وفي الجزء الحادي عشر من رواية ظلموني ونحن نقترب من نهاية الأحداث هل سنظل نري مواقف مميزة مع ابطال الرواية ام لا ؟ دعونا نعرف إجابة هذا التساؤل في السطور التالية بإذن الله مع الكاتبة زهرة الشيخ .
الجزء الحادي عشر من رواية ظلموني
عند الياس
ف الطريق يفكر اوووف ان شالله مايطلع لي في بالي صح بس شن فها لو نتاكدو مش خاسرين شي
.
عند الماس
قاعده ف غرفتها شاده بطنها توجع ومش عارفه من ايش الوجع شوي اتصل بيها الياس
نضت سكرت الباب
الماس : بصوت تعبان الو
الياس : ايوا حبي كيفها بطنك توا
الماس: باهي تحسنت لاكن مازال توجع
الياس: اشحي بنقولك
الماس:ها
الياس : بري قولي لي محمد يرفعك لصيدليه تبي حاجه خاصه ومش ضروري ينزل معاك
الماس :علاش
الياس:نبيك تشري جهاز كشف الحمل
الماس: قعدة ساكته وشاده ف بطنها
الياس : ياويوو
الماس: ايوا معاك
الياس : ماتخافي نتاكدو بس
الماس : ت تمام حبي
الياس : نحبك
الماس : فصلت ف وجهه وقعدة تبكي وخلاص
.
.
عند ريماس
نسرين : فقدت الوعي
وريماس : تعيط وتبكي فجئ سكتت ولا صوت طلع
فهد ماعرف يلحق ع نسرين ولا يشوف ريماس خيرها سكتت ولا يكلم الاسعاف يرفعو الجثه تلخبط ماعرف شن بيدير
اتصل ب الاسعاف بعد 10دقايق وصلو
رفعو امينه ونسرين وفهد رفع معاه ريماس
بعد وصلو خدو الاوراق الازمه وغسلو للمرحومه ونسرين فاقت وريماس ولا كلمه
فهد يحاول معاها بس شي شي ولا صوت
نسرين : تبكي ريماس بنتي اشحي فيا
ريماس : شبحت فها
نسرين : تكلمي انطقي
ريماس : ولا صوت
نسرين : جدتك ماتت ره ابكي طلعي لي ف داخلك ماتحبسي شي
ريماس:دمعت
فهد: اقفي معاي تعالي نزلك عند الدكتور
ريماس: وقفت ومشت معاه
نزل بها عند الدكتور بش يفحصها
الدكتور: ماتخافش دكتور فهد صدمه بس وبتفوت عطها شوية وقت
فهد: تمام صحيت
المهم روح ب نسرين وريماس لبيت المرحومه
طبعا لانه ماعندهم معرفه وناس واجد ماطرو يديرو خيمه للعزا فهد وراجل نسرين طبعا ماقصرو ووفرو كل شي وبزايد
عند الماس
نزلت بتكلم قصي يرفعها لصيدليه لانه محمد عاركها وماعندها جو للمشاكل
الماس : قصي
قصي: عيونه
الماس: نبي ترفعني لصيدليه بناخد حاجه خاصه
قصي: انا ناخدلك شن تبي
الماس : لالا قتلك حاجه خاصه ب البنات
قصي : تحشم ا اباهي البسي عبايتك
الماس : تمام
مشت لبست عبايتها ونزلت
الماس : كملت
قصي: هيا به
ركبت ف السياره ومشو وصلو لي اقرب صيدليه
الماس : خليك هنا نتحشم ناخده قدامك
قصي : به هي انزلي وماطولي
الماس : تمام
نزلت وخدت الجهاز وخدت معاه حاجات لي ناقصينها وطلعت ركبت ف السياره
قصي : كملتي
الماس: اي
بعد دقايق ف الزحمه وصلو للحوش
طول مشت تجري لغرفتها لانه ماتعرف تستخدمه خشت ع القوقل وعرفت الطريقه
وداراته وطلعت موجبه يعني ريماس حامل 
ريماس طاح منها وشدت ف بطنها وتبكي بصوت واطي رفعت التلفون اتصلت ب الياس
الماس: تبكي الو
الياس: ايوا خيرك تبكي طمنيني
الماس: ا انا حامل حامل يا الياس
الياس: تقولمن صب عليه ميه صاقعه ب به اسكتي تو يسمعوك
الماس : اففف ياربي شن بندير
الياس : عادي ماصار شي حبي كل شي ينحل
الماس : اكيد ينحل غدوا ارفعني نزله الولد
الياس: لا مستحيل نخليك تقتلي ولدي الولد لي ف بطنك بتجيبيه تبي ولا ماتبي
الماس : تبكي
الياس : افففف الز… اسكتي خلاص تو غدوا نشوفلك حل تو انزلي كولي شي ماتهملي صحتك
