وفي الجزء الحادي عشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الحادي عشر من رواية عالمي
قال لي الحمد لله والله ي ولدي طالع مشوار ولا تعزمني بس قول ف شنو قلت ليه انا عاوز بت اختك غزل ع سنة الله ورسولو حتى هي م عارفه قااام اتخيلتو يمشي بس جا وسلم علي وبكا عديل قال لي والله بتشرف بيك طوالي ولو عاوز يوم الجمعه عقد نعقد طبعا نحن م ناس حفلات 
قلت ليه انا والله مناي افرحها نعمل ليها حفله صغيره أن شاء الله بي دلوكه المهم تكون زي باقي البنات قال لي يا زول م عندي مشكلة والليله تجي قلت ليه جدا ي خال أن شاء الله سلم علي واداني الموافقه ومشا في اللحظه د مشيت حضنت يامن قلت ليه حكون انا والبت البحبها ف بيت واحد تحت سقف واحد قال لي حضك م زي قلت ليه لو م كنت صايع كان اخدت البت العاوزها يلا سلام ومشيت وانا طاير من الفرح…
——————————
بدر قال لي انتي متأكده يا بنان قلت ليه اي متأكده خت يدو ف راسو مسافه وقال لي بصوت عالي اشبه للصراخ يعني انا م حأكون اب؟ هااا م حكون اب ي بنان صح اكيد م حكون ابب ههه لازم اصلا يجي منك شنو طفل هه طفل م قادره تجيبي يعني م حسمع بابا م حسمع كلمه بابا وينك بابا تعال م حربي ولد وم حشيلو اخخخ يارب انت ليه بتحاسبني كده اووووففففف (في اللحظات د جات امنيه ومستغربه جدا من رده فعلو) انتي عارفه غلطان انا عرستك ولميتك يا عقيمه يا تافه يا م شبه النسوان اي م شبهن انا اصلا كان اسمع كلام امي وأعرس بت خالتي بس انا راسي قوي وهدا االضربه كسرتو قلت ليه بدر انت معصب هسي م حتكلم معاك هسي قال لي معصب ولا زفت م تتكلمي معاي ي عقيمه قلت ليه بدر قال لي انتي طالق للحظه حسيت اني في حلم قلت ليه بدر انت عارف بتقول ف شنو قال لي انتي طاااالق قلت ليه د التانيه يا بدر قال لي طااااااالق ي بنان طالق مستحيل استمر معاك وانتي عقيمه كده مستحيل اكون قاعد مع وحده زي فرقنا شنو غير حبه مواصفات ها فرقنا شنو؟ ياهو كل شي استفيد منك ف شنو مثلا اخخ م كنت اطلقك تلات مرات وافكك من عصمتي لا ياخ كنت اعرس فوقك وابقيك الخدامه حقتي واعفصك تحت رجولي م استحملت كلامو وطلعت طوالي الصاله وانا الدنيا لافه بي حاسة اني ف حلم بقيت بسرخ بأعلي صوت بأعلي صوت بسرخ وبقول يا الله وينك وينك يا الله انا تعبت عليك الله شيل امانتك شيلها يارب يا الله 
وينككك يارب ياااااارب يارب انت وين يارب تشيل امانتك ريحني من الدنيا د انا انا م باقي لي شي يا الله تعال م قادرة استحمل اكتر من كده صبرت وصبرت وصبرت وبعد د حصل شنو خسرت حبي خسرت كل شي بسبب اني عقيمه استغفر الله الباب حق الشارع اتفتح بقوه ودخل عبد السلام كان مخلوع وجرا علي قال لي امنيه بنان بنان مالا امنيه الكانت شبه مشلوله ومخلوعه من سواريخي انا في عز سواريخي اغمي علي…
——————————
