وفي الجزء الحادي عشر من رواية عشقها لعنة للكاتبة ميشو محمد يا تري هل سيحدث شيء غير متوقع يقلب أحداث الرواية رأساً علي عقب ام ستسير الأمور كما خطط لها ؟ دعونا نعرف إجابة هذا التساؤل في السطور التالية بإذن الله .
الجزء الحادي عشر من رواية عشقها لعنة
حمزة يسوق: حسيتهم انزعجو صح
دارين: حمزة انت عارف انها اول عزومه يعمها لينا جدي علاش تمشي ف غيرك ف المركز لدرته مش حلو
حمزة: في غيري ف المركز صح بس اني هادي شغلتي اتصلو بيا قالولي تعلا نقوللهم شوفو غيري هكي؟؟؟؟!!!
دارين: خلاص صار وتم… وعطت وجها لشباك
حمزة زاد سرعه
ـــــــــــــــــــــ
عزو: بلا سماطه ليجيك كف مريم
مريم تضحك معمزه جنها
عزو يتفرج ع التلفزيون ع مبارة ومريم كل شويه تجبد شعره من لحيته تبي يحول المبارة
مريم تضحك: حوولها ياعزو ولا انتفلك لحيتك ره
عزو شافله: ياسر قريب التم
مريم خش للغرفة النوم ?: دواك عندي
لبسة قفطان قصير متع حوش ازرق سمائي وشعرها قايمته فوق مع مكياج خفيف وطلعت للمطبخ
عزو من الصالة يتفرج: حرجتي نجي نراضيك؟!
مريم: لالا متجيش
عزو يتفرج: حرجتتي
مريم: لاااا محرجتش وماتجيش
عزو ضحك وناض خش المطبخ
مريم تلفتت: تو مش بتتفرج علاش جييت غمض عيونك
عزو شافها تجهز ف نسكافيه ومعاه كيكة نسكافيه
مريم ضربات ع صدره بشوية: اطللع يادااره علاش جييت
عزو لف ايده علها: خلاص اسف ماشفت شي
مريم: ياباررد قتلك ماتجييش
عزو ضحك: تبي اديريلي نسكافيه وانتي متعصبه من الكرة
مريم ضحكت
عزو باسها ع خدها. مش بتنتفيلي لحيتي
مريم: الكبيده هادي مايطوعنيش قلبي انتفها
عزو ضحك من قلبه: صار الكبيده 
مريم: مصارش من الكورة؟!
عزو شدها من خصرها: مصارش لا من كورة ولا من نسكافيه (قامها من الارض) بنرقدو حني
مريم: حييي عليك اطيحني شدني كويس نطيح نقتلك
عزو ضحك: فيك منظر توا كان اطيحي (شافلها وقت) لكن مانقدرش نطيحك ز ماقلتي انتي الكبيده وقلبي مايطوعنيش …وطلع بها من المطبخ طفو الاضاء والتلفزيون ولنوم
ــــــــــــــــــــــــــــــ
تاني يوم
دارين فاقت
حمزة يلبس وطالع للمركز
دارين قامت شعرها :صباح الخير ..وطلعت من الغرفة
خش المطبخ تجهزله ف فطوره
حمزة طلع من للغرفة ويلبس ف بوته ف الممر:مانبيش نفطر ماديري شي
دارين سمعاته طفت ع القهوة بغللل
حمزة خدي سلاحه والمفتاح وطلع
