وفي الجزء الرابع عشر من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الرابع عشر من رواية المشوه
غياث ركب وحط الكيسه من الخلف: تبي شي من الطريق
لميس: لا شي
غياث خدي عشي من المطعم وجنب المطعم ف صيدالية
لميس: غياث نبي ننزل لصيدالية ناخد حاجات تمام
غياث: تمام نستناك ف السيارة
لميس نزلت
لميس نزلت خدت اختبار حمل دساته ف جيبها عشان ميشوفاش غياث
ورجعو للحوش
لميس غيرت وع طول خشت للحمام تتاكد من كلام نورس مع انه مزال بكري جربت الجهاز وووهوووبه طلعت حامل 
لميس فرحت قريب ماتت ف الحمام دارت دوش خفيف مشطت شعرها بمشك الحرار وصار حررريررر مع مكياج خفيف وفستان بيتي خفيف صيفي وردي لعند الركبه نصكم مع عطر.. طلعت
وتفاجأة بكيك ع الطاوله وعشي وعصير لكن غياث مش موجود
لميس ابتسمت ادور ف الحوش: حبيبي وينك
غياث من الخلف: ياحلوة
لميس تلفتت مبتسمه: شن نقول مش عارفه حتى نتكلم
غياث ابتسم: قولي نحبك بس
لميس : نحبك
وقعمزو تعشو
لميس: غياث نبي نقولك حاجة
غياث: ماتقوليلي شي ماتبيش تشوفي هديتك
لميس: خديتلي هدية
غياث ناض شد ايدها ودخلها لغرفة النوم وكان ف صندوق ع السرير
لميس: كيف وصل للغرفة الصندوق
غياث: لم طلعتي دخلته افتحيه
لميس قربت تضحك بشوق وحيره وفتحاته وطلعت منه قفطان كبير هلبا احمر منفوخ نصدمت لانها شيفاته القفطان ع نت
لميس: كيف عرفته عجبني
غياث: نتصفح لقيتك معلقه لصفحه محلاه كاتبه وردت عليك بنت صاحبتك ولا مانعرفش قالتلك عجبك انتي رديتي علها اي هلبا فا محبيتش نخليه ف خاطرك وطلبته من الصفحه نفسها
لميس: يخليك ليا ياقلبي
مع القفطان كعب اسود وعطر وتاكم فضة 
لميس شدت ايده: غياث نبي نقولك ع حاجه
غياث جبدها : مستاحشك
وبدي يقرب ورقدو ولميس محصلتش فرصة تتكلم
تاني يوم.
.
.
.
من فرحة لميس فاقت بكري وبنفس النمط تستفرغ
غياث فاق ع صوتها لم خشت الحمام
لميس غسلت وجها لـ كان احمر ز الطماطم وطلعت
غياث قرب: صباح الخير ياقلبي (ركز ع وجها) لميس خيرك؟
لميس ايدها ع راسها: لا شي
غياث خاف: يكفي اهمال انتي فيك شي حتى وجهك احممر
لميس: غياث …. قاطعها
غياث: لا غياث لابطاطا البسي طالعين…. فتح الدولاب خدي ملابس وخش الحمام (حشاكم)
لميس معاد حست ع روحها دايخه طلعت جهزت فطور لـ غياث وداااايخه
جهزتله توست وعصير لانها مش قادرة توقف
غياث طلع من الحمام وع طول خش المطبخ
لميس واقف وشاده ف الخامه
غياث قربلها: البسي هيا
لميس: اي… وبخطوووات تقيله بتطلع محستش ع روحها الا وهي ع الارض
غياث بسرعه قربلها قعمز ع الارض قام راسها بخوف: ل لميس خيرك لمييس نوضي تسمعي فيا
يهز فها
يطبطب ع خدها
غياث:لمميس فيقي…خدي اميه من الكاس وبدي يرش علها وبدت ترمش ف عيونها
غياث لم شافها ترمش ف عيونها جبدها لصدره بخوووف وتنهد
لميس بصوت واطي:اني كويس ما تخافش
غياث بعدها يتلامس ف جبينها: نوضي معاي يلا…وقامها حطها ع السرير بحرص وفتح الدرج طلع ادوي حبوب
