وفي الجزء الخامس عشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الخامس عشر من رواية عالمي
مستحيل اضيع سعاده حد انا م بقدر اغير وجهه نظري م بقدر 
صعب امنيه طلعت من الحمام لقتني لسه ف محلي وسرحانه وبطقطق ف اصابعي عاينت لي وصلت وعيت بيها بطبق المصلايه قلت ليها جيبيها ادتنيي ليها صليت وانا ف الصلاه سرحت طيب حعمل شنو انا جيت اتغير م انفسن زيادة فجأه وعيت واستغفرت تميت صلاتي وبقيت افكر امنيه قالت لي التفكير بدون تنفيذ برهق الروح قلت ليها ساعديني اتخلص من العقده العندي قالت لي بفرح طيب حساعدك ابتسمت وقلعت جيت رقدت كنت تعبانه نمت..
تاني يوم بالعصر ماسكة تلفوني بقيت ابحث ف اشطر دكتور باطنيه ونساء وتوليد فتشت لمن قلت كدي افتش د دخلت ولقيتو دكتور والمستشفى معروفه واي زول دكتور سلطان دكتور سلطان شلت رقمو ودقيت ليه م رد دقيت تاني م رد نرفزني قمت صليت العصر امنيه جات قالت لي ارح نتغده جعانه انا قلت ليها طيب يلا لبست عبايه مفتوحه ومشينا طلبنا وقعدنا امنيه قالت لي طبعا المشويات العندهم بتاكلي يدك وراهم قلت ليها رهيبه ي بت انا ضقتها لمن جيت لي علاج امي قالت لي والعجب المعجنات يا الله حاجه تلخم قلت ليها شكلك قضيتي ع الاخضر واليابس
قالت لي قللل هوو الله احد قلت ليها هي م شاء الله بعدين تقولي سحرتك ضحكت النادل جاب الاكل وكل م تشتهي الانفس ف مصر
أمنية قالت لي امشي اطلبيي حاجه تانيه م تاكلي معاي قلت ليها انت ي حلو انت ي جميل بسم الله الرحمن الرحيم وهبب اكلت قالت لي تلفونك بدق عاينت قلت اجي يا الرقم المصري وشلت التلفون رديت الوو قال لي وعليكم السلام منو يكلمني؟ قلت ليه انا يلي اسأل منو معاي كمان داقي وبتتلامظ قال لي ي شيخه لقيت منك كم مكالمه قلت ليه شكلك غلطان ف الرقم قال لي لا متأكد وم بتلعبيش لعب الشفع لانو بايخ جدا وقفل ف وشي زي الما حصل شي بقيت انبز فيه أمنية قالت لي د منو ي بت قلت ليها واحد مصري متخلف وداقي بالغلط قالت لي الله يهديك وبتتكلمي معاهو كده ليه قاتل ليك زول قلت ليها م شفتي غاظني كيف واي اكلي ي امنيه اكلي واكلت زي الما حصل شيامنيه قالت لي تغير ملحوظقلت ليها تغير شنو قالت لي زمان بتنفسني وبتقومي من الاكل وبتاع المهم عجبني التغير قلت ليها تعجبك المشاوي ايا وشربت بيبسي قلت ليها هي اتزكرت قبيل بقيت ابحث واشوف الدكاتره الهنا ولقيت مستشفى قريبه لينا هنا ودقيت لي الدكتور وم رد و.. فجأه صنيت وعلامات الصدمه في وشي بانت قالت لي وهي مخلوعه بس قولي لي د الدكتور الاتصل ليك هسي قلت ليها امنيه الحقيني الدكتور د شاطر شديد وم بلقا زيو كل مره جاتو قال اداها علاج طبيعي ولو م نفع عمليه قالت لي دقي اعتذزي انك م عارفه بس قلت ليها يارب يقبل وشلت التلفون اتصلت ليه فصل ف وشي زعلت شديد من الحركة د بس قلت حقو ي