الجزء الحادي عشر من رواية المشوه

وفي الجزء الحادي عشر من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء الحادي عشر من رواية المشوه

تاني يوم

غياث: مفهمتش؟

جواد: توا انت مش صاحبي؟

غياث: واعز

جواد: خلاص اني وانت نديرو عرسنا مع بعض علاش مستغرب

غياث: لالا خليك مع عيلتك مش ضروري اصلا مش مفكر نهائي

جواد: غير اسمع

غياث: لالا منور جواد لكن مش مزبوطه اني مش رح ندير عرس

جواد: حرام عليك تظلم ف بنت ناس

غياث: هي بنديرلها عرس مع عيلتها

جواد: براحتك هي الوقت تاخر بنمشي للمركز سلام.. وطلع

غياث خدي الهاتف واتصل : مزال نص شهر بس

لميس: هلبااا

غياث: كرم قعد عندكم

لميس: اي مزال يومين ويجي جهاد قال

غياث: اهاا يوصل بسلامه

لميس: غضوا بنمشو ناخدو فيلو

غياث: مع منيبتمشي؟

لميس: حني عروستين ف العيلة وعمي جهزنا التنين مزال الفيلو بس

غياث: يكفوك الفلوس لعندك؟ نبعتلك تاني؟

لميس: لالا يكفو بزياده

غياث: توا بيبدا للعدد التنازلي

لميس: حليلي

غياث: ربي يكملها معاي ومتصيرش مشكلة

لميس: ولو صارت مشكله انت تحلها

غياث ضحك: تعودتي ع المشاكل من لم خطبتك والمشاكل تكدسو عليك دليل ع نحسي

لميس: حشاك انت مش منحوس بس مشكلجي

غياث بصوت واطي : اشتاحشتك يابنت

لميس ضحكت: مزال اربعطاش اليوم هانت

جهاد خرج طاهر

ف الشقه

طاهر وبنته فقط

طاهر راقد من التعب

وغفران ف الدوش

جهاد خش ومكانش يبي يشوفهم خش غرفته غير ملابسه وهو طالع من الممر هوووبه طلعت قدامه عمتكم غفران لبسه بيجامه صيفيه وشعرها مفتوح ومبلول

غفران صكرت الباب وتلفتت ونخلعت كانت بتعيط من الخلعه

جهاد صكرلها فمها لصق فها شاف عيونها: بوك راقد اهدي اششش

غفران بعداته علها: بعد ز الجن تطلعي من الحمامات بس انت

جهاد ضحك: قوية هي

غفران خش غرفتها وجهاد طلع

جهاد طلب تاكسي ومشي للمستشفى

غفران خشت المطبخ مفيش حاجه تتكل لبسة عبايتها خدت فلوس ونزلت

خدت خضره وحاجات وركبت من الدروج وبوووم طاحو الكياس

زياد قام الكياس ويلم ف الخضرة من الارض معاها

غفران خدت منه الكياس: اسفه مشفتكش… وبعدين اذكرت انه اجنبي بتتكلم قاطعها

زياد: انتي ليبيه؟

غفران: اي اني فكرتك اجنبي كنت بنترجملك

زياد مد ايده: اني زياد

غفران سلمت بابتسامه صفره: عاشت الاسامي اني غفران… وبتركب

زياد: فكرتك سورية !!

غفران ابتسمت وركبت خشت:مثقللل دمه …صكرت الباب وتلفتت ونخلعت من جديد

غفران تنهدت: انت شن تحس بزبط

جهاد :وين كنتي يامدام

غفران سكتت وخشت المطبخ

جهاد لحقها:انتي هني ع مسؤليتي فاهما استني لعند مايصحصح بوك بعدين نشالله تطلعي معاد ترجعي

غفران حطت الكياس وساكته

جهاد: ردددي عليا

غفران تلفتت ساكته:عمري 19سنه اني مسؤله ع نفسي

جهاد: اليوم فات وسكتت لو يتكرر لصار اليوم تندمي…وخش غرفته

غفران تنرفزة: خرااا

جعاد تلوح ع السرير:تي علاش جايبها معاي اساسا اني

غفران دارت الغدي طاجين ورز ابيض

غفران قربت طقت ع جهاد

جهاد متسطح ع السرير: خشي

غفران فتحت الباب:اهاا بنسالك عادي بابا يتغدى

جهاد عيونه ف الهاتف:لا توا خليه ع الشربات ماجي وشربة اللحم بااختصار ياكل شربات بس

