الجزء الخامس من رواية عشقها لعنة

#تسريع_الاحداث

بعد_مرور_ساعتين

حمزة طلع فاصل فصله وجها احمر

دارين طلعت تبكي لحقها عزو شدها ف الفيرانده

عزو: استنى

حمزة بيفتح الباب يطلع تلفت شافها دارين مع عزو فصل اكثر من قبل وقربع الباب بقوته لدرجه دارين وعزو نفجعو من الصوت

دارين بدموعها: عزو وراس امك اطلع شوفه هو مدار شي اطلع

عزو: تمام اهدي انتي باهي راجع.. وطلع بسرعه

دارين خشت تجري لغرفتها زهرة لحقتها لكن دارين صكرت الدار واتصلت

دارين تسمع ف جاري الاتصال: ردي وراس امك ردددد

حمزة رد:

دارين تبكي: حمزة خليك مع عزو بلله عليك

حمزة: كلللل شي عزو كلل شي تعرفي نحس انه هو احسن مني تضايقي يوقف جنبك عكسي… قاطعاته

دارين تبكي :افففف تيي نحبك يابنى ادم نحبببك انت

حمزة طلعت منه ابتسمه: حبي وحبك الباين مش رح يجتمعو بساهل بدينا ف مشاكل

دارين: يامحلانا نحلو ف مشاكلنا عشان نجتمعو

حمزة تنهد: جددك فصل عليا عشان ضربت الدكتور ودافعت عليك وين الغلط

دارين: لكن اني وقفت ف صفك

حمزة: غضوا مش رح نوصلك اني

دارين: تمام باي.. وصكرت الخط

حمزة وقف بسيارة عزو نزل من سيارته جاه يجري

عزو: خيرررك ياراجل

حمزة: تي شن درت اني فاصل عليا معجبتنيش اللقطه يهدرز مع دارين واكثر من مرة يديرها سكتت سكتتت لكن تم خلاص فصلت عليه

عزو ضحك: وووه هههههها هادي متعرفهاش وهكي مالا كان تحبها راك قتلته

حمزة: اخطاني ونبي

.

.

نرجعو للخلف

حمزة قعمز

دارين خشت لابسة وشاحها وتوتة مستورة. نعمم

عبد الواتق متعصب: قعمزي

دارين قعمزت وشافت لاارض خايفه

عبدالواتق:ف دكتور اليوم وبكللل احترام كلم بنتنا وقاللها خيره السواق تاخر لو مزال عادي نروح بيك

دارين رجفت شافت ف حمزة

حمزة شافلها وعرف ان كل شي خرررب

عبدالواتق: ووقف ع بنتنا وسالها ..قاطعه

حمزة: اول شي هادي سبله لدارها..قاطعه

عبد الواتق:اني حتى احفادي ماعمرهم قاطعوني معادش تقاطعني

حمزة داخله فصل وقال ف داخله:كانك مش جدها بسسس لو مش جدها غير نعزك ونقدرك غير هكي نقلب الطاولة ع راسك

عبد الواتق متعصب: الدكتور اتصلل وقال ديما يعاون ف دارين وف درجاتها ويشرحلها ويوضحلها ف كللل شي تبيه وتطلبه (حمزة شاف دارين ودارين شافتله ) وقال انه كان بيروح ببنت عمته واخته وسال دارين شنو يادارين

دارين:بعد اذنك ياجداي كللله لقلته كذب حشاك انت لكن هو كذاب ماعمري وقفت معاه ولا طلبت منه شي حتى قلم كله كذب كله قالك انه يشرحلي ويوضحلي كله كذب هو كل محاظره يسالني صح ويقولي فهمتي كلل محاظره هكي لدرجه البنات يشوفولي ديما

عبدالواتق: شن مالا الراجل يكدب

حمزة: صدق بنت خوك ياحاج واصلا من اول مشفته باين مش مزبوط

عبدالواتق علاا صوته:تمشي تضرربه !!!

