الجزء الخامس من رواية ضحية غدر

♡♡♡♡♡♡♡♡♡♡♡♡♡♡♡♡

ف الصبح

نجاة: نوض نوض يا معفن نوض وانته من امس راقد

فؤاد: وااك ماتخلي الواحد يحلم حلم باهي

نجاة : نوض فوق قبل لا يجيك كف يصحيك ومعاش ترد ترقد

فؤاد : باهي به نضت نحبك يام يا عصبيه

نجاة ضحكت عندك امتحان سلم ولدي نوض راجع

فؤاد: باهي ياعمري انتي

نجاة امشت بتنوض اصيل خبطت وخشت لقاته يلبس ف ساعته

اصيل : صباح الخير نبع الحنان

نجاة : صباح النور

نجاة: سلم ولدي الفالح نايض بدري خير من لمعفن لين نجي نوضه زي الصغار

اصيل: هه فؤاد بيتعبك يام معاش دوريه خليني نا نوضه بطريقتي المره الجايه

نجاة: مصراعه من صبح ربي

اصيل هيا امي لفطور واتي نبي نمشي ل اسامه بعدها الشركه عندي اجتماع اليوم

نجاة : ربي يحميك بتوفيق اصوله

اصيل: اصوله تحسابيني عيل يام

نجاة:هههه لا حشاك بس ف نظري مازلت صغير

اصيل : ربي مايحرمنا منك يا روحي انتي

اصيل : هيا امي وقت

نجاة : نبي نعرف الوقت هدا شن دير بيه بس

اصيل : شغل

اصيل وامه نزلو بيفطرو

فؤاد : وهو ياكل صباحوو يا وجه الفقر

اصيل : يستر الله اليوم يومي كيف بيكون بس صباحك نوتيلا

فؤاد : كححح كح

نجاة : خلاص ساد انته وياه

فؤاد : هي باي امي ادعيلي

نجاة ان شالله ربي يحميك و تجاوب هدا كان قاري اصلا وسوق بوشيه عليك بدري الوقت

فؤاد : حاضر هي تشاو

اصيل : طير هي

اصيل : هي رد بالك ع روحك ونا طالع بنمشي ل اسامه قبل

نجاة : ربي يحميكم هي بسلامه ولدي

♡♡♡♡♡♡♡♡ ♡♡♡♡♡

ف جهه تانيه

نوتيلا توتي ف روحها بتمشي بدري بتراجع قبل الامتحان

اتصلت ب حياه

نوتيلا: صباااااحووو

حياه : بصوت مضايق صباح الخير

نوتيلا : خيرك حيوته خيره صوتك

حياه : تو بعدين ف الكليه نحكيلك

نوتيلا : باه هي وتيتي

حياه : دوشت وصليت تو بنبدل وبنجي كعابي نبي نتمشى

نوتيلا : خيره بوك مش بيجيبك

حياه : لا نا نبي نجي بروحي

نوتيلا : لا خلي نخطم عليك

حياه : لا اصلا مش بعيده هلبا ونبي نمشي بروحي

نوتيلا: باهي براحتك ورد بالك ع روحك

حياه : تمام

نوتيلا لبست وتت روحها ع السريع وطلعت قاتلها الفضول تبي تعرف خيرها حياه

♡♡♡♡♡♡♡♡♡

وحياه ف جهه تانيه لبست وتت روحها وطلعت ماكلمت حتى بوها تتمشى وتفكر وعيونها كانو منتفخات من البكي امس

وصلت نوتيلا تستنا ف حياه امتى توصل

حمزه: بس بس ياحلو

نوتيلا : ناقصه نا

حمز: يا سمر ياسميره من قلبي حبيتك يا سمرتي يا حبي اااااخ

نوتيلا : كنك انت

حمزه: ااخ نتعب

نوتلا: اا قاطعها فؤاد

فؤاد: وين تعاكس وتغني ماناقصك غير ترقص

حمزه : انت خيرك في حد كلمك

فؤاد: شده من قميصه انا مانحبش حد يلمس ولا يكلم حاجتي

نوتيلا :حاجتك

حمزه : وخر وخر ترا

فؤاد : طاح فيه ضرب لين جا عليوه قعد يفك فيه

نوتيلا

♡♡♡♡♡♡♡♡♡♡♡

حياه ماشيه ف الطريق قريب توصل بتقطع الطريق بووووووم ضربتها سياره

اصيل : نزل بيشوف شن صار

حياه : اغمى عليها

اصيل : افففففف الز….

اصيل : هي انتي تسمعي فيا

حياه : لا رد

اصيل حول الشعر من على وجها

امكاففف حط ايده بيشوف كان تتنفس ولالا اااه باهي مازال حيه

تجمعو ناس ورفعها اصيل وحطها ف سياره ومشى بيها للمستشفى وكل شوي يشبح فيها انتي هي اصحي اففففف شن هدا اليوم بس اكيد بيكون هكي مصبح ع البهيم

وصل اصيل للمستشفى ونزلها ودخلوها والشرطه بتحقق معاه وقاللهم شن لي صار قالو مش حيديرو شي لين تنوض حياه وقالوله يتواصل مع اهل المريضه ادكر الشنطه لي لقاها طايحه يا لاها وحطها ف السياره نزل وخده الشنطه يدور ف هويه ولا اي شي لقا تلفونها ولقا اخر اتصال لها مع نوتيلا

اصيل نوتيلا افففف ياربي باهي المهم تعرفها اتصل ب نوتيلا

نوتيلا : الووو حياه وينك تأخرتي مزال نص ساعه ع الامتحان

اصيل : ايوا معاك اصيل حياه دارت حادث وتوا انا معاها ف المستشفى

نوتيلا : ك كيف حياه كيف دارت حادث

اصيل انتي وين توا انا وحلت فها

نوتيلا ا ا انا ف فلكليه توا اااه ياربي حياااه وبدت تبكي ماقدرت تشد روحها

فؤاد : يشوف فها خاف واستغرب جاها يجري شن في نوتيلا نكلم فيك

اصيل : يسمع ف فؤاد فؤاد؟

فؤاد: شاف التلفون ف ايد إلين وتبكي يبي يعرف شن صار معاها رفع منها التليفون

فؤاد : الووو

اصيل : فؤاد

فؤاد: اصيل خويا

اصيل : اي خوك اسمعني

فؤاد : بصدمه نسمع فيك شن في

اصيل : حياه ولا شن سمها هيا صاحبت نوتيلا ضربتها بسياره كنت نبيبلها ماتسمع شكلها طرشه ولا مش عارف

فؤاد : كيف ووينها هي توا حيه هيا وانت وين

اصيل : انا ف المستشفى ………. تعال وجيب معاك هيا لي تعيط حداك

فؤاد شاف لي نوتيلا كيف تبكي وطايحه ف الارض تحساب حياه ماتت

فؤاد : ت تمام تو نجيبها وصكر

فؤاد : نوتيلا اسكتي خلاص وراسك قطعتي قلبي صاحبتك حيه مشي معاي نمشولها

نوتيلا : وهي تشهق اا ح حق حياه حيه خودني لها تو توا تربحك

فؤاد : حاضر هي اوقفي معاي ساعدها فؤاد وركبت معاه وكل الكليه تحكي عنهم

ساره / منى:

طول الطريف وهي ماوقفت بكي

فؤاد : ماقدر يركز ف الطريق يشوف ف نوتيلا كيف تبكي وشاده قلبها لين وصلو

من جهه تانيه اصيل اتصل ب اسامه وحكاله شن صار معاه واسامه لغي كل الاجتماعات امتاع اليوم ومشى عند اصيل

وصل اسامه ووصلو فؤاد و نوتيلا مشت تجري زي المجنونه دور ف حياه لين فؤاد سأل الاستعلامات وشد يد نوتيلا لانها شبه جنت وصلو عند اصيل قاعد حاط ايديه فوق راسه

فؤاد : اصيل شن صار

اصيل : شبح ف فؤاد ونوتيلا والله مش عارف

اسامه : شني اصيل حيه البنت

اصيل : والله مش عارف ماتزيدولي وقعد يشبح ف فؤاد كيف شاد نوتيلا

نوتيلا: من العميان لي ضربها كان ماكسرته الحيوان

اصيل هيا الطرشه مش نا العميان نبيبلها ماتسمع

نوتيلا : معناها انته انته لي ضربتها بسيارتك وجت بتهجم عليه شدها فؤاد من خصرها

فؤاد : استني اهدي نوتيلا مش بقصد ضربها والقانون بياخد حقها لو صارلها شي

نوتيلا: حول نبي نقتله حول خليني عليه

اصيل : بللهي امشي قيسي طولك بعدها تعالي اضربيني

فؤاد : يبي يضحك مش عارف كيف واجعه حال نوتيلا

اسامه :

فؤاد / اصيل:

اسامه : والله خلاص سكتت

باب العمليات انفتح طلعت الدكتور

كلهم مشولها يجرو بيشوفو كان حيه او ماتت

الدكتور: وين قريب المريضه

نوتيلا : انا اختها دكتور

فؤاد / اصيل:

اسامه:

الدكتور : الحمدلله قدرتو تلحقو عليها لانه صار معاها نزيف داخلي شوي وخسرنا المريضه بس بفضل الله تعالى قدرنا ننقدوها ف اسرع وقت و

اصيل : وقت ره وقت خديت قريب 10دقائق وانت تدوي تدوي ماعييت شني البنت حيه وشن معاها بضبط

الدكتور خاف من نضرات اصيل ب بخير بس عندها كسر ف ايدها جبسناه وشوية جروح نضفناهم وتمينا و

اصيل : خلاص ساد

فؤاد / نوتيلا:

اسامه:

نوتيلا: باهي نقدر نشوفها

الدكتور : اي تقدري بس بعد ساعه لانه المريضه ا قاطعه اصيل

اصيل : خلاص بعد بعد بعد ساعه مش ضروري من علل ف الموضوع اففففف وقعد ع الكرسي

نوتيلا :

فؤاد / اسامه:

يتبع ……….

لقراءة الجزء التالي : الجزء السادس من رواية ضحية غدر

لقراءة الجزء السابق : الجزء الرابع من رواية ضحية غدر

للإطلاع علي فهرس أجزاء الرواية : جميع روابط اجزاء رواية ضحية غدر للكاتبة زهرة الشيخ

جميع الحقوق محفوظة للكاتبة زهرة الشيخ .