وفي الجزء الثامن من رواية لهيب الإنتقام هيا بنا لنبدأ متابعة أحداث مشوقة وجميلة مع ابطالنا في السطور التالية بإذن الله مع الكاتبة ميشو محمد .
الجزء الثامن من رواية لهيب الإنتقام
نيسان: مش فلوس بس عمي فاضل هو اكبر من بابا وعنده وراق حوشنا وكل شي بـ اسم بابا يعني يقدر ف اي دقيقه يلوح اثاثنا برا بحكم ماما عند خوالي
صقر شدها من كثفها وقعمزها قدامها: احكيلي شن قصته
نيسان حكتله انه ناصب ع املاك بوها وكل اوراق بوها عنده ولانه كان ف الشركه ونصب ع حصة بوها وطلعه منها ز الشعره من العجين
صقر: ادللي اوراق بوك عطيني اسبوع اقل شي ويكونو عندك
بيسان وقفت ومشت لدارها وهي ماشيه: مانبي منك شي.. وخشت صكر الباب وتلوحت ع السرير
صقر فرككك ايده وانزعج ولحقها شافها متسطحه ع السرير: خيرك معقولا نار الانتقام عمت عيونك خلاص هدا شخص ميت ع الارض يانيسان اشفقي عليه
نيسان قعمزت وتتكلم بنبرة باكيه: ف النهاية هدا عممي كانت كللل شي ندير فيه عشان يبدا لـيا راجل يسندني وياخد حق بابا اني مكانش قصدي يموت بطريقه هادي نبي حقي بس صح تمنيتله يموت بس ف النهاية هدا عممي… ونهارت تبكي
صقر قعمز ع السرير: نقولك سر يابنت !!!
نيسان حاضنه روحها وتبكي بكتم
صقر: يابنت
نيسان تبكي بعبره
صقر وقف ابتسم: اني بنسهر ف الصالة تعالي وراي لم تفيض الدار بدموعك… وطلع
صقر قعد ف الصالة
دقايق دقايييق
وطلعت نيسان غاسله وجها وقفت ع باب الصالة: شنو السر؟!
صقر الهاتف ف ايده: تعالي نقولك
نيسان قربت وقعمزت ف اكنته لجبنه: قول هي؟!
صقر ابتسم شافلها: وجودك معاي شن علمك؟!
نيسان شفتله وسكتت
صقر انسحب وقام هاتفه حسها مش رايقه
نيسان: علمني اقعدي جعانه لصبح
صقر شافلها: شنو!!!
نيسان: سالتني شن تعلمت من العيشة معاك؟! وجاوبت
صقر ضحك وحط الهاتف ع الطاولة: عجبني الجواب لاني جعان حتى ني
بيسان رصت صبعها ف كثف صقر: اطلب من المطعم مزال الوقت العشاء مزال ماذن
صقر خدي الهاتف: تمام
ادللي شن بتعشيني؟!
بيسان: هبرجر وفي مشروب ف التلاجه
صقر يسجل ف رقم المطعم: تمام كم تبي طرف
بيسان: واحد ليا وواحد ليك
صقر: لالا اني كوتش مناكلش هكي
بيسان: انت كوتش ف صالة؟!
باه وشن بتاكل؟!
صقر: ف طن ف التلاجه
بيسان خدت الهاتف: لالا معاش نبي كان بتطلب ليا اني بس منبيش
صقر شاف الساعه قريب ياذن العشاء: مزال اوقت شن رايك نطلعو؟!
بيسان: بتراااضيني؟! 
صقر تلبك ناض طفى الشاشة: الحق مش فيك اقعدي بروحك نشالله يجيك الصرصور متع يومها
نيسان خشت غرفة النوم
صقر لحقها: بتطلعي من الاخير؟!
نيسان: بنرقد بس اطلع انت
صقر: تمام.. وطلع شبه وجعه خاطره علها
.
وسن: ماما راه عمتي زودتها
ميسون: شن نديرلها اوينه ف المحظر وقت معاها وحكيتلها انه خطبها وميعرفهاش وفهمتها
وسن: نشالله تفهم 
ميسون: نشالله ربي يهدي من خلق 
.
جت الساعه 11قريب ال12
تررررررن ترررن
صقر خش ويسمع ف الهاتف يرن وقف ف المدخل تواني وسمع الخط سكت
طريقه للمطبخ بيشرب وقفه صوت الهاتف ن جديد
ترررن تررررن
صقر ركبه وسواس ممكن يكون فها شي والهاتف يرن دف الباب وخش شافها راقده وعاطيه بظهرها
قرب للهاتف قامه بدون اسم
صقر فتح الخط: الوو
فرج: نيسان يامصيبه ردي
صقر تعصب وقف
نيسان تلفتتت كانت فايقه: صقر
صقر شافلها حدف الهاتف الهاتف ع السرير: مستاحشن بعض الباين ردي خودي راحتك… وطلع وقرررربع الباب
نيسان سيبت الخط مفتوح ولحقاته وشافاته متجه لباب بيطلع شدت مرفقه بعنف
صقر تلفت نفض ايدها: هداي اخرتها تي لينا اسبووع متزوجين بس… قطعاته
نيسان: يتصل من بكري سكران مرديتش عليه صدقني … قاطعها
صقر عيونه نار ويحرك ف ايديه ويتكلم: علاااش يتصللل شن يربطه بيكك دخلها لرراسي هادي فهميني علاااش
نيسان: ولد عمي ويتصل واصلا هدا مريض وانت تعرفه وسكراان و…. قاطعها
صقر: ميهمنيش ف النهاية مايعنيلي حددد لجهنننم.. وطلع وسرفق الباب وراه
نيسان خشت غرفتها وقعمزت: اني علاش نبررله
تررررررن تررررن
نيسان قفلت الهاتف وقعمزت متعصبه
.