غفران:تمام صحيت…بتصكر الباب

جهاد حط الهاتف:اسف

غفران:عفوا

جهاد:عليت صوتي عليك اسف

غفران ابتسمت: تعالى تغدى

جهاد: شبعان بنرقد

غفران: تبيني نسامحك تعالى تغدا

جهاد حط الهاتف ووقف ومشو للمطبخ

في المطبخ

غفران خدت صحن بلستك ودارتله رز وطاجين وسلاطه حاره وحطتهم قدامه

جهاد سحب كرسي وقعمز:جيبي صحنك وكولي

غفران:تغديت اني

جهاد وقف وقرب شاف الطاجين:الطاجين محوله منه طرف بس ورز قعد وسلاطه قعده شن تغديتي عرفك خايفه ع بوك هو كويس

غفران:لكن ميتكلمش من تلاته ايام متكلمش ومادلي شي

جهاد بشك:قلتي لدكتورة

غفران: اي قالت عادي تو يتكلم

جهاد: خلاص معنها هي تغدي

وتغدو ع الطاوله

جهاد ياكل: شن قارية؟

غفران: مكملتش قارية لعند التانوي بس

جهاد:واخده شهادتك

غفران:اي خديته بنسبة 91%

جهاد:حلوو علاش مكملتيش

غفران تلعب بلكاشيك ف الرز:ماما توفت بعد الشهادة وقتها كرم صغير اهتمينا بدراسه كرم واني مقدرتش نكمل

جهاد: ربي يرحمها

غفران قامت صحنها وعطاته بظهرها

جهاد: تبكي؟!

غفران دموعها ينزلو بدون صوت وعطياته بظهرها هزت راسها بمعنى لا

جهاد: اسمعي شن بنقولك،تخيلي شجرة معبيه وراق وطاحت ورقه منها شن رح يصير

غفران سكتت مسحت دموعها وتلفتت تسمع القصة

جهاد:لم اطيح ورقه بيطيحو الورقات التانيات وكيف بيبدا منظر الشجرة بيدا منظرها مش حلو وبتدا بدون وراق ومنظرها يخوف نفس الشي انتي تبكي تبكي تبكي يطلعولك تجاعيد وتبدي تخوفي

غفران ضحكت:مبردك

جهاد ابتسملها: معادش ترجعي تفكيرك للخلف خلي تفكيرك القدام بس

غفران:بنشوف بابا اني وانت خليك مع حكمتك..وطلعت

طاهر راقد

غفران قربت:هي نوض يابابا

جهاد خش قرب شافه بشك.كيف هكي

غفران خافت:شن صار

جهاد:مفروض فاق…وبدي يتفحص ف التغدية والجاهز لجنبه

غفران بدت تبكي

جهاد خش الغرفة يجري خدي الهاتف بتكلم انجليزي :ابعتولي اسعاف للعامرة بسرررعه..وصكر الخط

جهاد:غفران البسي

غفران تبكي قعمزت جنب بوها:بابااا نوض بابااا

جهاد شدها من كثفها: نوض قبل متوصل الاسعاف البسي عشان ناخدك معاي

غفران وقف ودموعها ينزلو:بابا

جهاد :كويس بس ليش مايفيق بس انتي البسي

.

.

.

.

الاسعاف وصلت

جهاد:صوتهم وصلو البسي

غفران خشت غرفتها

وجهاد نزل عشان يدخل المسعفين ونزلو طاهر

جهاد بيصكر باب الشقة استغرب وين غفران شاف المسعف:خدوه للمستشفى واني لحقكم

ونزلوو

جهاد خش غرفتها

غفران ضامه رجلها وتبكي لم نفتح الباب قامت راسها

جهاد:وووك يابنت نوضي

غفران دموعها ينزلو:كان فايق قبل شوية ليش مافق ليش

جهاد: اهدي نوضي اني متاكد مافيه شي اني دكتور ونعرف بوك مافيه شي بس احتمال خش ف دوامت نوم بس…يساير فها عشان تنوض تلبس

غفران وقفت مسحت دموعها: اني نعرررف هو حالته مش كويسه

جهاد:ياهمي البسي مافيه شي

غفران فتحت شنطتها وخدت عبايتها

جهاد طلع

غفران لبسة وطلعت وراه

وطلعوو

وغفران تبكي

تررررن تررررن

جهاد: هادي مكالمه ع المسنجر ن لميس

غفران:اكيد كرم

جهاد: بعتلها مسج (حني بنمشو للمستشفى وتغطيه ضعيفه شوية بعدين نكلمك)وصكر النت

.

