وفي الجزء الخامس والعشرون من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الخامس والعشرون من رواية عالمي
*يتغَيرون ونتغَّير ، وفُرصه سَعيدة للجَّميع 
*
امنيه قالت لي بنبن جهزت ليك فطاير امشي اكلي قلت ليها وااااااااي بحبك اقسم بالله انا جعانه جوووع انا لو قايله نفسي م ح أكل م كنت قعدت ف الحفله زاتوو قعدت تضحك قالت لي اجري اكلي واستحمي عاوزة اوريك الفيدوهات قلت ليها سمح ماشه استحميت ومشيت أكلت جيت قلت لي امنيه انا اشتقت لي امي شديد قالت لي حرفياا انا حنزل ف عطبره قلت ليها وعرسي؟قالت لي نسيت قصدي بعد العرس بنان حشتاق ليك قلت ليها خليك من الشوق عايني لساني لونو شنو فنتني بي المسند وقبلت مني قلت ليها اها اها وريني الصور اتقلبت بسرعه لمن خلعتني
قلت ليها اها قالت لي وااااي طبعا رهيب رهيب رهيب اريتو حالي يا يمه وصلت مرحله بشحد العرس كررر ضحكت قلت ليها ارح عاوزه انوم قالت لي دقيقه ياه قالت لي هاااا شوفي بقينا نشوف ونعلق قالت لي انا سلطان د عاوزه قلت ليها شيلي طوالي قالت لي ع قول البت جاحده قلت ليها عارفه م بعااين لوحده فيكم قالت لي واي عان الثقه قلت ليها نينيني اسمعي اسكتي مني قبلت منها قريت ايه الكرسي ونمت
صحيت بدري كنت طالعه الشغل بس طنط حمتني 
قلت ليها انا م حقعد اسبوعين ف البيت مستحيل قالت لي حتقعدي ي بت ومش عاوزه كلام معاك قلت ليها وواااااي
في يوم نزلتل تحت بي بجامتي كنت زهجانه
شديد وشعري د واقف وقفه صحح شايله المش والفرشه والكريم وبطنطن هسي د حاله عروس العروسات كلهم بكونو ملفلفين شعرهم انتي اقعدي زي الرجال كده غايتو دي محن يا خواني هسي عان لوني د فتح كيف انا نفسي ابقا حلبيه زي الفاسخ الاسمو سلطان د لقيت طنط قاعدة بتعمل في محشي زحيتو وقلت ليها ماما سرحي لي قالت لي بسممم الله الرحمن الرحيم انتي جيتي من فين يا بت وشعرك د عامل كدة ليه وليه مبهدله كدة ود ايه الفي وشك. د انتي كنتي بتاكلي في رز ولا ايه قلت ليها ماما والله زهجانه وم قادرة اعمل شي قالت لي فين امنيه المصيبه د ضحكت قلت ليها فوق قاعده بتستشور ف شعرها قالت لي هسي هي العروس ولا انتي اقعدي ي بت اقعدي ضحكت ضحك قالت لي بهدله وعدم قلب يارب تصبر سلطان َالامه االبتشوفك دي ايه الداهية دي ولالي ولا لي انتي شعرك د مزعمط كده ليه ياخ انا من الضحك قربت اموت اقسم بالله قلت ليها د حال كل بت ع فكرة قالت لي انتي عروس اخخ ي قلبي حيوقف والله عملت لي بوب كااااارب انا لمن عجبني رفعتو ضنب حصان وبستها ف خدها وجبينها قلت ليها حلاته فوزيه احبكك عديل قالت لي اسكتي مني ضحكت قلت ليها اديني مكياجك عشان اراضيك ضحكت قالت لي خططي طيب مشيت لقيت شنطه مليانه مكياج بلهبل ضحكت قلت انا ربعو م عندي ولا بعرف اسمو زاتو حيي ياحليلك يا بنان شلت الشنطه وطلعت ليها بره قالت لي تاني م تلبسي بجامه وتجي هنا ابو سلطان في قلت ليها هو محلل لي وبعدين البجامه د طويله واسعه وسمحه قالت لي صدقتي مسكتها وقلت ليها حلفتك بالله امكيجك قالت لي بشرط انا كمان امكيجك قلت ليها طوالي يا طنط مسكت مكيجتها وباقي لي حاجب الجرس دق قلت ليها دقيقه مشيت فتحت لقيتها أمنية فتحت ونطيت فيها حضن فرحانه عشان حتستشور لي شعري لمن افكو
قلت ليها يا بيب تعالى جيتي ف وقتك خشي هي نهاي م فتحت فمها وانا استغربت بس عاينت قدام لقيت سلطان بعاين لي ومبتسم انا كانو قرصني عقرب قلت بصوت واطي خلاص انتي طااااالق عاينت ليهو وابتسمت ابتسامه محرجه قال لي عاوز ادخل قلت ليه لا م تدخل داخل وين يلا برا بلا قله ادب معاك قرب مني وقال لي مفيش حد بطلق روحو التانيه ولا بسيبها انا قلبي ده بس هاا دلوكه قلت ليه سلطان قال لي اشتقت لك قلت ليه سلطان طنط قاعدة وراي قال لي انا ححضنك قدامها مش مراتي وانا حر ولا ايه قلت ليه حركات جديدة يلا برا قال لي مش ع كيفك ي ست ودخل ولا قال لي بتقولي ف شنو غايتو الحمد لله جبهتي قصفت
دخلت لقيت سلطان بضحك ف امو قال ليها د مجنونه وعاوزه تجننك يا يمه والله د حالة د وبقا يضحك قلت ليه م عاجبك يعني ولا شنو امنيه قالت لي بنان تعالى مكيجيني عشان طالعه قلت ليها طيب دقيقه تميت لي طنط ومكيجت امنيه طنط قالت لي يلا اقعدي سلطان جا قال ليها لا م تمكيجيها يا امي والله حتجلب الشيطان بقيت ساكاه والا ادقو عشان يفصلها مني التافه قال لي والله خلاص انا خايف ابوي يطلق امي ويسحركقلت ليه ويي علي يا سلطان الليله بكلم ماما فوزيه اصبر بس كنت ماشه مسكني قلت ليه اوعه تمسكني بكلمها قال لي اسكتي الصالون د قريب من الصاله ولو كلمتيها حكفتك قلت ليه بكلمها الليلة اصبر يا ود فوزيه ضحك قال لي بنان مش بنفع كده قلت ليه مش بنفع في ايه قال لي مم اهدي طيب قلت ليه فك يدي سمح قرب اكتر وهمس لي حب البشر حب وحبي ادمان انا اتجمدت قال لي امي مش….
*_-_-_-_-_-_-_-_-_-_-_-_-_-*
*كوني لنفسك كل شي ، حبي ذاتك ، ابحثي عن راحة بالك ، لا تجعلي قلبك يحزن ، استمري بعطائك لنفسك و لغيرك ، كوني سعيده ، ابتسمي ، و اخيراً ، أنتي خُلقتي لتكوني قوية بلا خيبات .*
*☆اشوفكم☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء السادس والعشرون من رواية عالمي
لقراءة الجزء السابق : الجزء الرابع والعشرون من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
