الجزء الخامس عشر من رواية تزوجنا ولكن هل يبقي الحب

وفي الجزء الخامس عشر وهو الجزء الأخير من الرواية هل يا تري ستكون النهاية سعيدة أم حزينة ؟ هذا ما سنعرفه في السطور التالية من رواية تزوجنا ولكن هل يبقي الحب للكاتبة الموهوبة كيندا .

الجزء الخامس عشر من رواية تزوجنا ولكن هل يبقي الحب

وصل وائل للحوش ولقى منى راقده على سرير وفاتحه سهاره ومغمضه عيونها فاقعمز جنبها وابتسم وحط ايده على شعرها وبعدين نزلت ايده على جبهتها فالقاها نارررررر مولعه فاهنا ناض بسرعه للمطبخ وعبى ميه وتلج وخدى فوطه ….. ورجع لدار وعصر طرف وحطه على جبهتها وشدلها ايدها …. واول ماحست منى فتحت عيونه وكيف جت بتقوله وائل انى … بس هوا سكتها وقاللها …….
وائل ….. ااااااااااااااااااااااص .. ماتقوليش اى كلمه بعد اليوم … انى نسيت كل شى .. وخسارتى لامى خلتنى نحس بقيمة وتفاهة الاشياء التانيه ومانبيش نخسرك زى ماخسرة امى .. خلينا نبدو حياتنا من اول وجديد وننسو كل الا فااات 
اااااااى منوووو علاش تبكى توااا … واللله نحببببك يامهببببولتى انتى … نقولك شى هههه نحب فيك ابتسامتك وضحكتك ودموعك وشطانتك … وحتى زعلك … هدا كافى يتبتلك انى مازلت نحبببك ولانزيد ..
منى …. << ودموع ينزلو >> انى حاسه انا الا صار كسر فيا شى مش عارفه كيف نقدر نرجعه تانى … سامحنى بس حاولت ننسى .. بس صورته قاعده فى خيالى وصورة امك كيف طايحه وكل شى .. انت مش فاهم انى بديت نحلم بكوبيس فى الليل وبديت نخاف نخسرك بسبب … انى مش عارفته اصلا ….
وائل …. رح نقدرو نجتازو كل شى بروحنا اكيد … انى وانتى خطوه بخطوه .. والحب كفيل انا يمسح قلوبنا  … وعلى فكره احنا رح نرجعو دبى … وهدا الشى رح يخليك تنسى اكيد …
وفجأه مشت منى تجرى للحمام ووائل ناض بسرعه وفجأه لحقها ولما لقى حالتها متأزمه اكتر .. مشى لدولابها وجابلها عبايتها ووشاحها وحطهم عليها ورفعها للمستشفى …
واول ماخشو للعياده وخشت منى لدكتور اتصل وائل بى مؤيد وقاله ….. ومؤيد نوض هدى وتسقدو للمستشفى ..
واول ماشاف دكتور منى طلب منهم انهم يركبولها ابرة تغديه وتبات فى االعياده وطبعا الكلام هوا وائل عرفه من سستر … فالما عرف بى هالشى .. خش لدكتور وسلم عليه وقاله ..
وائل … السلام عليكم دكتور .. انى مرتى توا كانت داخل عندك والسستر منعت عليا نخش معاها .. علاش الليله بتقعد فى عياده فى شى ….
دكتور …. والله شن بنقولك … اول شى باين انا زوجتك جتها نزله معويه حاده على معادتها … والحمد لله انك جبتها مبكر وتانى شى الباين يعنى من خلال التشخيص مبدئى انا زوجتك حامل بعون الله … وضرورى ماتقعد 24 ساعه عندنا لانا ركبنالها ابره تغديه وبنعطوها شويه مسكن ونشوفو نتيجة تحليل وبعدين تقدر تاخدها … بس اهممممم شى الراحه تامه فى الفراش …
وائل كان فى لحظه هيا مختلطه عليه مشااااااااعر ومش عارف يضحك ولا يبكى ولايعيط لانا عرف اانا لما ربى ياخد شى اكيد رح يعوضك بشى ….
طلع وائل …. واول ماشافتله هدى عرفت على طول وقالت …..
هدى ….. رووووووووووووووووووووووووووووووووووى ..
مؤيد … حى عليييييها هااااادى … اص اص اص شن هدا جرانه جنبى انى ولا شنى فضحتى بينااااااااا امه كيف ميته وانتى تزغرطى ..
هدى …. يامهبوووول مافهمتش قصدك …. منى حامل ياعبييييط .. ماتشوفش عيون وائل من الحد للحد وفمه قريب ينشرك من ضحكه …
مؤيد …. حقاااااااااااااااااااااا … مالا زيديها زغروووطه تانيه على حسابى … غير بشويه يادعوووه ..
هدى ….. رووووووووووووووووووووووووووووووووووووووووووووووووووووووووووووووووووووووووووووووووووووووووووى ..
مؤيد …. نهااااااااااااار احرف لمت علينا تى شنى سيارة اسعاف اشتغلت ولا زغروطه هادى تعرفى مازال نسمعك تانى تزغرطى الامانحشيك فى سياره ..وانتى تقول جرانه فى الميه …
هدى …… ههههههههههههههههه مارى ولاتكون حسود …
مؤيد … على شنى يابعدى …. انى مستواى ارقى من الجران ههههههههههه
هدى ….. ها ها ها ها .. مبرددددك
مؤيد …. صدقيييينى الليله الكلمه هيا رح تدفعى تمنها غالى …. وفكينا من شيكات بدون رصيد ايوااااااا ههههه اص اص وائل جى ..
وائل ….. هدى خليك انتى جنب منى هونى تلقيها فى غرفه 13
هدى ….. اوك ..
مؤيد …. اه شنى طلبو منك تبات الليله ؟؟
وائل …. اى والله فامشيت للاستعلامات وفتحتلها ملف وتميت الاجرأت ومشيت لمعمل تحاليل ….
مؤيد ….. شن قالولك ؟؟ ان شالله خير ؟؟؟
وائل …. الحمد لله نزله معويه بس وقالو احتمال تكون حامل …
مؤيد … باااااااهى بااااهى الف مبروك ان شالله يتربى فى عزكم ودلالكم يارررررب واخيرررا بنولى خال واب والله هلبه علياااا الحق مازالت صغير انى ههههههه …
وائل …. هههههههههههه اما انت فاش فكرة ههههه قصدك حتى انى كبرت ؟؟؟ مافكرتش فيها قبل تصور ..
