركبتي معاه
نوتيلا: تو نحكيلك والله بس فك ايدي وجعتني
زيد : فك ايدها به احكي
نوتيلا : انا ف المدرسه نستنا ف حياه توصل اتصل بيا لي ضربها برقمها رديت وقالي حياه ضربتها سياره ونا نحسابها ماتت بديت نبكي بأعلى حسي وحسيت الدنيا دور بيا وبندوخ وحالتي حاله وكلهم قعدو يشحو فيا ولا حد جي بيش يساعدني حتى صاحباتي يشوفنلي من بعيد بعدها جا فؤاد يسأل فيا خيرك مانرد خدا التلفون وكلم الراجل وطلع خوه وقاله انه ف المستشفى وطول رفعني للمستشفى مافي شي بينا هوا الوحيد طلع راجل ف الكليه وهدا لي صار
زيد: اممممممم به فهمتكم غلط والحمدلله طلعتي قد ثقتي بيك تو غدوا نشكره
نوتيلا: مشت حضنت خوها عمري مش حنهز ثقتك بيا
زيد : سلم اختي الصغنتوته هي بري ارقدي
نوتيلا : هي تصبح ع خير
زيد وانتي من اهله
♡♡♡♡♡♡♡♡♡♡♡♡♡♡♡♡♡
عند فؤاد اتصل بي اسامه
فؤاد : الوووو
اسامه : بوفتا شنج
فؤاد : تمام وانت
اسامه : والله زفت تو كيف كملت من خوك طلعتلي انت
فؤاد :
اسامه: زيد اضحك هي صب شن عندك
فؤاد : وين المعلومات لي قتلك عليهم
اسامه : من بكري شاد في ايدها ماسألتها شي
فؤاد: لالا خايفها تزعل المهم عندك معلومه
لالا خايفها تزعل المهم عندك معلومهاسامه : اي اسمها الحقيفي إلين بنت وحيده عندها اخ واحد تسكن ف …… وكانت تكلم في واحد اسمه انس بس سيبو بعض وتو حاليا سنقل ورقمها ………….094 وفطورها شكلاطه غداها شكلاطه وعشاها شكلاطه وعصبيه ع فكره وحياه ماتقربلها اصلا ماعندهم اقارب هنا و
فؤاد: كم وزنها ونبضها وقيسلي حتى ضغطها خلاص سادك
كم وزنها ونبضها وقيسلي حتى ضغطها خلاص سادكاسامه : درت ملف ليها كان تبي غدوا نعطيهولك
درت ملف ليها كان تبي غدوا نعطيهولكفؤاد : لالا ساد لي عرفته والله منور باالهلبا ابعتلي رقمها ع رساله بس
اسامه : تم هي سلام
طوووط بعتله الرقم اتصل بيها مقفل
فؤاد: افففف
♡♡♡♡♡♡♡♡♡♡♡♡♡♡♡♡
ف الصبح
حياه : فاقت لقت بنت خالها ريم وخالتها حدها
ريم : حيوته كيفك توا
حياه : احسن امتى جيتي
ريم : امس جيت انا وباتي وامي لقيناك راقده روحو وخلوني عندك
حياه : اه باه
ريم : شن تحسي توا
حياه : تو احسن شوية الم بس
♡♡♡♡♡♡♡♡♡♡♡♡
عند اصيل
اصيل : فاق بدري دوش وبدل ونزل بيش يفطر
فؤاد ف نجاة يفطرو
فؤاد : صبااااحو وحش
اصيل :
صباح الخير يستر الله من بنضرب تاني اليوم
صباح الخير يستر الله من بنضرب تاني اليومفؤاد: نيهاهاهاها
نيهاهاهاهااصيل : صباح الخير نبع الحنان
نجاة صباح النور اقعد افطر بيش ترفعني عند البنت امتاع امس
فؤاد :
ايا بنت شني بتخطبيله ونا ماعندي علم
ايا بنت شني بتخطبيله ونا ماعندي علماصيل :
