الجزء الخامس من رواية إدمان

____________«زهره الشيخ»______________

مختار: دايخ وبسيف كيف يفتح ف عيونه …. بعددد اصلا انت ولا امك ماتلزمونيشش امك وحده خاينه وغشاشه وف لحظه وقف عياط وطاح ع الارض يبكي انا امك هيا لي خلتني ف هدي الحاله هيا لي خلتني ندمن ونحشش وندخلك ف الطريق هدا حتى انت

طه: سيب بوه وقعد يسمع فيه بكل تمعن ويركز ف كل حرف يقول فيه

منى: خايفه ..لالا مختار وتبكي

مختار :نا كنت انسان فقييير وحبيت امك من كل قلبي اشتغلت ف ورشه عشان نقدر اني نأمن لها كل شي هيا تبيه

منى :تقاطع فيه خلاص يامختارر

طه كمل

مختار يبكي ويشوف ف منى بغلللل ب بعد ما امنت مبلغ مالي ع قد حالي مشيت وخطبتها بعد مده تزوجنا بعد سنه جيت انت ع الدنيا وسافرت امك برا ع اساس في عندها شوية شغل وبعد كم شنه رجعت وعرفت انها كانت حامل من منو الله اعلم صح انفعلت وكرهت حياتي يوم عرفت انه الي في بطنها مش ولدي بس من حبي ليها سكتت وقررت اني نسترها لين تولد

طه فاتح عيونه ومصدوم من الكلام لي يسمع فيه

ولدت امك وجابت بنت لوحتها قتلتها الله اعلم ماليها اي اثرر وماتبيش تقولي عن ابوها دمرتليييي عيشتي الخاينه طعنتني وناض بسرعه يضرب ف منى بكل وحشيه

شاف بوه كيف يضرب ف امه قدامه ناض ودفه بقووه كبيره لين طاح ع راسه وفقد الوعي ..

طه ماسك ف امه بقوه وكان خشمها يصب في دم التفت لجهة مختار شاف بوه طايح ومرمي على الارض مشاله يجري يهز فيه …ب ب بابا. ن نوض

منى ؛قربت منه بخطوات بطيئه وكلها خوفف مع كل الضرب والمعناة لي عاشتها قاعده تحبه..

____________«زهره الشيخ»______________

رغد: ف السياره وكان طه بين عيونها كل الوقت ليش ماضايقها وليش دافع عنها شي غريب فعلا ..

مالك: نازل شوي تبي شي

رغد :لالا ولا نقولك نبي جيلاطيي ب الفراوله

مالك :حاضر ياعيله ونزل خدا كم حاجه من المحل وخدا بكلاوه وجيلاطي لرغد

رغد: يمممم

مالك؛ يشوف لابتسامتها لي كلها برائه ومجامله ليه واضحه ابتسملها …

رغد :شكرا شكرا

مالك: ولو ..وطول الطريق وهوا يشوفلها ..قالك حد انك تهبليي باالوشاح

رغد: ههههه اي قالولي

مالك:تكنطى من قالك

رغد :صاحباتي

مالك: بسس

رغد: باستغراب ايه

مالك: باااه. هي وصلنا انزلي .

نزلت بسرعه وخشيت

خالد: بفرحه هلا هلا رغوده

رغد: اهلين عموو

خالد: شن الاجواء اليوم حليتي ف الامتحان

رغد: الحمدلله اي حليت

كريم: نازل من الدروج ..سنفوتي جت

رغد: تصحك مشت تجري حضناته كيف صحتك اليوم بابا

كريم: باسها ع راسها الحمدلله اميرتي تنهد وقعد ع الكرسي

خالد يشوفلهم

____________«زهره الشيخ»______________

طه اسعف بوه للمشفى ومعاه منى وصلو للمشفه ودخلوه عند الدكتور

طه: اميي

منى: طه راسي

طه: اختي وين

منى: مانعرفش

طه بعصبيه تمام ياامي

..

انس اتفق مع عيلتهومع حواء ع يوم الخطبه بعد اسبوع وحواء فرحانه وطول ه الاسبوع وهيا تجهز ف روحها ليوم حفلة خطبتها ورغد نفس الشي تختار ف فساتين وهديه لحواء وهك

____________«زهره الشيخ»______________

مرر اسبوع كامل

مختار تحسنت حالته وطه منعه وحرمه من السكير

ومنى طول الوقت ف غرفتها

.

