الجزء الرابع عشر من رواية لهيب الإنتقام

وفي الجزء الرابع عشر من رواية لهيب الإنتقام يا تري هل سيحدث شيء غير معقول ولا يصدق في أحداث الرواية ام ستسير الأمور بشكل طبيعي ؟ دعونا نعرف إجابة هذا التساؤل في السطور التالية بإذن الله .

الجزء الرابع عشر من رواية لهيب الإنتقام

روحو
نيسان وقفت قدام المرايا تتأمل ف شكلها ابتسمت حست بلفه قوية ف بطنها
صقر خش: قمرر
(شافلها) خييرك
نيسان حست بشي ينزل منها وقلبهااا خلاص قامت القفطان وشافت الدم ع رجلها طاحت ع الارض قعمزت بدت تبكي بهستريا
صقر: هدا شني خيرررك نوضي
نسيان تبكي: لالالالالا ياربي لاااا ملحقتش نفرح بييييه

.
ف المستشفى
الدكتورة: للاسف اجهضت جنين عمره تلاته اسابيع
صقر: ونيسان
الدكتورة: تبكي عطينها مهدى تو تهدى وترقد

.
العيلة روحو م البيان فرحانين وجوهم حلو
.
تاني يوم
صقر متحركش من مكانه
ممرضة فاتت جنبه
صقر: لو سمحتي مرتي ف الغرفة هادي ممكن تشوفيلي لوونقدر نشوفها
الممرضة خش للغرفة كانت نيسان الوحيده ف الغرفة: تقدر تتفضل مافيش مرضى معاها
صقر خش
كانت راقده بسبب المهدى
صقر لم خدها: ربي يعوضنا المهم عندي انتي
نيسان راقده
صقر قعد معاها
دقايق وفاقت
نيسان فتحت عيونها مرخيات
صقر يشوف ف وجها وعيونها حمر: الحمدلله ع سلامتك
نيسان عيونها مرخيات عيونها تعبو دموع: اجهضت صح؟!
صقر يمسح ف دموعها: ماتبكيش ماتبكيش ماتبكيش
نيسان تبكي بشهقه: اني
كنت بنقولك بعتتلك رسالة بس مكنتش متاكده
صقر:خلاص اسمعيني
نيسان تبكي: ملحقتش نحس بيه
صقر مسحلها دموعها وقرب وجها: متبكيش نقولك خلاص اشششش
نيسان تبكي
الدكتورة خشت :صباح الخير
صقر طلع نزل بخطوات سريعه قعمز ف السيارة خناته دمعته: الحمدلله ع كل شي 
نيسان منهاره تبكي
الدكتورة: اسمعيني
نيسان تبكي
الدكتورة: انتي بنيتك ضعيفه وحملك مش تابت بس مافيك شي انت كويسه
نيسان: علااش اجهضت علاش اني ملحقتش نعرف حتى بوه مايعرفش
الدكتورة: اسمعيني ياحبيبتي تعرفي توا في وحده جابت بيبي كامل مانقصه شي وتوفه بكت بكت صح زيك او اكثر بس ف الاخير قالت الحمدلله وربي مش كاتب 
نيسان هدت تبكي بس بشوية: رح نحمل من جديد صح
الدكتورة ابتسمت: نشالله 
نيسان مسحت دموعها وهدت
الدكتورة بتطلع
نيسان: دكتورة نبي نطلع
الدكتورة: حاظر بس اقعدي للعشيه
نيسان: لوووسمحتي خرجيني
الدكتورة: تمام كلمي راجلك يجيي للاستعلامات.. وطلعت
نيسان شافت الهاتف جنبها قاماته وترددت الف مرة تسمعه صوتها اتصلت: الوو صقر
صقر: عيونه
نيسان: امشي للاستعلامات بيخرجوني وطلبوك
صقر: نيسان انتي كويسه بتطلعي
نيسان: كويسه شن بيصيرلي… وصكر الخط وقعدت تبكي
وفعلا
ساعتين وطلعت نيسان ركبت
نيسان نهارت دموع؛ اني منعرفش ياصقر امس بس شكيت ف روحي 
صقر شد ايدها ويسوق: خلاص صار خير ربي هكي كاتبله 