دارين سمعت الباب تصكر هدت وخدت شهيق وزفير بهدؤ ماتبيش تبني بينهم مشاكل فكرت ادير كيكه وتنزل لام حمزة
شافت لمكونات وشافت انه موجود ف كريم شانتي وشافت المضرب فوق الدولاب
وقربت خدت الكرسي وركبت لكن مزال ماتوصلش وركبت فوق ايد الكرسي
حمزة نسي هاتفه خش وكان خش غرفة النوم وشافها:شديري
دارين فقدت توازنها وطاحت وخصوصا انه نخلعت وعيطت
حمزة قرب: انتي كويسه توجع فيك
دارين تبكي:ايدييي
حمزة بعياط: علاش مقلتليش اني
دارين وجها دموع وقفت:انت غير ديرلي حتى اعتبار انه اني عايشه معاك …وخشت غرفة نومها تبكي
stop
انتم اكيد احترتو علاش اني نكتب في مشااااكل هلباااا لانه ياحبيبتي الزواج مش كله حب والمشاكل لنكتب فها هادي بسيطه
المحتوى من الرواية محتوها واقعيه ز ماوجوده ف واقعنا يعني مانبيش نمشي بيك للوهم وكلله حب مافيش حياة زوجه بدون مشاكل ولو تبدي اميرة بنت السلطان 
دارين شاده ايدها وتبكي بعبرتها ومجشووووعهاا
حمزة خش: دارين
دارين قعمزت ع السرير وزادت تبكي من الوجشع؛ امشي لخدمتك حمزة
حمزة قرب قعمز راكع قدامها شد ايدها
دارين شاده ايدها: موجوعه حمزة
حمزة شد ايدها بصوت هادي: وريني مدي ايدك
دارين وجها دموع: موجووعععه مانبيش نمدها
حمزة وقف: تمام البسي نعاينك
دارين تعصبت من اسلوبه: برا لخدمتك مش مهم .. وتحاول تطلع
حمزة شدها: علاش تبكي فهميننني
دارين ايدها الموجوعه بنفس الوضعيه وبيد اليسار حطتها ع صدر حمزة: بعدد حمزة مافييي شي
حمزة شد يدها وعيونها ناار من العصبيه: اني مش صاحبتك باش ادسي عليا اني وانتي بنكونو عيلة قوليلي علاش تبكي
دارين بصوت شبه حاد: هااامك؟!
حمزة بصوت عالي: اي وهلبااا دموعك ينزلو بسببي يعني اني هني بدون فائده مدام ماتبي تحكيلي شي وماتبي توضيحي شي اني وانتي علاش متزوجين كان قعدنا نهدرزو ع الهاتف احسن
دارين شافتله: اني قتللللك مافي شي طحت وتعصبت بس
حمزة تعصصب: اليوم معاك هي وانتي مافيش طلوع برا الباب… وفتح ازرار سوريته
دارين خدت شهيق زفير بهدؤ وقربت لمست لحيته: صدقني تعبت انت مذنبك شي بس انت عرفني منوصلش لفوق (ابتسمت بمرح) علاش اتعب فيا
حمزة من لمست لحيته حظنها وباسها ع شعرها: ماتخلي شي يخرب عليا حياتنا
دارين حضناته بيد وحده: ابدا 
حمزة بعد وشد ايدها: وريني
دارين مدت ايدها: مافي شي شوية وجع تو تخف
حمزة يشوف ف يدها: نعاينك؟!
