وفي الجزء الثاني عشر من رواية عشقها لعنة للكاتبة ميشو محمد يا تري هل سيحدث شيء حزين مع ابطالنا ؟ ام ستسير الأمور نحو المواقف الجميلة السعيدة ؟ دعونا نعرف إجابة هذا التساؤل في السطور التالية بإذن الله .
الجزء الثاني عشر من رواية عشقها لعنة
امجد وصل للمركز بينزل من السيارة هاتفه رن
تررررن ترررن
امجد صوته متغير: ايوواه ياقلبي
بلقيس: امجد خيرك فونك مقفل
امجد: مافي شي تم شحني تو شحنت ف السيارة
بلقيس: اهاا نشغلت قلت خيره
امجد: يخليك ليا ياقلبي اسمعي اني توا مش فاضي نكمل ونكلمك عطول تمام
بلقيس: اوكي
امجد: تمام سلام تو نكلمك
بلقيس: باي
وصكرو
امجد نزل وخش: سلام عليكم
الشرطي: وعليكم السلام
امجد تفاهم معاه
الشرطي:توا منقدرش نخليك تشوفه يحقق معاه بعدين تشوفه
امجد علا صوته:تحقيق شنو الولد قعدد حيي مصارله شي
الشرطي بصوت عالي:حني فكينا الفاشه وشفنا وجها هدا داعشي كيف يدير هكي ف وجها بني ادم
امجد: تمام اني محامي وبما انه القصه كبرت اني بنستلم القضيه
الشرطي:متقدرش تستسلم شي خود الموافقه منه قبل
امجد ضرب الطاولة:لمحبوس خوي موافقة شنو لبناخدها….وطلع
امجد كان هيبه لدرجة انه الشرطي ميقدرش يعلي صوته عليه او حتى يرد عليه يكلم فيه بهدؤ وخلاص
امجد طلع ومشي للمستشفى وخش
امجد شاف غرفة علي فاضيه صكر الباب
علي بصوت واطي ووموجوع وراقد:اطلع
امجد قرب:مش قبل منطلع روحك ياخامر
علي بينادي ع الممرضة امجد فتحله فمها وحشاله كمشه كينكس
امجد يضغط بصبعه ع وجه علي بقوة وعلي يغمض ف عيونه بوجع ويبي ينوض لكن امجد مستحكمه ومش قادر يتحرك
امجد طلع الكينكس:تكلم شن بينك وبين عزو
علي عيونه دمعو من الوجع:مرته
امجد:خيره ادوي خيرها مرته
علي: اني كلمت مرته في يوم عرسها وهي حرشت عزو
امجد:يعني لداره فيك عزو شوية تعرف لو الشي هدا صار معاي اني وانت مكلم مرتي نبضك معاد لا يرقا لا ينزل…وطلع
امجد ركب سيارته واتصل:ايوواه كبيدتي
بلقيس:عيونها
امجد يسوق :وينك مغطسه
بلقيس:قعده
امجد: طلعت نتيجتكم؟!
بلقيس.لالا قال بابا بالك ف اليومين هادم تطلع خايفه
امجد:ناجحه نشالله، بوك كلمته وقال لعند متكملي قرايتك يعطيك
بلقيس: اخر سنه هانت
امجد:شطورتي اكيد ناجحه
بلقيس:نشالله ياقلبي
امجد: انجحي ويوصلك احلا بوكس نجاح 
بلقيس: وكان راسبه
امجد: لالا متاكد ناجحه انتي كل امتحان نكلمك تقولي مجاوبه وتكوني فرحانه اكيد مجاوبه
بلقيس:
ــــــــــــــــــــــــــ
سميه من الجنان:دارين يادارين
دارين لبسة وشاحها ونزلت:نعم
سميه: وين حمزة عائشة مريضة من امس خلي يرفعها يعاينها
دارين ركبت:حمزة حبيبي قتلك امك عائشة مريضه
حمزة:وخيرك خايفه
دارين:حمزة البنت مريضه امشي عاينها
حمزة: باهي البسي
دارين:علاش
حمزة:تمشي معاي مالا شن بنرفع معاي بنت غريبه بروحي
دارين: قوللها تقعمز من الخلف اني بنقعد مع امك …ونزلت
دارين خشت:عائشة خيرك لاباس
عائشة من وجها باين مافيهااا شي:دايخه شوية
دارين عدلت حاجبها
سميه خشت:نوضي اهو نزل دارين بري معاهم البسي عبايتك
دارين:حاظر، عائشة اطلعي تو نلحقك…وركبت خدت عبايتها
