هيا بنا لنعرف ماذا سيجري مع ابطالنا داخل سطور الرواية الجميلة رواية هدوء ما قبل العاصفة من إبداع الكاتبة كيندا من ليبيا وهل يا تري سننبهر كالعادة من المفاجآت المخبئة داخلها ام لا ؟ لنري إذا .
الجزء الخامس من رواية هدوء ما قبل العاصفة
عزوزتها ….. ههههههههه خلاص اليوم متعشيه عندك والله مانكسر بخاطر بنيتى لو كان اشبح على خاطر شنى ….
حطو عالة شاهى ودارو شاهى وهدرزوا وفاتت ساعه ورا ساعه وطيبت العشى احلام وحطوه وتعشو وقامت المعايين وحطت فااكهه وهيا كيف بتمد لعزوزتها صونية فاكهه فتح مجدى الباب وخش …..
مجدى …… اهلللللللللللن انورت انورت من فى حوشى نور عيونى ميمتى اهلن اهلن اهلن اشرقت الانوار …
عزوزتها …… << دارت باص عيون ونتشت شارب وعضت سنون وتكرميشة عيون >> وشقلبه للخلف وقالتله ……..
عزوزتها ……. جيتتتتتتتتتتتت والله جابك ….. تعالى ىعالى هنا ياوجه الكلب تعالى هنا يامزتتتتتت يمحشمنى بين ناس ….. احلام خشى لدار النوم وسكريها عليك لين نضبح عليك بنيتى ….
مجدى ……. ايح عااااااااااااااد غير شن فى غير قوليلللللللللللللى …
ام مجدى …… انى بنقولك ….. تى والله الا مانغزك بسنونى غز شوفت اللبان كيف نطربق فيه الما نطربقك بين سنونى اطربيق …
احلام ……. حاضر ماما …. كانا تبى اى شى نادينى ماما << وخشت لدار وعيونها كلها شامته وضحك وضحكه شدتها بسيف وفلقتها فى دار …
عزوزتها ….. لا لا بنيتى خشى بعون الله مارح نبى شى كله بايدى الا مانديره ….
مجدى …… ااااااااااه ودنى ووووودنى اطلقى ودنىىىىىىىىىى ياجاحه وقوولى شن فى فيى …. تى والله الا كدب كله الا قالتهولك تبى تكرهك فيا بس انى نعرفها اللقعه الا فى دار …. واكيد هيا نادتك …
عزوزتها …. تى مازال حتى فيك ودن تكدب يامصدى ياوجه الكلب صدق الا قال << طبخناك ياجرانه وعرفنا شن فيك >> قوووووولى مرتك علاش تعامل فيها باسلوبك الوقح ياقليل الرابيه ودسكة لاااااااااااا وهيا تكدب اطلع منها …. صح انى عزوزه بس تى والله صحه الا فيا ماهى فيك توا وراس حاج خليفه نبوكسك بوكسه نجيب وجهك فى قعر فمك ….. تكلللللللم
مجدى …… هيا ديما منكديه ومكشره وجهها وطلع فى سبل على ابسط شى ووين ماندورها نلقاها فى مطبخ خلتتنى وخلت قشى وكل يوم فى زايد تقول جايب خروف نمقرس فيها للعيد وكانا كلمتها نطلع ماننفع ونطلع فيا عيوب الدنيا كلها …
ام مجدى ……. ااااااااااااه وكانا هدا يازوفرى تمشى تكلم عليها وحده خماره من زبيده سايحه اشبح من اى خيبوط ملايم عليها ….. تعااااااالى هنا تعالى قصدك انت تحسابها تبيك ولا تبى زويلك المجعوط هدا لااااااااااا خود الكلام الا يبكيك ماتاخد الكلام الا يضحكك …. والله مامسجلاتك الا المصرف ولا الداخليه وتضحك على وجهك يامسكبن ….. ولدى وعرافتك ماتصدق تلقى رويحة هالشكل والرويق الحلو قسما بالله مستعد تطعتيهم الاخضر واليابس ….. ولا نسيت قبل شن العار الا درته لى احلام باش تاخدها ولا زعمك طلعت كخا توا وماتنفعش ….. تى والله والله خود فى بالك كلمتين لو نسمع بيك على علاقه مع اى فرخه تانيه ماك هبطلى حوش ولانى راضيه عليك لادنيا ولا اخره ماشى واحلام تواااااااااااا تخش تراضيه وتبوس راسها ياكلب لانا حتى بعد ماعرفت انك تخون فيها قعدت وعطاتك فرصه …. علاش بالك تحسابه تموت فييييييييييك ولامافى الا زويلك … لا لا لكن مش يقولك خود بنت الاصول راهو زمان يطول ….
