وفي الجزء الثاني يا تري ماذا سيحدث من مواقف جميلة مع ابطال الرواية ؟ كل هذا وأكثر سوف نعرفه سوياً في السطور التالية بإذن الله من رواية إدمان للكاتبة زهرة الشيخ .
الجزء الثاني من رواية إدمان
رغد كيف وصلنا ع الفيلا خشينا ونصدمت بشي لي نشوف فيه شباب وبنات يرقصو وكان الامر عادي جدا عندهم ف تونس شبحت ف نسرين صاحبتي لقيتها منسجمه وتضحك
رغد :شن الحفله هدي
نسرين: خيرها
رغد: باستغراب شني خيرها تو عاجبك انتي الجو هكي
نسرين :اففف منك يارغد غير تعالي مسكتني من ايدي وخشت بيا لداخل الفيلا
كلهم كانو يشبحولي ومستغربين من لي لابسته كنت لابسه عبايه فوق قفطاني القصير
نسرين :نحي العبايه
رغد :اكيد انتي تبصري
نسرين: خيركك
طه :يشوف ل رغد باعجاب وعيونه بيطلعو .
يونس :خير يا معلم
طه شبح فيه وبتسم خطاني توا نا مش ع بعضي
يونس: مستغرب من طه لانه مش من عوايده ينعجب ب بنت ويجري وراها
طه: مشى لعند نسرين ورغد .. يسعد مسائكم
نسرين :ومسائك طه
رغد: تفنص فيه ومش عاجبها الوضع
طه :خيرها صاحبتك
رغد: ماليك علاقه
نسرين :بخوف من طه لالا غير متكنطيه من الجو مش متعوده
طه: يبتسم ل رغد باستفزاز اها تو تتعود ليش لا
رغد: نا بنروح ره… بنمشي مسكني طه من ايدي
طه: اعصابك عسوله احنا مازال ماتعرفنا
رغد: ولا نبي نتعرف عليك ونبي خطاني وسحبت ايدي منه بقوه ومشيت
نسرين: بخوف لحقتني ع طول
طه: بصدمه وبرفعة حاجب تعجبني البنت الواعره نااا يا انا يا انتي يا رغد هه
يونس
ركبت ف السياره متكنطيه وجت نسرين تجري ركبت معاي
نسرين: انتي جنيتي تعرفي من يكون هدا
رغد :لا ولا نبي نعرف .
_____________«زهره الشيخ »_____________
مالك كيف ومن امتى البنت عندنا بدت تسوق وتطلع بروحها ف هدا الوقت يابوي
كريم :بكل برود اعصابك يامالك البنت كبرت توا واكيد تعرف الصح من الغلط
مالك :بصوت عالي اما صح واما غلط البنت عمرها 19 سنه ره تندري عندها توا هيا وين وكيف تخليهاا تسووق وتطلع ف هدا الوقت بسسسس
كريم :حسسسك مالك
ع خشتي نا متكنطيه ..السلام اعليكم
عائشه :وعليكم السلام
رغد :شفت الوضع مع تمام ونا مش فاهمه حاجه ومش ناقصني وجع راس بنمشي لغرفتي ..
مالك :بصوت عالي تعالي هنا يافرخه تعالي
رغد مصدومه
مالك :بعصبيه .. وين كنتي ومن منو خديتي الاذن عشان تطلعي وشن هوا لي ع وجهك شن المهزله اهيا لي صايره ف غيابي
رغد: بخوف ان انا كنت ف حفلة عيد ميلاد صاحبتي ونا قلت لي باتي قبل لا نطلع اني طالعه
مالك : قاطعها عيد ميلاد شن امتاع ساعه 9 ليل
رغد اول مره نشوف مالك متعصب لهدرجه خفت وعيوني تعبو دموع معاش عرفت كيف وشن بنقول
مالك قرب مني ومسكني من كتفي وكل شوي يزيد يضغط عليا .. بصوت كله رجوليه اسمعينيي مليييح طلعه بروحك معاش فيه لا نهار ولا ليل حفلات والسهرات امتاع اليل انسي امهن اهوا لي ع وجهك مانبي نشوفك مدايرتيه مره اخرى
انس يشد ف مالك لا يامالك بعد عنها مش لهدرجه عاد
كريم :واقف ومش عارف كيف يتصرف
رغد عيوني ف عيون مالك ودموعي ينزلو معاش قدرت نشدهم اكثر من هك كلامه كله ماهمني بس نبي نعرف ليش مالك تغير عليا
مالك: شاف الدموع ف عيون رغد معاش تحمل رخا يده وبعد عليها بخطوات سريعه للخلف
انس :حاضن رغد ويمسحلها ف دموعها
مالك ف داخله يشوف لي انس كيف متمسك ف رغد كيف بنقولك بسس انها مش اختك لا يا انسس بعد عنها … افففف وطلع بسرعه كبيره من الحوش
كريم :خلاص يابنتي مالك مش عارفه خيره من رجعته متغير وياريت تسمعي كلامه لانه هوا خوك الكبير
رغد نمسح ف دموعي ..حاضر بابا وطلعت بسرعه ع غرفتي
انس :افففف وطلع برا يتصل
مالك قاعد ف الجنان ويدخن ويراجع ف نضرات رغد ليه ..افففف سامحيني رغوده هدا الشي كله ع خاطر مصلحتك انتي