.

.

ووصلنا المستشفى

طاهر حالته كويسه

.

.

.

#تسريع_الاحداث

بعد مرور اسبوع

غياث ف معرض السيارات

غياث شري سيارة جديده BMW عالية سوده

.

.

لميس مع نورس ف السوق

نورس: اني كملت وانتي

لميس: واني كملت بس تعالي نمشو للمحل الرجالي بناخد لـ غياث هدية

ومشوو للمحل

لميس اختارت ساعة ماركه سوده مع عطر من بلاك

نورس:محلاك ومحلا ذوقك

لميس خدتهم وطلعت:حلوات صح

نورس:اي طبعاا حتى اني خديتله هدية خديتله هدية زبون من السلطان

لميس:حلووو عادي ناخدله زبون لكن نحس فيه مايحبش الزي التقليدي ديما لبسة كاجول

.

.

.

جهاد يدف ف الكروسه بطاهر:واخيرا راجعين

غفران:حات عليك الكروسه

جهاد عطها الكروسه

وركبو ف الطيارة

.

.

.

عدنان تحس شوية عقبل وبدي يمشي بلقيلات شوي شوي

لميس خشت

ترررن تررن

لميس:اهلا

غياث: اهلين

لميس وكملت هدرزة

.

.

.

#بعد_مرور_اربعة_ايام

لميس لبسة الفيلو الفخمه منفوخ

وجنبها نورس لبسة فيلو فخمه ع شكل حوته طووويل

بجد التنين حلوات

غفران ولع فها نار الحب من لم هما ف لندن تغار عليه

خدمه ف الصالة:انتي غفران طاهر

غفران ابتسمت:اهاا تفضلي خير

خدمه: ف واحد اسمه كرم فوق يبيك

غفران:اهاا هدا خوي دقايق وجايه

خدمه ركبت وطبعاا غفران لحقتها

غفران كانت لبسة فستان احمر طويل ماشي ع الجسم وكمام طوال فيه فتحه من الصدر ومكيج خفيف وتسريحه مفتوحه

غفران ركبت

جهاد وكرم ع الباب يسمعو ف صوت الكعب يقرب كل شوية

غفران شافت جهاد مقدرتش ادير موقف عبيط وترجع كملت ووقفت قدامه:خيرك

كرم: هيااا بنروح

جهاد

غفران ماتبيش تشوف جهاد:كرم خيرك مريض حاس بحاج…وبدت تلمسله ف جبينه

كرم:لالا مش مريض لكن مللليت بروحي

جهاد: اني معاك مزال بنديرو العب نارية

كرم:مانبيش نبي نروح

غفران شافت جهاد:كله بسببك علاش جايبه انت

جهاد: وين نعلم انه بيدير هكي

غفران ف خصلات من شعرها جوها ع كتفها دفتهم للخلف وهني جهاد بيموت

غفران:كرم حبيبي اسمعني منقدروش نروحو

جهاد:علاش

غفران تعصبة:جهاد اسكت ماتنرفزة

جهاد ضحك بعفوية

غفران:كرم عيب هكي حني جينا مع نباء كيف بنروحو

جهاد: نروح بيكم اني

غفران:بصفتك شنو بتروح بينا

جهاد تحطم:حبييت نساعد

غفران: مش ضروري

جهاد طلع هاتفه من جيبه فتحه مده لـ كرم:كرم اركب ف سيارتي العب اني دقيقه ونجيك

كرم خدي الهاتف وطلع

جهاد شد مرفق غفران ودخلها لغرفة مظلللمه كانت غرفة التصوير:تعدلي كلامك معاي فاهم اسلوووبك الزفت هدا يتصلح او تندمي