مجدى ….. تى غير من قالك هالكدب والكلام الفاضى بس من قالك انى نكلم فى بنت …. ههههههه والله انتم نساووووووين الا ربى يهديكم وخلاص ….
ام مجدى …… ااااااااااااه ياربى ااااااااااااااه انت بتجلطنى تعالى هنا ونوريك الكدب تعاااااااااااااااااااالى هنا شن رايك فى نتشه ولانزيدك تى مازال حتى تناصى وتكدب ….. تى مرتك سمعاتك يااهبل وانت تلوقن معاها فى دار ومازال حتى ماتبيش تتريص على ورقيك …. انى حدرتك وبعد هكى الكلام كللللللللله بيمشى لبوك خليفه وعمامك وهما يتفاهمو معاك اما انى خلاص بااااااااااااع فيك وروح والله نفضت شلاتيتى منك …..
مجدى …… ؟؟؟؟ تى شنى هو الحب بسيف …. تى والله خلاص انى راهو احلااااااااام معاش نبيها والا مصبرنى عليها العيل الا فى بطنها بس كان هدا تى والله ماعاد تتبعلى جره خلاااااااص نصيب ميه وملح ….
ام مجدى …… اكيد اصلا انت تبى وحده بنت امها تربيك وتعجنك من جديد وتوريك نجوم فى قايله وبعدين شن يصيرلك تقول << ياريت مرت بوى الاولى >>مش يقولك ماتعرف خيرى لين تجرب غيرى وانت اهااااا ياوليدى كانا ماضربك الحيط تعالى ورينى وقولى وكانا متتت الله يرحمنى توا يجو بناويتى يقولولى وكانا حيه وعينى تشوف توا مصيرى نعرف ..
مجدى …… باه توا شن الحل … شن الا تبيه منى والموضوع يكمل ويتسكر ؟؟؟
ام مجدى ….. تمشى تعتدر زيك زى الراجل الطيب وتستسمح مرتك وتغير من طبايعك والا والله ماك شايفنى اكتر ماشوفتنى
مجدى ….. خلاص حقك عليا احلااااااااااااام احلاااااااااااام …
ام مجدى ….. بدل ماتنعر زى تور برالها فى دار بروحها واستسمح منها وتأسفلها ومانبيهاش تطلع الا راضييييه ….
مجدى ….. من عيونى يا حويجه انى قداش عندى ميمه فى دنيا …
ام مجدى …. برا برا فى دوا زى خوالك مايغلبك حد لسانك ينقط تنقيط ….. انى نقول علاش قاعده معاك احلام … برا برا
مشى مدى وخش لدار وبعد دقايق بسيطه …. طلعت احلام من دار ولقت وعيونها 
_ قلوب قلوب وفرحانه تقول عليها اول مره تعرفه ولما طلعت لقت عزوتها ماهناش فاكيف خشت تبى تجيب تلفون وتكلمها قاللها مجدى ….
مجدى ….. غير تعالى توا نبيك بنهدرز معاك ههههههه وبعدين كلميها امى ماهيش طايره اكيد بوى شرينلها فالبست فرشيتها وطلعت ….. وموضوع غيرررررر قابل للاتأخير راهو ههههه
فاتت الليله على خير وجى صبح ناضت احلام دوشت وفطرت وظمت الحوش وطيبت الغدى على خشت مجدى …..
