وفي الجزء الثاني من رواية سر سعادتي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء الثاني من رواية سر سعادتي
صبح الصبح فاق يوسف ع اتصال زميله ف العمل
يوسف:نعم
منير:صباح الخير يوسف
يوسف:صباح نور
منير:وينك واﻻ غياب اليوم ؟؟ راقد ف العسل والاه زابطك انا
يوسف:راقد ف البصل
منير:شنو شن تقول
يوسف:شي شي شوية ونجي ..
خش للحمام دوش وحلق وطلع ايغني ادلع ياكايدهم خليهم يشوفونك هههه و صلى الصبح وفتح الدوﻻب و مفجأة ساااارة مافيش وﻻ لبسة محددة الدنيا معفوجة بدي يصيح
رووويددددة انتي يامراااا
رويدة:شنو فيه صبح
يوسف:خيره الحوايج مش محددات
رويدة:اختار اي لبسة وحددها
يوسف:بجديااااات نختار؟؟ بالك بتونضي تنقيلي لبسة ع ذوقك هكي بش نحددها
رويدة:ﻻﻻ اختار عادي
يوسف يكشخ:تي نووضي
رويدة:افففف باهي باهي ماتخليش من يرقد سبحان الله
يوسف:معش تقولي اففف فاهمة والله تو نعطيك كف نخليك تلفي ف مكانك
حددتله رويدة حوايجه وهيا اتبرطم عليه
لبس يوسف وخدي حلوة مينتا وطلع
ركب سيارته وهوا يبرطم شي ايعفلق ﻻزم تعكر المزاج مراة مهبولة حصلت فيها
وصل يوسف لمستشفى وقع دخول بالكرت
وخش للمكتب
جاته السستر :صباح الخير دكتور
يوسف:صباح النور..فيه اي مراجعات ؟
السستر :فيه ايه10 مراجعات وعملية
يوسف:تمام اوكي اهو جاي
السستر :اوك ..
طلعت السستر
خش منير للمكتب :صباح الخير ياغزيل وين هدا كله نووووم
يوسف:مش عارف رقدت متبغضض باهي اللي ماجتنيش جلطة وزدت اتبغضضت ف الصبح
منير:بعيد السو ع دكتورنا ههههه هيا نوض عندنا حالة تستنى
يوسف:خلي نشرب قهوة نصحصح شن بنخش ندهشر هكي بالك نرزي المريض ف حاجة تانية هههههه
منير:هههههه هي باهي تلقاني ف حجرة العمليات
وبعد ساعتين كمل يوسف العملية وطلع هوا ومنير
يوسف :ساعة كم توا
منير :10:30
يوسف:اسمع انا بنطلع غطي عليا باهي مابين رجعت اوكي
منير:ومراجعات اللي عندك
يوسف:عادي هالمرة خل يستنو
منير:شاك فيك موعد
يوسف:شن موعد متاعك هدا انا راجل متجوز
منير:ههههههه حتى انا متجوز لكن متعرف ع واحدة ف نهاية التسعينات عايش بسنها ياراجل ردتني 15 عام التالي مش زي اللي عندي ف الحوش حتى صوتها احرش النهار المبارك
سرح يوسف للحظات ف الهم اللي عنده ف الحوش لكن مايبيش يقول ل منير ﻻنه زميل عمل فقاله : بالك انت هاملها ﻻني عارفك نسونجي مش قصة ان مرتك صوتها احرش ههههههه …..هيا وقت عليا زي ماقتلك غطي عليا هي سﻻم
خش يوسف لمكتبه ونحى بالطوه ولبس ساعته وخدي نقاله وطلع
ولع سيارته ومشي قدام حوش شذى واتصل بيها
شذي هيا انا برا….اوكي فيسع هي مستعجل..
فتح يوسف fm جاته اغنية السوكني يالغزال الشمالي الدلع ف ابتسامة والغزل ف كﻻمه متعب
وخر الكرسي وقعد يفكر فيها
فات شوي وطلعت شذى
صباح الخير افيسا
يوسف:صباح النور … كيف حالك اليوم
شذى:كويسة كيف حالك وحال رويدة
يوسف:باهي
عدل الكرسي وولع سيارة
بعد شوي وصلو للمختبر نزلت شذى و يوسف فتح القجر وبخ برفان
ونحى الدبلة ونزل
خشو للمختبر السﻻم عليكم
البنت:وعليكم السﻻم
شذى :بالله وخيتي نبي انحلل العينة هادي
البنت:امتى واخدتيها؟؟
شذى:امس
البنت:ﻻ ياماما ماينفعش هكي ﻻزم وقتي تعالي معاي نسحبلك عينة من جديد
شذى:اوكي …. وتلفتت ليوسف قتله حشمتني تو بش دكتور شن تقولي امس معاك عينة؟؟
يوسف:ههههه سامحيني وخيتي والله رويدة معش خلت فيا عقل
مشت شذى لحقت الممرضة وقعمز يوسف ف اﻻنتظار
في حجرة من الحجرات ممرضة خشت وقالت:اسمعو يابنات فيه طرف مقعمز برا ف اﻻنتظار ايهبل عبى الممر بريحته
فاتو 6 دقايق حط يوسف ايده ع خده ويقول فباله وينها البنت اللي جت ف المحل كل الممرضات ايخطفو من بكري الباين تكدب ماتشتغلش اهنا
صوت قنين قاطع سرحته صباح الخير
قام راسه يوسف ولقاها البنوتة ب ابتسامتها الحلوة رد عليها صباح النور اهلين
مسرة:كيف الحال ؟؟؟
يوسف:بخير كويس
مسرة:ادكرتني واﻻه
يوسف:ايه متع امس محل صح
مسرة:ايوووه بالزبط
يوسف مد ايده وقالها: انا يوسف
مسرة سلمت عليه وقتله:عاشت اﻻسامي انا مسرة
يوسف:عاشت اﻻسامي فعﻻ انك مسرة
مسرة:ههههه تسلم سرحت مسرة وفصلاته من شعره لكندرته
يوسف معش عرف شن يقول اتلكمس
مسرة استدركت نفسها وقتله:حقاااا شن صار حصلتلي الجاكيت؟؟؟
يوسف:ﻻﻻ بس بعد غدوة توصلني بضاعة للمحل
مسرة:باهي تمام ان شاء الله يكون الجاكيت معاهم
على جيت شذى
يوسف ل شذى:تميتي تحليل ؟
شذى :ايه نحس ف روحي دايخة
يوسف :به قعمزي تو نجيبلك اميا
تلفت ل مسرة وقالها من بعد اذنك..
