وفي الجزء الخامس من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .
الجزء الخامس من رواية كنت للروح سقيا
وانا جمبك حاجات كتيره بتبقى ضىء
”
ساعة كده وجهزت وطلعت اول ما شافني قال تبارك الرحمن 
لؤي :شايف المكان عجبك
انا :بس عشان قريب
لؤي :طيب ما في واحد هنا أقرب نمشي ليهو؛؟
أنا :خلاص خلاص حلو بالجد
لؤي:كل اختياراتي حلوه
انا :اممم… عايزه أسألك من سؤالين بس اول شي وين لاقيتني اول مره والتاني شلت رقمي من وين؟
لؤي :بسم الله اول مره كان في الايفنت بتاع همس بت خالتك ما بحب الأجواء دي بس وديت اختي كانت مصره اوديها ف لاحظت ليك كنتي قدام وأول ما همس خلصت جات عليك وكده وحتى اختي كان وقفت معاكم ما ح اقول ليك جذبتيني من اول نظره وشنو لانو كانت تاني نظره 
لما هبه اختي طلبت مني نوصلكم معانا وكده هنا انا ياداب لاحظت لجمالك ما شاء الله كنتي حقيقي احلى وحده في عيني كنتي بتضحكي بطريقة حلوه شديد ف المهم ي ستي وصلتكم وبيتكم من حسن حظي كان قريب ما بعيد مننا… تاني كان صادفتك في الصيدليه انتي وشجن الله يرحمها بعدها لقيت روحي متابعك ومهتم بتفاصيلك… اما رقمك ف لما عرفت بالعزاء طلبت من هبه تشيل. رقمك من همس وكده
انا:يعني هبه عارفه؟
لؤى : نظراتي واهتمامي بتفاصيلك كانو فاضحني دايما… وصلنا.. يلا ننزل
نزلنا وقعدنا في مكان هادي بعدها
لؤى :نطلب شنو؟
انا:اي حاجه
لؤى :ما اعتقد اي حاجه متوفره عندهم.. لو حابه ممكن نشوف في مكان تاني
انا:بطل استهبال
لؤى :خلاص المره دي ح امشيها ليك واطلب انا
انا:طيب
طلبنا وأثناء ما بنتكلم لؤى كان عايز يشرب عصير بس الكبايه شبه فلتت منو واتكسرت
انا:انت طفل بجد
لؤى:الحركه دي اتكررت كتير يخ
انا:ما حصل شي عادي بتحصل
بعدها مسح العصير الاتكبا في الطربيزه بكل لطف وطلب يلمو القزاز وكان بعتزز ليهو كل مره مع انو الموضوع كان عادي جدا بس تقريبا هو ركز كتير
لؤي:
(ما اول مره تحصل الحاجه دي ف حاليا بقيت مركز جدا وكل مره بتاكد انو الحاسس بيهو يمكن يكون صح… بس حاولت ما أبين لشهد شي حاليا وواصلنا اليوم عادي)
شهد:
أثناء ما بنتكلم سألتو
انا: ليه بتعمل ده كلو يعني تهتم بي وتتابعني وتحاول تطلعني من الجو الانا فيهو عارفه انك بتحبي بس ليه يعني؟
لؤى :بحبك ليه؟ سؤال ما قدرش ارد عليه ولو رديت هياخد وقت عندك وقت اقولك فيه؟ بحبك ليه!