وركبو
دارين فهمت انها مافيها شي
عائشة من الخلف ومتعصبه :مليهاش ضروري المستشفى رجعنا ياحمزة
دارين:مش بكري قلتي دايخه عادي عايني
عائشة تعصبت ونغلللت
دارين في داخلها: انتي الباين مش متربية عادي نكسب فيك اجر ونربيك اني شن وراي نحصل فيك اجر ونربيك
ووصلو
حمزة:انزلي معاها دارين
دارين وعائشة نزلو
وخشت دارت تحليل وقالولهم تخش غضوا تاخده
ـــــــــــــــــــــ
عند عزو بعد ماحققو معاه اعتربف انه تهجم ع علي وفعلا هو لمخربله وجها وسؤلوه ع السبب قاللهم سبب شخصي ويخصه ومباش يقول شي ع السبب لانه يعرف لو تكلم ع مريم للقصة بتنفضح وبيدو يهدرزو بيهم شرق وغرب
عزو يكلم ف اخ علي:خوك غلط معاي ولو نعرف انه تكلم ع عرضي كلمه بس نطلعله ونكمل عليه واهو تهديد قدامك يافارس
فارس اخ علي الكبير:انت احكيلي بس شن سبب مش صحااب وز الخوت
عزو بعد عن الحديد: اني قتلك لو خوك يتكلم ع المشكله حرف اني عندي اساليبي ونطلع ونكمل الباقي
فارس: باه ياعزو اني حاسس انه الفرخ علي الغالط ونعرفك اني ادووي نتفاهم مع بوي ويتنازلو
عزو: الكلمه الوحيد لبنقولها انه خوك وصل في شي يخصني ولو خوووي امجد داير الشي لداره علي راني كومته ف مكانه
فارس:القصة كبيرة
عزو:منور يافارس ع وقفتك معاي لكن اعرف انك لو توقف من هني لغضوا مش رح تسمع مني السبب لا انت ولا المحقيقين
امجد خش: طلع يافارس شوية
عزو شاف امجد:خيرك
امجد شاف فارس:اطلع بتريس بنتكلم معاه شوية
فارس طلع
امجد لحقه وتاكد انه فعلا طلع
امجد: اني معاك وشديناه مع بعض…قاطعه
عزو صكرله فمه:ضمم فمك رد بالك تتكلم
امجد:اني محامي ومش عدل تنحبس انت بروحك اني مشترك معاك
عزو تعصب ضرب الحديد :
ضمه فمك لنطلعلك اسككت انت خليك مع جدك تبي يقولو عليا عيلة محبسه انت توا الكبير تقعد مع جدك
ضمه فمك لنطلعلك اسككت انت خليك مع جدك تبي يقولو عليا عيلة محبسه انت توا الكبير تقعد مع جدكامجد:اني امنتي ع جدي باهي ومرتك مني بيقعد معاها مرتك من امس تبكي وسالتها ع السبب ورفضت تقولي
عزو : مرتي متطلعش برا حوش بوي تقوللها تقعد ف حوش بوي
امجد: علاش خيره حوش اهلها
عزو: حني خوت ولا ولاد عم؟!
امجد: ولاد عم وخوت
عزو: مريم تفهمها تقعد ف حوش بوي ولو تبي اهلها انت وصلها لكن تروح ف نفس اليوم (عزو كان ميبهاش تمشي تبات عند اهلها خايف يتعرضلها عمر)
امجد:تمام
بعد سكوت
امجد:اني كنت عند علي وحكالي السبب
عزو :شن حكي
امجد: انه يتصل بمرتك من قبل العرس بربعه ايام لكن هي تصكر وف ليلة الحنه ردت عليه…قاطعه
عزو:ادوه هادي لو تطلع بنقتله تسمع فيا نقتتتله
امجد:بيجيبولك وراق توقع لاني اني بنستلم القضيه
عزو: فوته لانه اني برسمي بننحبس غير بتخسر قضيتك راه فوتها نشوف غيرك
امجد:مش امجد ليخسر انت وقع بس
عزو: بيسالووك ع السبب شن بتقول خلاص مانبيش ندير محامي
امجد تعصب: ماتبيش محامي وكيف بتطللع
عزو:مالك ومااالي
امجد:عمتي وفاء اممك تبكي ومرتك تبكي مرقدوش لليل
عزو خش لزنزانه وقعمز شد راسه:ووووووااااك
امجد:نادم عزو
عزو: مش نادم ع شي بلعكس لكن مش عارف وووواااك
امجد:حمزة حقق معاك؟!
