وفي الجزء الثاني من رواية ظلموني للكاتبة زهرة الشيخ يا تري ماذا سيحدث مع ابطالنا من جديد الأحداث ؟ دعونا نعرف إجابة هذا التساؤل في السطور التالية بإذن الله .
الجزء الثاني من رواية ظلموني
بعد ربع ساعه وصل صاحب التاكسي
ورفعو الشناطي
ريماس : ماما عمو علي مابيمشي معانا
امينه : لا حبيبتي بس اكيد حيجينا
ركبو ف السياره ونطلقو لشرق
وصلو لبيتهم لي ف الشرق
وبدو ف الضم والحوسه
ريماس : تلعب با العروس لي خدالها عمها
ألماس : هيي شن ديري
ريماس: نلعب ب عروستي تعالي العبي معاي
ألماس: لا نا مانبيش نلعب معاك نبدا زيك شينه وسوده مش حلوه كيف عروستك
ريماس: 
انا مش شينه انا حلوه
انا مش شينه انا حلوهألماس: لا انتي شينه ودفتها بعدي معاش تقربي مني ياسوده
ريماس : تبكي ومشت لغرفت جدتها خشت لقت سلوى وامينه يضمو
ريماس: وقفت ع لمرايه وقعدت تشوف لي شكلها وتشوف لعروستها
ريماس : تبكي بصوت عالي وتشهق
امينه : خيرك حبيبتي من ضاربك اكيد ألماس صح
ريماس : لا ماضربتني
أمينه : به خيرك حبيبتي احكي
ريماس: شبحت ف لمرايه ماما ليش انا هكي
سلوى:
امينه: خيرك عسل رموسه
ريماس : لا انا مش عسل انا شينه
امينه: لا مش شينه من قالك حلوه واموره انتي
ريماس: به ليش ماعندي شعر حلو زي عروستي وألماس
امينه : لانه الشعر القصير احلى عسولتي وجاي معاك
ريماس: به ليش انا سوده
امينه: ماك سوده انتي سمره وتهبلي بعد تكبري تولي زي الفنانه هديك لي رينها ع التلفزيون
ريماس : لا انا نبي نولي بيضه زي عروستي ونبي شعر
ليش انا ماعندي
ليش انا ماعنديامينه :تعالي رموسه ننزلو تغدي بعدها نحكيلك قصه
ريماس : به
امينه : تمسحلها ف دموعها
نزلت امينه وغدتها ودوشتلها وحكتلها قصه ورقدتها ونزلت تشوف سلوى
سلوى قاعده تتفرج ومعاها الماس تاكل ف البشار وتلعب
امينه: بنيتي امته بتسجلي البنات ف المدرسه ليها شهرين باديه
سلوى: بعد عقدي يوسف بيسجل ألماس ف مدرسه خاصه
امينه : وريماس
سلوى: سجليها ف اي مدرسه
امينه : كيف قصدك بتفرقيهم
سلوى:اي لانه ألماس بتعيش معاي ف الفيلا
امينه : وريماس
سلوى: تقعد عندك
امينه : سادك ظلم ربي يشوف فيك كيف تظلمي وتعاملي فها ريماس نا شاكه تكون مش بنتك لانه ماعندك احساس امومه
سلوى: حتى نا شاكه
امينه : تفي عليك وع اليوم لي جبته فيك فسدتي ونا شاكه انك تكوني سلوى بنتي ومشت لعند ريماس
سلوى: عجبك الرسوم ولا نغيره
الماس : حلو خليه
سلوى: الماس بنتي
الماس : نعم
سلوى: بعد يومين نا بنتزوج وبنعيشو في فيلا كبييره ويكون عندك بابا وعندك خوت
الماس: انا وياك بس ريماس تقعد هنا صح
سلوى : اي انا وياك وبتبدي تقري ف مدرسه
الماس: الله به
سلوى: نبيك تبدي بنت شاطره تسمعي الكلام غادي لي يقولولك عليه تقولي حاضر وتسمعي الكلام
الماس : حاضر ماما
عند امينه طلع ف وراق ريماس بيش غدوا الصبح تسجلها
جهزت الملف باقي الصور بس
قعدت ع السرير وايدها ع راس ريماس
امينه: ااااخ بس يابنتي ربي يكون ف عونا ماعندك ام تحن عليك وانتي يتيمه ماعندك اب ونا لامتى نقعدلك عايشه بس ياربي تشوف فينا ياالله
ف الصبح
امينه : هيا تعالي البسي كندرتك
ريماس : حاضر
لبسو وجهزو رواحهم ونزلو
سلوى: وين ماما
امينه : ماشيه بنسجل البنت
سلوى: فوتيها يام تعرفي انه يوسف جاي مع امه اليوم
امينه : اسطفلو مستقبل ريماس خير منك انتي وهله
سلوى: وااك
طلعت امينه مع ريماس كان عندها سياره وصلو عند الصوار خدت صور شخصيه ومشن للمدرسه سجلتها
المدير : كل شي تمام خليها تبدا من يوم الاحد
امينه: تمام شكرا بارك الله فيك
ريماس فرحانه انها بتمشي للمدرسه
وخطمو ع محل خدتلها جلاطي وروحو
سلوى : لبست قفطان يهبل في فتحه ف من الخلف ومفتوح من قدام شوي دارت شعرها ديل وبنتها نفس الشي
سلوى : نزلت شافت امها وريماس يهدرزن ويضحكو امي نوضي بدلي وريماس رد بالك تنزلي ره
امينه :وناضت بدلت وبدلت لي ريماس
وناضت بدلت وبدلت لي ريماسوصل يوسف مع امه ونزلت امينه مع ريماس رحبت بيهم
خديجه : كيف حالك
امينه : الحمدلله كيف حالك انتي
