وفي الجزء الثاني عشر من رواية عديم الضمير دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الثاني عشر من رواية عديم الضمير
وسام خش :زواج منو؟
رممه بخوف:قريبنا بيتزوج ولا شي انسى
وسام:اوكي يلا نطلعو ؟
رحمه:يلا
وسام سلم ع سماح: سلامات نشوفك ع خير
سماح: وانت بخير باي
.
.
وصلو ونزلو
رحمه خشت:ووه عليا استاحشت حوشي 
وسام:حوشك بس
رحمه ابتسمت:وشوية ناس 
وسام: ديري دوره اني بندير دوش
رحمه قعمزت ف الصالة وتفكر ف سماح ووسام ع الدوش
رحمه ناضت وخشت دار النوم ابتسمت حطت ايدها ع بطنها:ياولدي هدا حوشنا
وسام سمعها:ليش هكي تحكيله لم يوصل وريه
رحمه:خايفه مانكونش معاه بديت نشوف اي شي نعرفه ونقوله
وسام بتوتة وشعره مبلول: بتنوضيلي بسلامه
رحمه:الدكتورة قتلي بسبب الرئتين منقدرش نتنفس لبنجب بلعملية
وسام:نعرف ماتخافيش
رحمه:لم شفتك حسيت بالامان…
وسام:شن قتلك الدكتورة ف اخر ملاحظه؟
رحمه:ااا شي
وسام وايده وراى ضهرها:انتي ف اي شهر اني نقولك شن قتلك
رحمه:التامن
وسام جبدها:قتلك ساعدي روحك ع الولاده 
رحمه طلعت منها:كذذب..وضحكت مصدومه ف الكلمه 
وسام
:استاحشت كل شي خصوصا الضحكه العاليه 
:استاحشت كل شي خصوصا الضحكه العاليه .
.
بعد مرور شهر
رحمه راقده
وسام فاق ناض بهدددؤ
رحمه فتحت عيونها:وين هارب فايقه ني
وسام ضحك:صح هارب
رحمه:وين
وسام:فطور مني؟
رحمه:مع بعض احلا وله؟؟
وسام:نبي نريحك اني
رحمه ناضت:كل شي تمام هيا جيعانه ني
وسام ناض ويضحك ع البطه لـ معاه
رحمه قعمزت ع الكرسي: ف توت ف التلاجه طلع الخلاط ودير عصير طبيعي لو سمحتي
وسام شافلها وطلع الخلاط وطلع التوتات غسلهم خدي وحده وقرب ع رحمه:افتحي فمك
رحمه فتحت كلتها وكمل العصير
رحمه:اي لو سمحت راجلي جايب نوتيلا ف التلاجه طلعها ديرلي توست بليز بنتعبك
وسام شافلها ع جنب:راجل جابها؟؟
رحمه:اي خيتسلمه
وسام ضحك وطلعها ودار توست ونوتيلا
رحمه:لو سمحت
وسام شافلها 
رحمه ابتسمت:تعصبت
وسام:اي ياسر اطلبي عادي بس معاد تقولي لو سمحت اطلبي بس لو تقولي لو سمحت مش رح انفد
رحمه:لو قتلك لو سمحت مش رح تنفد طلبي؟؟؟متاكد؟.
وسام يدير ف توست:اكيد
رحمه:احلا فطور ياعمري
وفطرو
وسام يفطر: امتى قالت الدكتورة ولدتك؟
رحمه: خايفه غبارتي تعرف يجيني مغص بسيط قريب نشق السقف من الخوف فما بالك الولادة
وسام: مفها شي ساهلا
رحمه:شكلك مجربها
وسام ضحك: كلبه
رحمه:جود روحي قريب يوصل
وسام:توا جود روحك؟
رحمه: وبوه
وسام:جود ف القمه؟
رحمه:طبعاا ولدي قبل بعدين انت
وسام:الواحد كان معكس عند صفوان شن جابه…قطعاته
رحمه :اسفه اسفه (دموعها نزلو) معاد تقول هكي نموت اني بعدين صدقني
وسام بساها ع رقبتها:بعيد الشر ياقلب وسام
رحمه : قعد تحبني؟؟
وسام يشوب فها من عصيره: قداش عندي بطه اني نموت فيك
رحمه: تذكر لم عضيتك ف الحمام حوشكم
وسام ضحك:اي
رحمه:نعضك
وسام:وين؟؟
وسام يشوفلها ف نظرات عشششق
رحمه:ليش هكي تشوفلي..ودارت ايدها ع وجها
وسام نزل ايدها:تعرفي جمالك جلطه
رحمه:تتمنى تجينا بنت تشبهلي؟؟
وسام:اكيد
رحمه حست بركله ف بكنها غمضت عيونها:اااه
وسام لمس بطنها:خيرك
رحمه:سممم ااااي …وقفت
وسام: ماتخافيش اهدي
رحمه 
: موجوووعه وسااام
: موجوووعه وساااموسام خش للغرفة جاب العباية:موعدك اكيد البسي
رحمه لبسة وتبكي:شنطتي
وسام جاب الشنطه وطلعوو
..
