وفي الجزء الخامس من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الخامس من رواية عالمي
سمعت أن بنان حتجي تبيت هنا انا م عارف حسيت بشنو بفرح ف نفس الوقت قلت هي ي يامن هي معرسه م تغلط اوعه تغلط الليلة جيت من الشغل متأخر مخصوص عشان م اصادفها ف نص الليل مشيت الصاله قفلت الابواب واتأكدت منها جيت اخش غرفتي سمعت صوت بت بتبكي شديد وكأنها بتخنق ف نفسها عشان م يطلع صوتها مشيت اتجاه الصوت يلي هو غرفه بنان وامنيه كنت عاوز افتحها بس سمعت بنان بتقول حموت ي امنيه انا قاعده اموت بي البطيء اخخخ ي صحبتي اخخخ بس امنيه قالت ليها بنان م ذنبك مشيت المطبخ م صح اتنصت عليهم بس الكلام بقا معلق ف عقلي حسيت بي حركة وراي التفت لقيتها بنان عاوزة ترجع بسرعه وشكلها شافتني مسكتها من يدها قلت ليها بصوت مبوح بنان م قبلت على نهاي لمن رجعتها لي ورا وقفت قدامها قلت ليها مالك بتبكي قالت لي حتى وانا ظالماك بتسأل ويتخاف علي ليه ي يامن بتموتني بتصرفاتك دي
يعني ي يامن م كرهتنيانصدمت فيها لاني قايلها مبسوطه بفراقي قلت ليها بنان م اتعودت علييك ضعيفه قالت لي من متين انا قويه؟ ها وريني؟ قوتي عند بدر وهو هسي ماف للحظه حسيت اني حديها كف زعلت شديد بس اديت نفسي كف بدون احس وقلت انت بتغار ليه مش عارف انها بترقد مع راجلها وتعدي أيامها معاهو ليه ليه وبقيت اضرب ف نفسي كفوف عشان اصحي من الحرام البعمل فيه د لمن وعيت عاينت ليها وهي بتبكي شديد قلت ليها اسف لاني مسكت يدك ومشيت منها رجعت غرفتي وانا بسأل نفسي كيف انسا بدر وانو راجلها اه ي يامن انت غبي كدة ليه ليه..
*احساس النصيب يفرقك انت والحبيب احساس بتطلق رصاصه ف القلب الف مره بدون رحمه*
شلت تلفوني وفتحت المذاكره كتبت
«في هذا الزمن بي التحديد يفترض ان يكون يوم زواجنا تبا للأيام الوقحه لم تراعي حتى لقلبي الذي عشقها هل امت حبا ي محبوبتي ايرضيك الابتعاد عني كل هذا البعد حقا سحقا لكل فراق يدعي عليه فراق النصيب»
فتحت الواتس لقيت امنيه مرسله لي رساله محتواها (ممكن م تفهم بنان غلط لان بنان نامت ودموعها جاريه ممكن تتعامل معاها عادي؟ لانو بنان الايام كذبت عليها ممكن م تنكسر منها لان النصيب هو الفرقكم ممكن ي يامن تفهم منها؟ ) م رديت ع رسالتها حسيت في ان ف الموضوع بس قلت اخلي كل شي ف وقتو ونمت…
الصباح جهزت وطلعت بست راس امي قلت ليها يا حجه حتأخر عشان عندي عرس صحبتي قالت لي الله يحفظك محل م مشيت قلت لبها اللهم امين ويا امي م تشتغلي البنات قاعدين قالت لي اصلا بنان من الصباح نظفت وطبخت الله يغطيها جناي سكت مسافه وبست رأسها تاني وحضنتها قلت لبها ولدك محتاج دعواتك البتخلي طريقو مستقيم قالت لي عافيه عنك عاد ف شي يمشي طريقك غير عفوي ي ولدي قلت ليها يحفظك لي قالت لي م تتأخر كتير يا يامن بعدين دق لي طمني قلت ليها حاضر ف شي تاني قرصتني من اضاني قالت لي متين تخلي حركاتك د وتشرب الشاي وانت مارق ضحكت قلت ليها حشربو حشربو امي قالت لي مهجه قومي اعملي الشاي لي اخوك قالت ليها امي انا ابوي م قاعده اعمل ليهو خلي رحمه امي قالت ليها غايتو عدم التربيه مشكله قومي ي رحمه وكدي قولي م بقوم رحمه قالت لي اوووف ي يامن متين تعرس وتريحنا كفايه كل يوم اعمل ليك الشاي ياخ الله يجيب مرتك الحتلمك مننا عاينت ليها ونكشت شعرها كنت عارف ان بنان وراها بس حاولت اتجاهلا م اني مشتاق ليها استغفر الله يارب تغفر لي قلت لي امي امي حشربو ف المطعم قالت لي هنا مف حليب ولا شنو ولا عندك زوله هناك كلهم بقو بضحكو خالتي ام بنان قالت ليها م بعيده لكن ي ولدي عرس بت خالتك امنيه هديه ورضيه م تجيب لينا الغريبه ضحكت قلت ليها انا ي خالتي بعرس بت عمتي بنات خالاتي ديل زي اخواتي…
——————————
امنيه بدر هددني وقال لي لو م عرستيني والله اخرب علاقتك بي يامن واعمل مشاكل ف شغل يامن واشردو وانا عارفه بدر لمن يخطط مف زول بقدر عليهو امنيه انا ف نارين وبقيت ابكي واقول ليها بحبو بحبو امنيه انا حموت حموت بالبطيء اخخخ ي صحبتي اخخخ بس قلبي حاسه بنزف من الألم امنيه قالت لي م ذنبك ي بنان حرام البتعملي ومسكتني وبقت تبكي معاي قلت ليها امنيه ليه كل حاجه عاوزاها بتتعكس ف وشي انا ذنبي شنو اذا عاوزه مصلحتو قالت لي اخخخ ي بتي اخخ والله حاسه بيك امكن م زيك بس والله ختيت نفسي ف مكانك بقيت ابكي قالت لي امشي اشربي مويه وتعالى قلت لبها طيب م كنت لابسه توب وقتها ومتخيله ان مف حد ف البيت شعري كان مبالغه منكوش وفاكي ولابسه بجامه مشيت المطبخ ودموعي بجرو غصب والله بس شفت يامن قدامي وبشرب ف مويه انا اتخلعت لمن شهقت وعاوزه ارجع بسرعة قبل يشوفني بس احس بيد بتمسكني قلت ي بنان اكيد لو التفتي هو حيعرفك بتبكي وحتروحي فيها وانا م بعرف اكذب عليهو لمن ابيت التفت جراني وقف قصادي انا كنت حأحضنو والله بس ف حاجز بينا حتى اني م بقدر اتكلم معاه ع راحتي قال لي مالك بتبكي كان صامد كانو مف شي اتخلعت وقلبي وجعني يعني
بجد كرهني خلاص قلت ليه حتي وانا ظالماك بتسأل ويتخاف علي ليه ي يامن يتموتني بتصرفاتك د يعني يا يامن م كرهتني م عارفه الكلام د طلع مني كيف بس متأكدة اني قلتو وقلبي بموت وجع كان عادي معاي ود الكسرني اكتريامن الزمان ملامحو بتتغير بمجرد م يشوف دمعه مني الليلة هو عادي وانا ببكي وبتنهد اخخخ ي وجعتي قال لي م اتعودت عليك ضعيفه قلت هو اصلا م فارق معاهو قلت ليه ومن متين انا قويه هاا وريني ف اللحظه د اتغظت عشان برودو معاي قلت انا اعمل حاسب ليه وهو م يعمل لييه؟ قلت ليه قوتي عند بدر وهو هسي ماف فجأه يامن العادي اتقلب وبقا يضرب نفسو وكفوف حرفيا اتخلعت ودموعي نزلت م كنت قادره استحمل كلامو القالو ولا الكفوف مسكت يدو بقوه بس هو م كان راضي يقيف كنت حأحضنو بس اتذكرت اني معرسه وان حرام وهو م محلل لي قال لي أسف لاني مسكت يدك ومشا كان نفسي اوقفو
أصعب حاجه لمن تكون عاوز تعملها وم تقدر عشان ف حاجه بتمنعك
قعدت ف الارض وبكيت لمن امنيه جات قالت لي سجمممي وحضنتني قلت ليها امنيه انتي حاسه بي؟ قالت لي بسم الله علي قلبك حتي يهدأ أعوذ بالله من كل ضيق في قلبك حتي يزال اللهم ارحم ضعفها اللهم ارحم ضعفها حتى تُرحم اللهم لا تكسرها واشفي قلبها من كل كسر وضيق اللهم وسع صدرها وبقت تهدي فيني كدة لمن نمت وانا م حاسه ايوه نمت نمت ف المطبخ م عارفه الحصل بعدها بس لمن صحيت لقيت امنيه بتمشي ف شعري حضنتني قالت لي صباح الخير قلت ليها امنيه انا كنت نايمه ف المطبخ 
قالت لي واي زكرتيني
وبقت تضحك قالت لي الا لبستك توب حتى دخلت عبد السلام جا شالك دخلك اعتذر لي ومرق بقيت انطط من التوتر والخجل قلت ليها قولي والله ي امنيه ليه كنتي تصحيني قالت لي صحيتك ابيتي وبعدين عاوزاني اشيلك؟ وضهري؟ 
ضحكت قلت لبها بتبالغي قالت لي عايني اسكت وقبلت نامت….
*_-_-_-_-_-_-_-_-_-_-_-_-_-*
*يامن:*
*”تصرفاتك التي اماتتني حباً فيك اليوم قتلتني”*
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء السادس من رواية عالمي
لقراءة الجزء السابق : الجزء الرابع من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