مسرة تغيرت مﻻمح وجها وقتله: تفضل
يوسف حس مسرة اضايقت و مﻻمح وجها المبتسمة تﻻشت
بس ماعرفش عﻻش
مشت مسرة للحجرة وهبت فيها الممرضة صاحبتها: هاااااا يامعفنة ﻻفة عالطرف ومطيحتيه البنات كلهم يدوو عليه
مسرة:اسكتي يا عفاف هدا اللي حكيتلك عليه متع محل امس
عفاف:حي عالجوووو معناها طاح رسمي
مسرة:طاح عينك متجوز والمدام معاه وقتله دايخة باين عليها حامل وجاية ادير ف تحليل
عفاف:اووووف يافرحة ماتمت
مسرة:مافيش واحد نحط عليه عيني اﻻ ما يطلع متجوز يا امكبد يامفارق حبيبته ومدايرني وسيلة بش ينساها
عفاف:مبردهم باهي ﻻش يبادل فيك ابتسامات هالبارد ويهدرز معاك
مسرة:مش عارفة انتي قلتيها برادة
عفاف:قولي شنووووو
مسرة:شنوو
عفاف:تتفكري فيها البنت اللي كانت معانا ف الثانوي اسمها نمارق
مسرة:ﻻ ماندكرش
عفاف:هديكا صاحبة افنان اللي ديما مع بعضهم
مسرة:تقريبا ايه خيرها
عفاف:اتزوجت واحد متزوج وخﻻته يطلق مرته تصوري
مسرة:اللطف خﻻص تمو الرجاجيل قنصت غير ع واحد متجوز !
عفاف:بالك حباته ههههههه
مسرة:هههههههه يعطيها حبة
رجع يوسف ل شذى ومدلها ميا وتلفت يمين يسار مالقاش مسرة
خدي اخته و هما طالعين قالها امتى قالولك ارجعي
شذى :غدوة العشية
يوسف:تمام تو نرجع انا ان شاء الله حط يوسف شذى ف حوشها
وطول الطريق يفكر عﻻش تعكرش وجها فجأة …..اهااااااا اكيد تحساب شذى مرتي ….
ورجع للمستشفى
وانتهى الدوام وخطم ع مطعم تغدى ومشي ل احمد ف المحل
يوسف:السﻻم عليكم..شن حالكك حميدة
احمد:عليكم السﻻم…زاهيةالحمامة شوره ..اﻻبتسامة من طق لطق
يوسف؛ايه نوعا ما….البنت متع امس
احمد:خيرها؟؟
يوسف:كنت عندها توا ف المختبر
احمد:ياعافن تطورات من وراي
يوسف حكي ل احمد ك شيييي
احمد:ايواه ايواه ايواه وطبعا بتولي غدوة العشية
يوسف:اكيد ان شاء الله
احمد:كويس
يوسف:لكن مش عارف حسيتها اضايقت لما شافت اختي تحسابها مرتي
احمد:معنها ماتبيش شخص متزوج
يوسف:ايه حتى انا هكي فكرت امبكري..
احمد:انت مبدئيا ماتقولهاش فترة هكي لين تحسها طاحت رسمي وبعدين قولها..
يوسف:قصدك تبيني نضحك عليها؟؟؟
احمد:ﻻ ماتضحكش عليها بس البنات مايبوش اﻻ هكي تكون صريح معاهم يلعبو عليك ويمرمدوك…لكن لما ادير كدبة بيضاء هكي تتعلق بيك وبعدين حطها قدام امر الواقع فا من حبها ليك حترضى بيك متزوج واﻻ مطلق واﻻ حتى ارمل بسبعة صغار
يوسف:هههههههههههههه والله انت خبثي ونذل .. لكن ﻻﻻ مش حندير هكي حنقولها برغم اني حاس ان حنخسرها ….تعرف احمد لما نشوفها تبتسم بشوشة ترد فيك الروح والله تنسيك همك
احمد:غير بشوية عليك هههه ياهايم
يوسف:هههه نوض خلي نصلو العصر ونروح ماخشيتش للحوش بكل اليوم
احمد:اوكي هي بس ماعندك مادير بيه الحوش نصلو وبعدين نمشو حمام بخاري نسترخو غادي
يوسف:اي والله فكرة حق محتاج لراحة
يتبع…….
لقراءة الجزء التالي : الجزء الثالث من رواية سر سعادتي
لقراءة الجزء السابق : الجزء الأول من رواية سر سعادتي
للإطلاع علي فهرس اجزاء الرواية : رواية سر سعادتي ( جميع الأجزاء كاملة ) للكاتبة لوزة
جميع الحقوق محفوظة للكاتبة لوزة .