بعد مرور ساعة
نيسان اتصلت بـ امها قالتلها وهي صكرت من امها
ميسون اتصلت وكانت بتسالها مش عاينت عشان تتاكد او لا بس نفجعت

نيسان وقفت قدام المرايا تشوف لروحها
صقر شافلها: متكونش معارضة حكمت ربي
نيسان شافتله: الحمدلله 
صقر باس راسها وخش توضى وصلة الظهر
نيسان قامت شعرها وتسطحت
طقطق طق
صقر صلة وفتح الباب لـ امه
خشت غرفة النوم قعمزت جنبها تمحس ع راسها : ياحليلي ربي يعوضك نشالله
نيسان سلمت علها: نشالله ياربي
ميسون: قلت حتى ني تو يطربقوك بعين
نيسان: قالتلي الدكتورة حملك مش ثابت لانك بنيتك ضعيفه
ميسون: اي قعده صغيرة عادي عادي مكتوب نشالله تعبوه الحوش صغار السنين جايه
طق طق طق
بسمه و هديل وبنوتة الصغيرونة اسجان
نيسان خدت اسجان: خويله
اسجان ابتسمت
نيسان باستها وناضت: تعالو نقعمزو ف الصالة
قعمزو ف الصالة
نيسان ف حضنها اسجان بصوت واطي: صقر برا؟!
هديل: خلينه ف المربوعه
نيسان قامت اسجان: نطلع دقيقه تو نجي .. وطلعت
خست المربوعه
اسجان تناغي
نيسان خشت المربوعه: شوف من جبتلك
صقر ابتسم وقف شاف اسجان: كبرت مشالله
نيسان شافت صقر: حلوة وله
صقر: ز خالتها 
نيسان شافتله قايمه اسجان بيد وشدت ايد صقر بتانيه: زعلت مني؟! 
صقر حضنها باس راسها: شي مش بيدك علاش بنزعل
نيسان شافت اسجان: تكبري تحسديني ع راجلي شوفي محلاه
صقر ضحك
نيسان: نديرلك قهوة او شي
صقر: لالا شربت قبل منطلع
نيسان درتله باي بـ ايد اسجان وطلعت

مروو يومين ع لصار
نيسان كانت تبي تنسى تبي تلهي روحها فتحت نت
صقر يشوف ع الاب توب من الكساد قعد يتفرج ع صفحة
نيسان تشوفله : شن هادي صفحة هدايا
صقر: اي
نيسان قعمزت جنبه تتفرج
صقر يفوت ف منشورات الصفحه
نيسان شافت كرة تلج بلورية: شوف هادي محلاااها تهبل
صقر: عجباتك
نيسان: فها ضي تهبل علاش معجبتكش
صقر: لا عجبتني…. دار لايك ع المنشور عشان ميضيعش
نيسان: ات لمن بتاخد هدية
صقر: مش لحدد هكي نتفرج
نيسان: عندي فلوس من عرسي قعدت وتناخدلك هدية غزالي باهي 
صقر: نوضي بلا براده
نيسان ناضت تضحك ومشت تجهز ف الغدي
صقر خش ع الصفحه يستفسر ع التوصيل وياخدها الكرة البلورية 
نيسان: تعلا تغدى اني جعانه مش رح نتستناك
صقر عارفه ادير هكي تكابر وتبي تنسى طلع وتغدو
صقر: عيوني
نيسان شافتله
صقر: نديرو شهر اني وانتي بس نسافرو
نيسان: علاش نسافرو انت بتسافر اسافر اني لا
صقر شد ايدها: تمام باهي البحر اني وانتي بس ناخدو اسبوع
نيسان: لايام هادي منقدرش ناجلوها