بنان قمت دخلت جوا وبقيت افتش ف دكتور تاني أمنية جات قالت لي دقي ليه بكره قلت ليها طيب قفلت التلفون وقلت ليها زهجانه عاوزه امرق اشم هوا قالت لي طيب يلا نمرق لبسنا اي حاجه من طرف الدولاب شلت تلفوني ومرقنا لمن طلعنا د حسيت اني عاوزه ارجع تاني من كتره الناسبقينا نتمشي ف البحر قالت لي هي دقيقه شايفه الكشك داك قلت ليها د كافيه مطل ع البحر يا طيرهقولي كشك هنا عشان يضحكو فيك قالت لي المهم ياخ ارح نشرب منو نيسكافي قلت ليها اصلا انا بشتريهو عشان اشرب بي كبايتو الكبيره السوده ديك ولو م لقيتي كبايتي م تجيبي لي امنيه ضحكت ومشت انا بقيت اتمشي لمن لقيت شاب وبت البت بتبكي والشاب بعاين ليها وبعاين لي البحر جاني فضول اعرف ديل مالممشيت ليهم قلت ليهم هاي ي جدعان الشاب قال لي ازيك البت قامت وسلمت علي قلت ليها مالك بتعيطي م ردت رزادت ف الدموع قلت ليها طيب قولي امكن اخفف وجعك ياختي الشاب قام وقال لي اختي بكماء وتبكي لانها م بتقدرش تحكي زينا بتبكب لانها بتتمني تصرخ وتوضح لي وجعها بتبكي لأنها عاوزه اخت تحتويها بدون تتكلم لأنها عاوزة تعبر عن احساسها زينا بس ازاي ازاي وهي م بتنطق ازاي والدنيا قفلت في وشها ازاي وريني اهو كل يوم ف الموال ده مش عارفين نسكتها ومش عارفين نسندها ازاي طب والله تعبنا من حالتها نحن م عشنا معاها الالم بالطريقه د والله قلت ليه يا اخوي اسمها ايه قال لي سمره قلت ليها يا الله طيب اسمك يجنن قعدت معاها والشاب واقف وبعاين لي قلت ليها كل يوم حتفضلي تعيطي ع حكم ربنا طيب والله ربنا بجازيك ف الاخره صح هي تعب ومشقه بس ربنا قال وبشر الصابرين وقال برضو الذين اذا اصابتهم مصيبه قالو انا لله وانا اليه راجعون ابقا انتي حتقعدي تعيطي بدل تحمدي ربك قدر أخف من قدر ف ناس مش قادرين ياكلو ولا يلقو حق العلاج مش قادرين يوفرو حق الكيمياوي وشفتي ناس السكري يلي قاطعين رجولهم مفيش حد يحطمك ويقولك انتي م زيناش لا انتي زيهم واحسن منهم ي ستي م تدمريش نفسك بنفسك ي اختي وافرحي قدر ما تقدري هيا الدنيا إيه غير تفرحي وتعيشي حياتك زي الاول يا اختي البت في لحظه حضنتني وبقت تبكي وتهز
في رأسها وختت يدها ف صدرها وطبطبت نظامه حاضر قلت ليها حبيبي عقدت حواجبها وضحكت ضحكه بدون صوت لمسافة طويله وبعدها ختت يدها ف يدي واليد التانيه رفعتها لي فهمتها وهي بتشرح لي بي الاشاره انو انتي سودانيه صح ضحكت معاها أمنية قالت لي ينعل يومك استسلمتي الجماعه قلت ليها تعالى تعالى قالت لي حمشي اجيب نيسكافي ليهم الشاب من الفرح قال ليها انتو سودانيات قلنا ليه ايوه ضحك وقال لينا طيب بتتكلمو مصري ليه اهو بنفهمكو نحن م هنود ضحكت ضحك قلت ليه ممكن تعتبرهاش فشخرهقال لي طبعا بعد د بعتبرهاش واسمعيني ي ستي انا بتكلم سوداني عادي قلت لي سمره انتي عمرك كم اشرت لي على ١٩ قلبي وجعني البت صغيره قلت ليها حبيبي انا امك وضحكت امنيه قالت لي اياك والتنمر فأنه ينزل المكانه وقيمتك ضحكت قلت ليها م بتنمر بس حسيت بي الفخر انا الاكبر منها وكدة الشاب قال لي طب عمرك كم ي بروفسيره يا مخترعه الجو الحلو غايتو ضحكت ضحك ف كلامي قلت ليه انت حتطلع اكبر مني والاعمار بيد الله بس شفني ازاي انا مزه شفت شفت وبقيت اتجدع سمره ده بتضحك ضحك بس فايدتو شنو وهو بدون صوتامنيه قالت لي بنان م قادرة انا الشاب قال لي حمشي اجيب نيسكافي مشت معاهو امنيه وانا قعدت احكي لي البت عارفه انها بكماء بس حسيت انها حتفهم كلامي وم حتحكي لي زول أبدا وعارفه اني لا يمكن اقابلها تاني حكيت لحد م عرست بدر وهم جو سكتت قلت لي الشاب اقعد نتفاهم قال لي طب اسرع من كده ينفع لاني عندي شغل محصله قلت ليه انا عشرينيه ضحك كتير قال لي وبتتفلسفي ليه ي هانماهو انا اكبر منكو انتي وتوأمتك والبت سمره د ضحكت قلت ليه اهو عمرك كم حتكون فارقنا سنه سنتين وتقعد تتفلسف مش ناقصنك قال لي انا عمري ٣١ ي ستي قلت ليه م حصدقش قال لي صدقي د الحقيقه قلت ليه وانت م ظاهر عليك ابدا والله قال لي طب اسمك اية عشان اروح اوصلكو واوصل الهانم واروح الشغل قلت ليه بنان عماد وانت فجأه قام وملامحو اتغيرت خاالص انا خفت شديد وم عارفه رجفت مع انو م عارفه ف شنو فتح تلفونو مسافه تلفوني دق قال لي اهو د انتي الشافعه يلي بتلعبي بي الأرقام قلت ليه م فهمت قال لي تفهمي ازاي انتي دقيتي على وسكرتي بدون م توريني د انتي مين اهو انا مصدوم ان الدنيا دي ضيقه كده ازاي انا وامنيه في نفس الوقت قلنا ليه دكتووووور سلطان حك راسو بغباء وقال اه انا هو قلت ليه طب انت م اديتني فرصة حتى اشرح لك الحصل قال لي ومش عاوز اعرف انتي عملتي كده ليه قلت ليه لا لازم تعرف قال لي وانا مش عاوز اعرف لان د الحركه يلي بكرها بتقفلني من الحد بصوره مبينه أمنية وسمره قامو مشو بعيد 
قلت ليه طب انت اسمعني ما هو خليني استوعب الصدمه انت دكتور سلطان بحالو واقف قدامي وكمان اتلاقينا صدفه لالا د كلام حتى ف الاحلام م بتعمل قال لي ع فكره ممكن تتكلمي سوداني عادي بفهم مش عندي اقلت لك (اقرو الكلام بي المصري عشان تظبط) قلت ليه انت اتنرفزت كدة لية قال لي اتنرفزت ده لي اتعصبت؟ قلت ليه هسي مش قلت لي اتكلمي سوداني قال لي ايوه وقولي سرعة لاني م عاوز اضيع زمني قلت ليه ي دكتور افهمني عشان تروح قال لي وانا مش عاوز انتي م بتفهميش ولا ايه قلت ليه….
*_-_-_-_-_-_-_-_-_-_-_-_-_-*
*“ ضع نهاية لِكُلِ شيء يستحق النهاية،*
*لا تكُن كريماً علىٰ حِساب راحتك أبداً .
*
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء السادس عشر من رواية عالمي
لقراءة الجزء السابق : الجزء الرابع عشر من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