يوم الحفله

لبست قفطان منفوش قصير بيج وكندره عاليه بكل ع نفس اللون ودرت تسريحه عاليه تهبلل ودرت ميك اب خفيف وحلو وطلعت نشوف امي لو جهزت

عائشه: الله اكبر الله اكبر وين ه الحلا كله لاياخدوك بعين

رغد :تضحك تسلميلي وقعدت نساعد فها عدف شعرها

ع خشت مالك

مالك :امي وين الساعه ال.. انصدم ب رغد وتحشم وخش بعضه معاش عرف شن يقول

عائشه :ساعة شنو يامالك

رغد :التفتت ليه

مالك :معاش طلع ايا صوت قعد يشوفلها وقلبه بيطلع من مكانه

عائشه :فهمت عليه ماالك

مالك: حس ع روحه خ خلاص تو نلقاها بروحي وطلع بسىرعه ..استغفر الله استغفر الله

عائشه :تكنطتت خوك خش كان ع الاقل استرتي روحك

رغد: يميي وربي انسيت باهي

عائشه :تمام هي حطيلي تلفوني ف الشنطه وتعالي نبخرك لا يضربوك بعين

رغد: تضحك تمم

انس: كيف طالع من الحلاق ومحدد لحيته بدل وجهز روحه ونزل

رغد لبست عبايه فخمه فوق ع القفطان ونزلت

عائشه تبخر ف مالك ..اسملا اسملا ع ولادي

رغد تضحك ان شالله نشوفك عريس حتى انت قريب

مالك :ان شالله ان شالله

انس: متحشم وخاش بعضه

رغد: تعطر فيهم نجيلي خوتي نيي اسملا اسملا

انس: مشعوذات شن تقولي

رغد :ماليك دخل يلا تسقد تو دور مالك ومشت تعطر ف مالك

مالك :بشويه اللطف

رغد ياي

مالك: بخري بخري لا يضربوك باالعين

رغد:

مالك :شني جاهزين نمشو

عائشه: هي

ركب مالك يسوق وانس جنبه وعائشه ورغد من الخلف ومعاهم جارتهم وسياره التانيه فها صاحبات عائشه

بعد كم دقيقه وصلو ع الصاله

نزلت رغد وعائشه وشوية نساوين ودخلو لصاله

طلعو اهل حواء يرحبو بيهم وضيفوهم

حواء تكلم ف انس

حواء: وربيي متحشمهه

انس ؛اسكتي ساكت ماريتيني نا امالا

نهله: تضحك عليهم .. قوليله يخش مع خووه الطرف

حواء: تحشمت يلا صكر

انس :تمام .

مالك :اتصلت بيا الوالده قاتلك خش

انس :خش معاي متحشم منهم يرا

مالك: به حاضر خلي نزبط شعري بسس

خش انس ومعاه مالك لصاله وكل لعيزن كانت عليهم

رغد: نبي نفهم مالك شن دخله

عائشه :علمي علمك

وقف مالك جنب انس بكل ثقه وبابتسامته المستفزه

جت رغد و معاها الخواتم ..هيا لبسها .

انس من الحشمه معاش عرف شن يدير

مالك :اوقف باهي ياخرا

شوي وولعو اغنيه رومنسيه

انس مسك حوا من ايدها ولبسها وهيا نفس الشي وباسها ع ايدها وراسها

ثواني وجا القاتو وبدو يقطعو ونهله عيونها ماطلعتهم من على مالك .

ومالك مش معدل عليها بكل

وبدو ياخدو في لقطات صور جت نهله وقفت جنب مالك واختها تصور فيهم ..

مالك :كان واقف مصدوم ..انس كملت ولا

انس :كان منسجم مع حواء ..اه اي اي كملت

مالك هيا قدامي

طلع انس مع مالك

رغد قدمت لي حواء الهديه وقعدنا كم دقايق وروحنا

وكانو الاجواء جدا جميله .,

____________«زهره الشيخ»______________

طه :روح للحوش وع طول مشى لغرفت امه

منى: فتحتله الباب

طه :نخش

منى: تفضل ..

خش طه والباين انه مش ناوي ع خير

منى :باستغراب ..خير !

طه: من يومها ماقدرتش نرقد نبي نعرف الحقيقه كامله ونبي نعرف اختي وين ولو هيا حيه او ميته

منى: قاعده ع السجاده علمي علمك

طه: كيف

منى :يعني حتى انا مانعرف عنها شي

طه :وعادي يعني مايهمك

منى :تبكي بلعكس

طه :؟

منى :والد البنت هددني بيها وطلب مني اني نحطها جنب باب فيلا كبيييره

طه: وين ه الفيلا

منى: مانعرفش

طه كيف ومن هوا والدها

منى: والدها كان يشتغل معاي ف ليبيا و..

طه :ماحبش انه يكثر الدوه مع امه.. خلاص بس انا نبي نعرف اختي وين …؟

.

.

بدلت وغسلت وجهي من المكياج ونزلت بنتعشى

ع الطاوله

عائشه تاكل وتحكي لي كريم وخالد عن اجواء الحفله كيف كانت .

رغد تعلق على انس وتضحك..بابا بنقولك بنزردو انا وصاحباتي نبيك تعطيني الاذن مش حنطول بكل

كريم اها امتى به

رغد بكرا

كريم تمام بس بشرط ماطولي

مالك مافيش طلعه

رغد بس يامالك

مالك انا قلت مافيش طلعه وكلامي واضححح