دارين: لالا مش محتاجه
حمزة باس ايدها وابتسم: سلامتها
دارين ابتسمت: امشي لخدمتك
حمزة صكر الزرين لفتحهم ونزل
دارين وقفت ع شباك دار النوم كان مش نازل شافت عائشة تكنس ولبسة الوشاح وقصتها برا شويه ورقبتها تبان وشافت حمزة نزل
عائشة حطت المكنسه وقربت: حمزة
حمزة ميبيش يشوفلها لانه لمح وضع وشاحها ورقبتها لفي الشارع طلع هاتف يتكلم ويشوف ف الهاتف: نعم
عائشة: نبي كروت نعطيك تجيبلي
حمزة عيونه ف الهاتف: تونجيبلك… وقرب بيطلع
عائشة قرب ايدها ع مرفقة بتشده توقفه
حمزة سحب ايده وتلفت متعصب: ردي بالك
عائشة: مش قصدي اسفه بس بنقولك انه امك عندها جلسة كلوي اليوم
حمزة: ومن امتى ننسى
دارين تشوف من فوق: الواضح انها في بنوتة حاطه عينها ع شي ملكي 
وقصة الملح مفكره انه اني حمارة يعني الملح نط للطنجرة كمية الغباااااء لعندك ياعائشة… لبسة المصلية ونزلت
دارين: صباح الخير عمتي
سميه: صباح الوردات
دارين: قالي حمزة عندك جلسة اليوم
سميه: اي 
دارين: الف لاباس طهورا نشالله
سيمه: سلمك
طقق طققق طق
دارين ناضت تفتح بس جت عائشة قدامها لكانت بدون حجاب وبنصكم وفتحت الباب وكانت تسنيم ايدها ع بطنها
تسنيم سلمت وخشت
دارين: انستي
تسنيم: بوجودك كنتنا
دارين ناضت للمطبخ وتكلمت بحترام: عائشة انتي كيف تفتحي الباب هكي وعلاش ديما حجابك محطوط هكي عائشة في معانا راجل ياريت تلتزمي
عائشة: للعلم جايه تنصحي فيا اكبر منك بسته سنوات للعلم
دارين: عادي العمر مش قصة
عائشة ادير في روحها عاديه : عادي لكن اني هكي واني عندي ربي ياحسبني علاش النصائح دارين: لا شي بس هكي مجرد كلام
تسنيم كانت واقفه ع الباب: دارين شن تقولي انتي جايه وتنصحي فها
دارين: عادي دردشة بين…. قاكعتها
تسنيم بحزمه: سمعتك متوضحي شي دارين البنت تخدم بلحلال معليش لو انتي متحسيش بها عادي تقدري تتجاهلها
دارين: تنسيم انتي فهمتي غلط افهميني وين الغلط ف كلامي
تسنيم: تصحي فها لانك نازله بمصليه اليوم وعائشة تعرف امتى يجي وتعرف امتى يروح حمزة
دارين: عن اذنك … وطلعت من المطبخ
سميه شافت دارين طالعه : وين اقعدي نتغدو مع بعض حمزة بيروح بعد العصر
دارين حبست عبرتها: صحتين ياعمتي
الساعه 3:30 روح حمزة وتوقع انه دارين عند امه
حمزة طق وخش: يوسف شجو
يوسف: تمام
حمزةضحك: ايوواه حني تمام وجو
تسنيم ابتسمت تشوفلهم
حمزة قعمز: شنخبارك تسنيم
باختصار بعدددددد هدرزة مع اخته
حمزة؛ وين دارين
تسنيم: ركبت حرجت شكلها
سميه: بنت قعده جديده من بكري نهزب فها راني ياحمزة
حمزة: خيركم؟!
تسنيم حكتله: واني سمعتها تهزب فها تكلمي ياعائشة
عائشة ع اساس متبيش ادير مشاكل ناضت للمطبخ
حمزة: بدينا توا ف مشاكل الكنه والحموات توا دارين علاش تقول هكي مع عائشة اكيد شافت علها شي وبعدين نصحتها
تسنيم بهدؤ: لا هي كانت تتكلم بطريقه انها تتامر
حمزة وقف:هي نوضي ياام عندك جلسه
سميه ناضت تلبس
حمزة ركب ولقي دارين مجهزتله غدي وراقده نزل وركب شاف امه تستنى فيه ومشو للجلسة
دارين ناضت شافت ملابس حمزة ع السرير يعني مغير ملابسه وطالع
تسنيم:وسيفه ولدي برا اركب فوق نادي مرت خالك
يوسف ركب:قتلك ماما انزلي
دارين؛ باهي
جو ربع ساعه ونزلت دارين
تسنيم:حرجتي؟!