صقر ف الجنان قعمز ع الدروج صرب الجرة متع الغرسة لجنبه قلبها.: اقعد كابر لعند ماتطفش وتطلب الطلاق امتى بتفهم افهمي يانيسان
هددددي ومرر وقت
الساعه 2 خش
وعطول لدار النوم فتح الباب بقوة متع دار وخدي الهاتف م الكوميدينه شاف رسالة واصلتها
نيسان فتحت عيونها: صقر
صقر بصوت عالي وقام صبعه بتهديد : وللااااا حرررف ضمك اضميه
نيسان: صقر
صقر شاف الرسالة لوصلت ( نيسان استاحشتك
استاحشت)
رسالة تانيه(تغنيلي واضحكيني ز قبل)
(اطللقي وعد ناخدك ع طول نيسان)
صقر نصددم: نيسان تغني لـ فرج؟!
نيسان: اي نغنيله استنـى افهههم
صقر: نطلللقك حتى توا معنديش ولاااامشكله بس انتي شن بيقولو عليك مطلقة ف اسبوع… قاطعاته
نيسان: ميهمنيش بس افهمننني اسمعني نفهمك ووعد اني نطلع من حوشك وبكرامتي
صقر قعمز متعصب وحدف الهاتف ع الحيط قسمه ع سطاش
نيسان بهدؤ دارت ايدها ع كثف صقر: فرج فروج وخواته دجاجاته
فرج يكاكي مع نعجاته…
قاطعها
صقر عيونه نار: شنننن المهزززله
نيسان: هادي الاغنييية لنغنيله فها وهو يضحك ز الحمار
صقر سكتتت وقعمز ونيسان قعمزت وبعدين قال: قالك اطلقي وناخدك
نيسان شافت لـ صقر ف داخلها وانت بتخليه ياخدني منك
صقر يشوف للارض وف داخله : امتى بتحسي بغيرتي تي قريب يطلع دخان م وداني
بيسان: صقر اني مثقله عليك؟! علاش كل شوية تقولي طلاق؟!
صقر وقف وشافلها وقرن حواجبه بحنيه: انتي ع قلبي ز العسل بس لقاعد يصير… قطعاته
نيسان: الكلام الحلو ميشبعش عادي نديرو بيتزا لانه من الجوع بيغمي عليا
صقر ضحك ع جنب: عندك علم تاكلي تسعه مرات ف اليوم
نيسان: اي بناكل طبعاا البطن قبل الوطن
صقر ضحك ويشوفلها ف داخله وطني انتي 
نيسان طلعت
ف المطبخ
صقر شافله وحط القهوة ع النار: عاجنتها باهي كويس انججاز
نيسان شفتله: بنوكلك بيتزا عسسل مني احمد ربي تي حتى ماما مش ضايقتها مني
صقر: نشوفها بعدين نقرر ناكل او لا
نيسان: انت كوتش عادي تاكل بيتزا؟!
صقر: مدام تحت ايديك مافيش مانع
نيسان: تشجع فيا
معنها بكري بنغديك اني فتات
صقر: فتاات مره وحده
نيسان: لالا اطمن شاطرة فيه بابا كان يحبه مني
صقر: ربي يرحمه
نيسان وبدت تفطح فها واديرلها ف صوصها
صقر يشرب ف القهوة يشوف فها كان تركيزه علها مش ع البتزا مرة تاكل جبنه مرة زيتونه
نيسان شفتله سرحان فها ببصراه خدت زيتونه: افتح فمك … كانت تبصر بس تفاجآت
صقر فتح فمه وضحك وكلها
نيسان من صدمه ابتسمت: فها سم 
صقر: عارفها فها سم شن بتكون من ايديه لفعه زيك
نيسان دارتها ف الفرن: ننتظر توا
صقر رشف من القهوة: ديري الباقي شن بتنتظري صدقت روحه منال العالم
نيسان: لا مش منال العالم 
نيسان العالم 
صقر ضحك: نيسان دبل قابينه 
نيسان: ننغرر راه
صقر كشخ: ديري باقي العجين بنرقدوو
نيسان : خلللييني جعاانه بنستنى هدا قبلل
صقر: اني بنرقد غضوا وراي خدمه…وحط المق وبيطلع
نيسان: لااااا
صقر تلفتت: بلا عياط يلعنن شن تبي؟!
نيسان: اقعد معاي تو يطلعلي لزقرلو
صقر ضحك واصلا بيهبل غير يتفرج علها بس وقف وطلع هاتفه وع اساس عيونه ف الهاتف وكل مرة يشوفلها لين تحس عليه ينزل عيونه
نيسان كانت دايره لشعرها كماشه وارتخت وطاحت قصت نيسان وايديه طحيين
نيسان ادير مش معدله لين بدت تحس انه ارتخي شعرها
صقر حط الهاتف وجي وراها: مستحيل ناكلها كان نشوف شعره علها شد قصتها وخدي الكماشه لأول مرة يقرب علها هكي واول مرة يلمس شعرها الطويل قامه ف ايده
صقر تلبك: كيف ندير
نيسان ايدها معاش اشتغلو ع البيتزا تركيزها ع حركة صقر لقايم شعرها بس: اهاا لفه وشده بلكماشه
صقر حاول يلفه بس معرفش ومن كثر مايحرك ف شعرها ريحته بلسسم 
صقر قرب ونزل شعرها وبدي يمسح عليه
تتبـع……..
لقراءة الجزء التالي : الجزء التاسع من رواية لهيب الإنتقام
لقراءة الجزء السابق : الجزء السابع من رواية لهيب الإنتقام
للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد
جميع الحقوق محفوظة للكاتبة ميشو محمد .