الماس : به وصكرت عليه
رقدت ع السرير شاده بطنها وتبكي
ف الصبح
الماس فاقت بدري دوشت ولبست ونزلت بتفطر
الماس : صباح الخير
كلهم : صباح النور
محمد : قالب وجهه مش رافعك للمدرسه اليوم
الماس : مش شرط انته ترفعني يرفعني قصي
قصي : به سقديني عندي عمل
الماس : فطرت بسرعه ومشت مع قصي
اول ماوصلت طبعا نفس الشي خشت من الباب الخلفي ستناته يمشي وطلعت من المدرسه وتصلت بالياس وجاها
وها المره شافهم جارهم كان يوصل ف بنته ومايعرف من لي ف السياره مع الماس .
.
.
عند فهد :~
فاق الصبح دوش وبدل ونزل فطر بسرعه وطلع عنده حالات ويبي يشوف ريماس اليوم ويطمن عليها
.
.
عند ريماس
مازال مانطقت ولا كلمه ناضت دوشت وبدلت وصلت ودعت لجدتها برحمه في سرها وتبي وردت لنوم
عند الياس و الماس
مشو للمستشفى وتاكدو من الحمل طلع صحيح حامل والياس وعد الماس انه مش حيتركها والماس فرحت بهدا الشي
بعد مرور شهرين
عند ريماس
انتقلت وعاشت عند نسرين
وبدت تتكلم بس لضروره فقط وكرهت قرايتها
الياس :~
عنده حوش وسيارتين ويخطط لمستقبله مع الماس وكان ناوي يخطفها
عند الماس:~
سمنت شوي وبطنها مازال مابانت او هي لي بدت تلبس واسع وحولت فكرة تنزيل الولد من راسها
وطبعا كل ه الشهرين مامشتش للمدرسه تمشي عند الياس
عند يوسف جاه جارهم مرتين حكاله ع الماس وكيف تركب كل يوم سياره شكل وكان مستبعد فكرة انه الياس ومش مصدق اساسا
رغد :
بدت تتواصل مع ولدها ع النقال بسر
سلوى:~
شاكه ف الماس انه دير ف شي بس ماتعرف شن هوا بضبط
قصي :
كان يشوف وملاحظ كل شي ملاحظ شكل الماس وحبها للمدرسه فجاء وعارف انه امه تكلم في خوه والمشكله الاكبر عارف انه الماس والياس يكلمو في بعض وراهم في السياره وقرر يكشف الماس
عند فهد
شك في انه يحب ريماس واهتمامه الزايد بها وقرر يعترفلها ويجي يخطبها بس بعد تتحسن حالتها وتبدا تقرا من جديد
خلونا ف الروايه
عند الماس
فاقت بدري دوشت وبدلت ورفعت كم حاجه وكم دوا امتاع حوامل ف شنطة المدرسه
ونزلت
الماس :صباحوو
كلهم : صباح الخير
قعدت تفطر
محمد : بشويه يابطه
الماس : مادخلكش
قصي
يوسف : شن جو المدرسه معاك
الماس: تمام الحمدلله
يوسف : اممممم
قصي : كملتي
الماس: اي
قصي : هي قدامي
الماس: هي تمام بااي
وركبت ف السياره
عند فهد
فاق متاخر شوي دوش وبدل انزل
فاطمه : صباح التاخير
محمود : والفستق
فهد :ههه اي والله مارقدتش امس
فاطمه : اممممم
محمود: شكله ماخلاتك ترقد امس
فهد: من؟
فاطمه: كنتي المستقبليه
فهد: تحشم هههه ااالالا فاهمين غلط
محمود: سقدنا تزوج بش نخطب نا
فهد: كمل قرايتك قبل
امه: به نبو نفرحو بيك
فهد : قولو هك من لول قريب قريب ان شالله
امه : يعني كلامه حق خوك
فهد: اي حق
امه: لولولولولولي
محمود: شد هي
فهد: ياساتر
عند ريماس
فاقت ودوشت ونزلت بتفطر
احمد: يابنتي امتى بتبدي تمشي للمدرسه
ريماس : معاش نبي نمشي
نسرين : ريماس لامتى بتقعدي هكي ولا نسيتي احلامك ونسيتي التمريض ونسيتي انك تبي تكوني دكتوره
ريماس : لا مانسيتش
نسرين : جدتك شن قاتلك قبل لا تموت مش قتلك رد بالك ع قرايتك وخليك طالبه ممتازه وانتي ليك شهرين ونص مامشيتي امشي وكملي قرايتك وحققي حلم جدتك
ريماس : دمعت به
نسرين : خلاص ماتبكي هدا حال الدنيا
ريماس : مسحت ادموعها وفكرة ف كلام نسرين
.