دارين:لا بكل علاش بنحرج
تسنيم ابتسمت ابتسامه صفرة
عائشة جابت نسكافيه وقعمزو تسنيم وعائشة يهدرزو ع الجيران ودارين ساااكته لانها مزال متعرف حد
ـــــــــــــــــــــــــــــــــــــــ
عند مريم لتلعب ف البحر مع عزو
عزو مقعمز جنبها ع الرمله: تعالي نخشو مع بعض
مريم:نخاف خليني اني انت خش
عزو وقف سد ايدها:وانتي شن جايه منظر نوضي
مريم وقفت وشده ايده:اعييي ياعزو غير تبل فيا
عزو: نديرو جو تحت المية 
وخشو كل ميتعمقو كل ما مريم تزيد تتمسك ف عزو
مريم بخوف:عزو الميه غطت رجلينا ياسر
عزو شد ايدها:اني ندخلك ونطلعك ماتخفيش
مريم شدت ايده وبدو يخشو
عزو خطا عيونه بنظرات البحر ولبس لـ مريم النظرات لانه بيدخلها داخل
مريم شاده ف ايده بخووووف: ترخينيش
عزو غطس بها وشاد ايدها خشو خشو خشو
مريم حابسة نفسها تحت الميه وتشوف ف المنظر
عزو شد ايدها وقربها ليه
مريم بدت تتنفس لم قرب منها وكلعو بسرعه ومريم تكححح
مريم تضحك وتكح:معاد تلمسني تحت الميه تي تلمسني ف الهواء ونشالله
عزو يضحك: المهم تغلبني ع خوفك ونزلتي للعلم وانتي معاي نزلتي
مريم تكحح
طلعو غيرو ملابسهم وطلعو تاني تمشو ع الرمله
عزو: عكسه مع الاولاد احسن منك انتي معاك كساااد
مريم شافتله 
عزو ضحك
مريم :تتكلم جديات
عزو يشوف ف هاتفه:ابدا
مريم وعزو قعمزو
عزو:اني نععععشق حاجه اسمها تحدي تعالي نلعبو نفوتو وقت
مريم:اوكي يلا تحدي او صراحه
عزو:تحدي طبعاا
مريم:اليوم ترجع وانت تعععره التحدي
عزو:التقه هيا ابدا ياعبدالواتق
مريم:وقف اي حد من الموجودين وقوله انك تحب مريم
عزو: هادم كلللهم مانعرف فيهم حد يعني لو نقولها بصوت عالي معنديش مشكله بس خايف برستيجي يضيع
مريم ضحكت:نوض يابرستيج
عزو شاف ولد صغيرووون ممكن يقرا صف تالت وقاله عزو قعمز جنبها
عزو قعمز جنبهاعزو:يلا تحدي او….قطعاته
مريم:لعبة تحديات بس لانه حتى ني نحبه هي
عزو: امممم بوسة
مريم: في الحوش طبعاا مش هني
عزو:هني وتوا
مريم ضحكت باست ايدها وحطتها ع خد عزو وتضحك
عزو ضحك: مبردك لكن باهي هي
مريم: ياسر جعت نبي حوت
وناضو طلعو من البحر لمطعم وطلبو حوت
تغدو وطلعو ركبو ف السيارة
مريم:حارة
عزو.شنو حار
مريم تمروح ع فمها: هكي فلفل او شي مانعرفش حاجه حاره
عزو تحملش منظرها شدها بيد وحده جبدها من خدودها وباسها ع
طبعا هدا صار ف السيارة بحكم انها مظلمه
عزو: مافيش حاجه حارة
مريم ضحكت
عزو يسوق وفات الوقت شافلها لقها راقده: مريم ياعمري نوضي قريب نوصلو
ووصل عزو وكان الحوش معبي شرطه من جميع النواحي
مريم شدت ايد عزو.عزو شن هدا
عزو رخي ايدها: اركبي للحوش طول لاتشوفي لايمين لايسار طووول
مريم نزلت خشت حوشهم
عزو كلبشوه وخدوه
مريم خشت ومعادش عرفت تتصرف اتصلت بـ عبدالواتق وحكتله
مريم قعدت تغلي
ــــــــــــــــــــــــــــ
دارين نزلت صح لكن الوقت كلله ساكت
ركبت وجي حمزة عطي لـ عائشة كروت لطلبتهم وركب
حمزة ركب يجري
دارين تمشط ف شعرها الطووويل
حمزة خش: كيف صارت ايدك بكري بنرفعك مع امي تعايني لقيتك راقده
دارين: بسيطه مدورهاش
حمزة فتح الدولاب ياخد ف ملابس وخش لدوش
دارين لبسة بيجامه وقامت شعرها كعكه فوق
حمزة طلع ويجفف ف شعره
دارين تربعت ع السرير:حمزة نبيك ف موضوع
حمزة ينشف ف شعره وساكت
دارين: حمزة علاش مخلي بنت غريبه تهتم بـ امك انت تو توتق فها؟!