عزو شاف حمزة:ضربت الدكتور؟؟؟

حمزة:نضربه ونمسح دين امه الفاسد

عبد الواتق:تكلم كووويس

حمزة: كان شفته راك فصلت عليه ياحاج شوية لدرته

عبد الواتق: دكتووور هدا دكتتتور مينضربش

حمزة:معنديش فيه جو هدا دكتور وهدا غفير كلللهم ز بعض والفاسد يتربى وع ايديا

عبدالواتق: دارين قال كلامه كذب شنو الصح يادارين من الغالط حمزة ولا للدكتور

دارين:ياجدي…قاطعها

حمزة:ماتتحشميش من جدك قولي كل شي

دارين: من الاخير بدون توضيح الدكتور هدا مش مزبوط مرة اتصلت بـ حمزة عشان يروح بيا وقف عليا قالي تعالي نروح بيك قتله لا قالي عادي اهو بنت عمتي واختي ومرة ف القاعه شافني نكتب وقاعه كللها معبيه جاني قالي كان متبيش تكتبي نصورلك المحاظرة كلللهم يشوفولي

عزو: هدا لو شفته اني خليته قتلته بعدين ياجظي بتتعصب تععصب المهم يتربى

عبد الواتق:اسكت انت خلينى ف هدا العالق امنته ع بنتي وقلت قوي ويحمها وقد الامانه ورزين يمشي يخررب وجه الدكتور

حمزة تعصب يفرك ف ايده:سمعت دارين شن قالت اني الدوه هادي معنديش بها علم كااان عندي علم بها راني ربيته قدام الجامعه كلهااا يقعد عبرهه

عبد الواتق:مش هكي تنحلللل المشاكل يارزين ياشرطيي اني خترتك انت قلت رزين وقوي ويعرف يتصرف

حمزة:علاش تصرفي خيره

عبدالواتق: تكلمه وتقوله معادش يكلم البنت ومعادش يجي ف طريقها

حمزة: مانعرفش نتكلم اني

عبد الواتق:تعرف تضرب بسسس تو كان اشتكي عليك متهجم عليه ف الجامعه ف مكان خدمته بتفضحححححح بلبنت ولاااااااا

حمزة تعصب: خليه يتكلم علها حرف وتفرج بعدين وبعدين قول مانعرفش نتصرف (وقف)كان يجبدهااا بحرف ودددم امي نبزقه من فوق جامعته واني حمزة وسجل ياتاريخ

دارين بدت تبكي خافت: يابوي هو الغالط

عبدالواتق تعصب وقف:اني نتكلم بلعقققل غضوا ياحمزة تمشي مع عزو وتاخدوله عصير او حاجه وتزوروه ف حوش وتعتذرووو

دارين تبكي:ميعتدرش ياجدي اسمعني هو الغالط هو يعتذر

عبدالواتق:اسكتي دارين

داربن وقفت وتبكي:قعد يتهز ع حمزة ويقولي وين سواقك خيره سواقك قعد مجاش كاان كل همه يقولي كلمه سواق

حمزة طلع فاصل

دارين طلعت وراه

والباقي حظرتوه

.

.

حمزة: جدك مش عادل بكل ياراجل شن هدا النمم

عزو:اي عارف جدي عقله حاصل ف التقاليد متع قبل لغلط يعتذر هدا علاش اني هربت منه ومن شروطه

حمزة:عزو بنمشي لدكتور جيبلي عنوانه (شاف عزو بتحدي) ناخدوله حاجه مليحه ز مطلب جدك علاش لا اني لنزوره وبعدين عنده نشوفو من لبيعتذر

عزو:بنمشى معاك

حمزة:غضوا الساعه سته عشيه نمشوو

عزو:تم

حمزة: تمام تصبح

عزو شد مرفقه:اني منو

حمزة استغرب: كيف انت مني !!

عزو شاد مرفقه: اني مش غبي ونفهم الواحد من عيونه شن تعنيلك دارين؟؟

حمزة سكتت ونفض ايده

عزو بصوت حاد: متحشم مني ولا متحشم تعترف بدارين متحشم تقول لللجدي انككككك ماتبي حد يكلمها ولا يوصل فها… قاطعه

حمزة شافله بتحدي : غضوا تشوف دارين شن تعنيلي وتشوف ليكدب علها ولـ بيفكر يديرلها مشكله صغيره تفرج غضوا… ركب سيارته حرق العجلة وفات

حمزة شاف الكنافه قعده متع دارين حاطتها ع الفودرة ابتسم

.