مؤيد ووائل …. ههههههههههههههههههههههههههههههههههه .. الباين انا نضحك علينا هههههههههههههههههه
وفى اللحظه هيا هدى خشت لمنى وقالتلها …..
هدى ….. ام بلاله ولدت يالله نروحلها تررم رم رم ناكل فول وفستق ونباركلها تررم مرم هههههههههههههههه …
الف الصلاه وسلم عليك حبيب الله محمد رووووووووووووى ….. الف الف مبروك واخيراااااا مهبولتنا بتولى ام ….
منى …. هههههههههههههه من قاللك ياهبله ؟؟ ا
هدى … ياسر وائل عرف وقريب يكبش فى الحيوط من الفرحه  
منى ….. بجد فرحااااان … قوووولى الحق ..
هدى ….. نهاااااااااار ابيض هوا انتى تضايقى تبكى وتفرحى تبكى ؟؟؟خيررررك اضكى شوووى لطف   اى والله فرحااااان وسنونه 32 بايناااااات  ….. بس هااااااا اسبوعنا فى صاله مع بعض اهو قتلك … وكانا انتى جبتى ولد بياخد بنتى وكانا انى جبت ولد غصبن عليه ياخد بنتك … خلاااص راهو ..
منى …. خلاااص تم ههههههه ووعد منى اسبوعنا فى صاله ورح نجيبو فى نفس العياده  
هدى …. عندك علم احنا مهبايل … ندو على الحوت فى البحر من توا
هدى ومنى …. وههههههههههههههههههه والله صح هههههههههههههههههههههههههههه …
هادى كانت اول لحظه واول يوم يخش فرح فى قلوب الكل من بعد موتت ام وائل …..
طلعت منى مستشفى وطلعو النتائج وتأكد حمل منى على خير …. وسمعو كلهم بالخبر واكتر شخص كان فرحان بالخبر هوا اب وائل لانا وائل قدر يحققله امنيته الاخيره وهيا انا يولى جدا ….. وجى اليوم الا قبل مايتسقدو فيه منى ووائل بيوم …. وفى الوقت هوا وائل كان يحكى مع بوه ويقوله …..
وائل ….. بوى تعال معنا فى دبى والله ترتاح وانى اصلا بنحول فى شقه اكبر بيك او بلاك …
بوه ….. لا لا انت غير برا ياولدى وهنى على روحك … وانى ماتخممليش … عمتك صبيه بتجى تقعد عندى … انت عارف انها توا فوق 40 وماجهاش نصيبها وهيا من قبل مش مرتاحه من القعده فى حوش عمك … وتوا ماصدقت قتلها تعالى عندى … فاخلاص نمتتخمليش … واكيد مافيش احسن من انى نقعد مع وخيتى …. واهم شى انت حط فى عيونك منى لانا زى مايقولك << خود بنت الاصول راهو زمان يدور >> ومنى بنت اصول … ومش مسامحك لو جت يوم وشكت منك …
وهنا ناض وائل وحضن بوه وقعدو يبكو هما الاتنين ….. وبعدين ركب وائل لمنى وقاللها …
وائل …. اه منى شنى وتيتى كل شناطى .؟؟
منى …. اى حبيبى  هيا شن نمشو لحوش بابا باش نودعوهم ؟؟؟
وائل …. هياااا اكيد من غير كلامك … لانا بكرا طيارتنا متسقده ساعه 6 فجر …
منى …. حبيبى نبى نطلب منك طلب  مانبيش نمشى للحوش الاول .. وتانى شى قبل مانجيب بشهر نبى نرجع للبييا ونجيب فيها وندير اسبوع للبييى جنب اهلى
وائل …. حاضر حبيبتى … رح نحجز فى اوتيل لمدة 3 ايام ونجيب عاملين وننقل الاتات .. اصلا بينى وبينك عجبنى حوش اكبر وفيه ديار اكتر واوسع لينا وللبيبى وجناح لو جانا ضيف وقعد عندنا  وبالنسبه للاسبوع ومروحة ليبييا اكيد من غير كلامك … مهم توا هيااااااااااا بسرعه ساعه توا 8 فى الليل مدابينا نمشو بسرعه ونروحو نرقدو باش نوضو مصحصحين للطياره لانا مفروض ساعه 4 نكونو فى مطار …
منى … اوك خلاص اعطينى شوى بس ونوتى روحى …
لبست منى حوايجها وطلعت هيا ووائل لحوش بوها واول ماوصلت للحوش وفتحتلها سهيله حضنو بعض وسهيله قعدت تبكى وقالتلها ….
سهيله ….. رح نستاحشك يامعفنه ….. بتمشووووو خلاص ؟؟؟
منى ….. اكيييييد بس ها عرسك حدديه فى شهر الا انى بنروح فيه للبييا نبى نحضره نهاااااارك …
سهيله …. ولايهمك خلاص بس كلمينى مره مره هااااا …
خشت منى ولقت العيله كلللللللها ملتمه …. وسلمو على بعض وبكو وضحكو وحضنو بعضهم .. وكالعاده مؤيد وهدى زى الفار وقطوس حتى فى اخر لحظه …. وهنا هدى قالتلهم هياااااااا التمووو مع بعض ناخدولكم صوررره تدكارررريه …
مؤيد ….. ههههههههههه على قولة هدى قولووووووو مسعووووووووود
هدى ….. مبررررررررد … مؤؤؤيد هادى كيف تخدم ….
مؤيد جى جنبها وطبس جنب راسها على اساس ياواسى فى الكامره وقاللها …..
مؤيد …… رح تدفعى تمن غالى مااااااااااااشى الليله … كتر دين راهو …… << هيااااااااااااا استعدوووووو >> 1________2 ________3 …
فات اليوم على الكل وكان زى بداية يوم جميل فى فصل الربيع بعد العواصف والصواعق والامطار فى فصل الشتاء ….
سافرة منى لدبى و استمرت حياتهم ونسو كل احزان الماضى وبدو صفحه جديده فيها احلام ورسومات لبيبى رح يكون كل احلامهم ورح يحقق كل امنياتهم …….. اما مؤيد وهدى …. مازالو زى فار وقطوووس بس الحب الا بينهم كان كل يوم يكبر ويزيد ومازل مؤيد مستمر فى معاقبة هدى بس هدى ماتشعفش كالعاده …. اما سهيله فاكان كل مره خطيبها يزن عليها باش تحدد موعد العرس بس …. هيا تماطل فيه لحد ماتعرف امتى تروح منى ….

