الجزء الثامن من رواية عشقها لعنة

مريم طلعت

نديم شاف لمريم تقرب من سيارته: اختي طلعت منور عزو

عزو: تصبح ع خير

نديم سلم عليه: وانت بخير سلام.. ومشي

ركب

نديم: هدا بيان اخت عزو

مريم سكتت

نديم يسوق: اني بنوصلك لو امي سالت عليا تقوليلها بايت عند صاحبه

مريم: حاظر ونشالله ماتسال

نديم: وصلنا…. نزلت

مريم نزلت

.

.

دارين بعد الدوش

ترررن تررررن

دارين تنشف ف شعرها: اهلين

حمزة: استاحشتك من جديد

دارين ضحكت بهدؤ: احلا استاحشتك توصلني ف دنيا

حمزة: واحلا من يسمعها من مني

دارين:اممم حبيبي عندنا مزال ضيوف وف بنات قريباات جدي بيباتو معااي واني نبي نكلمممك

حمزة:ايحح علينا معليشي ياقلبي اصبح نكلمك

دارين:افففف باه

حمزة:ماتقلبيش خلقيتك خلااص خليك عاديه

دارين:معاد تعيط عليا

حمزة:حااظر هي تصبحي عخير

دارين:وانت بخير باي…وصكرت

.

.

البنات خشو زوز بس

لجين وبلقيس

لجين: احكيلنا ياحلوة كيف صار هدا كله ف غيابنا

دارين حكتلهم

بلقيس: سووواق انتي دارين جو الجكترة وماركات بتتزوجي السواق

دارين اندفعت: بلقيس ضمي فمك هو مش سواق هو يوصل فيا اني بسسس انيي بسسس تسمعي وبعدين اي سواق ليا وبنحبه مليكش علاقه

بلقيس بصوت هادي: اسفه مش قصدي لكن من جهازك لجايبه فكرت انه حالته كويسه وفلوس ومن لبسة وشكله فكرته… قاطعتها

دارين بحزمه: صكري الموضوع وبعدين اني مطلبتش رايك

بلقيس ناضت طلعت من كلام دارين لز السم

لجين: دارين خيرك البنت مقالت شي

دارين: لجين اختك زودتها

.

.

بلقيس متحملتش خشت المطبخ بدت تبكي

دارين خشت للمطبخ: بلقيس

. امجد كان مدخل سلة الكناسة (اكرمكم الله) وقف يسمعلهم او يتسناهم لعند مايطلعو من المطبخ عشان يدخل السلة من باب المطبخ

بلقيس تبكي:اني مكانش قصدي شي انتي ولعتي فيا

دارين قربت: امسحي دموعك حرام عليك اسفه اني ندفعت معاك ونعترف

بلقيس مسحت دموعها:اسفه حتى ني زودتها

امجد وراى باب المطبخ داخله:ياعليييك دراما تي خشوو بنقعد واقف لصبح

دارين:مافيش نووم اليوم ورينا فلاحتك وديري نسكافيه واني بنمشي للغرفة ناخد بسكويت وحاجات نسهرو عليهم