.

عزو ركب سيارته ومشي لشقته شاف سكارة قدام العمارة نزل وفاتهم معنده خلوق لشي شافهم مقعمزين قدام باب العمارة

عزو استازهم: غير اششي كيف تدععدعع انت وياه متتحشموش ع شنباتكم تفووه… وصكر باب العمارة لم شافهم بيهجمو عليه

بدو السكرانين يقربعو ع باب العمارة ويقولو انزززل انزل

العمارة كلللها ناضت لكن مقدر حد ينزل من الخوف

وعمتكم مريم فاقت

عزو شاف باب مريم: ارقدي توا هي

وبدو يقربعو ع الباب قررريب يهدوه

عزو اتكى بيرقد: اني من الاول اعترفت بحبي ومش خساره فها لو اعترفت من الاول لكن هي تدلع وعارفها غارقه لوذانها

قام هاتفه اتصل بدارين

دارين: ايوواه

عزو: ارقدي خلاص المشكله تمت

دارين: خيتسلمها عزو السمح المهم عندي امتحان منقدرش نرقد تصبح

عزو: كيف عندك امتحان مش اليوم كملتو!!

دارين: غضوا اخر يوم علاااش تسأل

عزو: لا شي انتي جامعتك هادي لوراى ال،،،،، جنب،،،، صح

دارين: اي هي هادي

عزو ضرب جبينه بطريقه هادي : تصبحي بخير باي

دارين: تشاوو.. وصكرت

عزو وقف ع شباك ويسمع ف تقربيع الباب متع العمارة قريب يكسروه: حييي ع العار بنت قلبي تقرا وهما يقربعوو ووووواك

مريم مقدرتش تراجع ف قرايتها وقفت ع الشباك بدون مايشوفها

عزو طلع من البلكون: ياسر نتصل بعمكم الشرطي راه ياااسر بنرقدو

للسكرانين كلهم يصادعو تحت وكلاهم يتكلمو مع بعض

عزو مفهم شي: تي اسكتووو بلواحد يحكي مشاعره وقداش تحبوني لانه قلبي صغير لا يتحمل لذالك تكلمو بلواحد ياعمري هي

مريم تضحك ميت بضحك

السكرانين يتعايطو ويقولو ف حاجات مش مفهومه

عزو خدي شبشبه وحدفه عليه: تي اسككككت

السكران قام الشبشب

عزو: احدف الشبشب هني يامسخ معنديش واحد تاني احدفه

السكران حدفه عليه ومان قصده يضرب عزو

عزو تلاقه: منور حبيبي والله

مريم شاده جنابها: يارربي

عزو: بروو روحو

السكران: انزززل انت

عزو: عيب توا ليل نقدرش ننزل الناس تحكي عليكم بعدين الصبح تعالو تلقوني

السكرانين كلهم قعمزو ع الارض

عزو حدف الشبشب تاني عليهم: نووووضوو ياكلاااب (دار ايده هكي ) ولله نتصل بعمكم الشرطي ره استنو… مشي جاب تلفونه

عزو وقف ع الشباك: استنو كانكم تريس

.. اتصل بـ حمزة وفتح المايك

عزو: ايووه معاي الشرطه

حمزة: اي تفضل اي خدمه

عزو: عمي الشرطي ف سبعه سكرانين تعالى

حمزة: وين هادم شن تقول

عزو: جديات نتكلم سبعه اقزام تحت العمارة يقربعو والناس مرقدوش

حمزة ضحك: هادي نفس العمارة

عزو صكر المايك: اخخخ ياكبدي نفسها ياحمزة

حمزة: انزل ياراجل سكرانين اعفجهم طريحه مليحه

عزو: تي سبعه اقزام نقوولك

حمزة: انت متضحكش معاهم انزل فاصل وعجن نفرين الباقي يهربو

عزو: اييييح علينا اني ننزل عادي لكن مانقدرش ياراجل ماهو بنسيبها الشقه هني وهكي بتصير مشكله ويقولو هرب

حمزة: انزل انزل بتريس كاني ف مكان ننزل

عزو: قول تبي ترتاح مني

حمزة ضحك: لينقص من الشياطين يخفف عليا

عزو: نبصر واصلا البنت عندها قراية بننزل غير نخوف فيهم قلت بالك يهربو هي سلام سلام

حمزة: نعرفك ياعزو راجل وتقدرهم سلاماات…وصكر الخط

.