انا:يخ قول شنو الدافعك اتجاهي برغم انو انا ما كنت بعرفك
لؤي :ما عارف ليه و الله بس كل العارفو أنو بعد ما شفتك بقا عندي هدف وهو انو اخليك مبسوطه وتطمني بوجودي وانك تكوني مرتي
انا:انا لسه ما حبيتك اصلا
لؤي :ح تحبيني لكن لانو انا استاهل اتحبا 
انا: بقولو شكار نفسو ابليس
لؤي : برضو بقولو رحم الله امرى عرف قدر نفسه
انا:الزول ما بقدر يتجادل معاك ابدا
لؤي:على فكره ممكن عادي اسكت واخليك تفوزي اصلا متعود على فوزك علي
انا:كيف؟
لؤي :انتي فزتي على بعيونك ب ضحكتك ب لطافتك ف ما بقت على المره دي
اتونسنا كتير شديد لدرجه ما حسيت بالزمن
لؤي :شهد شهد نطلع بعد ده الوقت اتأخر
انا:شويه كده بس تم لي القصه حقتك دي
لؤي :بحكيها ليك في الطريق… شايفك ما عايزه تسيبيني
انا : خلاص خلاص ارح
بعد وصلت البيت واتطمنت على امي واتونست مع همس شويه جا اتصال منو
لؤي :شكرا لاني خصصتي لي يوم
انا:حقيقي انا مفروض اشكرك على اليوم اللطيف ده
لؤي :عايز اقول ليك حاجه طالع بكره ورسلت ليك صوره طقمين اختاري لي الأحلا وينو
انا:وين أن شاء الله؟
لؤي :هدي هدي عندي اجتماع بكره وكده
انا:أمم طيب
لؤي :عيوني ما شايفه غيرك اتطمني
انا:عيوني ما شايفاك اصلا
لؤي :كده ي قلبي ي حته مني ي كل حاجه حلوه فيا؟
انا:معلش معلش
لؤي :عيونك شايفاني لكن عامله فيها تقيله بس على مين الا ما يجي يوم وتقعي في حبي
انا:خلاص خلاص ح اشوف الأحسن واوريك
لؤي :ماف احسن منك
انا:ح تفضل تستغل الفرص لمتين
لؤي :خلاص خلاص مع السلامه.. في امانه الله
انا:مع السلامه
******
_طيب ي امي ح امشي اقابل الدكتور بكره وان شاء الله نكون بنتوهم ساي
=أن شاء الله يارب ان شاء الله
فعلا مشيت وعملت فحوصات كتيره شديد شديد اتطلبت مني وقالو لما النتيجه تطلع ح يدوني خبر.
******
عند شهد :
وانا بجمع في ملابسي لقيت قميص لأبوي كنت بحبه شديد لدرجه مره كان عطرتو بعطري قاصده عشان يقنع منو ويديني ليهو وفعلا حصل كده بس اداني ليهو بكل رحابه صدر وقال لي لو عايزه دولابي وحاجاتي وحياتي كلها بديك بعدها عاين ناحيه امي قال لي الا دي
امي :دي عندها اسم على فكره بعد عمري معاك ده كلو تقول لي دي ي خساره ابوي :شايفه عشان كده ما ح اديك الحلوه دي لأنها بتهمني شديد وبحبها.. شوفيها بتتخجل كيف
كنت بعاين ليهم بكل حب وبشكر ربنا الف مره على وجودهم في حياتي
أثناء ما انا سرحانه جاتني همس وقالت لي بكره عندها ايفنت ولازم امشي معاها عشان الموضوع ح يساعدني أن شاء الله قلت ليها حاضر
تاني يوم مشيت معاها واول ما بدت بدت ب
همس:المره دي ما انا الح أقدم لا انتو بس ح تكون بطريقة تقليديه شويه انا ح أسألكم اسئله وح اخلي كل زول عارف يجاوب يعني زي المدرسه كده وفي النهايه ح اطلب منكم كلكم طلب اوك… بسم الله نبدأ
اول سؤال : أكبر كسره في حياتك متين؟
كان كل زول بجاوب على حسب تجاربو في اللي بعد علاقة عاطفيه أو بعد فشل خطه راسمها أو غدر صاحب أو فقد زول بحبو كل زول فيهم كان عندو مفهوم خاص على حسب تجاربو والحلو انو كل زول فيهم كان بحترم وجع التاني وهمس كانت بتحاول على قدر ما تقدر انها تطبطب على وجع كل واحد بطريقتها الخاصه
