وفي الجزء الخامس من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء الخامس من رواية رحلة الحب
نرجع :
انا نزلت كورسات ومليت زمني 
كنت مبسوطه بالإنجاز الأنا فيه 
حياتنا انا واميررر ماشه زي الورد اي ولد كان بجي يتكلم معاي ف كورساتي دي كلها كنت بصدو،، كنت بشوف فارس دايما ف عيوني،، ماعارفه السر شنو رغم اني م لاقيتو كتير،، كنت بقول بس ي رب لو هو من نصيبي قربو مني
كانت الايام ماشه سمحه شديد لحدي م يوم وانا راجعه،، أمير قالي انو امي حترجع المساء 
من وقتها وانا نفسيتي اتغيرت وحسيت بنفسي رجعت انتكس، كنت بقول لنفسي يعني شنو لو رجعت مترجع كلو زول عندو غرفه ف البيت دا لا اسألها ولا تسألني
لحدي المساء :
باب البيت دقا مشت تينا تفتح الباب،، فتحت الباب وسمعتها بتقول ويلكم مدام جاتني حمى عديل 
دخلت امي وساكته..
بعد شويه قعدت ف الكرسي القصادي..
نهلة : السودان دا زباله وحيفضل طول عمرو زباله،، يعني الواحد استقبال زي الناس ف بيتو م يلقاه
بقلبي قلت ليها لو كانت معاملتك غير كان هسي عاملناك كويس..
قمت مشيت عليها مديت يدي قلت ليها نورتي عاينت لي من فوق لي تحت وسفهت يدي 
قالت لي منور بي اساسا وقامت على حيلها مسكت يدي ومسكت نفسي من اني اسب ليها 
قلت احسن شي اخش غرفتي 
اتسحبت براحه زي الحرامي قالت لي
نهله :استني
اتلفت عليها :اهلا
نهله : فضي غرفتك
انا: ليه خير ان شاء الله؟
نهله:كلامي يتنفذذ
انا :لا م حيتنفذ لو م كان ف سبب مقنع
نهله : اخواتي جايات بعدين الحصل شنو امشي واجي القاكم متغيرين كده مالك ي بت انتي واخوك؟
انا :انا واخوي صلحنا من نفسنا الديكتاتوريه دي سويها عند اهلك م هنا،، أمير جا داخل وسمعني بقول كده،،
أمير :هديل 
انا : في شنو كيف تقولي فضي غرفتك عشان اخواته انا مالي ومالهم 
امير: م تتكلمي مع امي بالاسلوب دا،، دي امك وديل اخواته
انا :وهم من متين بينزلوا ف غرفتي،، غرفه الضيوف مالا
أمير : امي بعد اذنك انا حفضي غرفتي اصلا هي قصاد غرفه الضيوف وينزلو فيها وف ديك عشان كده احسن ليهم زاتو..
نهله :لا بس غرفه هديل
انا :سمح ارجيني
ومشيت وخليتهم دخلت وقفلت الغرفه من جوا..
بعد مسافه أمير دقا الباب
انا:م عايزه زول
أمير :انا أمير
انا :ولا انت زاتك ي أمير
أمير :هديل شاطره افتحي لي..
جيت فتحت ليه دخل وقفلت وراه الباب تاني..
أمير : هديل وانتي كنتي ساكته امي شكتنا لي ابوي وقالت قليلين ادب ولميضين وقاليها اي شي شايفه مناسب سوي معاهم واخد عنك فكره سيئه وضرب لي شاكلني وقال اني انا خربتك،،
أنا :أمير المره دي م امي ولاشي مرت الابو م بتعمل كده م معقول
أمير :انا قبل كده قلت ليك مجبورين ف اسكتي واستحملي
انا :لا م حستحممل ولو اضطريت اقيف اتشاكل معاها حتشاكل لاني م طايقاها وبقيت بكرها ولو ربنا ح يحاسبني خلي يحاسبني..
أمير :ي بت استغفري انتي م عندك دين ولاشنو 
انا وقفت على حيلي :أمير انتهى الكلام
أمير وقف على حيله برضو : تمام ي هديل
وطلع،،
رغم اني قليت أدبي مع امي بس م حسيت بالذنب على قدر م حسيتو لمن قلت لأمير الكلام انتهى قعدت ساعه واتنين وتلاته،، الساعه بقت ماشه على ١١ وانا حاسه بالذنب،، شلت رجليني ومرقت براحه،، غرفتو كانت ف اخر الممر،، فتحت الباب،، لقيت زول متغطي ونايم،، طلعت جمبو ف السرير..
واصحى فيه بعوارتي واقفل ليو نخرتو واتحسس وشو واجرو من اضانو 
لمن م رد
انا :عارفه اني غلط ف حقك وم كان مفروض اطردك بس انت عارفني بحبك قدر شنو وكنت زعلانه عشان كده قلت ليك كده،، انا من قبيل غالبني النوم وانت نايم بعمق كدهه بعد شويه اتحرك حسيتو صحى فرحت قلت ليو :انت مش بتقول انا بتك، يلا مافي ابو بزعل من بتو،، بعيدا عن الحقير داك،، بعد شويه قام قعد ف نص السرير وم عاين لي وانا اتشربكت وبقيت حاضناه من ورا،، أميري بليز معليش م تخليك تقيل كده،، بعد شويه احس بالباب يتفتح وزول بقول احم احم اتلفت لقيتو أمير عيونو بقو قدر الكوره
انا:أمير؟؟ براحه اتنفضت من السرير، طيب دا منو؟
أمير : ضحك قالي دا فارس اجري اطلعي بره 
انا خدودي بقت زي قطعه الطماطم
طلعت بسرعه مرقتتتاا
أمير :بالغت ي فارس كان توريها
فارس: خوفتا من رده فعلها
أمير :خوفتا برضو؟
فارس: نضف دواخلك
انا دخلت غرفتي وقفلت الباب ونفسي بقا قايم دي مصيبه شنو دي أعوذ بالله
بكره الصباح بدري جهزت وانا نازله ف السلم لقيت امي
بيني وبين نفسي،، ي دي تعكير المزاج من الصباح،،
نهله :م انبسطي بشوفتي من الصباح
ابتسمت ليها بس
نهله :اتمنى انك تكوني فرغتي غرفتك لانو خالاتك نهى ونوال وبناتهم جاييين..