عزو:لالا مش هني حمزة فوته ماتقوله شي ماتخليشي يدخل مانبيش واسطات
امجد تعصب ضرب الحديد: حني دمنا محروق وانت ماتبي حد يطلعك
عزو قام راسه بعصبيه: تشوف فيا متكيف هني و لا نللللعب
امجد:وقع ع الوراق وريحني
عزو:لا
امجد:اقعد مالا…وطلع متعصب
بعد العصر
دارين صكرت الخط
حمزة:خيرك
دارين:عزو محبوس
حمزة:امتى صار وكيف وعلاش
دارين تبكي:مانعرفش كلمتني مريم قتلي العيلة خشت بعضها من امس مش راقدين وهو محبوس وميبي حد يدخل ولا يبي حد يطلعه
حمزة وقف:اني ماشيله بتمشي
دارين: نبي جدي
حمزة:البسي وانزلي بسرعه
دارين لبسة ومشو حطها عند جدها وهو كمل للمركز لفيه عزو
حمزة وصل للمركز خدي بطاقته ونزل
حمزة السلام عليكم
تلاته ظباط كانو ف برا:وعليكم سلام
حمزة طلع بطاقته:اني المحقق حمزة فاضل
ظبط عرفه:انت ف مركز ال،،،،
حمزة:اي اني لو سمحت نبي النشوف مسجون عندكم
ظبط تاني:من يكون
حمزة:معتز هشام عبدالواتق
ودخلوه التلاته
قدام الزنزانه
ظبط:انت جاي تحقق معاه ولا قريبك
حمزة:التنين بنحقق معاه و قريبي
ونزلو
عزو قام راسه
حمزة: افتحلي
فتحوله وخشو التلاته الظباط وحمزة
حمزة قعمز:شن اخبارك
عزو:ماشيه كيف ماتشوف
حمزة:معتز اني جاي نحقق مش نهدرز
عزو:تمام شوف شغلك
حمزةحقق معاه وساله كلل شي وظباط التلاته فوق راسه تقول جايهم وزير مش محقق
حمزة:شن السبب التهجم
عزو تنهد:سبب شخصي
الضبط: رافض يتكلم
عزو تنهد: اي مش متكلم
حمزة تعصب ضرب الطاولة:مش لعب تتكلم وتقوله السبب قدامك ظباط يساعدوك ويخفافو عليك الحكم
عزو ربع ايده واتكه ع الكرسي
حمزة:من شن خايف انت
عزو:عدل كلامك مش خايف من حد واهوو قدامك وقدام لمعاك لو علي يتكلم بخصوص السبب نقتله
حمزة: غلط لتقول فيه انت تهددد فيه قدامنا تخيل واحد من الظباط هادم ميبكش تطلع يمشي يقتله وبعدين تجي راسك انت
عزو: تسلم ايديه وعادي تجي ع راسي
حمزة ناض تنهد وشاف الظباط:ممكن تخلونا بروحنا نبي نديرله اتصال
واحد منهم:ممنوع الاتصال
حمزة: مش بكيفك مافيش حاجه تمنع المسجون يتكلم مع عيلته وممكن من الكلام معاهم نوصلو لحل
نفسه: خمسه دقايق…وطلعوو
حمزة اتصل بدارين:ايوواه دارين
دارين:نعم
حمزة:اني عند عزو عطيني مرته
دارين:تمام
حمزة عطي الهاتف لـ عزو:اني برا دقايق ونجي
عزو:منور ياحمزة
حمزة طلع
مريم:الوو
عزو:ياعمري
مريم بفرح:معتز
عزو: عيونه
مريم:اطلع معتز
عزو:القصة كبيرت المهم بنقولك ماتطلعيش من حوش بوي يعني متشيش لـ اهلك
مريم:حاظر امتى بتطلع
عزو:لالا وين نطلع القصة كبرت
مريم طلعت من جنب دارين وتبكي:هدا كله بسببي
عزو تنهد: وهو دفع تمن دموعك ليلتها ودفع تمن زعلك لو طلبو منك تتكلمي ماتقولي شي ولا حرف قولي مانعرفش
مريم تبكي
عزو:ماتبكيش (تنهد) اني نتقوى بيك مريم
مريم تبكي:هدا لصار كله بسببي معتز كيف منبكيش اني بنهبل اني لعنـه
عزو:واحلا لعنـه
مريم مسحت دموع وهما ينزلو بروحهم: ارجعلي باهي
عزو:استني راجع عطيني امي عيب
مريم:اني برا استنى نخش
عزو:انتي بروحك باهي قوليلي كلمه حلوة…قطعاته
مريم:نحبككك نحببككك
عزو: واني اكثر يانبضي
مريم عطت الهاتف لـ مرت بوه وفاء
وفاء تبكي:عزو ولدي
عزو:زمرر ياام ماتبكيش حرام عليك مش ميت اني راجع
وفاء تبكي:ارجع توا
عزو: كيف حالك ياام مريم امنه عندك
وفاء طبطبت ع ظهر مريم: معاد تقول هكي اهي مسكين اليل ومرقداته وهي تبكي
عزو:معاد تبكو وتمرضو ارواحكم عشاني وولد الحرام طالعله وكان يقعد ف عمري يوم واحد لما ننهيه
وفاء:كان عندي معزه عندك ياعزو معاد اتعبني حرام عليك اني معندي غيرك كان عندي ولد من دمي ولحم مانحبه كيفك
عزو: حاظر ياغالية عيوني ليك قوليلي جدي راقيلهولا شنو
وفاء: مهناش هو برا مشغول قال شن بينهم
عزو: تمام ياام بنصكر بنكلمه ردي بالك ع روحك
وفاء عطت الهاتف لـ دارين وصكرو الخط
دارين: خيرني اني مكلمنيش ع اساس اخته ويفضفضلي توا معادش يحبني ز قبل
مريم:بلعكس يحبك
دارين مسحت دموعها:اي باين هلبا
عبدالواتق برا
تررررن ترررن
عبدالواتق:الوو ياحمزة
عزو:عزو ياجدي
عبدالواتق بعد كيف حالك ووووووو
عبد الواتق:شن بينك وبين علي علاش هكي ادير اني منحسابك متوحش هكي ياعزو
عزو: وصل ف مرتي ياجدي وصل ف مرتي كيف نسكتله
عبدالواتق: لعنه الله عليه ولد الحرام والله منحسابه هكي
عزو:اتصلت بيك عشان تعرف انه اني مش غالط انت الوحيد ليهمني انك تعرف ياجدي
عبدالواتق:ربي يفك اسرك والكلب هدا حسبه معاي
عزو:لا ياجدي تربح مانبي حد يعرف القصه بيني وبينك حتى الشرطه ميعرفوش مايعرررف حد حتي حمزة ميعرفش السبب توا بنصكر الهاتف مش ليا
عبدالواتق:باه ف امان الله وحفظه..وصكر الخط
حمزة خش:شني كلمتهم
عزو:اي صحيت
حمزة: ماتبي شي
عزو:لالا منور
حمزة:تحقيق لصار معاك قبل شوية مدورش لانه هادم يراقبو ف كلامك
عزو:تي عارف
حمزة: لكن لو السبب تافه قوله ممكن المحكمه تجي معاك
عزو:كان يقتلوني سبب لو نقوله بتصير فضيحه ياحمزة ودوه راقيه نازله ننحبس عشرة سنين ارجل
حمزة:مرة بعد مرة نشوفك ف امان الله
عزو: تمام مشكور
حمزة طلع ومشي لحوش عبدالواتق
حمزة:شفته كويس ومتعصب قعد مغلول من علي
عبدالواتق:هو هكي متهور
حمزة: امجد بلله كان مافي حد داخل ناديلي دارين
امجد قرب للباب طقطق وندها من الباب:داررين اطلعي يبك راجلك
دارين لبسة وشاحها وطلعت:وينه
حمزة قربلهم وامجد رجع لجده
حمزة: خيره عيونك باكيه
دارين:خوي هدا كيف مانبكيش
حمزة: بتروحي ولا تقعدي ولا نجيك ف اليل
دارين: لالا خليني اليوم جداي مكنطيه وابصر كيف
حمزة:تمام غضوا نجيك
دارين:تمام باي
حمزة طلع
تتبع ……..
لقراءة الجزء التالي : الجزء الثالث عشر من رواية عشقها لعنة
لقراءة الجزء السابق : الجزء الحادي عشر من رواية عشقها لعنة
للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد
جميع الحقوق محفوظة للكاتبة ميشو محمد .