لمن الخال طلع مشيت ع بيتنا قلت لي البنات كلمو يامن وابوي حنمشي نخطب عديل وانتي ي رحمه امشي لي ناس بنان كلميهم لأن بالتلفونات م بردو قالت لي م بقدر عاوزه اجهز والزمن بضايقنا قلت ليهم طيب طيب دقيت لي يامن وانا ف الشارع كلمتو يجهز كل شي عشان ماشي لي بنان قال لي تعال اغشاني نمشي نكلمهم ونسوق بدر مره وحده نجيب حاجات الخطوبه قلت ليه فكره طيب يلا وغشيتو ليهو قلت ليه ازيك ي مان قال لي اووو العريس قلت ليه لسه لسه يلا اركب الزمن مرينا جمب سوق دخلنا اشترينا حبه حاجات لي غزل وطلعنا قلت ليه بعد نجيب بدر نمشي مول الواحه قال لي تمام مشينا ونحن تحت سامعين صواريخ اتخلعنا انا ويامن وجرينا فوق دفترت الباب والخلعنا اكتر بنان بنان اي بنان بت خالتي الواحدة د كان شكلها اقل م يقال عليه بمهدل عيونا واقعه وحمره وشها احمر وبتسرخ بطريقه جنونيه افتكرتها جنت وهي قاعده ع الارض وبتضرب فيها وبتدعي ربنا يشيلها كانت بتقول الله يلعن حظي الله يلعنو م اتهنيت انا عبد السلام العمري م نزلت دموعي قدام مره اليوم دموعي نزلت وانا بعاين ليها جريت ع أمنية الكانت مبلوله ولا طالعه من الحمام م عارف ودموعها جاريه وملامحها مخطوفه قلت ليها ب بنان ي ي امنيه مالاا قالت لي وهي بتعاين لي بنان وبتمسك يدي ع عبد السلام ع عبد السلام الحق بنان بنان حتجن ي عبد السلام يامن سرخ وقال اغمي عليهاااا قبلت لقيت بدر بعاين برود قلت ليه عملت فيها شنو ي ابن الك… قال لي طلقتها لانها عقيمه هل ذنبي؟ يلا يلا من بيتي وجدع هدوم بنان ف الارض ف اللحظه د يامن رغم انو اتجاوزها بس وقع فيهو ضرب لمن نزف وانا م قدرت اعمل شي المره د م عارف اعمل شنو اشيل بنان كيف وانا م محلل ليها كنت متحسس وفي نفس الوقت ضاق بي الدنيا قفلت في وشي بت خالتي ف الارض وانا م قادر ارفعها وخايف امنيه بقت تسرخ قتلووو قتلووو ي عبد السلام جريت فكيت يامن من بدر الما قادر يتنفس لان نخرتو كبت دم يامن قال ليه قسما يا بدر اشوفك في حياه بنان ساي او في شارعها قسما برب الذي خلقني وبأسمي يامن بتعهد ليك اقتلك ي بدر وتشوف كلامي وفكاهو وجرا ع بنان وشالها قلت ليه يامن
قال لي عبد السلام نحن ف موقف حرج ربنا م بحاسبنا ي امنيه جيبي توب بدل تبكي جرت جابت توب ولفينا بنان ونزلنا تحت ركبتها العربيه وركبنا وامنيه جمبها وماسكاها قلت ليها امنيه شوفي نفسها قالت لي نفسها ضعيفف ي يااااامن سرعه قال ليها نفسيها يا امنيه بسرعة فتح الشبابيك قال لي عبد السلام اسمعني حننزل ف المستشفى وامشي أعمل الخطوبه عشان م يقول م رسمي وتضيع منك قال ليه يامن انت م جادي صح ودقيت لي اهلنا قلت ليهم بنان اغمي عليها وم قادره تتنفس اتخلعو وبقو يلبسو رحمه ومهجه يادوب حسو بالغلط العملو وبقو يبكو وخافو عليها…
——————————
بعد الشفتو د يادوب حسيت علي نفسي وكرهي لي بنان في لحظة اتلاشي وبان ان د تجاهل م كره كنت خايف عليها شديد قلت لي عبد السلام اسمع نحن م حنقول عقيمه تمام حنقول وقعت وجاها نزيف والجنين مات وقالو تاني م حتلد عبد السلام قال لي كده حنكذب قلت ليه بعصيبه اها نعمل شنو امنيه قالت ليه يامن العقم م عيب فاهم قلت ليها طيب اسكتي وصلنا المستشفى ودخلناها بقينا واقفين منتظرين لمن اهلها جو….
*_-_-_-_-_-_-_-_-_-_-_-_-_-*
*الوعود، خيبات مؤجلة لا تثقوا بها كثيرا 
…*
*ما شبعت غياب؟ ما حنيت لـي؟*
*☆اشوفكم☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الثاني عشر من رواية عالمي
لقراءة الجزء السابق : الجزء العاشر من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
