وفي الجزء الحادي والعشرون من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الحادي والعشرون من رواية عالمي
عاينت ف عيونو الملانه توتر قال لي سلطان بحب بنان م عارفه سرخت كيف وقلت كلامي كيف البعرفو اتفشيت قلت ليه انتو كلكم كذابين
كلكم مخادعين يا رسول الله لم يستوصو بنا كما امرتكلكم كذابين واحد بعبي شهواتو واحد بكذب واحد عشان يتونس بيها واحد عشان يملي وقتو يا الله منكم يا الله ليه ليه كل د قال لي بنان هل انا مراهق.؟ قلت ليه الكلمه د كلهم قالوها وبعدها الحصل شنو قال لي م فاهمك يا بنان ليه الزعل د كلو والله م بحبش زعلك وم يرضيني قلت ليه انت عاوز شنو ي سلطان قال لي عاوزك قلت ليه انا انا م بقدرللحظة حسيت بضعف حسيت ان قوتي الخزنتها اتلاشت قلت ليه انت م عارف عني شي انت اول م اكلمك حتمشي بدون اوريك وفعلا قلت احكي ليهو عشان يقتنع وم يعلقني فيهو ويسيبني زيهم قلت ليه انا ي سلطان مطلقه وعاقر سلطان ملامح وشو اتغيرت ومن الصدمه قعد انا من عرفت انه اتنازل قلبي وجعني وبقيت ابكي شديد واسرخ واحكي اي اي حكيت حكيت كل شي حصل لي لي الان حكيت ليه سرخات قلبي وخيباتو وذئاب عالمي حكيت ليهو هم كيف شرسين حكيت ليهو عشان عشان هو حيمشي بعد يسمع كلامي د حكيت ليهو عشان انا م قادرة اشوف نظراتو حكيت ليهو لحن وجعي وشقاي حكيت ليهو من ايامي الببكيها في مخدتي عشان م اصدر صوت حكيت ليهو وخزات قلبي وطعناتو حكيت ليهو كيف طعنوني في ضهري كنت مستغربه انا كيف بالقوه د كلها كيف م دخلت في حالة اكتئاب كيف القوه د جاتني وقدرت اتغير وابقا بنان تانيه مستغربه كيف الدنيا اتهزت فيني وانا رتبتها مستغربه في نفسي كيف خضت المعارك د بكل القوه والانهيارات الحصلت لي د كل كلمة اتقالت وكسرتني كل كلمه هزتني وشقتني وبهتت ضحكتي حكيت ليه كيف فرحي اتدرج تدريج وهو بزول حكيت ليهو بكل الناس الخانو الثقه والعشم حكيت ليه لمن انتهيت ختيت يديني ف وشي وبقيت اتنفس واخد نفس مشا جاب كرستال مويه واداني قال لي ارتاحي شربت قلت ليه د شنو البرود د قال لي برود شنو ي هانم انا عند قراري انا عاوزك انتي مش ماضيك قلت ليه انت مستحيل تعيش مع زول زيك قال لي بنان انتي ليه بتوهمي نفسك انتي بتتزكري قلتي ايه لأختي؟ مش بتتذكري انك قلتي ليها ان ربنا بحب الصابرين ولازم نصبر طيب هي بكماء وصبرت انتي لازم تصبري انتي في امتحان لو اتجاوزتيه ربنا برفعك درجات كونو مؤمنه بحاجه اسمها قدر كوني عارفه ان ربنا م حيخزلك ابدا خليك واثقه في رب العرش انه زي م ابتلاك ابتلاء خرب حياتك وشتتها هو حيعوضك عوض يرتبو ويزهرو ويعطرو بنان انا مش عاوز كلمه منك غير موافقة اني اعقد عليك بكره وانزل معاك السودان نتم العرس هناك واعملك صالة افراح م شفتيها في الاحلام انا عاوزك تلبسي زفاف كأنك م لبستيهوش من قبل وتنبسطي وتروقي مخك بلاش دموع دا والله الدموع ملعونه في عيونك ي بت صحصحي الدنيا بكره تفوتي منها موجوعه احسن تصبري وتتعلقي بي ربنا وتؤمني ان كل شي يحصل لي خير وربنا عاوز يختبرك م تعمليش كده في روحك انتي قلبك ابيض وربنا حيعوضك بحد ضميرو صافي اتجاهك بنان انا مش بقولك كده عشان تتجوزيني انا بقولك كده بحي اشوفك بتفرحي بنان نحن لينا سنه متفاهمين صح في شوية مشاكل بس اكيد م حتأثرش فينا انا بوعدك اسعدك وافضل طول العمر جمبك ديل وعدوك وعد سوداني انا اوعدك وعد حد مصري فاهم وعارف ايه يعني مشاعر البت تتكسر وانا والله اخاف الله فيك انا راجل وعند كلمتي يلي قلتهالك انا متمسك بيك جدا 