وتوا …… كملت قصة حوش عمى جمعه …. بكل تفاصيلللللها الحلوه والمره وخلااااص توا رح نقفلو كتابهم … بس قبل مانسكرووووه تعالو نشوف شن صار يعد 9 شهووووور وتحديداااااا يوم ولادة ….. منى وهدى ….
سهيله …. رووووووووووووووووووووووووووووووووووووووووووووووى مؤيد الولد نسخه طبق الاصل منك يامؤيد ….
هدى …. هههههههههه اقلب الكاس على فمه يطلع سى السيد لبوه ههههههههه …
سهيله …… منى البنت طالعه نسخخخخه لبوهااااا حتى من العيون الرزق ياسبحان الله ماجبت منك شى الا شويربات بس … بس ماشالله الله تبارررك الرحمن عليهااااااا ….
ام مؤيد ….. بالنسبه للبنيه سموها … قمر …. وبالنسبه للولد سموه .. سيف الله ..
منى وائل ….. لاااااااااااااااااااااااااااااااااااا سيف لااااااااااااااااااااااا

وفجأه الكل قعد يشبحلهم واندهش كيف جاوبو مع بعض وفى عيطه وحده …. وفى اللحظه هيا شبح وائل لمنى ومنى لوائل و …

منى ووائل ….. ههههههههههههههههههههههههههههههههههههه

النهاية   

لقراءة الجزء السابق : الجزء الرابع عشر من رواية تزوجنا ولكن هل يبقي الحب

للإطلاع علي فهرس الرواية : جميع اجزاء رواية تزوجنا ولكن هل يبقي الحب للكاتبة كيندا

جميع الحقوق محفوظة للكاتبة كيندا من ليبيا .