الجزء الحادي عشر من رواية نبضات قلب

تاني يوم

ادهم ناض الصبح

ترررن ترررن

ادهم:صباح الورد ياروحي كيفك

تسنيم: صباح العسل الحمدلله بخير

ادهم:استاحشتك اول مرة نرقد بدونك

تسنيم: واخر مرة ياقلبي

ادهم قعمز ع السرير:موجوعه نبضي؟

تسنيم:شوية الحمدلله شدير

ادهم:توا روحت من الخدمه ومع جو العصر امي وسهى بيجوك

تسنيم:اهاا مرحبتين بيهم تعلا معاهم حبيبي

ادهم:اي اكيد اي بنسالك شنو بتسمية الولد

تسنيم:زين الدين

ادهم:ع اسم بوي يعني

تسنيم:اي

ادهم:تمام حبي

تسنيم:يلا باي حبيبي

ادهم:ديري بالك ع روحك وع زين

تسنيم:وع روحك حبيبي نحبك

ادهم.نموت فيك يانبضي باي

تسنيم:باي..وصكرت الخط

نقلوو تسنيم لغرفة تاني بروحها والبيبي معاها وكان هااادي مش عياط هلباا باهي

الدكتورة:كويسه اليوم

تسنيم:اي الحمدلله

جلال:السلام عليكم

الدكتورة وتسنيم:وعليكم السلام

جلال ف ايده ورقه :بنتي كيف حالك اليوم

تسنيم لم شافت الورقة ماطمنتش:الحمدلله بخير

الدكتورة شافت الورقةماطمنتش وقررت تقعد تعرف ورقة شنو هادي

جلال قام الورقة:تسنيم هادي ورقة طلاقك بنتي رح توقعي ونبعتوها لـ ادهم

تسنيم بتعمز شدتها الدكتورة

الدكتورة:لا متقعمزيش خليك متسطحه مززال تقدريش

تسنيم:بابا انت شن تقول

جلال:اي رح توقعي سلم بنتي يلا ياسر مرة يضربك ومرة يلزك من الحوش ومرة يخليك قريب تجهضي لفي بطنك ومرة هادي سممك

تسنيم:كذذذب كل شي كذب ادهم معمره ولا حياته دار لتحكي عليه انت علاش الافترأء هدا انتم تظلمو فيه هو طيب اني منبيش نطلق

الدكتورة ساكته

تسنيم تبكي تشوف ف الدكتورة:كددب كدب هما كدابين هو مدارلي شي وماضربنيش

الدكتورة:مني سممك؟

تسنيم:رويدا اني متاكدة انها رويدا لكن ادهم برئ

جلال ضرب تسنيم كف:ياسر مهزله اني نبيك تعيشي مع شخص من مستوانا ومن عيلتنا ياسرك تبهديل مع الفقير هدا

تسنيم تبكي وايدها ع خدها:يابابا اني مرته افهم ام ولده اني منبيش نطلق منه

جلال:الولد ياخده هو ويربيه وانتي عندك نصيبك حني بعد متطلقي بنزوجوك لواحد من العيلة معروف ومن مستوانا

تسنيم تبكي:ماانبيش نوقع

جلال بعصبية:وقعي خيرلك

تسنيم تبكي:مستحييل

جلال حط الورقة جنب السرير:خليها هني اني رح نرجع

بعد العصر

ادهم خدي بوكي شكلاطه وورد مشكل وعطها لـ امه

سهى وادهم ويمنى وصلوو سلمو علها وشافو البيبي

سهى:شنو بتسموه البيبي

تسنيم:سميته زين الدين ع اسم جده

يمنى:الله يرحمه

ادهم شاف الورقة جنب السرير قامها فكرها متع دواء لم شافها وجها تغير وطلع

تسنيم شفاته ومقدرتش تتكلم

بعد دقايق

ادهم خش:امي سهى استنوني ف السيارة نبي نتكلم مع تسنيم شوية

يمنى:خيرك إن شاء الله خير

جلال خش وصكر الباب:خليكم ضروري تقعدي وتسمعي شنو رح يصير

تسنيم تتوجع:بابا خلي عمتي تطلع ماترعشهاش

جلال:لا كل ضروري يسمعو لعندي

ادهم ف ايده الورقة:اني احترمتك ودرتك ف مكانت بوي لكن لحد هني وبس اليوم رح ننهو الموضوع هدا

جلال:البنت بنتي واني نبيك اطلقها البنت كانت رح تموت ف عز صبها من مشاكلك هي صالها تسمم واي شخص يشوفها ف حملها يقول مش حامل بكل مخليها ضعييفه وصايرلها تسمم انت متقدرش تصرف علها وتسعدها اني بناخدها ورح نهتم بها انت مش خايف من ربي ولا كيف البنت صغيرة نضيع فيها معك

تسنيم تبكي سهى شاده ايدها وتهدي فها

تسنيم:ادهم جيب كرسي لـ عمتي

ادهم:انت تهين فيا قدام امي واختي شوف بنتك شن قالت قتلي جيب لـ امك كرسي باش ترتاح…قاطعه