مريم قعدت ع الشباك تشوف شن بيصير لكن قعدو يقربعو وخلاص خشت تقرا

غزو نزل وشاف غرفة جنب الباب فاضيه خشله شاف طرف حديده ع الارض قامه وطلع

وفتح الباب طبعاا الباب يدير ف صوت عالي لم ينفتح

مريم سمعت الباب تقربع وقفت بسرعه بصدمه: طلع المهبوول لا هدا اكيد مريض…وشافت الحديده في ايده

عزو:اني ليا ساعه نكلم ف امكم من الشباك ننبح اني تكللللللم … ضرب لقدامه بلحديده

مريم وجها تغير معادش يتفسر

عزو ضرب واحد بس وتاني هربو لكن خدي ضربات بلحديده وناض هرب سوادين

مريم قعدت واقفه ز المسبوها

عزو حدف الحديده ف الشارع وقام راسه شافها ف الشباك مدرلهاش اهميه خش وسيبها

.

.

تاني يوم

حمزة قدام الباب

دارين ركبت: صباحو

حمزة: صباح الوردات شجو

دارين كانت ف الكرسي لخلفه بزبط : تمام وانت

حمزة: غااارق لوذاني هبلتيني خصوصا امبارح

دارين : حمزة

حمزة: عيونه

دارين صكرت المدكرة: اوصفني

حمزة يسوق: مغرورة مهضومه (عدل المرايا علها) قاهره الناس بجماالك لعبتي بااعصابي

دارين ضحكت: هدا وصف ولا قلت ادب

حمزة ضحك: اليوم اخر يوم شن بتقوليلي حقه

دارين: وصلنا توا خلاص

حمزة درس السيارة قدام الجامعه: قولي توا

دارين من الكرسي الخلفي قربت من كرسيه قربت من ودنه

حمزة حس بنفسها ع ودنه

دارين: ن ع ش ق ك … ونزلت تضحك

حمزة ايده ع قلبه ولسانه ارتبط

حمزة يشوفلها نازله تضحك فجآة الضحكه اختفت لم طلع قدامها نفس الدكتور ضرب الدومان: نكفررر اني ونبدا يهودي شننن هلتيس.. ونزل

دارين: شن المطلوب مني

الدكتور: ماتبيش تعتذري

حمزة قرب شافله: في شي

الدكتور علا صوته:امس كلمتك بكل احترام صح ولاا

حمزة:اي صح كلمتني بحترام وتدحنس ع بنت تخصني وهدا كله بااحترام لكن توا طلعت اني مش متربي صح!!!!

الدكتور يتجكتر قدام دارين:اموورك ..وخش

حمزة شافله وهو خاش ضغط ع سنانه

دارين شافت حمزة بصوت واطي:وفتته معاد ادوره نفسيه هدا

حمزة:طززز ف امه وامتحانه وف الجامعه كللها اني من كلمه لسمعتها مش متحرك من قدام الجامعه ره

دارين ضحكت بهدؤ: حليلي مزززال ماشفت شي بتجنن

حمزة ابتسم:مزال فيا عقل اني باش نجنن

دارين: مزال لقدام بتشوف الويل ..وخشت ع الامتحان

.

.

مريم تاخرت نزلت تجررري حتى السبيدرو مش مربوط نزلت وقفت لم شافت شقة عزو مفتوحه عطول فكرت ممكن يكون صايرله شي قربت ع الباب بخوف وقلبه خافت يكون صاير شي مع انها تاخرت خشت لشقه وتشوف وادقق

عزو ركب خش لشقته:مزال الباقي…وانتبه ع مريم ف الشقه

مريم تلفتت مخلوعه:خلعتتني الله يلعنك

عزو ابتسم:انتي شن اديري هني

مريم تلبكت لانه واقف ع الباب: لا شي بس شفت الشقه مفتوح فكرت تكون ف مشكله او شي مانعرفش…وقربت بتطلع