ووصلو رحمه عطول دخلوها عملية عشان لو جابت طبيعي بسبب الحساسيه الرئتين رح تموت بسبب قلت النفس فـا دخلوها للعمليات
وسام كلم امها وجابها
فايزة:اني تو نركبلها
وسام:تمام
فايزة ركبتلها وتستنى قدام الغرفة
وسام قعد تحت
.
.
فاااات وقت
الدكتورة:حالته مش مطمنه ونزفت تبي دم ضروري ف اسرع وقت ويكون شخص نظيف يعني مش واخد ادوية من اربعه ايام ويكون مش مدمن وفصيلته O+
فايزة نزلت وحكت لـ وسام
وسام: مانعرف حد فصيلته.O+اني 
فايزة: سماح تقريبا
وسام اتصل وفعلا فصيلتها O+ ومشي جابها وتبرعت
الدكتورة طلعت: البيبي كان نازل والغملية جتها خطيرة
وسام بصوت واطي:ربي مايطيحني غير ف الحمير ..قربلهم
..قربلهموسام:اسمعي اني زوجها ودكتور لو يصيرلها اي تتحملي المسؤؤلية لاني لم جبتها كانت كويسه
الدكتورة: ددكتور تمام بس ماتدخلش بشغلي خليك ف حالك
وسام:اسلووووبك معاااي كلمتك بااحترام تردي عليا بحترام بكلمة مني يسحبو شهادتك من بين يديك
ممرضة طلعت: دكتوورة
دكتورة خشت متعصبه
بعد شوية
سماح:تبرعت وامور تمام
ممرضة:الف مبروك نزاد عليكم وليد
فايزة: ورحمه
ممرضة: خشت
بعد مرور يوم ف العناية فاقت رحمه
ونقلوها وكانت امها ف الحوش واول شخص زاره جود ووسام مع بعض
رحمه ابتسمت:قلبي
وسام:سلمتك ياقلبي
رحمه:سلمك
وسام نزل:هدا جود
رحمه تشوفله: شكله وسام لم كان صغير
وسام ضحك:حسيت صح
رحمه:معنها توحمت ع صور
وسام:من تكحيل
.
.
بعد خروجها بسلامه
طلعت مع ولدها
بعد مرور شهر دارت لمة لـ جود
نساوين وجيرانها ف صاله
جود لساته توتة وكبوس يجننن
رحمه لبسة قفطان سماوي طويل مع سلسال فضة هدية من وسام
طططق طططق
رحمه فتحت
سماح:اهلين
رحمه:اهلا
وبعد لمة فخمه وحلوة تجننن
وروحو كلهم كلهم حتى حنان وفايزة روحو
سماح مزال قعده: مزال قالبة وجهك
رحمه ف حضنها جود وساكته
سماح:نكلم فيك
رحمه ساكته
وسام خش :سلام
رحمه:سلامات
سماح وقف ومضايقه:عن اذنكم
وسام: مزال بوي مجاش خليك اسهري معانا وبعدين نروح بيك اني
سماح شافت رحمه:ياوسام مش مرحب بيا هني
وسام شاف رحمه:ليش
رحمه وقفت وحطت البيبي ف سريره:مافي شي
وسام قام ولده يلعب فيه
بعد مرور شهرين
رحمه بدت ترقد ف غرفة بروحها
وسام:انتي ليك اسبوع ترقدي بروحك ليش اني مضايقك ف شي
رحمه بحزن وداسه شي ف قلبها:لا
وسام طلع
وصل لحوش سماح
بعد هدرزة معاها
سماح:ليش ماجت معاك رحمه وجود
وسام: ماتبيش
سماح حكتله:واكيد انت حسيت انها مضايقه مني
وسام بصدمه
سماح حكتله
وسام طلع بسرعه رجع
رحمه تبكي جمعت ملابسها
وسام :وين الشناطي
الشناطيرحمه:هدا ولدك ليك…قاطعها
وسام شاف رحمه :كذذب صح
:كذذب صحرحمه:شنو!!