بلقيس:اوكى

دارين طلعت من المطبخ

بلقيس خدت كرسي وركبت عشان تاخد علبة النسكافيه

امجد :اني مش رح نكمل حياتي واقف هني…وخش

بلقيس شافت الباب نفتح وخش واحد طويل وفقدت توزنها وطاحت من الخلعه

امجد:اششش بلا صوت العيلة فيقتها اوقفي (ركز فها)انتي مش دارين انتي مني

بلقيس وقفت وتشوفله ز المسبوها عرفاته هو نفسه ال بس تلعب بعصابه:انت ايوب

امجد تحشم اول مرة يشوف بنت بلا وشاح:امجد اني…وطلع

،،،

عزو جنب فادي وعلي صاحبه بعد من جنبهم واتصل بها وهو يتمشى ف الاستراحه

عزو:ايوواه

مريم بصوت واطي وناعسه:اهلين

عزو:صوتك راقده

مريم:لالا نعسانه بس

عزو: اوكى نصكر ارقدي نوم العوافي

مريم قعمزت من السرير:لالا بنقول حاجه استنى

عزو ابتسم:نعم

مريم: معتز نحبك

عزو :كلمة نحبك بروحها تسوا الدنيا واسمي محلاه قداش ليا مسمعته

مريم:اني الوحيده بنديلك معتز تمام

عزو: تم

سكوووت ويسمعو ف انفاس بعض

عزو: شن درتي فيا انتي

مريم:انت شن حبيت فيا اصلا

عزو: عيوبك قبل ميزاتك

مريم:ناعليا نا

عزو:اني برا والولاد يشوفولي فاا بنصكر تمام

مريم:اهااا تمام

عزو صكر الخط ويضحك

علي يضحك وفادي يضحك

علي:نحبك معتز

فادي:غبية

عزو:ضممم فمك وانتم كيف تتسمعو عليا اصلا

فادي:صاحب عادي ياحبي

عزو:صاحب لاكن مش هكي ياعيل

علي:فوته خونا يغار ع صوت خطيبته

ـــــــــــــــــــ

تسرييييع الاحداث

بعد مرور تلاته شهور

دارين ع الخط:حمزة مديرش هكي

حمزة متعصب:دارين ماشي للحمام البخاري لااا هي كلمه

دارين: اسمعني حتى خطيبت عزو غادي بنتلاقو ف نفس الحمام

حمزة علا صوته: انتي متصله تاخدي ف راي ولا تقارني فيا بـ عزو خلاص بري وين ماتبي بري لكن اعرفي انه اني مش راضي ع المشيه…وصكر الخط

مريم اتصلت بـ دارين:دارين عزو سمع بقصة الحمام ورفض راه وقال حتى اختي مستحيل تمشي

دارين: اي حتى حمزة رفض

مريم:اني معنديش وقت بنجهز روحي باي

دارين:باي..وصكرت الخط

ـــــــــــــــــــــــــــــــــــ

دارين دوشت ولبسة البودري ودارو رشدة (رشته) ز العاده وف اليل حنوها لكن بما انها متحبش الحنه حنها هندية

ومريم نفس الشي لبسة البودري وف اليلة حنوها حنه ليبية

مرور يومين جي وقت الحفله

دارين تسريحه مفتوحه فلو بسيطه مع تاج فخم ماشي مع الفيلو كبيررر ومنفوخ فخخخم

مريم ف صالة تانيه مع تسريحه فوق وتاج بسيط وررد بس حلو وفيلو كبيرررر مع بساطة الفيلو وتاج الورد طالعه تهبل

وتغيرو الاماكن

دارين ركبة مع حمزة عشان تمشي لصالتهم

ومريم ركبة مع نديم عشان يوصلها

بس ليش نديم ومش عزو؟؟؟؟؟؟!!!!!

بعدين تعرفو

دارين نزلت مع حمزة ووقفو ع المرايا تعدل ف روحها

دارين:زحمه هني

حمزة: مانعرفش هي..ونزلو مع بعض ذ

وبين المعازيم صفاء لكانت بتكون خطيبت حمزة

قعمزو وبدو جو الخالات والعمات

حمزة:دارين خيرك

دارين:حمزة ف بنات مش لابسين وشاحاتهم وهلبا مشالله

حمزة ضحك

ومن الناس لتسلم فجأة توقف قدامهم صفاء لابسة وشاحه ع راسها حاطاته حطان قريب يطيح بس حلوة طالعه

حمزة هز راسه وممدش ايده ونزل عيونه بسرعه

صفاء سلمت ع دارين وباركتلها

حمزة ناض:اني بنطلع باي.وطلع

دارين ابتسمت

وجت تسنيم قعمزت جنبها

ـــــــــــــــــــــــ

مريم نزلت وتلاقت مع عزو وخشو مع بعض لصالة

عزو نازل معاها : خيرك امس مكان ف شي

مريم بحزمه: خلااص معتز

عزو قعمز معاها تواني وطلع

ـــــــــــــــــــ

بعد ال وووووووو

دارين روحت واخيرا بتشوف حوشها

خشو

دارين: هدا حوشنا حمزة

حمزة باس راسها وابتسم: فرحتي لاتوصف

دارين :نحببك

ـــــــــــــــــــــ

مريم خشت اول مصكر الباب حدفت الباقة ع الارض:ياسر تمتيل ياسر

عزو يششوف ف الباقه: انتي خيرك من يوم الحنه نقلبتي شن صاير

مريم دموعها نزلو وقفت ع مراية المدخل تحاول تنحي الطرحه بعنف

عزو قرب شد ايدها من الطرحه:شوي شوي اهددي احكيلي خيرك

مريم تبكي نفضت ايديه منها: بعددد اني قتلك ياسر تمثيل فا يعني تقدر تضحك عليا اني وتقت فيك ياعديم الضمير ..وتبكي

عزو حول الجاكيت والقرواطه:ياصبر الله مررريم ليلة عرسنا ماتنسيش وانتي اول وحده تعرفي انه اني نحبك ونموت عليك على شنو بنضحك