غياث جاب كاسة اميه من المطبخ ع السريع ومدلها حبه:هيا خودي مضاد عشان ناخدك لدكتور
لميس تغمض ف عيونها بتعب:مانبيش
غياث:تمام يلا نوضي البسي (وقف متعصب شوية)بلاش اهمال صحتك مدهوره
لميس: اششش راسي
غياث قعمز ع حافت السرير: علاش اديري هكي معاي علاش ماتسمعيش ف الكلام
لميس رقدت 
غياث شد راسه بيديه الزوز متعصب منها وف نفس الوقت خايف علها
غياث تعصب فتح الدولاب بعنف لدرجة دار صوت عالي وطلع للعابية ووشاح وعزقهم ع السرير
وبدت يلبس فها ف العباية
لميس فاقت:اوووف غياث اوووف مانبيش نعاين….وبعدت العباية
غياث بعياط: خلاااااص يكككككفييي عناااد
لميس بصوت واطي: غياث ماتخافش مافيا شي اهدي
غياث:نوضي تحركي متعصبينيش اكتر من هكي
لميس قعمزت وولبسة عبايتها وطلعوو
غياث خدها للمصحه
لميس كانت عارفه روحها حامل محبتش ادير تحليل بلعكس ركبت لدكتورة نسائية عشان تشوف الجنين بلجهاز
لميس خشت وسمعت ددقات قلب والجنين 
اتصلت بغياث وحطت الهاتف جنب الجهاز ودقات البيبي طالعه وضعيفه لانه مزال صغيرون
اتصلت بغياث وحطت الهاتف جنب الجهاز ودقات البيبي طالعه وضعيفه لانه مزال صغيرونغياث رد ويسمع ف صوت دقات لكن مفهمش:الوو
لميس بصوت فرحان:دقايق وطالعه
غياث:اوكى
لميس صكرت وطلعت
ركبت ف السيارة
غياث:وين الورقه وين الفحص نكلم فييك
لميس: امشي قالولي مافيك شي
غياث:الورقه وييين
لميس:نكذب اني يعني
غياث سكت لوقت وتنهد شاف الدومان:حشاك مقلتش هكي بس الورقه وين
لميس:الدكتورة عطتني معلومات الورقه مش مهمه تو نوريهالك ف الحوش امشي هيا
غياث ولع ومشي
لميس تشوف ف الطريق: اممم غياث نطلب طلب
غياث يسوق مش معاها:اطلبي
لميس: اممم نبي تفاح
غياث شافلها: تفاح قلتيلي
لميس:اي ويكون كبير واحمر هلباااا
غياث:احمر هلباا انتي اكيد تبصري
لميس: ماتبيش تاخدلي؟
غياث:قصدي تفاح ع الصبح
لميس: معادش نبي تمام هكي خلاص انسى
غياث:مش هكييي قصدي بللهي انتي زودتها خلاص تو ناخدلك
لميس: غياث انت تغيرت معاي !!!
غياث تنهد ومقدرش يتكلم سكت
لميس شافت لشباك 
غياث حسها اضايقت زاد السرعه
لميس نضغطت:علاش ديما متعصب ومتنرفز
غياث شافلها وركز ف عيونها دموع
لميس: دخت عادي مافها شي الناس ادوخ
غياث: اني متعصب من رفضك اظك تعطيني الورقه يادوي تمام منبيهاش الورقة لكن طمنيني قوليلي كلمة تفهمني سبب الدوخه
لميس سكتت
ووصلو
غياث نزل صكر القراج بعصبيه وتقربيع وقربلها كانت نازلة:احكي وصلنا
لميس ابتسمت: نقولك بعدين
غياث فنص فها
لميس ضحكت:خلاص خلاص افتح وذانك واسمع ملا لكن اني حذرتك
غياث: نفختيهم راه
لميس بتضحك من الفرحه:اسمعني نوضحلك باه هههههه اني خاطري ف تفاح صح وندوخ ونستفرغ ههههه باهي و…قاطعها
غياث ابتسم وبدي وتاتتاء مقدرش ينطقها بفرح: ق قداش غبي اني تبصري صح قولي نبصر
لميس ضحكت:مانبصرش
غياث وقف ز المصطول يشوفلها بعدي جبدها
.
