وفي الجزء الحادي عشر من رواية سرقت قلبي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الحادي عشر من رواية سرقت قلبي
جنات اتجهت لغرفة ابراهيم خدت الهاتف وبطاقة المحتاجهم و دخان ونزلت تجررري
ابراهيم فتح الباب الخارجي يشوف ف الطريق
بسمه: غزلان نخش ندير نسكافيه ونجي.. وخشت للمطبخ
غزلان تتصفح وتتمشى شافت غزال اسمر محلق ونقشه ع بني وطويل وعريض يجنن قربت بتسلم عليه
جنات وقفت تشوفلهم
ابراهيم حس بشخص يقرب تلفتت فكرها جنات
غزلان ابتسمت مدت ايدها بتسلم عليه
ابراهيم تلبك: سامحيني متوضي
غزلان نحرجت نزلت ايدها: عاادي كيف للحال
جنات فكتها ضحك وقربت وهي تضحك: ابراهيم تلفونك ودخانك
ابراهيم ابتسم وخداهم منها: صصصحيتي 
جنات: سلمك
ابراهيم يشوف ف جنات وبس: هي نستاذن اني.. وطلع
جنات؛ غزلان خيرك تبي حاجه
غزلان: لالا شي غير بنسلم عليه بس
جنات بااستفزاز: مايسلمش هو 
غزلان: ملتزم ؟
جنات: لالا مش ملتزم ولاشي
غزلان: اااه عفكرة هو طلبني وبعد فترة خطبتنا اسفه اكيد زعلتي لكن هادي الحقيقه
جنات: لااا علاش نزعل الشرع حلل اربعه وبعدين اني نعرف
غزلان: علاش مش غايره عليه
جنات خشت وسيبتها خشت وتغني: مستفزة وعليك حته بتنهزة بحلف برب العزة دانا دايب دوووب.. 
..
المغرب ياذن
كلللهم ف الصالة سهام وغزلان وجنات وبسمه وفريال يهدرزو
جنات تلفونها دار رنت الرساله شافت الرسالة: تعالي ف القراج بسرعه
جنات وقفة: عن اذنكم.. وطلعت
ف القراج ابراهيم مقعمز ف سيارته الجديدة وف ايده بوكي احمر كبير شوية ف حضنه
جنات لبسة وشاحها وطلعت للقراج كانت ف سياارة وحده حمراء عالية ودارت ضي من قدام مشت ركبت
جنات تتكلم مصري.ازيك ي حبيبي عاوز مني ايه؟
ابراهيم: اهلا ي حببتي لا مش عاوز حاجه بس متحشاك اوي قد ماتتخيالي واكثر
جنات: ي حبيبي ده نحنا طول اليوم مع بعض ازاي توحشتيني كده
ابراهيم: وحياة ربنا بحبك اوي
جنات ايدها ع لحيته: وانا بحبك جدا اد الدنيا دي كلها
ابراهيم: ع العموم هدا بوكي فيه قفطان من محلي واي والمهم فيهم مستلزمات تجميل وهكي توا تلبسيه بنطلعوو مشوار
جنات خدت البوكي: توا ف ليل مشوار؟
ابراهيم: اي اكيد محلاه اليل اصلا 
جنات تفكر وساكته
ابراهيم: هيااا
جنات: اممم قفطان ومكياج وف ليل
ابراهيم ضحك: انزلي اوكي مصارش انزلي
جنات: هدددي
ابراهيم: انزليييي مصارش خلاص
جنات بتتكلم
ابراهيم: جنننات انزلي
جنات صكرت الزر متع الباب: مش نازله
ابراهيم ضرب دومان: ززممري جنات كلمه هيا انزلي
جنات قامت حواجبها بمعنى لا
ابراهيم ضحك وهو متعصب: تي شن هدا الزفتت نحس فيك بنتي مش مرتي
جنات: المهم ليك
ابراهيم: جنات السيارة مظلمه نخطفك راه
جنات: اخطف
ابراهيم: البسي الكبوس متع التوتة
جنات لبساته ونزلت تضحك: مجنون مفكرني بنمشي معاك بتوتة
ابراهيم: اوكي اني بنطلع وراجع ناخدك تمام؟
جنات: تمام وخدت الصندوق وخشت
ابراهيم مشي نادر وتفقوو ع موضوع الكليا
جنات لبسة القفطان كان لونه دم غزال كبير فخم مرشوش وحلو كمام طوال ومستور لكن فيه فتحه ف الضهر المهم حلوو مع تسريحه بسيطه ناعمه ومكياج وروج نفس لون القفطان
ترررن ترررن
جنات: ايووه
ابراهيم: اني تحت جاهزة
جنات: اي نازله يلا
ابراهيم: يلا.. وصكر الخط
جنات لبسة نقابها ونزلت وكلهم كانو ف الصالة ومافي حد يعرف انها طلعت
ركب
ابراهيم: عادي نقيم النقاب
جنات ضحكت: اممم قيمه
ابراهيم قامه: 
اي ده الجمال 
اي ده الجمال جنات نزلت النقاب: عيونك الجمال
ابراهيم ولع وفاتح اغنية كلمة عطيني
ووصلو لحوش دورين كبير اضاء تجنن مسبح صغير واشجار بسيطه بمنظر يجنن وجنان خضرر
ابراهيم فتحلها الباب شاف الكعب: كعب وقعده قصيرة ي درياا
جنات: الله غالب اني مش قصيرة هلباا للعلم غير انت جيت طويل هلباا
ابراهيم شد يدها: وهدا حوشنا عارف انه الاول كان بمشاكله وهكي لكن هدا رح يكون كله دكريات حلوة باذن الله
جنات ابتسمت
ابراهيم: واليوم زي اول يوم مع بعض انسي كل شي فات وقديم اليوم يوم عرسنا
جنات ابتسم: ياروحي يجنن الحوش
وخشوو
جنات ف الممر حولت النقاب وفكت الكاب من ع جسمها
ابراهيم تلفتت شافلها قفطان وبيضية جسمها
جنات: وريني
ابراهيم قرب وايده وراى ضهرها: ناجلو موضوع الحوش بعدين
جنات ابتسمت
ابراهيم: نحببك
جنات: حتى ني
ابراهيم: معادش تقولي حتى ني قولي نحبك
جنات: نحبك ( وخطفت بوسه ع لحيته)
..
