وفي الجزء الحادي عشر من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .
الجزء الحادي عشر من رواية اريدك انت
ارتاحت شوية ولقت التسجيل عبارة عن حسام بحكي ليها عن من م اتقابلو ركبت سماعتها و رقدت على السرير و استمعت ليهو 
نور دلوعتي وبتي فترتي معاك كانت يمكن شهرين او تلاته شهور بس كانو احلى شهور من اول يوم شفتك و احرجتني في الاول بعد مديت يدي كشيرت وشك ضحكتك للكل طريقه كلامك لمن بتقولي لي ح تهسرني اللعبه
و لمن تقولي علوس و عليس ههههه للان بتذكر كل لحظه لي معاك لمن كنت بتشاكل مع امي و امك وانتي ماسكه لعبه بتلعبي طفله صغيره في جسد كبير
م كان لي ولا ليك ذنب قررت اكمل معاك سقتك و مشينا الشقه ههههه قلت ليك عدي لي ميه و بجيك وانتي غمضتي عيونك وبديتي تحسبي وانا اتأخرت ولمن جيت لقيتك لامه نفسك عليك و بتبكي ولمن ناديتك واتخلعتي ندمت انه خليتك الفتره دي كلها
ولا لمن حضنتني م قدرت اعمل شي قلبي م وقف ضرب وانتي قريبه ليه كنتي قريبه ليه شديد وقتها وعدتك م ابعد عنك و سقتك دبي كان احلى ايام هههههه في الطياره خفتي بس مديت ليك يدي وقتها مسكتيها و مشيتي معي كنتي خايفه و جرحتيني بي ضفورك من الخوف و بعدها خليتك تتفرجي على المناظر اتفرجتي لمن نمتي و ختيتك على كتفي عشان نرتاح هههههه كنتي مبسوطة في دبي و وثقتي فيني و بتقلديني كنتي في الصلاه و وقت النوم كنتي بتخافي من الضلام وانا م عارف بصحى بلقاك ماسكه يدي لمن عرفت انك بتخافي وبقيت كل يوم انومك على حضني و امشي على شعرك لمن تنومي و كل م اكون طالع ببوسك كنتي تغمضي عيونك و حتى بعد رجعنا م اتخليت عنك ولا اتغيرت عليك انتي حبيتني ي نور حبيتني لانه في يوم كنت في الشغل و انتي اصريتي اجي وانا قلت ليك م بقدر زعلتي و قلبتي البيت فوقاني تحتاني وصلتك و ي الله قدرت اخدك على حضني وبعد صحيتي قلت لي انه كل م اقرب ليك قلبك بضرب و بوجعك ايوه بتحبيني يمكن بتوهم و م بتحبيني بس عايز افضل على الوهم ده ههههه حتى انك بعد جاء ابوك من السفر و وديتك ليهو وانا طالع قلت لي حسام و اشرتي انه اجيك ولمن جيتك قلت لي انه م بتسني على جصومي و احرجتيني قدام ابوك هههههههه تصدقي لو كنت عارف العمليه ح تبعدك عني م كان عملتها ليك بس م بقدر احرمك من انه تبقي كويسه
بحبك ي نور وقسما برب الكعبه اني بحبك و م بقدر ولا عاوز اعيش بدونك فرصه بس ي نور فرصه وحده ي حبيبتي بحببببك
نور بعد خلص التسجيل انهارت بالبكاء ده غير قلبها الكان بضرب شديد طب انا ليه ببكي 
انا ايوة اتذكرت هو كان كويس شديد بس انا ليه ببكي كملت بكاها كلو ونامت حسام اول م صحى قال ليها لو سمعتي التسجيل انا منتظرك في المطعم الجنبكم نور صحت سلمت على ابوها و امها في راسهم و ورتهم انه طالعه تقابل حسام فعلا لبست و اتشكيت و حسام منتظرها على احر من الجمر 
اول م جات دخله فرح شديد قعدت مقاصده سلمت عليهو وكده قال ليها نور
،، قالت ليهو همممم ،، ابتسم وقال ليها تشربي شنو ،، قالت ليهو ولا حاجه ،، قال ليها ههههههه يحليل زمن تقولي لي بيتزا و شوكلاته و عصير هههههه احم احم م مشكله بطلب بي زوقي ،، هي وخجلانه قالت ليهو لا انا اكلت ،، قال ليها ومالو نشرب حاجه معناها طلب مشكل قال ليها نور انا والله بحبك و معتبرك تاج راسي مش بس مرتي ولانه كنتي مريضه ف من حقك تقولي م معترفه بيهو و مستعد اعمل ليك عرس احلى من الاول ،، قالت ليهو بس انا ،، قال ليها بس فرصه ي نور اثبت فيها اني بحبك اي انتي ك طفله اثبت اني المناسب ليك وانتي ك عاقله عاوز اثبت الحاجه دي ،، نور سكتت ،،قال ليها وكان قدرت اثبت حبي اعيد ليك العرس من جديد وكن م قدرت ويارب انه م يحصل كده سكت مسافه وقال ببعد عن طريقك ،، نور هنا عاينت ليهو وهو عاين ليها قالت ليهو موافقه
رجعت نور ورقدت على ارجل امها قالت ليها يمه حسام ده زول كويس ،، قالت ليها ي بتي واحسن من كويس
ده مش بحبك ده متيم فيك ي بتي و واضح ،، نور سكتت ،، قالت ليها م تستعجلي ي نور و خذو وقتكم تمام ….. اما حسام دخل بيته وهو مبسوط باس امه على راسها وقال ليها يمه ادعي لي انه نور ترجع لي مره تانيه قالت ليهو يارب ترجعو لي بعض دخل غرفته ورسل ليها كم افتقد تلك الابتسامه الكنتي بتستقبلني بيها لمن ارجع ولا شغبك في الغرفه بحبك ي نور بحبك
نور شافت الرساله و
احكي ليكم بي الحاول بيهو حسام مع نور ولا اخش طوالي في الحصل من دون وجع قلوب 
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الثاني عشر من رواية اريدك انت
لقراءة الجزء السابق : الجزء العاشر من رواية اريدك انت
للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح
جميع حقوق الرواية محفوظة للكاتبة نوحه صلاح