حمزة حول المنشف: وين المشكله ممرضة هي
دارين: اني شفتها من الشباك هي قربت منك وحاولت تلمس ايدك (حمزة شافله )لكن انت مسمحتلهاش تمسك وبعدت انت علاش مخليتهاش تلمسك؟؟؟
)لكن انت مسمحتلهاش تمسك وبعدت انت علاش مخليتهاش تلمسك؟؟؟حمزة ممفهمش.كيف انتي شن تبي توصليلي
دارين: انت متوتقش ف عائشة انها تلمسك او حتى انها اديرلك شي تاكله صح
حمزة: اني منحبش ناكل ولا نسمح لشخص غريب يلمسني وخصوصا انها هي بنت
دارين: غضوا بننزلو نتغدو ومن ايدين عائشة الغدي شن رايك؟!
حمزة: اني قتللللك مانكلش من ايدها
دارين: انت مش واتقه فها كيف تامن امك معاها
حمزة سكت
دارين: امك طيبه ومتعرفش بخبث الجيل هدا رجع عائشة للدار المسنين واني نهتم بـ امك
حمزة: لا انتي متدخليش
دارين وقفت ع الشباك: مره وحده بس شفتها تتقرب منك ….قاطعها
حمزة: شن تبي تقولي انتي اعطيني من الاخير
دارين شافتله: حمزة ماتشوفش ف عيون عائشة لم تخش او لم تضحك اربعه وعشرين ساعه تتفرج عليك
حمزة وقف تعصب: انتي شن تبي باه شن ندير اني واصلا نعرف مش غبي
دارين: اني خايفه ع امك
حمزة: ماتخافيش عائشة ليها معانا اكثر من سبع شهور او اكثر
دارين: تمام معاد ينفتح الموضوع هدا ارقد…. وطلعت من الغرفة
حمزة حدف المشف ع السرير وتسطح متعصب
ـــــــــــــــــــــــــــــــــــ
تاني يوم
مريم في بيت العيلة ومرقدتش طوول الليل
عبد الواتق: قالو ضارب واحد
زهرة اعصابها تعبانه: وامشوو ادفعوله ولا كلمو يتنازل وديرو صلح
عبدالواتق متعصب بصوت عالي: الولد مشيناله للمستشفى وجها مشووه عزو متهجم عليه وجارحله وجهاا
عبدالواتق: الولد وجها بلكامل فاشه وضمادات
امجد طق طق : السلام العليكم
كلهم وعليكم السلام
امجد: الولد من الجروح لفي وجها مش قادر يتكلم كويس
زهرة: عزو ميضرباش اكيد ابصر شن داير
مريم: مني الولد؟
امجد: علي… شافلها واشرلها تطلع بدون ميحس جده وجداه وطلع
مريم عدلت وشاحها وطلعت: نعم
امجد: سامحيني ناديتك بطريقه هادي لكن مانبيش لداخل يحسو نبي نعرف شن بين علي وعزو
مريم: معتز منبهني مانقول لحد
امجد: اهاا تمام لكن اعرفي انه عزو من اول يوم عرسة وهو يدور ع علي واني لساعدته وشديناه يعني اني مساعده والمفروض التنين محبوسين توا
مريم سكتت
امجد: تمام ماتبيش تقولي براحتك عن اذنك.. وطلع
تتبع………
لقراءة الجزء التالي : الجزء الثاني عشر من رواية عشقها لعنة
لقراءة الجزء السابق : الجزء العاشر من رواية عشقها لعنة
للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد
جميع الحقوق محفوظة للكاتبة ميشو محمد .