نجاة : لا مش خطبه بنمشي نشوف البنت لي ضربها امس
لا مش خطبه بنمشي نشوف البنت لي ضربها امسفؤاد : ااااه باهي نحسابه بتخطبيله قبلي
نجاة / اصيل :
فؤاد : هيا تشاو ماشي للكليه نضرب بنت بسيارتي حتى نا بيش تخطبيلي
نجاة :
بسلامه
بسلامهاصيل : يفطر ربي يهدي
نجاة : هيا افطر بيش ترفعني
اصيل: هيا امي بدلي انا كملت
نجاة : هي مش حنطول
اصيل : ياريت
♡♡♡♡♡♡♡♡♡♡♡♡♡♡♡♡♡♡♡
عند نوتيلا ف الكليه
ساره : اهلين نوتيلا كيفك
نوتيلا:
بخير
بخيرمنى : كيف حال حياه
نوتيلا : احسن
ساره : خيرك تتكلمي من غير نيه
منى : لا تتكلم بخشمها شايفه روحها
نوتيلا: اقلبي وجهك عني انتي وياها
اقلبي وجهك عني انتي وياهاساره : اااه حقا ماقتلك إلين ام منى حتتزوج بو حياه
نوتيلا
كيف
كيفمنى : زي ما سمعتي عمي محمد تقدم لي امي وامي وافقت غدوا الفاتحه بنمشو نسكنو عند صاحبتك
نوتيلا : ادكرت قيس كيف عامل حياه حتى خوك بيسكن عند عمي محمد
منى: بأستغراب اي وخيرك تسألي
نوتيلا : لا مجرد سؤال
منى:
♡♡♡♡♡♡♡♡♡♡♡♡♡♡♡♡♡
مريم اتصلت ب سعده
مريم : الوو
سعده : اهلين
مريم : بيك سمعتي الاخبار
سعده : اخبار شني
مريم : محمد بيتزوج
سعده : اي وشكيت فيك
مريم : هههههههه حي طلعتي دكيه
سعده :
مريم : قولي راجلك ماتعرفي وماخبرتك بكل وانصدمتي بعد ريتيني ف حوش محمد
سعده : اصلا هدا لي بنديره
مريم : تمام هههه لا صاير منك
♡♡♡♡♡♡♡♡♡♡♡♡♡♡♡♡♡
عند حياه جا خالها لامستشفى
حياه : خلاص خالتو والله شبعت
رقيه : باهي خلاص هدي اخر كشيك
حياه : كلتها امممم تهبل الشربه خالتو يسلمو ايدياتك
علي : صحه صحه بنتي
رقيه : سلمك يا حنه ريم بنتي مديلي لميه
ريم : هاك عمتي
الباب طق طق طق
علي : تفضل
خش اصيل وامه
اصيل : السلام اعليكم
الكل وعليكم السلام
علي: من انت
رقيه : هدا لي ضرب حياه بسياره وطلعت برائته ومن امس واقف معانا ماقصر
علي : تفضلو تفضلو
نجاة : يزيد فضلكم صحيتو كيف حالك بنتي
حياه : بخير عميمه
نجاة : انا ام اصيل جيت نطمن عليك ونتاسف مره تانيه
حياه : صحيتي لاعادي الغلط مني نا
رقيه : لا عادي تاسف ولدك مره وتنين وماقصرتو بارك الله فيكم
اصيل : شني حياه اليوم احسن
حياه : اي احسن الحمدلله
نجاة : انتي امها قصدها ع رقيه
رقيه: لا والله انا خالتها امها متوفيه ليها 3شهور
حياه : نزلت راسها
نجاة شدت ايد حياه اه والله اسفه بنتي والله يرحمها ويجعل مثواها الجنه اهو عندك خاله ماشالله عليها ف مكانت امك
حياه : عيونها حمر بتبكي ان شالله
نجاة: رد بالك ع صحتك بنتي والله نتمنى نطول بس ولدي بسلامته عنده عمل وامس مامشي واموره متخلبطه مش حنطول عليه
حياه : تسلمي عميمه