انا :جايين عشان؟
نهله: اخوات جايين لاختهم ولا قايلاهم زيك؟
انا : أمير مش قاليك شيلي غرفتو؟
نهله :أمير اليومين دي معاه صحبو ماف طريقه
فجأه اتذكرت امس وخدودي حمرت “
نهله: خلصيني هاتي المفتاح انا بفضيها ليك،، بيني وبين نفسي قلت بالله،،
انا:معليش م بقدر والله وغرفتي ماف ليك،، بعدين انتي ليه محسساني انو البيت دا صغير،، دا فيلا افتحي اي طابق تاني اشمعنا القاعدين فيه، صحي مش هم جايين ليك؟ خليهم يسكنوا ف الطابق التاني معاك،، انا بكلم تينا وريا ينضفو ليكم،، لو سمحتي م تاخريني سلام
طلعت واقفه للمواصلات.. تلفوني ضرب..
انا :الو ي أمير
أمير : مارقه ساي ليه وعم عمر مستنيك اصلا
انا :عزهم دا م عايزاه
أمير :خلاص اقيفي مكانك بجي اسوقك
انا سكت
بعد خمسه دقايق لقيت أمير واقف قدامي بعربيتو ركبت ورا لاني شفت فارس وطبعا قلبي اتقطع من الخجل
م قدرت افتح خشمي معاه ولا هو
وصلوني المعهد
نزلت.. ومشوا
نزلت ولاقيت البنات شويه كده والدكتور جا،، اكتر شي كان باسطني ف الكورسات اني اتعرفت على ناس جديده،، وف كذا بت معاي هنا،، معاي برضو ف كورسين غيرو
اول م خلصت كورساتي ،، ودعت ربا وسكينه كان بجي بسوقهم اخو ربا،،
وقفت ف محل المواصلات،، تمت ساعه وكل المواصلات البتجي كانت مليانه زهجت وفقدت الأمل قلت اضرب لي أمير تاني قلت مافي داعي،، اتمشيت لقيت كافي شكلو حلو،، قلت اخش،، اصلا ح القى خالاتي وانا بكرهم كلهم
دخلت وقعدت ختيت تلفوني وشغلت اغاني بسماعتي 
طلبت نسكافيه وقطعه تشيزب كيك قاعده ف أمن وأمان،، حاسه بسلام نفسي وم عايزه افكر ف البيت ولا المشاكل
عاينت للساعه لقيتا 8 م،، قلت هسي ارجع كيف،، ناديت الجرسون كانت بت سألتها من اقرب حته مواصلات وصفت لي قالت لي بس بعدا م حتلقي بس ممكن تطلبي ترحال وشرحت لي م كنت عارفه السودان اتطور والله ادتني رقمهم 
شكرتها شديد وضربت وحجزت وفعلا ف غضون ٥ دقايق كان اتصل لي زول وقال انو بره طلعت وركبت وكنت مركزه مع تلفوني زول قالي هديل؟؟ عاينت ليه قلت ليه فارس 
قالي قاعده لهسي مالك؟ قلت ليو م لقيت مواصلات،، قلت ليو من متين اشتغلت ترحال مش انت دكتور،،
فارس:ايوا دوامي بنتهي ٤،، وكنت ح اقعد ساي قلت اشوف شغل إضافي،، قلت ليه كويس م تعب انت كده كده راجع معانا صح،، قالي لا،، اجرت لي بيت هناك ف امدرمان،،
اتخلعت :تاني من كافوري حترجع امدرمان يحليلك والله بيت معانا وبكره امشي
فارس : قالي اكيد أمير قالي البيت بيتك بس مدام اجرت احسن امشي بيتي
انا :ربنا يغطي عليك طيب
وصلني لحدي البيت وابا يشيل القروش
انا:انا م دافعه ليك انا دافعه لناس ترحال 
فارس:انزلي ي بتي انا بدفع ليهم بكره ماشه تاني؟
انا:ايوه..
فارس:انا بجي برجعك طيب
قلت ليو طيب ودعتو ومشى
خشيت بيتنا،، وياسلام لقيتهم كلهم مجتمعين ف الصفره
نوال لوت خشمها:دي كلها كورسات؟ البحضرو ماستر م بتاخرو لحدي هسي 
نهى :هي قرت جامعه لمن تعمل ماستر ولاشبه الناس البعملو ماستر
كلامهم دخل جوه قلبي وم سلمت عليهم طوالي جريت ع غرفتي 
أمير سمعني لمن جيت
جاني داخل،،
أمير :مالها مزتي حضنتو بس وانا ساكته قالي لو زعلوك بالكلام اتجاوزيهم
انا:طيب
امير:اسمعيني انا بكره ح اسافر سفريه ضروريه وغصب عني والله خلي بالك من نفسك ح اكلم فارس يوديك ويجيبك حاضر م تخلي كلامهم يهزك عارفك قويه واستحملتي اكتر من كلامهم انتي،
امير قعد يتكلم كتير بس انا م كنت سامعه شي اخر شي كان بتردد ف اضاني انا بكره مسافر
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء السادس من رواية رحلة الحب
لقراءة الجزء السابق : الجزء الرابع من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