غفران: مش رح نندم بعد ايديك

جهاد ضغط ع مرفقها: اني سايرتك هلبااا لدرجه انك تعودتي ع اسلوبك معاي

غفران:جهاااد انت مجرد اخ صاحبتي ماتنساش روحك بعد ايدك

جهاد؛غفران…قاطعاته وطلعت

جهاد ضرب الباب بعصبية وطلع

غفران عيونها دموع خشت الحمام:مستحيل نبكي مستتتحيل غفران خلاص

جهاد طلع متنرفز ركب سيارته:كرم تروح معاي

كرم:عادي

جهاد خدي الهاتف واتصل:

غفران:ايوواه

جهاد: غفران خوك معاي بنروح بيه

غفران:اهاا تمام صحيت

جهاد تعفلق وصكر الخط

غفران:خلاص بنحسن اسلوبي وبنتكلم برسميه اكثر

.

.

.

جهاد ولع السيارة ووصل كرم لحوش عمه بو نورس لانه الرجاله غادي عدنان وطاهر كلهم غادي وصله ورجع لصالة

دقايق وطلعو لميس ونورس

غفران ركبت مع نباء وامها ويسوق بيهم جهاد

سلمى:عقبالك جهاد نفرحو بيك نشالله

نباء: اليوم طارح بجني عمك جهاد

جهاد اكتفي باابتسامه

ووصل ام نورس للحوش

جهاد:نباء بتمشي مع اختك؟

نباء:طبعاا

ووصل نباء لصالة متع جواد

جهاد:غفران متنزليش خليك…وفات بسيارة

غفران:انت وين ماشي

جهاد يسوق يسوق وقف عند البحر فتح الشبابيك بزر لعنده

جهاد:انزلي اركبي من قدام

غفران:انت هبلت رجعني مش نازله

جهاد:بنحكي معاك بس انزلي واركبي من قداام انتي لتاخري ف الوقت راه

غفران نزلت وركبت من قدام

جهاد: كل شي اديري فيه نكرهااا استفزازك تنرفيزك اسلوبك

غفران: اني مطلبتش رايك !!

جهاد: تدوي جديات انتي ؟بكف واحد( بصوت عالي) تتتربببببي

غفران: انت شن تبي مني اختصر الحق عليا اني علاش نركب معاك

جهاد ضغط ع الولاعه لفي السيارة عشان تسخن الولعه

غفران تشوفله

جهاد متعصب هلبااااااا

الولعه طلعت يعني سخنت خدها جهاد وكانت حمرررررا

جهاد:تشوفي ف الولعه كيف حمرة

غفران فهمتش تشوفله وخلاص

جهاد:هادي لو نديرها ع جسمي منحسسسشش بنارها فتح سوريته وقربها من جسمه،لكن بعدتها غفران ونحرق ايدها

غفران تشوف ف ايدها: اااااه

طاحت الولعه

جهاد شد ايدها:نحرقتي وريني علااااش هكككي

غفران قامت النقاب: المهم مصارلك شي انت كنت بتنحرق بسببي لانك متعصب مني

جهاد يشوفلها ابتسم:علاش درتي هكي

غفران فتحت ايدها:لنفس السبب لكنت رح تنحرق عشانه

جهاد باس مكان الحرق: موجوعه

غفران: اي ملا شنو تبيني نكذب ز المسلسلات وربي موجوعه

جهاد ضحك ولع السيارة ويسوق :وين بنلقى صيدالية مفتوحه اني توا

غفران:عادي مش مهم

جهاد:مهمم انتي اسكتي اسلوبك ز للزفت

غفران:شكراا هدا من ذوقك

جهاد: بارده

غفران شافت الطريق: جهاد جايين لحوشك

جهاد: اي بناخد مرهم الحروق.. ونزل

غفران: قداش نكرهااا

دقايق وركب

جهاد فتح المرهم: مدي مكسورتك

غفران مدتها: بشويه

جهاد ينفخ ع ايدها ويدير ف المرهم

تتبع..

لقراءة الجزء التالي : الجزء الثاني عشر من رواية المشوه

لقراءة الجزء السابق : الجزء العاشر من رواية المشوه

للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .