وفي الجزء الثاني عشر من رواية قلب صخر يا تري هل سنري تطور جميل للأحداث ام سيحدث حالة من الملل في المواقف مع ابطالنا ؟ دعونا نعرف إجابة هذا السؤال في السطور التالية بإذن الله مع الكاتبة زهرة الشيخ .
الجزء الثاني عشر من رواية قلب صخر
الباب: طق طق طق
ياقوت: خشي يام
خشت كريمه وصكرت الباب … بسم الله خيرهم عيونك
ياقوت: شي يوجعو فيا شوي
كريمهر امممم به جهزي روحك تو بتجبك الحنايه بتحنيك
ياقوت: به
كريمه: البدله الكبيره وصلت
ياقوت: من غير ايا اهتمام به
كريمه: وغدوا الصبح جارتنا تيسير بترفعك لي احسن كوفير
ياقوت: به
كريمه: ياقوت خيرك مش على بعضك
ياقوت: تعبانه شوي
كريمه: يوم واحد وتعبتي امالا كان اسبوع ولا ثلث ايام شن ديري
ياقوت: ابتسمت من غير نيه
____♡___زهره الشيخ___♡_____
الصبح
فاقت ياقوت بدري دوشت ولبست عبايتها ووجهزت روحها بتمشي مع بنت جيرانهم للمزين
رحمه لبست احلى لبس وهديكا القصه والمكياج والذهب
ومشت لغرفة ميسم
ومشت لغرفة ميسمالباب طق طق طق
ميسم راقده ف سابع نومه
ر٠حمه فتحت اللاب وخشت 
تييييي نووضي نووضي الضيوف بدو يجو وانتي راقده زي لخميييره
تييييي نووضي نووضي الضيوف بدو يجو وانتي راقده زي لخميييرهميسم: حاطه المخده على راسها خليني يام منبييش نحضره نا العرس
رحمه: نوضي سلم بنتي بدلي ونزلي شن بيقولو علينا الناس
ميسم: به هي جايه
ونزلت وبدت ترحب ب الضيوف
____♡___زهره الشيخ___♡_____
ع السفره
زياد: هيا ماجد بسرعه ورانا اجتماع
ماجد: ياكل هيا حتى فارس قتط٠ال بيجيني
زياد: كان ياكل بعد سمع اسم فارس وقف ماكله وزبط تقعميزته هدا بدات معاش نبي نشوف وجهه ف شركتي
ماجد:علاش شن علاقتك بيه
زياد: هكي مانبيش نشوفه البني ادم هدا في شركتي واضحه وناض طلع
محمود
ناصره:خيره شن في
ماجد:فاتك الجو امس
فاتك الجو امسحلا: متحشمه ناضت بتمشي لغرفتها نادى عليها عمها
محمود: تعالي جاي بنتي نبيك ف موضوع
حلا: ح حاضر وقعدت جنبه
ناصره: نوضي اريج غسلي لماعين ووانت ياماجد برا خوك يستنا فيك
ماجد: تمام هي….وطلع
محمود : عارف انه اختك ماليها هلبا متوفيه بس من حقك تعرفي ه الموضوع
حلا: منزله راسها ومتحشمه وتستعبط ع اساس ماتعرف شي ع الموضوع …. شن هوا الموضوع ياعمي
محمود: امس جي صاحب ماجد وطلبك منا قال يبيك انتي شن رايك
حلا: ادكرت كلام زياد ااه لالا انا مانبي نتزوج توا لانه…
محمود: تمام بنتي براحتك
ياقوت ف المزين بعد نص ساعه كملت من المكياج
نسيبه بنت جارتهم : خييييتيي محلاااك تهبببلي
ياقوت: فرحت بكلامه وناضت تشبح روحها ف لمرايه بجد بجد تغيرت هلباا مع السبغه وتسريحة الشعر والتاتو والحنه طالعه فضيعه
كريمه بدت تعشي ف الضيوف وكلهم كانو يستنو ف ياقوت
وصلت ياقوت ورحبو بيها. طبعا العرس كان بسييط هلبا عندهم عكس عيلة صخر صح يوم واحد بس كان العرس عندهم كبير هلبا