وسام بصوت عالي:تكككملي رحمممه تزوجتيني بلغصب من سماح ؟
تزوجتيني بلغصب من سماح ؟رحمه طلعت من الغرفة
وسام:نكلم فيك اهي
رحمه:كنت بنقولك …قاطعها
وسام تعصب:امتى؟؟؟؟؟
رحمه بعدت عليه خطوات:اني نشرحلك
وسام : ااااه ياريت ماعرفت ولا عرفتك تزوجتيني غصب؟؟؟
رحمه دموعها نزلو: اسمعععني
وسام علا صوته:جواب بس اي او لا
رحمه غمضت عيونها سكتت
وسام قعمز مهدود ع الكنبه:صح كلامها يومها لم تحكو ع الزواج ف المطبخ وانتي نقلبتي وركبتي لسيارة تبكي وقلتيلي انك موافقة الموضوع صح كل شي فيلم …وشافلها
رحمه :لا لا
:لا لاوسام:ملابسك وحاجاتك مانبي ولااااشي ليك يقعد هني انك تكوني مغصوبه عليا ومتقوليليش اني فكرتك موافققققة بررررغبتك حبببتيني وحبيتتتتك
رحمه تبكي عطست وزادت عطستها: اوكى لو يرضيك
وسام نصدم ف ردت فعلها مدفعت ع روحها خدت ملابسها وملابس جود خلتهم ووصلها وفعلا نزلت
مدفعت ع روحها خدت ملابسها وملابس جود خلتهم ووصلها وفعلا نزلت وسام يسوق بسرعه:نحبببببها
رحمه خشت للحوش تبكي وتعطس: اكرهني احسن ماندعيك بمرضي
هشام ف الوقت هدا مسافر مع مرته عشان حنان معادش حملت ومشو يعاالجو فها
وسام رجع لحوشه ويسمع ف صوت عياط ولده:
وسام خش قام ومتعصب:اششش خلاص اني معااك
.
رحمه خشت تبكي
فايزة:خيرك وين ولدك
رحمه: فيا كورونا ياامي
فايزة…..
بااختصار
مر يوم عادي
رحمه ملوحه ع السرير تتفرج ع صور جود وووسام : عندي الرئتين يعني بنموت المهم عندي تكون كارهني عشان ماتزعل ع موتي
: عندي الرئتين يعني بنموت المهم عندي تكون كارهني عشان ماتزعل ع موتيومروو ايام
ترررن ترررن وسام اتصل برحمه الف مكالمه ماحد يرد
وسام:مش معقولا خوفها وحبها وغيرتها تكون وهم…ويتصل بس مافي حد يرد لعند ماقام ولده وحطه عند امه وطلع لحوش اهل رحمه
ف السيارة عاود يتصل مافيش رد نهاااائي
ووصل ونزل خش طق طق
فادية لبسة وشاحها:من حظرتك
وسام:رحمه وين
فادية:انت زوجها
وسام:اي زوجها ممكن تندي…قاطعاته بوقاحه
فادية:طيب فيك سالت علها مرتك ملوحه ف المستشفى تتنفس بلاكسجين عند…قاطعها طلع وسيبها
وسام ركب السيارة وولع ومشي وقف ف نص الطريق اتصل بـ فايزة
فايزة بصوت واطي:اهلين ولدي
وسام:عمتي وين انتم؟؟ف اي مستشفى قصدي
فايزة:ف ال،،،،،
وسام صكر الخط وزااااد السرعه وصل نزل ونار فيه
سال ع رحمه دلوه ركب وصل عند الغرفة
وسام:سلام عليكم خيرها
فايزة:كورونا ودهشت ومعاد تاكل ف شي
وسام:غرفة خاصه؟؟
فايزة:اي بروحها داخل ممنوع الدخول بدون كمامه
وسام دف الباب وخش وشاف كسرت قلبه
وسام قربلها شد ايدها:هدا شنو ليش ماحكيتي
رحمه تبكي بهستيريا :اطلع
:اطلعوسام: اسكتي خلاص اني معاك
الدكتورة خشت بلبس الوقاية:لااااا اطلللع
وسام تلفت متعصب: ضممم علياااا فمككك واطلللعي
الدكتورة طلعت تنادي الامن لانها خافت بشكل رهيب
رحمه تبكي:متلمسنيش نقتلك وسااام
وسام: اقتليني مستعد نموت معاك ولا نشوفك تموتي قدامي
وسام يتلامس ف وجها:عشاني قاومي كولي كوني قوية عشاني عشان ولدنا
رحمه تبكي بصوت واطي:سامحني بس نحبك اني تزوجتك حب مش غصب…ومدت ايدها بقلت حيل ولمست لحيته
وسام تنهد عيونه تعبو دموع: كلللل شي كسرني لكن انتي لا بللهى عليك نترجاء فيك
رحمه زاد بكاها:بعددد خليك مع جود
وسام:واني من بيقعد معاي
رحمه تبكي حولت الاكسجين:امشي وسام اني خطيره عليك اطلع