.
عند الماس
نزلها قصي خشت من الباب تستنى فيه يمشي
قصي قدم قدام شبحها من لمرايه تاوق وبتطلع من الباب وتتصل وطلعت من المدرسه رد قصي فم الباب المدرسه ونزل اول ماراته الماس بتخش جبدها من ايدها بقوه
الماس : شن دير بعد
قصي : انتي لي شن ديري كل ه السنين تخدعي فينا ع اساس تمشي للمدرسه يا صايعه وضربها كف لين طاحت وتبكي شاده ف بطنها راهم الياس وهوا جاي من بعيد اول ماوصل نزله
الياس : بعد عنها قصي
قصي: قصدك انت لي تركب معاك
الياس: دفه حول عنها مادخلك
قصي : جبد الماس من ايدها ودخلها ف سياره وهي شبه دايخه
قصي: تعرف يا متعاطي تطلع مداير فها شي البنت مايصير فيك خير
الياس : ترا حول من طريقي حول مشى بيطلع الماس من السياره دفه قصي لين طاح وركب ف السياره ومشى بيها للبيت والياس وراهم
اول ماوصلو للبيت كانو مازال ع السفره
قصي : شادها من شعرها سلوى سلوى
سلوى: شن في اطلق البنت شن دارت
قصي : تبي تعرفي شن دارت بنتك الصايعه لي مش متربيه
يوسف : قصي احترم نفسك
قصي: الماس كانت تطلع مع الياس وكل يوم وكل الشهور مامشتش للمدرسه كانت تطلع مع المتعاطي ولدك
يوسف :كيف
الماس: تبكي
سلوى: مستحيل بنتي ماديرها
يوسف : هوا سامعه ه الكلام من قبل جارنا قاله وكدبته وماتوقعت الماس الطفله دير هدا الشي
الماس : شدت بطنها تبكي ااااه بطني بعد عني بعد
سلوى: بنتي
خش الياس
كلهم:
الياس : خش زي التور الهايج ضرب قصي لين طاح ع الارض وقعد يضرب فيه ومحمد يضرب في الياس من الخلف
الماس : تبكي
الياس : حول عنهم ومشى عند الماس خيرك حبي شن فيك
ناض قصي جبد الياس يضرب فيه ومحمد جبد الماس لين طاحت ع بطنها وداخت ويضرب فها محمد
الياس : بصوت عالي بعد عليها حرام اعليك الماس حامل
كلهم انصدمو وطلقه قصي ومحمد بعد عنها
الياس : قعد يفيق في الماس مافاقت
الياس : تعرفو لو صار شي في الماس ولا في ولدي اعتبرو اروحكم ميتين كلكم تسمعو فيا ورفع الماس مشى بيها.
يتبع ………
لقراءة الجزء التالي : الجزء الثاني عشر من رواية ظلموني
لقراءة الجزء السابق : الجزء العاشر من رواية ظلموني
للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ
جميع الحقوق محفوظة للكاتبة زهرة الشيخ .