احلام ….. اهلين حبيبى
مجدى ….. اه احلام …. شن اخبارك اليوم ؟؟؟
احلام ….. تماااااااااااااام الحمد لله حبيبى ؟؟؟ شن بتغدى نصبلك الغدى توا ولا بعدين ؟؟؟
مجدى …. لا لا تغديت اليوم برا …. مهم صحابى بيجونى على العشى 10 نفار نبيك توتيلهم العشى ماشى وبعد صلاة العشى توا نكلمك نقولك اهم قريب يوصلو ؟؟
ااحلام …… اكيد حبيبى ؟؟؟
مجدى …… اكيد مليون فى ميه …. ونبيك عاد تفتلكى سفره عاد نبيه مشكل ومحمر …
احلام ….. حاضر اهو من توا نخش باش نلحق نديرلك صفره قنينه
مجدى …. ماشى ماشى مالا خلينى نمشى نبدل حوايجى و نرقد للعصر وبعد العصر نوضينى باش نطلع ماشى …
احلام …. ماشى خلاص ولايهمك العصر نفيقك وتلقى قهوتك واتيه …
خشت احلام المنكوبه للمطبخ طلعت مفروم ودجاج ولحم وخضرا وولعت نار وبدت تطيب فى هضكا نوا وطناجر الا يبوخو وماخلت شن دارت باميا على سلاطات على مقشقشات ودارت معاه رز بالمكسرات ودجاج محمر مهم قعدت عمتك احلام لحد ساعه 9 فى الليل وهيا واقفه على رجل وحده اما عمك مجدى فاصلى العصر وطلع وماعاد شافت شكله ولاسمعت صوته واول ماجت ساعه 9 بدى شك يخش فيها فااتصلت بس تلقى فيه مقفل فاقالت …
احلام ….. لا لا اكيد توا جايين غير زحمت طريق فاخلى نمشى نوتى الاكل على صفره ونبخر الحوش قبل مايجو …
وبالفعل وتت صفرة الاكل وحطت عليها ماكله وصوانى وبخرة الصالون وطلعت وقعدت تستنى فيه على كنبه لساعه 12 فى الليل واساسا من كتر تعب من اول ماحطت راسها نعسها نوم …
ومافاقتش الا على تقريبعة باب فاناضت مخلوعه وقالتله ؟؟؟
احلام …… اه مجدى ساعه كم توا وينكم شنى نسخن العشى ؟؟؟
مجدى …… حىىىىىىىىىىى والله الا نسيت بنقولك والتهيت راهو ماصارش منها العزومه طلعو سبل فى اخر لحظه وقالو اجلها مره تانيه .. .
احلام طبعا كمدتها ودمعه فى عينها وماقدرت تقول شى الا ….
احلام …. نسخنلك غداك الا خليتهولك فى غدى ؟؟؟
مجدى ….. لا لا والله عبيتها فى الوليمه انى والباكو مبكرى مهم انى توا بنخش نرقد … خيرررررررررررك خيرك شن فى مسرع مديتى وجهك غير خلينى نخش لدار قبل ؟؟
احلام …. سكتتت وخشت للمطبخ فالحقها وقاللها ….
مجدى …. انتى عيل والله الا عيييييل ماتقوليلش مديتى وجهك على خاطر نسيتك قصدى لما نقولك انتى نكديه صدقى بس …
احلام ……. انى نكديه وانى عيل …. انى وكلت فيك ربى بس من صبح واقفه فى مطبخ طيبتلك الغدا وطلعت سبل وبعدها قولت يالله خلى نطيبله العشى وتوا يتعشى وخلتنى واقفه فى مطبخ اكتر من 7 ساعات واستخسرت فيا حتى تكلمنى ولا تقولى مصارش زى كلبه نستنى فيك فى حوش …. اصلا انت لا مدايرلى قدر ولا هيبه ولااحترام وفوق من هدا كله انى لاتغديت ولاتعشيت وانت عبيتها فى الوليمه وروحت بس انى طز فيا نولع بقاز وسخ اصلا انى اكتر من خديمه ليك ماننفع شى ….<< وانهارت بالبكى >>
مجدى ….. نقولك شى يالعن الزواج ويلعن اليوم الا شفتك فيه والا عرفتك فيه ويلعن اليوم الاسود هدكا الا جبتك فيه للحوش مااااااااشى وبرى خلااااااص فديت كبدى زهقت منك ومن مشاكلك وعركاك على اسباب تفاهه وانى خاش لدار ومسيبهالك واقعدى اسحنى واسحنى للصبح ماااااااااااشى …
احلااااام ……
يتبع………
لقراءة الجزء التالي : الجزء السادس من رواية هدوء ما قبل العاصفة
لقراءة الجزء السابق : الجزء الرابع من رواية هدوء ما قبل العاصفة
للإطلاع علي فهرس اجزاء الرواية : جميع اجزاء رواية هدوء ما قبل العاصفة كاملة للكاتبة كيندا
جميع الحقوق محفوظة للكاتبة كيندا من ليبيا .