وسام:مش طالع
رحمه ادف فيه:بعععد
وسام يبوس ف ايدها بخوف دمعته نزلت 
الامن خشو شدو وسام
وسام:بععععد بنطلع بروحي بعد..وطلع
نزل للمسؤل:سلام عليكم
وعليكم السلام تفضل من حظرتك
وسام:اني دكتور وبشهادتي عندي مريضه هني لحالة كورونا والمريضه هادي مستحيل تاكل بدون مانكون معاها اني دكتور ورح نكون مسؤال ع نفسي
….:بس لو صار شي ممكن يسحبو منك شهادتك
وسام:مايهمنيش اني رح نجيبلك الشهادة وباقي الوراق وانت تصرف
…..:بما ان الحالة طارئه تمام 
وسام طلع وجاب وراقه ونظم اموره لبس كمامته وخشلها وف ايده وجبه من المستشفى
وسام شافها راقده وعيونها منفوخات
وسام:ربي يشفيك ويطولي بعمرك ياعمري وطلع
وطلعويتصلو العيلة ويطمنو ع رحمه وهكي
رحمه كملت اسبوع ف الحظر وتاكل من ايد وسام وبس
وسام لبس كمامته: هياا
رحمه:وسام نبي جود
وسام:جود معنداش مناعه منقدرش نخاطر انت حالتك تحسنت عن قبل
خدي ديتول عملها ايدها كويس
وسام: استااااحشتتك استاحشتك نقانك استاحشت غبائك
رحمه ضحكت
وسام لم شاف ضحكتها تحسن ابتسم:ربي يخليك ليا
رحمه:ومايحرمني منك
وسام:جود يبي حليب وحفظات بنمشي ناخدله وراجع…وطلع
ذبعد مرور اربعه ساعات
يعني الساعه 5 عشيه
وسام رجع للمشفى وكانت غرفة رحمه فاضيه:وينها
ممرضة لبسة كمامتها ونزلت لتحليل
وسام نزل وشافها مقعمزه بروحها قعمز جنبها وعقم ايديه
رحمه:الغطس خف هلبا حالتي تحسنت حبيت ندير تحليل
وسام:اي نشالله سليمه
رحمه طلعت وسام لحقها
وسام: وين
رحمه:خايفههه
وسام: اني معاك تخافي؟
رحمه :نبي ولدددي!!!!
وسام:رح يكبر بين ايديك
رحمه تنهدت
الاستعلان:رحمه رجب…..
وسام قرب خدها شاف الورقه 
رحمه ابتسمت …شنووو احكيي
وسام مزق الورقه وشكله تغير
رحمه: تبصصر…عيونها تعبو دموع
وسام شدها وطلع بها خدي ورقه وقلم معاه
رحم:شنو ف الورقه
وسام يكتب ف الورقه لـ في ايده:مكتوب هكي…ولف الورقه كاتب(فشلت الكورونا ف ابعدك عني وحبنا انتصر.. ورسم قلب)
رحمه ابتسمت ايدها ع فمها بفرح: يااارببببي
وعاشت رحمه مع وسام وجود
وطبعاا
عدي ومرام وبيبي في الطريق
وعن صفوان
صفوان هدا حاسبه ربي في يوم سكران وبدون مايحس ع روحه شن يدير بزع البنزينه ع الارض وحرق مستودع فاضي وفاجاة التفت شاف صاحب المستودع ثاحب المستودع شد صفوان دخله وصكر باب المستودع عليه
وسام وعدي سمعو بلخبر صح فرحو بس ترحمو عليه
سماح ورحمه صالحهم وسام مع بعض ورجعت علاقتهم زي قبل واحسن
وحنان وهشام رجعو من السفر وجابت تؤام ولاد يوسف وياسين
اي ونسيت شي
ع الكورونا هي مرض وبائي صح 
بس لم تعرفي شخص فيه الكورونا اعرفي انه يشوف ف الموت بعيونه وكمية الخوف ف قلبه مش عشان خايف من الموت لا بس خايف يفقد احبابه
هادي قصتنا عن عديم الضمير
وسام من شخص عديم ضمير الى اطيب اانسان اعطو فرصة لغيركم ومتظلمو حد صح لداره وسام غلط بس الغلط مايتصلحش بغلط
لانه ضميره صححي وحس بغلطته
واني ميشـوو محمـد 
نقوللكم (اهم شي ف الحب التقة لانه التقة اختاري وشوفي صح واعطي تقتك لمن يستحقها)
نقوللكم (اهم شي ف الحب التقة لانه التقة اختاري وشوفي صح واعطي تقتك لمن يستحقها)لقراءة الجزء السابق : الجزء الحادي عشر من رواية عديم الضمير
للإطلاع علي فهرس اجزاء الرواية : رواية عديم الضمير ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