خديجه : بخير الحمدلله
امينه: ريماس امشي نادي ع سلوى
خديجه:
هدي بنت سلوى
هدي بنت سلوىامينه: شافت لنضراتها وعارفه انه سلوى ناكرتها لا مش بنتها هدي بنت مربيتها نا
خديجه : اه اها
امينه: تبي تغير الموضوع كيف حالك ولدي
يوسف تمام الحمدلله
امينه : اهي سلوى
خشت سلوى وضيفتهم ويوسف عيونه عشره ع عشره يحسابها اكبر لانه عمرها يبان اكبر من شكلها
قعدت سلوى
خديجه: تبارك الرحمن مايبان عليك عندك بنت
سلوى: تسلمي
امينه:
ف داخلها بنتين
ف داخلها بنتينهدرزو شوي وخشت ألماس تدلع وتتمشى زي ماعلمتها امها
خديجه حبتها ويوسف حتى هو حبها وجايبها شكاليط وحاجات
امينه: خشو للمربوعه احكو ع راحتكم
خشت سلوى مع يوسف للمربوعه
سلوى: منزله راسها متحشمه
يوسف : قمر والله ريت صورتك وشايفك من بعيد بس ماحسبتك من ه الجمال
سلوى: تسلم
يوسف بكره العقد
سلوى: مش بعد بكره الخميس
يوسف : لا خليها غدوا وبعد بكره دخلتنا
سلوى: تحشمت ع اساس تمام لي يريحك
يوسف : لبسها الدبله لانها قالت مش حدير شي لا حفله لا عرس لانه مش زواجها الاول
طلع يوسف وزغرتت خديجه وامينه ولا حرف وخديجه هدت لي سلوى تاكم دهب وروحو
سلوى: من توا هكي امالا بعدين كيف
ريماس : الله شكلاته
الماس: بعدي هدا بابا جابه
ريماس
امينه:تعالي ريماس وراي وسلوى لمي الفوضى انتي والاميره امتاعتك
تعالي ريماس وراي وسلوى لمي الفوضى انتي والاميره امتاعتكسلوى:افف استغفر الله حاضر
امينه:
دوشت ريماس وتعشت ورقدت
وسلوى تنظف وضم وبنتها قاعده تاكل ف الشكلاته
كملت خشت رقدت ورقدت الماس احداها
ف الصبح
مشو اقارب امينه مع اقارب يوسف ويوسف وقرو الفاتحه
امينه : الف مبروك
سلوى: يبارك فيك
تلفون ترن ترن ترن …
يوسف : مبروك مراتي
سلوى : يبارك فيك حبي
امينه : نوضي نوضي فوق كلميه ف غرفتك تقولي ف ه الكلام قدام البنات
سلوى: بااه
طبعا الماس متعوده ع الكلام هدا لانه امها ف اليل ديما تتصل وتقول ف احرف من هك قدامها
يوسف : سجل الماس ف مدرسه خاصه مع ولده الصغير
خلي نعرفكم ع عيلة يوسف
عنده بنت وحده نجلا ليها سنه ونص صغيره
وعنده ولده الصغير إلياس عمره 7ولي اكبر منه محمد 10واكبر واحد قصي 14
ومرته الاوله ماعنده شي منها
وضرة سلوى اسمها رغد
وعنده اخت وحده متزوجه اسمها ريما
عرفتو من إلياس 
بطلنا الصايع
يوم الخميس
سلوى مشت للكوافير ولبست لبسهم التقليدي ولبست بنتها فيلو
عند يوسف بيديرو حفله بسيطه للاستقبال.
اول ماكملت كلمت يوسف يروح بيها من الكوافير ماخطمت ع امها ولا ودعتها هي ولا ريماس.
عند ريماس
ريماس : ماما وين ماما سلوى والماس
امينه : معاش بيسكنو هنا بيسكنو بعيد
ريماس: ليش
امينه : هكي يبو اهم شي احنا مع بعض صح
ريماس: اي صح
امينه : هي نوضي خلي نشريلك زيك المدرسي
ريماس : حاضر ماما
عند العروس
اول ماوصلت استقبلو بيها واغاني وصور وتفاجأت ب الحوش ماتوقعت هك كبره
والماس تشوف يمين ويسار عاجبها كل شي
وكل لي معزومين سرحانين بجمال سلوى وبنتها
تمت الحفله
وتعرفت ع عيلته كلهم ماعدا ضرتها رغد داخل ماطلعت وخشت لغرفتها وعجبتها قريب طير مش مصدقه خشت للحمام زادت امبهرت بيه ودوشت وبدلت
دخل يوسف ع سلوى وصار لي بيصير مادخلنا بيهم
الماس تلعب مع قصي ومحمد وألياس
وألياس حب الماس هلبا
يوم الاحد
ريماس مشت للمدرسه ولابلات كلهم حبوها لانه شاطره ومحترمه ولقت صاحبات وماحست بنقص ف المدرسه لانه في الاسمر والقمحي ولابيض حسرت روحها طبيعيه وحبت المدرسه كتيير
الماس حبت المدرسه لانه إلياس ومحمد معاها وتعرفت ع بنات ووين ماتمشي عندها جو العنصريه كيف امها
سلوى : تأقلمت معاهم ف الفيلا ويوسف مش مقصر معاها ومافي مشاكل بينها وبين رغد عادي
امينه: باعت حوشهم لي ف طرابلس وبدت تشتغل اداره في احدى المدارس
بعد مرور 9 سنين ف عام2009
يتبع ……..
لقراءة الجزء التالي : الجزء الثالث من رواية ظلموني
لقراءة الجزء السابق : الجزء الأول من رواية ظلموني
للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ
جميع الحقوق محفوظة للكاتبة زهرة الشيخ .