عزو دار ايده ع الباب:استنى

مريم شافت ف عيونه ع طول: خليني

عزو صكر الشقه وتغيرت ملامحه شافلها:اني عزو تمام معنديش فيه الجو هدا بجديات لكن من كلمة صباح الخير متعك وكل ماتشوفيني تنحرجي وتبدي تعدلي ف وشاحك ولو كانت عطيك بضهر نعرف انك تبتسمي عطيني فرصه معاك ممكن اول بنت نشوفها مش مهتمه بنفسها (مريم قامت حاجبه )ههههه لا مش هكي قصدي انتي جميله لكن بحركاتك قصدي ز ماتوا نازله وخيوط السبيدرو مفكوكات

مريم شافت السبيدرو وشافتله:افتح وقت عليا

عزو: اني قعدت هني شهرين واني وراك للعلم وممكن نشوف فيك حوالي سبعه مرات بس بلعربي الفصيح اني نبيك وبلحلال ولو تبي نبعت امي واني كلمتهاو….قطعاته

مريم بصوت حاد:اخرررر كلمه من الاخير لاااا

عزو سكتت

مريم:اسفه بس متستخفش بنفسك لاني مش رفضاتك انت بس اني رفضاتك انت وجنس ادم كللله ولو يبدى سلطان مستحييل

عزو: كيف يعني علاش اوكى اني صكرت الموضوع لكن علاش حتى غيري لا اني توقعت انك كاررهتيني!!

مريم:حشاك علاش بنكرهك بلعكس

عزو فتح الشقه : هدا قرارك وانتي حرة ولو تبي اعتبريني خوك ونوقف معاك امتى ماتبي وتوا بما انه مش مرغوب بيا ف العمارة ومش واخده راحتك بسببي ز المتوشوفي نفضي ف الشقه عشان ترتاحي …وخش لشقه

مريم:اني نرفض بسبب نديم

عزو تلفتت:بس هدا خوك مفهمتش

مريم:اني كنت مخطوبه وفي فضانيتي خطيبي شاف خوي سكران كملت الفضانيه ع خير لكن ف نص اليل اتصل بيا وفسخ بعد حب سنتين

عزو قام صندوق: يعني نخطبتي بسبب شكلك كان كل همه شكلك ومحب فيك شي وفجاه شاف خوك ومقدرش يتخيل انه صاحبه بيقولوله واخد بنت من عيلة سكرجيه هدا لو تتصلي بيه صدقيني رح يرد عطول

مريم:شن قصدك

عزو:قصدي واضح هدا مش راجل لانه الراجل قد كلمته مهما صار لكن هدا يمشي ع ودانه

مريم : كلمك فخامه شكرا ع التوضح معرفه طيبه …نزلت ربطت السبيدرو وطلعت للجامعه

.

.

.

بسمه: ايييي قالي بياخدها قريب نهبل هو صح مانعرفهاش البنيه لكن هكي عجتني صفاء جارت بنتي

راضيه جارت بسمه : ماتظلميش الولد خليه ياخده لم توصلك البنت انتي تصرفي معاها

راضيه: ز ماقتلك نكدي عليه نكدي وتغيري معاه

بسمه: اي درت هكي وحلفت نغضب عليه

راضيه: لااااا خلاص وافقي علها لكن خربي عيشتها وخلي ولدك يكرهااا وهكي تاخديله البنت لتعجبك

.

.

دارين ركبت من قدام : قاعد تستنى فيا

حمزة : ملحظظظه انتي لم نبدى معاك الوقت يفوت بلمح البصر لم نبدى بروحي قريب ننتحر

دارين ضحكت: مش تعررف قيمتي من توا

حمزة شنو نمشو

دارين تبصر: اخر يوم عادي نقعد مع البنت شوية؟

حمزة ولع وفات: خليك مع لقريب يموت الارض لتمشي علها

دارين: نبصر اصلا حتى نموت فيك

حمزة تنهد: طبعاا طالعه بكري مزال نص ساعه ويتم وقت الامتحان النص ساعه هادي بتقعدها معاي

تتبع……….

لقراءة الجزء التالي : الجزء السادس من رواية عشقها لعنة

لقراءة الجزء السابق : الجزء الرابع من رواية عشقها لعنة

للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد

جميع الحقوق محفوظة للكاتبة ميشو محمد .