.
.
.
جهاد خش لعملية
شخص مصاب بتوحد هو بس مضرب برصاصه ف رجلها وهدا مسكين يبكي قااالب المستشفى فوقي لوطي
وخش معاه تلاته دكاترة غير جهاد طلعو زوز قعد دكتور واحد مع جهاد
جهاد يشوفله: شندير انتتت غلط هكي
الدكتور: اسكت انت بتعلمني
جهاد: اني ملياش علاقة اي شي يصيرله تتحمل مسؤوليتك
المتوحد يشوفلهم ودموعه ينزلو
جهاد يشوف ف الدكتور قام يبره جهاد دفه بعنف: انت شن ادير لو زودتله المخدر ممكن يصيرله شي لازم تعطيه حقنه تكفيه
الدكتور تعصب وضرب للمتوحد اليبرة
جهاد طلع من الغرفة حول كمامته وخش لدكتور الاخصائي
جهاد: دكتور اني منتحملش مسؤليته الشاب المتوحد المضروب لاني ملمستاش نهائي والدكتور لـ كان معاي ضربه جرعه زياده من المخدر القوي
الدكتور الاخصائي: كيييف… وناض طلعو الزوز للغرفة العمليات خشو مكان ف حد غير المتوحد لفاقد الوعي ع السرير
جهاد قرب يتفحص ف المتوحد حس انه ماات 
: دكتور هدا ميت
: دكتور هدا ميتدكتور طلع بسرعه وجهاد لحقه عشان يفتشو ع الدكتور لضربه اليبرة او بنفس المعنى قتله
لكن الدكتور فص ملح وداب
جت الشرطه عشان المتوحد يبو يعرفو سبب اصابته برصاصه وعرفو انه مات وشكو ف جهاد انه من العصابه لضربو البريئ المتوحد وخدوه لتحقيق لانه موجود ف العمليات
جهاد ف سيارة الشرطه: سيادة الشرطي بندير اتصال
الشرطي: ممنوع لعند مايكمل التحقيق
جهاد: اسمعني بوي بروحه ف الحوش وهو معاق افهمني ضروري يكون حد معاه لانه للوقت تاخر
الشرطي: ممنوع بعد التحقيق
ووصلو للمركز وحقاقو معاه
جهاد تعصب: تي شننن تقول انت اني دكتور ملياش علاقة بعصابات
المحقق: تمام عطينا اسم الدكتور لكان معاك وضربه ليبرة ز محكيت انت قبل شوية
جهاد تنهد بضيق: اني دكتور كنت ف لندن ومن حوالي شهرين بس وصلت ومانعرفش الدكاترة كلهم وبعدين الدكتور لكان معاي لابس كمامه كيف بنعرفه اني جيت قالولي ف مصاب خشيت لقته الدكتور هدا قدامي اني مدرت شي هو ضربه لليبرة واني تعصبت طلعت شكيت فيه ولم رجعت ملقيتاش
المحقق: حني سالنا الدكاترة وقالو انت الوحيد كنت ف العملية فقط شهدو عليك خمسه دكاترة
جهاد: نعممم ؟؟!
المحقق: عريف تعالى نزله لزنزانه
جهاد: لحظه اسمعني تربح اني متخصص من لندن ونقدر نتصلك بااطباء من لندن ماعمري درت عملية وفشلت اني لو نخش الزنزانه رح يعرفو الناس اني فاشل افهمني تربح
جواد خش: سلام عليكم،،محقق نوري اطلع عن اذنك شوية
المحقق نوري طلع
يتبع ……….
لقراءة الجزء التالي : الجزء الخامس عشر من رواية المشوه
لقراءة الجزء السابق : الجزء الثالث عشر من رواية المشوه
للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