مريم ضرباته كف: صاحبك اتصل بيا وحكالي كل شي وانك كل شي درته معاي كان لعبة وانت وصاحبك تحدوك تتزوجني ولو فزت بيعطوك سيارة

عزو لاف وجها تعصب شافلها قرب عيونه نار لف ايدها ع ضهرها بقوة: وتصدقي ولد شوارع كذاب ومتصدقيش عزو ليحبك

مريم دفاته:مش غبية اني كذبته لكن الولد عطاني دليل وقالي بلعلامه اني ف كل مكالمه ناديلك معتز و هدرزتنا كلها حكهالي الولد يا،،،قاطعها

عزو عيونه نار قرب مسح دموعها:كذذب كل شي كذذب اني منديرش هكي

مريم بعدت وهربت لغرفة قدامها ورد خشت وكانت غرفة النوم شافت الورد ع السرير وشموع معطره وإضاءة مخفيفه

عزو خش وراها فتح الدولاب طلع بيجامه ويتكلم بعصبيه: اني طلعت عيل ف عيونك وتصدقي اي حد

مريم شافت بوكس هدية جنبه مقص قربت خدت المقص وتبكي بعبرتها:يامعتز كلامه كللله كان بيني وبينك افهههم مش مصدقه انك تضحك عليا

عزو عطاها بظهر ويختار ف بيجامه وارتبك طلع بيجامه ف ايده والتفت شاف للمقص ف ايدها: هاتي المقص

مريم تتراجع للخلف وتبكي: نبيه اطلع

عزو قرب بياخد لمقص

مريم كانت تبي تقص الفيلو بس جي المقص ع بطنها ع الجنب وبدت تنزف

عزو يشوف فها بصدمه قربلها خدي المقص:مررريضه مررريضه مستهترا تبي تموتي

مريم تبكي وايدها ع جنبها

عزو قرب كومدينه فتحه خدي كينكس وقربلها وحط الكينكس ع الجرح هو راكع وهي واقفه ويمسح ف الجرح

مريم تبكي ومنزله ايدها

عزو زاد قص من الفيلو قريب من الجرح كان جرح بسيط ينفخ ع الجرح

عزو:علاش هكي ورحمة امي كذاب نحلفلللللك برحمة اميييي

مريم: ياسر كذب امك عايشه

عزو صوت حاد: تكذبي فيا واني نحلف لشفتها مرت بوي ولخطباتك هادي مرت بوي اني امي متوفيه بارك الله فيك…وقف

عزو:جرحك سطحي اغسلي وديري لصقه..وطلع من الغرفة

ــــــــــــــــــــــــــــــــ

دارين بعد دوش وتخفيف مكياج

حمزة غير

دارين خشتله للمطبخ:محلاه حوشي

حمزة:صاحبته احلا

دارين:حمزة جيعانه شن تاكل

حمزة ضحك:تعالي جنبي

تعشوو

دارين: توا الناس لحظرو عرسنا زعما شنو يديرو؟!

حمزة ضحك: قرمونا ورقدو

ـــــــــــــــــــــــــ

الساعه تلاته ف اليل

مريم طلعت من الدوش ولابسة بيجامه متع قبل وشعرها مبلول ومفتوح

عزو خش: طلعتي انشغلت ليك هلبا ف الدوش

مريم قامت المقص:تعلا نلعبو انت ع الهاتف قتلي لم نتزوجو مستحيل نقص شعري صح وقتلك بتشوفني بلفيلو صح وشن تاني قتلي بيجمعنا مكان واحد ….قاطعها

عزو بصوت عالي:قلت ياااسر

مريم قامت المقص وركبت ع السرير خربت الورغان وتقص فيه بلمقص هدا لمكان لبيجمعنا لحاكي عليه لصاحبك وتضحك عليا وقربت ع الفيلو وبدت تقص فيه وهدا الزفت تابع يومي الاسود تفرج قصاته وهي تبكي ووقفت واخيرا شعري لقتلي مستحيل نقصه قربت المقص بين شعرها

عزو قرب خدي المقص كسره:كسري احرقي ديري اي شي بس متاذيش روحك انتي نقطة ضعفي

مريم تشوفله وتبكي :مش مصدقه اني مششش مصددددقااااااه

عزو حضنها:اهدي عطيني رقمه بس لانه مش مصدق انه هادي ليلة عرسي

ــــــــــــــــ

تتاني يوم

تتبع……….

لقراءة الجزء التالي : الجزء التاسع من رواية عشقها لعنة

لقراءة الجزء السابق : الجزء السابع من رواية عشقها لعنة

للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد

جميع الحقوق محفوظة للكاتبة ميشو محمد .