#بعد_مرور_اسبوع
يتفرجو ع فيلم
نيسان راسها ع رجلين صقر: راجلي 
صقر شافلها ابتسم: شن هيا
نيسان: رااجلي
صقر باسها بقوة: عيووونه
نيسان: مش مره قتلي نمشوو للبحرر
صقر: اي نمشو
نيسان: نمشو بس خايفه عميمه تحرج مخدينهاش خلينا نخدوهم معانا
صقر شافله مسح ع شعرها: نقعدو يومين مع بعض بروحنا ونادوهم
نيسان: شنديرو يومين بروحنا 
صقر: نصتادو حوت 
نيسان قعمزت وشعره مفتوح: قول بنات مش حوت يادلفين 
صقر ضحك: شن بندير بيهم البنات وعندي احلااهم ، انتي بالك نحصلولك راجلك كويس ضام عقاب عمره نزوجك
نيسان ضحك: عقاب عمره وعلاش مش صغير هكي عمره زيك عنده شنبات ولحيه حنطي زيك طوويل ماكلته ماشيه ف طوله ضابط شرطه زيك يوم يمشي عشره لا وشعره كثيف ويهبل زيك مافيش مشكله وقتها نوافق
صقر ضحك نتشها من رقبتها
نيسان عيطت: ااااي نعيط راه رقبتي رقبتي
صقر ضحك قامها: ياقصير يافازو مسير
نيسان ف حضنه لافه ع رقبته: اني فازو مسير؟!
صقر: اني منحبش الشكلاطه نحب المسير
نيسان: وانت برويطي
صقر ضحك: اني برويطه ؟!
نيسان: اي ديما ادور بيا 
.
رواد ف خدمته: عجبتني البنت صورتها ارتسخت ف عقلي
محسن: شوقتني نشوفها
رواد: يوم المنى نسمع بها اطلقت
محسن:شن شفت فها
رواد: جللطه البنت نقولك 

.
مرور لايام
صقر يجهز للبحر ونيسان تجهز
تررررن تررن
صقر طلع استلم بوكس صغير داره ف السيارة
ومشوو للبحر
مشوو أستاجرو قريب ع البحر
صقر نزل الشناطي
نيسان: تعرف تعوووم؟!
صقر: اكيد وانتي
نيسان بصوت استفزاز:احسسن منك
صقر قام حاجبه:لالا متفرحيش بروحك
نيسان:صقر تخيل حني هني ويجو لحوشنا ميلقوناش اتصل اتضل بـ مك قوللها حني ف البحر وقللهم اجرنا تعالو
صقر:تمام بعدين نتصل
نيسان طلعت وكانت الدنيا فاضيه لابسة سروال واسع ازرق كحلي وبلوزة ورديه ووشاح ازرق كحلي تتمشى ع الرمله شافت الشط عليه شباب قراب منهم رجعت خشت
صقر:خيرك تعالي نطلعو
نيسان:حبيبي شباب جنبنا منبيش اني انت خش
صقر:نتمشو؟!
نيسان:اوكى يلا
وطلعو يتمشو
ويدردشو
نيسان:صقر هني مافي حد تعالى نخشو؟!
صقر:تمام هي …شد يدها وخشو
صقر حول التيشرت وحط برا وخشو
صقر:ايدي مترخيهاش
نيسان:تعلا ناخدو نظرات ننزلو بيهم احلا
صقر مشي خدي زوز وخشوو مع بعض
نيسان: حبيبي انت بس متخافش كان غرفت تو نطلعك اني
صقر ضحك:احممم لا حبيبتي انتي كان خفت قوليلي
وخشوو 

مررر اليوم عسللل عليهم
تاني يوم
صقر كلم امه ووافقو يلحقوهم
ميسون وعيلتها جهزو رواحهم بيمشوو للبحر وهي تجهز اتصل سليمه وتسال عليهم قالتلها بيمشو للبحر
سليمه قالت لـ رواد:خلي نمشو معاهم حتى حني
رواد:منهما يام فكينا
فريده مرت رواد: اي خلي نمشو
سليمه:صقر رفع امه ومرته للبحر وقالت ميسون تعالو
رواد:تمام عادي جهزو روحكم
خدو العنوان ومشو

يتبع ……..

لقراءة الجزء التالي : الجزء الخامس عشر من رواية لهيب الإنتقام

لقراءة الجزء السابق : الجزء الثالث عشر من رواية لهيب الإنتقام

للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد

جميع الحقوق محفوظة للكاتبة ميشو محمد .