رقيه: ياريت لو تقعدي والله ملينا بروحنا من بكري
نجاة : ان شالله مره تانيه وعطت ورقه لي حياه مكتوب فها رقمها واسمها اهي الورقه خليها عندك نقصك شي كلميني
حياه : دمعت شكرا ماقصرتي
نجاة : حضنتها ماتبكيش بنتي كل شي بيتحس للأحسن ان شالله وباستها
هيا تو لين نجيكم مره تانيه
رقيه : باهي بارك الله فيك بسلامه
وطبعا بوها مش فاضي يوتي في الحوش للعروس
♡♡♡♡♡♡♡♡♡♡♡♡♡♡♡♡♡♡
ف الكليه
نوتيلا قاعده تحت الشجره تراجع مع زميلاتها
يجها واحد يقوللها الدكتور يبيك ع امتحان امس قالك تعالي ف قاعه رقم 3
نوتيلا تمام ومشت نوتيلا للقاعه فاضيه
نوتيلا : اوووف مافي حد هنا جايا بتطلع خش فؤاد وصكر الباب
نوتيلا: شن دير
فؤاد اششش حط صبعه ع فمها وقرب منها وهي توخر لين لصقت ف الحيط
نوتيلا : ف فؤاد شن دير
فؤاد : قعد يرمش ببطئ وزاد قرب منها إلين
نوتيلا: ف فؤاد ش شن دير بعد
فؤاد:إلين
نوتيلا : ن نعم
فؤاد: نحبك
نوتيلا: انت اا
فؤاد : قاطعها
نوتيلا: في عالم تاني اول مره تحس ب ه الاحساس شوي وحست ع روحها ودف فؤاد
فؤاد : إ إ لين ااسف مش قصدي
نوتيلا: تبكي بعد انت شن دير شن تحسابني من ه النوعيه لي تعرفها
فؤاد: بس انا نحبك إلين
نوتيلا: ياما قلتها لي الف وحده غيري ورفعت صبعها عليه شوف فؤاد لو ماتبعد عني تشوف شي مايعجبك
فؤاد: بتهددي هددي عادي عارف نفسي كنت صايع واي قلتها لكم بنت ولعبت بمشاعرهم بس انتي غير إلين وشد ايدها
نوتيلا : تمسح ف دموعها فؤاد بعد عني تعبت
فؤاد: خلها وطلع متكنطي ونادم ليش غلط وخسر ثقتها فيه
نوتيلا : خشت للحمام وغسلت وجها والزمن يدور بيها وروحت طول لحوشهم قالت مريضه ماتقدر تمشي لي حياه واتصلت بيها وطمنت عليها ورقدت
♡♡♡♡♡♡♡♡♡♡♡♡♡
يوم الخميس ف الصبح
مشى محمد ومريم عند الشيخ وقرا ليهم الفاتحه
محمد : شني يا مراتي تو لوين مطعم ولا فندق ولا نروحو للحوش
مريم : خلي نخطمو ع بنتك نطمنو عليها من يوم خشت للمستشفى مارتها وبعدها نمشو للحوش وخلاص
محمد : باااه براحتك
♡♡♡♡♡♡♡♡♡♡
ف المستشفى
حياه توتي ف روحها احتمال اليوم تطلع ورقة الخروج معاها خالها وخالتها ومرت خالها
الباب طق طق طق
علي : تفضل
خش محمد ومريم وقفه فم الباب
محمد السلام اعليكم
علي : وعليكم السلام
رقيه : عاش من شافك من هيا لي معاك
محمد : خشي مريم مريم تكون مرتي
حياه / علي / رقيه / ريم :
سعده:
حياه : ك كيف
يتبع …….
لقراءة الجزء التالي : الجزء التاسع من رواية ضحية غدر
لقراءة الجزء السابق : الجزء السابع من رواية ضحية غدر
للإطلاع علي فهرس أجزاء الرواية : جميع روابط اجزاء رواية ضحية غدر للكاتبة زهرة الشيخ
جميع الحقوق محفوظة للكاتبة زهرة الشيخ .