_____________«زهره الشيخ »_____________
زهره الشيخ: صدق من قال لي يحبك يبكيك
نسرين: ف غرفتها تفكر كيف بتفهم طه وكيف تتفاداه رفعت تلفونها وتصلت بيه
طه :شاف رقم نسرين صكر عليا
نسرين زاد الخوف داخلها خايفه لو انكشفت قدام يونس شن حيصير فها ورجعت تتصل بيه مره وتنين وثلاثه
طه :رد عليا.. باختصار قولي شن تبي
نسرين: موضوع رغد
طه :فوتيه الموضوع اصلا مامنك فايده انتي
نسرين :بس
طه: يونس ولا مش حيعرف شي اطمني
نسرين: براحه ت ت تمام
طه :صكر الخط
يونس: فمن تكلم
طه: ف وحده ماتعرفهاش ش
يونس: امممم
رغد قعدت نبكي وخانقتني العبره ف غرفتي شوي قاطعني صوت الباب انفتح
عائشه بعد شافتني بهدي الحاله جت حضنتني وتسكت فيا
رغد :انا شن درتله بس عشان يعاملني بهدي الطريقه
عائشه: مالك بدا انسان عصبي ماتعدلي عليه بس صدقيني هوا هزبك عشان مصلحتك
رغد :نمسح ف دموعي
عائشه باست رغد ع راسها هي بدلي ونزلي نتعشو
رغد: ابتسمت حاضر
طلعت عيشه ورغد دوشت وبدلت بنطلع رن تلفوني والرقم كان غريب ماعرفتاش ماعدلت ونزلت عشان نتعشى
ساعدت امي عشان نحظرو الطاوله ع جيت مالك وانس
مالك :عطيك الصحه سلم رغوده الفالحه
رغد ماننكرش اني فرحت لانه كلمني وقالي ه الكلمتين الحلوات .. ابتسمتله
انس: عندكم انفصام ف الشخصيه
مالك :يصحك
قعدنا كلنا ع السفره وناكلو وكل شوي انس يضحكنا انا ومالك وما كانه صار شي
قاطع رنت تلفوني صوت ضحكاتنا
مالك: يشوفلي يستنا فيا نرد .. شوفي من لي يتصل ف ه الوقت
رغد :رقم مانعرفاش وقفلت تلفوني
مالك:اللهم طولك ياروح
رغد انسجمت مع انس نضحك ونعلقو ع بوي ومالك وكان جونا تمام وطول ه الوقت مالك يشوفلي
مالك ف داخله معقوله نا نغار عليها لهدرجه بس من حقي نا خوها لا مش خوها اففففف شن هدا لي يصير معاااي بسس
كملنا العشا وبديت نلم ونظم مع امي كملنا من الحوسه مشيت لغرفتي لبست قفطاني ورقدت على طول
الصبح
كيف العاده نضت ادوشت وبدلت وحطيت ميك ال خفيف بكل ع خاطر مايعاركني مالك طلعت من غرفتي
رغد صباح الخير
كلهم صباح النور
رغد: تاخرت ع المحاضره هيا انس
مالك: يشوفلي من فوق للوطه .. وين وشاحك
رغد بخوف بس ا انا مانلبسش ف وشاح
مالك :بيتكلم مسكه كريم والده من ايده
كريم: خلينا نتفاهمو بعد ماتمشي .. نوض انس وصل اختك ع الكليه
ناض انس من غير نيه هيا قدامي
رغد :طلعت تجري ورا انس خوفا من مالك
مالك: خبط ايده ع الطاوله بللهي شن ه المهزله لي صايره
كريم ؛هدا لي صاير البنت متربيا هنا وكل صاحباتها هك مش متربيه ف ليبيا
مالك :طوووط
.
.
.
_____________«زهره الشيخ »_____________
طول الطريق وحنا نحكو ع مالك وكيف متغير
وصلنا للكليه نزلت من السياره اول ماخشيت قابلني طه ف داخلي نقول هوا لا مش هوا معاش زبطت
طه: يسعد صباحك يانحله
رغد :بأستغراب ..نحله ؟
طه :,اي مش عاجبك
رغد بتفنيصه لا بنمشي
طه غير استني ع وين يا حلوه نبي نحكي معاك كلمتين وبكل احترام يامحترمه
رغد تفضل يامحترم
طه ايح اسمعيني نا معجب ب اخلاقك وباسلوبك وبجمالك عجبتيني الحق
رغد والمعنى
طه نحبك
رغد ضحكت باستفزاز شكرا
طه نار داخله نبي الجواب
رغد ماعندي جواب انا مش من نوعيه البنات الخفاف لي من اول كلمتين قلبي يدق لا يابابا برا اسال عني واسال عن اصلي مليح وبعدها دق باب بيتنا هدا كان فتحتلك الباب. ومشيت بخطوات كلها ثقه ومانعرفش شن الشي لي يستنا فيا بعد ه الكلام
طه ولعت نااار ف داخله ميقدرش حد يطفيها …وربي لما ندمك يا…
يتبع ………
لقراءة الجزء التالي : الجزء الثالث من رواية إدمان
لقراءة الجزء السابق : الجزء الأول من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