جلال:بنتي هوا هدا تبوها خدامه ليكم وخلاص البنت اليوم رح ناخدها

ادهم بعصبية:اني منبيش نغلط ف الكلام معاك محترمك بسبب عمرك وبس وانت تهين فيا

جلال:لو كانت متزوجه واحد حالته المادية كويس ومش زيك راه توا قايمه صحتها ومش متسممه من مكلتكم

تسنيم تبكي:يابابا اني تسممت بلغلط بللهي عليك اسكتت مدريش فيا هكي

جلال قرب من بنتي ويعيط علها:اسكتي انتي رح تطلقي اني دلعتك هلبا ودلاعي ليك فسدك

تسنيم تبكي: لكن اني مانبيش نتطلق منه

ادهم:سمعتها

جلال طربق بنته كف:غصب عنك رح تطلقي

ادهم ضغط ع سنونه ودم وصل لراسها:تفاهم معاي اني مش تضرب ف بنت ع سرير الولادة ياكبير يا مقامات

جلال متعصب:طلقلي بنتي وعطيهالي تربح وخود ولدك وامشي

تسنيم تبكي:لااالاا

سهى شاده ايد تسنيم وتسكت فها

يمنى كبيرة ف السن نتقدرش تتنقش مع جلال ف النهاية هادي بنته

ادهم: افهمي البنت مرتي واني خايف علها زي انت خايف ع بنتك

جلال:لو كنت خايف علها علاش تلزها من حوش وعلاش تضربها تكلللم

ادهم شاف تسنيم:انيي امتى ضربتك ولزيتك بوك شنو يقول

تسنيم تبكي:ي بابا كدب كدب من قالك انت هو معمره ضربني ولا جرحني ف حياته كلها ولا لزني كدب انت من قالك هكي يكدبو عليك ي بابا

ادهم حس الكلام هدا مش من تسنيم:انت مني قالك

جلال:مهاب خوها قالي وحكالي انك لزيتها وضربتها وجت ف وقت اني كنت مسافر

ادهم عيونه نار:مهاب هو ضربها ولدك كداب

جلال قام ايده بيضرب ادهم كف ادهم شد ايده

ادهم:اني حتى بوي مضربنيش تعرف لو انت مش بو مرتي ايدك نكسرها

تسنيم مسحت دموعها وبعدت الشرشاف بتوقف وشدت بطنها وهي تتوجع ووقفت تتوجع

ادهم نار ولعه فيه:انت ف مستشفى اطلع نتفاهم معاك برا

تسنيم شاده بطنها وتقرب من بوها وهي تتوجع شدت ايد بوها:يابابا مهاب يكدب هو يسمم ف ودانك هوضربني صدقني ادهم ماعمره ضربني ولا لزني من حوشه بلعكس محترمني وللهي مانكدب عليك يابابا

جلال نفض ايده من تسنيم:بعددددي انتي سحروك اكيد

تسنيم بعدت وتبكي ايدها ع بطنها:يابابا كله كددب اني منكدبش هو راجلي

جلال متعصب قرب منها:هدا ميقدرش يحواك انتي وولدك افهمي

تسنيم مسحت دموعها:اني مش رح نطلق وهدا لعندي واني متاكد ميا ف الميا انه الكلب مهاب وعبدو هما يعبو ف راسك عليا الكلاب

جلال:اي عبدو ومهاب يبو مصلحتك

ادهم:من عبدو ليبي مصلحتها

جلال شافله بكره:عبدو ولد خوي مرة طلبها وهي رفضت ولم رفضت هو تزوج لكن مرته متجيبش ف صغار طلقة وتوا قالي لو طلقتي انتي رح ياخدك

تسنيم تبكي ايدها ع فمها

ادهم:عاجبك هدا لـ اسمه عبدو واني مش عاجبك ولا كيف

تسنيم تشوف ف ادهم

جلال:هو يقدر يحميها ويقدر يصونها ويسعدها ويقدر يدير اي شي تبيه تسنيم واي شي تطلبه رح ينفده

تسنيم مسحت دموعها تاني:لكن ادهم حميني ويقدر يصوني وهو سعدني وكل شي نبيه ماعمره رفضلي طلب …قاطعها

جلال:هو فقير ومنتوف ميقدرش يسعدك طول العمر لكن عبدو عنده املاك انتي رح تكوني مليكه عنده

ادهم بعصبية:فقير صح لكن ماعمري نقصر مع حد ومش بخيل وكل شي نقدر عليه ندير فيه ع شانها هي وبس وخلي ف بالك اني منحبش نبرر لحد لكن انت كبيرنا ومن حقي نحترمك

جلال طلع الهاتف:خلي امك واختك يطلعوو

سهى ويمنى طلعوو وهما خايفين

جلال اتصل بمهاب:مهاب تعلا لغرفة اختك بسرعه

مهاب:تم..وصكر الخط

دهم خدي الوشاح من الكرسي عطاه لـ تسنيم:قعمزي ارتاحي انتي

تسنيم مسحت دموعها ولبسة الوشاح بصوت واطي:ادهم اني معاك ياقلبي

ادهم مسح دموعها:ماتخفيش مش رح ياخدك مني حد انتي ليا

تتبع

لقراءة الجزء التالي : الجزء الثاني عشر من رواية نبضات قلب

لقراءة الجزء السابق : الجزء العاشر من رواية نبضات قلب

للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد

جميع حقوق الرواية محفوظة للكاتبة ميشو محمد .