المجد للذي اصر علي البقاء معك رغم اصرارك على الرحيل
م قدرت اقول حاجه يعني كلامو مس فيني حاجات كتيره مداني من القوه الكنت بحتاجو واحساس اعرس مصري احساس غريب كلامو كان كلام زول جادي م اتكلمت معاهو ومشيت منو بعيد دقيت لي ابوي جا لاحقني قال لي في ايه قلت ليه بشاور ابوي ابوي رد وبقا يتونس معاي قلت ليه ابوي انا بصراحه فكرت في الموضوع القلتو لي قال لي بنان احلفي والله لو م كنت راجل كنت زغرت وانا عند وعدي ليك تختاري العاوزه قلت ليه دكتوري هنا قال لي مصري؟؟ قلت ليه ايوه قال لي انتي مقتنعه ماف زول غاصبك؟ قلت ليه لا ماف زول غاصبني قال لي متأكدة يا بتي انا واثق بيك وانا م ننوع الاب العندو اهم شي السيطره لا انا واثق في اختيارك المره د بذات قلت ليه م بحبو يا ابوي بس عاوزة اجرب حب الحلال قال لي من عيوني طيب هو منو وساكن وين و..
قلت ليه ابوي براحه وريتو اي شي قال لي د دكتور سلطاااااان قلت ليه بتعرفو قال لي ي زوووووله كيف م بعرفو وعمو وابوهو اصاحبي لمن جيت مصر قلت ليه سبحان الله الدنيا ضيقه قال لي انا اطمنت عليك بعد د قلت ليه ابوي هو جمبي قال لي اديني ليهو طيب شال التلفون وسلام وكلام ابوي قال ليه حتعمل خطوه متين سلطان حكا ليهو بفكرتو ابوي وافق وقال ليه م عندي مشكلة نهاي فكرت شوية فتحت الاسبيكر قلت ليه ابوي رايك شنو اتحبس هنا عند طنط فوزيه قال لي وسلطان وابوهو؟ لالا ي بتي خلي خالتك تجيك واجرو شقه وجيبي ليك خبيرات يهتمو بيك قلت ليه م للدرجه د قال لي لالا عاوز افرح بب بتي قلت ليه حألغي الحجز واقدم لي تلات اسابيع قال لي طيب في المسافه د انا بكلم امك قلت ليه ابوي م تكلمها قال لي طيب احجز الصاله والطباخين كلو في الصاله قلت ليه انا غير الحفلة م عاوزة شي لا شيله لا كلام فاضي بس الحفله وحنه والريحه م عاوزهم قال لي جرتق بنعمل قلت ليه ابوي قال لي كفايه الحنة قلتي لا قلت ليه مم قال لي اسمعي خططي انتي وسلطان وخلي سلطان يشيل رقمي ويوريني قلت ليه طيب وقفلت منو سلطان كان باين ف ملامحو انو مبسوط قال لي اديني رقمو اديتو قال لي طيب تعالي نتفق قلت ليه سلطان م عاوزة حد يعرف لمن انزل قال لي طيب طيب قلت ليه بكره قبل العقد كلم امك بي حقيقتي قال لي حكلمها انك مطلقه بس عاقر د ماف داعي ليها قلت ليه ….
*_-_-_-_-_-_-_-_-_-_-_-_-_-*
*جاءت هزيمتي على يد من أحببت هكْذا لَم أترك للأعداء باباً* …
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الثاني والعشرون من رواية عالمي
لقراءة الجزء السابق : الجزء العشرون من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