هديل لبسة روب احمر مع مكياج وبتحكي لـ نزار عن الحمل
نزار طلع من الدوش: مرتيي
هديل: نزاار بنقولك حاجه
نزار يمشط ف شعره ع المرايا: اكيد احكي
هديل غمضت عيونها: اني حامل
نزار ايده وقفت: ب بيبي
هديل ناضت وقفت جنبه: اي بيبي
نزار حط المشطويبتسم: اكييد لا قصدي متاكده بيبي
هديل ابتسمت: اي بيبي وربي
نزار حضنها بقووووة
هديل مبتسمه نزلت دمعتها
نزار مسحلها دمعتها ويتلامس ف خدودها: هديل رح تصيري ماما
هديل بساته ع خده: اي عيلة
نزار فرحان بيطير. ااا هديل كويسه مش حاسه بشي
هديل: بنموت من الفرحه ني
نزار: ياربي احلا يوم ف حياتي هدا
هديل حضناته
نزار قامها وحطها ع للسرير: فرحان بيك قد الدنيا ومافيها
وفاتت عليهم ليلة زي العسل
تانب يوم
فاقت جنات وكان المكان فاضي جنبها وخش ابراهيم: هييا افطري بسرعه عندك كليا اليوم
جنات فطرت ولبسة من الملابس لوخدهم ابراهيم لها وطلعو
#تسريع_الاحداث
بعد مرور تمانيه شهور
جنات حامل ف السادس
هديل ف شهرها 
هديل راقده وتسح ف كركات وركلات ف بطنها فتحت عيونها وحاسه انه بين رجلها مبلوله خافت وكان نزار ف خدمته ف المحل
خدت الهاتف: ن نزار
نزار سيب الزبونه: خيرك هديل
هديل تبكي: موجوعه نزار
نزار: كيف يعني تمام تمام اني جاي .. وصكر
نزار شاف العامل: اني طالع نظم امورك انتم
هديل تتلامس ع بطنها:اااه ياربيي
ووصل نزار :هديل عمري خيرك
هديل لابسة عبايتها وخايفه: نضفت الحوش و ك كنت راقده ونحس بوجع
نزار:تمام ي عمري نوضي ماتخافيش باهي
هديل:باه
ووصلو المستشفى
طبعاا خليل وصاحبه رجعوو حوش ابراهيم القديم احسن من قبل وصلحووه 
ابراهيم راجع من المركز وشاف النتيجه وطلعت جنات ناجحه نزل لمحل الهداية
ابراهيم خدي دبدوب احمر كبييييير وتاكم فضة لانه جنات تحب الفضة ورجع لسيارته
فتح نت ف السيارة شافها فاتحه نت اتصل بها مكالمه فيديو
جنات ردت:هااي
ابراهيم وراها الدبوب:شوفي شن جايب لبنوتي
جنات ابتسمت:ي عمرري محلاه
ابراهيم ابتسم:اني راجع نجيبلك معاي حاجه بنتي خاطرها ف حاجه
جنات:اي خاطر ف جيلاطي بنكهة الفستق
ابراهيم:تمام ياعمري رح ناخد جيلاطي وجايك
جناات:باي
ابراهيم: بايات..وصكر المكالمه
جنات تتلامس ف بطنها:بنوتي العسل حبيبت ماما غير امتى نشوفك ونفرح بشوفتك بس
ابراهيم فرحاااان قد الدنيا واالع سيارته وطلع وهو يسوق بسرعه متوسطه جاته شاحنه (بوطي) وبووووم 
هديل ولدت ولد
واتصلو بجنات قالولها
جنات:الحمدلله ع سلامه حبيبتي لم يوصل ابراهيم رح نجيكم
هديل:اني قعده ف الشفى
جنات شافت الساعه كانت 7.30 المغرب
جنات:نشالله خير تاخر من ساعتين كلمني؟؟
واتصلت رن ومافي حد رد
تتبع
لقراءة الجزء التالي : الجزء الثاني عشر من رواية سرقت قلبي
لقراءة الجزء السابق : الجزء العاشر من رواية سرقت قلبي
للإطلاع علي فهرس اجزاء الرواية : رواية سرقت قلبي ( جميع الأجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