قبل اذان العشا بشوي وصل موكب صخر وكان اكبر موكب يشوفوه تصطريب ومفاخر
تيسير : وووه عليا نا شن بندير صخر وخداته مني بنت ….. الشحاته
ميسم: تربحك ماتزيدلي صكري
منى: بجد صدمه كبيره
تيسير: انا بنت عمه لمن مخليني يعني لولد الجيران والبراني امالا
ميسم:
منى: بري اسأليه
ميسم: كان ماشلفطها كفف
تيسير: ووواك عليا شن ندير ناا
منى: صكريي ياهم وانتي تقول مرا وتزوج عليها راجلها
تيسير: وقفت ع اساس دور ف عركه وتدلع اسمعيي شكلك حاسدتني عليه صخرر اهو اطمنن تزوج
منى: اي تزوج بنت تانيه ماتزوجك انتي هه
تيسير: تكنطت ومشت من حداهن
منى: بللهي كيف متحملتها هيا بنت عمك
ميسم:طايرتلها…. مانعرفش نفكر ف الخرا الجديده
نفكر ف الخرا الجديدهرحمه سمعتها…..شوي ويوصل خوك لسانك تشديه لو سمعك نهارك اسووود اسوووود فاهمه
____♡___زهره الشيخ___♡_____
ياقوت تبوس ف امها وتبكي
كريمه: حابسه دموعها بسيف….. الحمدلله توا كيف ارتحت بعد ماطمنت ع وحيدتي
ياقوت:
كريمه: خلاص عاد اسكتي مازلتي قريبه مني ومسحتلها دموعها ماتخربي المكياج وهي بسرعه صخر واقف برا
ياقوت:
فيصل: نزل من السياره وفتح الباب لي صخر ونزل
صخر: خيرهم هادو
فيصل: رافع حاجبه شن في
صخر: قوللهم يطلعو البنت شن هدا
فيصل: صبرت قريب سنه اصبر كم دقيقه وبلاش عار
صخر:
شوي وطلعت ياقوت مع مجموعة ابنات
صخر:يشوفلها بيموووت يبي ينحلها الكاب …. مسك ف ايدها ودخلها ف السياره وصكر الباب
ياقوت: قلبها قريب يطييييح و من الخوف
ركب صخر وبدا يسوق ع مهله وصحابه مدايرين العار تشليش وتصطريب لين وصلو للقصر
صخر: مسك بأيد ياقوت واخيرا وصلنا
ياقوت: خايفه وترعش
صخر: ماتخافي يامرااااتي
ياقوت:
مؤيد عااجزز وقاعد ع الكرسي يشوفلهم من فوق
نزل صخر وفتح الباب لي ياقوت وخشو للقصر
طبعا رحمه قامت باالواجب ورحبت بها هيا وصخر ويكشكن ومدايرات جوو
تيسير تشوف لي صخرر بدمععع
صخر: بصوت كله رجوله ..خلاص يام راسي بيتفجرر من لزغريط
رحمه: ب باهي هي خشوو
صخرخش متمسك بياقوت لين وصلو لحوشهم كان ف الدور التاني
فتح الباب وخشو
ياقوت: بتموووت خلاص
صخر: فتحلها الكاب وانبهرر بجمالها
ياقوت: متحشمه ومنزله راسها
صخر: قرب منها وباسها على راسها بقوه
ياقوت: ب بعد عني صخر راسي
صخر: يهمسلها ف ودنها…مش قلتي معاش طيقتني ومعاش تبيني وماتحبيني
ياقوت: بخووف وبتبكي ايه هدت قبل
صخر: وتوا يعني تحبيني
ياقوت: لا
صخر: تكنطى مسك ف ايدها ومشى بها للغرفه
ياقوت: صخر نبي الحمام
صخر: مش وقته توا
ياقوت: بللهي عليكك صخرر
صخر: تمام سيب ايدها اهو وراك
مشت ياقوت ورفعت معاها صاكوها وخشت للحمام ونحت البدله ولبست بدلة النوم وتشوف لوجها ف لمرايه وتبكي
صخر طلع البدله ولبس كنتيره مع شرت وفتح الدرج طلع الشيشه امتاعته وبدا ف الشرب.
بعد ربع ساعه من الانتظار صخر طارتلها وبدا يخبط ف الباب بقوه
ياقوت: لحظه
صخر: افتتتتحيي امه قتلك
ياقوت: ياربي ياربي شن بندير
صخرر افتحي قبل لا نكسره توا
ياقوت: فتحت الباب وطلعت بسرعه وقفه عند الزينه وتفك ف تسريحة شعرها
صخر: بدا يقرب منها
ياقوت: دفاته شن ه الريحه صخر قصدها ع السكير
صخر: هدا مشروب
ياقوت: حاسه روحي بنرجع بعدد
صخر مسكها من ايدها هه استننيي ويننن وقربها منه
ياقوت: صخر
صخر: يلعب بشعرها زودتهاااا
ياقوت: صخر وربي مرييضه خليني صخر
صخر: ماسمعلها ولا حاول انه يسمعلها و…………
مش ضروري نحكو ف ه الموضيع
.
.
.
.
____♡___زهره الشيخ___♡_____
روح زياد من المكتب خش لغرفته بدل وقعد ع السرير شوي سرحان ويفكرر
زياد: ف داخله انا شن صايرلي ليش منعتها من انه توافق شن علاقتي
وقاطعه صوت الباب
زياد :تفضل
اريج: هيا العشاء واتي
زياد: تمام هي جايك
ع السفره
محمود: زي ماقتلك ماتنسي….
ناصره: تمام
نزل زياد وكلهم اتلمو يتعشو
ناصره:اليوم البيان امتاع احمد ولد جارنا
ماجد: والله امتى صار ماقاليش
زياد: نا قالي نسيت نخبرك
ناصره: حتى نا خاطري نفرح زيي امه امتى نفرح بييك زياد
زياد: ياكل كحح كح شن هوا
حلا:٠
ناصر: اي قصدي نبي نفرح بيكم قبل لا نموت
ماجد: طولت عمرك
زياد: طولت عمرك يام بسس بدري
ناصره: بدري ف شني شوي وتخش ف الثلاثينات مش بكيفك انا نبي نفرح بيك لو عاجبتك بنت قولي نخطبهالك ولو تبي نا نختارلك
اريج: لالا خويا ونا بنختارله
ناصره: اهفتيي ولدي نا لي جايبته ع 9شهووور انا لي بنختارله
زياد: يشبح ف حلا مره مره
ماجد: خلو الولد يختار بروحه
زياد: عادي خلي امي تختارلي
محمود:
ناصر: انا في بنتين عاجبتني
اريج من هنا بسس
ناصره: بنت خالك صابرين
ماجد: تي لااااااا
انت انتهيييت
انت انتهيييتاريج: لااا
زياد: الي بعده
ماجد: اختار بروحك ارجل
ناصر: تمام التانيه هي بنت عمك حلا الحق عاجبتني
حلا:خيرني
خيرنيماجد: قويه حتى هدي لالا سلامتك غير زياد بياخد معاك سلفي
اريج : واحلا سلفي
واحلا سلفيناصره: بتموت بضحك اسكت انت وياه شن رايك زياد
زياد: معاش عرف شن بيقول عادي اي قصدي زي ماتبي
محمود: 
حلا: تحشمت معاش قدرت تبلع ولا تحكي
ماجد: الزوز ساكتين والسكوت يدل على الرضى ورفعت الجلسه
زياد: ناض ع السفره وقلبه يدق يابايخخ
ماجد: غير تعالا وينن ماشي
اريج ميته من الضحك وترفع ف حواجبها لي حلا
حلا: تضحك بطلييي وناضت مشت لغرفتها
محمود: وزي ماقتلكم توا باقي دورك انتي بسس يا اريج
اريج: تم بابا
ماجد: يشهد الله الا عيله خبيثه وووه منكم
كلهم
حلا: اكيد يبصرو هه
زياد: ف غرفته … زعما حبيتها ؟ به هيا بتوفق اكيد لاا؟ !
____♡___زهره الشيخ___♡_____
صخر داايخ ومايندري عن شيي
ياقوت وقفت بسيف كيف تمشي مشت للحمام تدوش وهيي منهاااره من الشي يلي صارر ..
اول ماكملت بدلت مشت للمربوعه وصكرت على روحها الباب باالمفتاح وقعدت تبكي لين خداها النوم
الصبح
صخر فاق واول مافتح اعيونه شاف لكمية الشي.. وهو مستغرب ومش مذكر شيي وناض بسرعه يدور على ياقوت ف الحمام مالقها طلع يدو لين وصل للمربوعه لقها مصكره بدا يخبط ع الباب وينادي بأسمها
صخر: ياقوت
ياقوت: بصوت عالي ماتكلمنيييش خليييني ف حاليي صخر
صخر:اول ماسمع صوتها اطمن اطلعي فكينا من الجو لي ديري فيه
ياقوت: تبكي وبصوت خانقته العبره فوووتني صخرر
صخر: نص ساعه ونجيك ورجع للغرفه ويحاول انه يذكر ومش مستوعب لي يشوف فيه خش للحمام غسل وطلع اتصل بامه
رحمه: صباح الخير
صخر: صبح النور… يام ابعتيلي عامله فوق
رحمه: تمام وقول لمراتك توتي روحها جايه انا والمزين
صخر: صبح يافتاح به
رحمه:
ميسم: شن يبيي
رحمه: يبي عامله
ميسم: شني مش ساداته العامله لي عنده
رحمه: اسكتييي تربع ونوضي ارفعي الفطور لي خوك مؤيد من امس ماشفتش وجهه
ميسم: به
____♡___زهره الشيخ___♡_____
صخر رجع يخبط ع الباب اطلعيي قاتلك امي شوي وتكون عندك ره
ياقوت: فتحت الباب
صخر: يشوفلها من فوق للوطه وكيف كلها على بعضها حمره
ياقوت: بعد
صخر: لحظه انا امس ماكنتش بوعيي
ياقوت: صخر خليني نمشي
صخر: بعد من على الباب ..تمام ياقوت براحتك
الباب طق طق طق
ياقوت خشت لغرفتها ماعدلت عليه وبدت الضم
صخر: فتح الباب
العامله :السلام اعليكم
صخر: وعليكم السلام خشي
خشت
صخر: اول شي خشي نضمي الدار بعدها ديريلي شن ناكل
العامله تمام
صخر: خش للغرفه يشوف لياقوت …خلي لي فيدك ونادى ع العامله خشي
ياقوت: من هدي
صخر: هدي الخادمه امتاعتك انتي ماتحركي ولا اي شيي فاهمه
ياقوت: انا حره لو بنشتغل او لا
صخر: اففف …بصوت عالي ياقوت
نضفت ياقوت مع كلثوم الدار بعدها بدن يحضرن ف الفطور
البا طق طق طق
صخر افففف وناض فتح
رحمه: اهلين
صخر: اهلين امي
رحمه: وين مراتك
صخر: داخل خشي
رحمه خشت ومعاكها المزينه
رحمه: شن دير كنتنا ف المطبخ
صخر: شدي هي
ياقوت: ا اهلين عمتي
رحمه: صباح الخير
ياقوت: صباح النور
رحمه:تشوفلها من فوق للوطه ماتوقعتها بهدا الجمال … شن ديري ف المطبخ
ياقوت: ف الفطور
رحمه: وكلثوم د لشن بعتتها نا
ياقوت:
رحمه: تعالي جبتلك المزينه كلهم تحت يستنو فيك
ياقوت: ؟ !
يتبع …….
لقراءة الجزء التالي : الجزء الثالث عشر من رواية قلب صخر
لقراءة الجزء السابق : الجزء الحادي عشر من رواية قلب صخر
للإطلاع علي فهرس اجزاء الرواية : جميع روابط اجزاء رواية قلب صخر للكاتبة زهرة الشيخ
جميع الحقوق محفوظة للكاتبة زهرة الشيخ .
