الجزء الثاني من رواية اريدك انت

وفي الجزء الثاني من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .

الجزء الثاني من رواية اريدك انت

وصلو الشقه ودخلو حسام قال ليها ح اطلع اجيب اكل واجي قالت ليهو انت تمان ح تمسي و تهليني زي امي ،، قال ليها لا انا عمري م ح اسيبك ي نور ،، قالت ليهو لا تذب ح تسيبني دي م امي عملت ،، قال ليها م ح اعمل كده ،، عاينت ليهو وقالت ليهو واد ،، ابتسم قال ليها وعد وانا ح امشي اجيب اكل و اجي طيب ،، قالت ليهو لا ح امسي معات م دايلة ادعد بلاي ،، قال ليها طيب عندي فكرة غمضي عيونك و عدي لي ميه قبل ميه بتلقيني قدامك موافقه ،، م ردت ،، قال ليها يلا غمضي ،، غمضت عيونها بي يدينها وبدت تحسب واهد اتنين تلاته ،،،، نزل عشان يجيب ليهم اكل وكان في ناس في المحل خلص ولمن جاي يطلع نادة صحبه الكان جايب ليهو التذاكر  بهناك نور مواصله شغالا تته و تتعين . تبعه وتتعين . تمنية وتتعين . تتعه و تتعين بلعت ريقها وقالت مية فتحت عيونها بس م كان في زول دموعها نزلت وتاني بدت تحسب بهناك حسام خلص كلام مع صحبه ولمن جاي يطلع ضربت ليهو امه كانت بتتكلم معاهو عن الحصل وكده وهو نسى انه قال ليها احسبي بهناك نور برضو وصلت و شغالا تتعه وتتعين وقفت مسافه وقالت مية فتحت بس هو برضو ماف قعدت تبكي 

حسام اتذكر و قفل الخط سريع و طلع فتح باب الشقه سمع صوت بكى جاي من الغرفه لمن مشى عليها لقاها خاته وشها على رجلها و ضامها عليها و بتبكي اول م قال نور هي اتخلعت ورجعت لي ورى عاينت ليهو مسافه و حضنته اتخلع شديد بس مسكها عليهو وسابها وهي كانت بتبكي شديد م وقفت بكاء  زحاها منو وقشى ليها دموعها قال ليها معليش اني اتأخرت ،، قالت ليهو تنت بلاي انا (كنت براي انا) ،، قال ليها معليش تاني م ح اعمل كده تعالي ناكل ،، قالت ليهو لا م دايلة ،، قال ليها امممممم لو م اكلتي م ح اديك الحلاوه ،، قالت ليهو حلاوة  تمح باتل ،، مشو اكلو وهو بس بعاين ليها خلصو و ربعت لي يدينها قالت ليهو وين الحلاوة ،، طلعها و اداها ليها فرحت شديد قال ليها يلا النوم بعدا  بكره مسافرين ،، قالت ليهو مسافلين وين ،، قال ليها حته حلوه يلا امشي نومي عشان تصحي بدري ،، قالت ليهو سمح و مشت نامت هو فضل يعاين ليها مسافه بعدين نام 

تاني يوم صحاها بدري ومشو المطار كان في اجراءات المطار هي زهجت قعدت نامت خلاها لمن خلص كل حاجه وقال ليها يلا ارح الاقلاع الساعه 5 طلعو ولمن وصلو الطياره هي خافت ابت تركب عاين ليها قال ليها ارح ،، قالت ليهو لا م دايله امسي ،،قال ليها خايفه من شكل الطياره ،، هزت راسها بي نعم ،، قال ليها ارح امسكي يدي مد يده وهي بقت تمدها و ترجعها لمن مسكته ساقها و ركبو بقت تهبش و تشوف في المقعد و شكل الطياره وهو كان مقعدها جنب الشباك  لمن الطياره بدت تتحرك صعبه طبعا الطياره قومتها هي خافت ومسكت فيهو قوي  لمن ضفورها اتغزو في يده  ده كله و هو خلاها لانه اول مره تركب يمكن م اول مره في حياتها بس اول مره بعد الحادث اكيد  بعد الطياره قامت قال ليها عايني بالشباك،، قالت ليهو لا م دايله ،، قال ليها عايني نحنا طايرين في الجو في السماء فوق عاينت كان منظر الخرطوم من فوق حلو شديد ابتسمت وفكته وبقت خاته يدينها على الشباك و تضحك وتصفق  شغالا ليهو سوف سوف هنات عاين نحنا فوق  ،، قال ليها اي نحنا اسي بي فوق لي ناس امك ،، عاينت بالشباك وكانت ح تبكي بس قشت دموعها وقالت ليهو مس هم تابوني و علسو لي تاني م دايه هنا داتو  وطلعت لسانها كأنها بتكاوي فيهم  فضلت بس تعاين بالشباك و تتكلم بعد شويه محمد انتبه انه هي بقت م بتعمل حركه لقاها نامت  ابتسم ومسكها خته راسها على كتفه عشان بعدين م تحس بي ألم في رقبتها  صحت لقته نايم هو التاني زحت منه وبقت تحاول تصحي قالت ليهو حتام حتام ،، صحى قال ليها ايوة ،، قالت ليهو عطسانه دايله مويه ،، قال ليها طيب مد ليها الموية شربت هو كمل نوم وهي بقت تتفرج من فوق ولمن تشوف لي طائر او كده تضحك  و وصلو دبي 

وصلو دبي نزلو في فندق حسام طلب اكل وقال ليها يلا النوم نامو وهي صحت قبله بقت تحوم في الشقه خشت المطبخ اخدت مويه و كانت جعانه فتشت اكل لقت و اكلت حسام بي حركتها صحى مشى لقاها فاتحه التلفزيون وقاعده في الارض بتاكل و تحضر جاء قعد جنبها قال ليها بتاكلي في شنو ،، قالت ليهو دبنه  ،، قال ليها امممممم كويس طيب قام اخد دش و اتوضأ قال ليها تعالي صلي معي ،، قالت ليهو حاضل ومشت وقفت في المصلايه جنبه قال ليها لا ده شنو  اول حاجه اتوضي بتعرفي ،، قالت ليهو لا ،، قال ليها تعالي دخلو الحمام مع بعض عاد الوضوء وهي بي وراه بتعمل مشى فرش مصلايه تانيه جنبه و جاء وقفها طلع ليها طرحه وعبايه لبستهم و بدء يكبر وهي بتتمايل قال الله اكبر وهي بي وراه قالت الله اكبر 

————————————–
☆يتبــــــــــــــــــــــــــــــــــــــــــــع☆☆

لقراءة الجزء التالي : الجزء الثالث من رواية اريدك انت

لقراءة الجزء السابق : الجزء الأول من رواية اريدك انت

للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح

جميع حقوق الرواية محفوظة للكاتبة نوحه صلاح