اللفت انتباهي وحده من البنات لما قالت فقدت صحبتي هي بكت قبل ما تتكلم عن مكانه صحبتها اصلا
قالت فقدتها قبل سنة في حادث زي الكانها ماتت امبارح لسه مكانا فارغ ماف زول قدر يسد مكانا ماف زول قدر يطبطب على من بعدها
(انا ركزت معاها لانو جرحها كان اقرب لجرحي في الأخير فقدت إنسان عزيز عليها)
واصلت ب
كانت أول زول بفرح لي في نجاحاتي كانت دايما معاي في ااي لحظه كانت زي اختي كانت بتتحمل انفعالاتي وكانت ما بتتضايق من كلامي الكتير ابدا هي حقيقي كانت ملاك على الأرض كل زول بشوفها بحبها
همس حاولت تطبطب عالعاده وادتها أفكار تساعدها وحقيقي خلتتني اعرف انو كل زول عندو جرح بس ما مبين وكل زول بحاول يوقف على رجولو
بعد الايفنت رجعنا وأول ما وصلت اتصلت على لؤي بس ما رد
استغربت بس قلت ح يرجع لي اسي بكون مشغول
بعدها بربع ساعة رجع لي
لؤي :اشتقتي لي صح؟
أنا :اممم
لؤي :يبقى اشتقتي لي المهم كنتي وين من الصباح
انا:مشيت مع همس الايفنت بتاعا
لؤي :طيب ممكن طلب بسيط كده
انا:اها
لؤي :إذا طالعه مكان بس وريني عشان بقلق عليك
انا :حاضر ان شاء الله
لؤي :ح اوريك عملت شنو خلال اليوم
انا:اييييك تاني
لؤي:ي زوله ما شغال بيك والله الليله كمان احكي ليك أدق التفاصيل
انا:يادي النيلة
بدأ يحكي بأدق التفاصيل زي ما قال وكان إذا نسا حاجه برجع تاني من الاول كنت فاهمه انو عايز يطول المكالمه وانا كنت عايزه كده برضو بعد خلص
لؤي :شهد من غير لف ودوران ممكن تحبيني في يوم
انا:لا
لؤي :طيب خلينا في اللف والدوران احسن
انا:طيب عاين وجودك في حياتي مطمني لأبعد الحدود اهتمامك بتفاصيلي وانك بتطمن على كل شويه مساعدتك لي في اي وقت ف دي حاجات ح تخليني احبك أن شاء الله بس م حاليا طيب؟
لؤي :ي زوله اصلا ما شغلتي ح تحبيني غصبا عنك وح اعرسك رجاله حسنه
انا:قلنا الناس تبطل ثقه
لؤي :خلينا من ده خالتي كيف؟
انا:كويسه الحمد لله
لؤي :عدت تلاته شهور صح؟
انا:أيوه
لؤي :ربنا يرحمهم خلي بالك من نفسك انتي الفضلتي لأمك
أنا :حاضر… انت عارف انا حقيقي فاقداهم شديد ما بتصدق البيت كئيب لياتو درجه
لؤي :عارف احساسك والله بس ربنا كريم وح يداوي جروحك أن شاء الله… هم حاليا في مكان احسن محتاجين لدعواتك بس
انا: فعلا… طيب انا ح اقفل
لؤي :ح تقفلي عشان تتذكري وتبكي وشنو لا ي ستي م ح اقفل الا اتأكد انك كويسه
انا :انا كويسه والله
لؤي :طيب.. افتحي الفلاشه الفيها قرأن واسمعي طيب؟
أنا :حاضر
لؤي :ادعي ليهم طيب؟ ااا وبعد ده اقعدي مع ناس امك شويه وافتحي ورقة كحليه من الورق العندك
انا:قلت ليك ده ما كحلي
لؤي :ي زوله م شغلتك كحلي يعني كحلي
فعلا عملت زي ما قال بالضبط كل الحاجات القالها كانت مريحه هو حقيقي دخل حياتي في الوقت المناسب
الورقه الحكليه زي ما بقول مكتوب عليها
حتى ولو كنت صبار ساحتضنك
يتبع ……….
لقراءة الجزء التالي : الجزء السادس من رواية كنت للروح سقيا
لقراءة الجزء السابق : الجزء الرابع من رواية كنت للروح سقيا
للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد
جميع الحقوق محفوظة للكاتبة شهد محمد .
