وفي الجزء الرابع من رواية افعال ابليس للكاتبة زهرة الشيخ يا تري هل سيحدث شيء يقلب موازين الرواية رأساً علي عقب مع ابطالنا ؟ دعونا نعرف إجابة ذلك التساؤل في السطور التالية بإذن الله .
الجزء الرابع من رواية افعال ابليس
إسحاق: شن في شن تبي
احمد:بعصبيه شن نبي ها شن ه الحركات لي دير فيهم
حياه واقفه ورا الباب تسمع
إسحاق: شبح فيه ورفع حاجبه اما حركات مادرت شي نا دافعت عن امي وهدا من حقي
احمد: انا ماقتلك مادافع عن امك دافع ومن حقك بس مش علي امي جرحتها بكلامك هدي جدتك ره
إسحاق:تي اما جده انا اليوم بس رايها كنت بنتقبلها بس بكلامها هدا لا
احمد: بعصبيه إسحاااق
حياه فتحت الباب
حياه: احمد 
انت شن دير
انت شن ديرإسحاق: خليه امي انا فاهم عليه خليه يضرب حتى هوا هانوه وتوا جاي بيفش غله فيا نا
احمد: حياه اطلعي
حياه ربعت ايديها انا مش طالعه
احمد: حياااه برا
حياه تعبو عيونها دموع
إسحاق: هييي انا قدامك بتضرب وبتفش غلك فشه فيا نا امي ماتعلي صوتك عليها احسنلك ومسك ايد امه وطلع بها
احمد اول ماطلعو فش غله كله ف المكتب يكسر فيه
*_الكــاتـبـــــه زهــره الشــيـــــــخ_*
بعد نص ساعه
إياد: نازل من الدروج شن في خيركم
إسحاق: شي
إياد: ولوحش لي ف المكتب خيره يكسر
إسحاق: برا امشيله ماتنفخلي راسي إياد
إياد: شاف لي امه وبتسملها
حياه:
جعان ياروح امك صح
جعان ياروح امك صحإياد: نجها لي تحس بيا
حياه: برا ناديلي خوتك كلهم وتعلو نتعشو حتى نا ماتعشيت
إياد : حاضر
ناضت حياه تسخن ف العشا
إسحاق طلع لجنان يدخن ويفكر كيف بيعيش معا ه العيله بس
إسحاق: اففففف
ميسم: اااخ بس محلاهم يهبلوو
نرجس : انا مش مصدقه انهم ولاد عمي
مرام: مش لهدرجه
هدى: كيف تركزي انتي وياها انا ماقدرتش نشبح فيهم
ميسم: ااخ احلا واحد إسحاق
هدى: ماشالله قداش تركزي
نرجس : الله حتى التوام حلوين بس معرفتش من الاحلى 
لاكن فؤاد شي تاني
لاكن فؤاد شي تانيمرام: اسلوبهم اخي
ميسم: ماخيره شي اسلوبهم بس عصبيين احي
هدى: من حقهم يتعصبو
نرجس: اي صح
لميا: نوضي انتي وياها كل وحده ضم دبشها بلاش من الدوه الزايده
لميا طبعا اكثر وحده فرحانه انها بتحول وبتعيش في فيلا
ناضن كل وحده ضم ف دبشها
*_الكــاتـبـــــه زهــره الشــيـــــــخ_*
نزل إياد مع اوس وفؤاد ونور بيتعشو قعد كل واحد فمكانه
حيا:وين اسحاق
إياد :برا
إسحاق: هاني جيت
قعدو تعشو وكل وحد عدا لغرفته
حياه مشت لغرفتها قعدت تقرا ف كتاب فجاء حست ب خطوات احمد حطت لكاتاب ودارت روحها راقده
خش احمد ولقا حياه راقده وهوا كان عارف انها مش راقده لانه مش متعوده ترقد وهم متعاركين نحا جاكته وقعد جنبها
احمد : عارف انك مش راقده
حياه قلبت وجها لجهه التانيه
احمد: اسف
حياه:
احمد: به ضمديلي جرحي كان ماتبي تكلميني ولا تسامحيني
حياه:خافت فتحت عيونها وقعدت وينهه
احمد: ابتسم واشرلها ع ايده
حياه: من شني الجرحه
احمد: قزاز من المكتب
حياه: اانت
وسكتت ناضت دور في علبة الاسعافات ونضفتله جرحه وضمدتها
وسكتت ناضت دور في علبة الاسعافات ونضفتله جرحه وضمدتهااحمد: شكرا ياعيوني
حياه: من غير نيه عفوا وخشت مكانها بترقد
احمد: اففف
ناض بدل وجا رقد في حضنها
حياه:
احمد:
*_الكــاتـبـــــه زهــره الشــيـــــــخ_*
ف الصبح
جمال: ياحاجه احنا تو بنسكنو عند احمد ياريت ماديري مشاكل مع مر ولدك بلا عار تربحي
جواهر:
روان: تفطر اي صح امي
جواهر:به
جمال: وانت يا ايمن خلي خوك في حاله
أيمن: هه
مرام : قاعده سرحانه
هدى: كنك شن فيك
مرام : شي غير نفكر كيف بنعشو معاهم بس
هدى: عادي حسيتها نوضي هي افطري توا بيجينا خالي
مرام : ت تمام
نرجس تتصل و تلم ف دبشها
لميا خشت عليهن شني كملتن
ميسم: اي كملت
نرجس ماسكه التلفون لا شوي بس
لميا كانك فالحه حق تخلي واحد من اولاد احمد يكون نصيبك مش واحد شلافطي حتى سياره ع روحه ماعنده
نرجس: صكرت عليه وااك منك امي سمعك ره
لميا: خلي يسمع حق شني عنده شي ليه قريب سنه يبني في حوشه ماكمله وسياره ماعنده حتى دبله عليها القيمه مالبسك
نرجس:اوووف الله غالب هدا لي يقدر عليه ونا راضيه بيه
لميا : اقعدي فها سلم بنتي توا تاخد واحد من اولاد اعمها
ميسم: ههههه اكيد
لميا: هيا بسرعه شوي ويوصل احمد
بعد كم دقيقه وصل احمد مع إسحاق وأوس
على : يامرحبتين تفضلو
خش احمد مع إسحاق قالب وجهه وواضح عليه جايهم بسيف
جمال :ياهلا ياهلا خشو اقعدو
احمد سلم ع بوه وقعد جنبه والله مستعجلين ياحاج لولاد بيمشو بينضمو امور الشركه
جمال : اها ربي يعاون
شاف لي اسحاق واوس كيف قالبين وجوهم ومش متحملين الوقفه هنا
جمال : ماتاخدو ع كلام حناكم الكبر مأثر فيها
إسحاق :لا عادي
أوس:
المهم نزلو كلهم بصاكواتهم وسلمو عليهم
وأوس وعلي وعادل دخلو الصاكوات ف السياره
أوس كملنا
احمد: هيا اركبو ف السيارات
روان : تكلم في امها جواهر تربحك يام بلاش حركات
جواهر به
بهطلعو كلهم وبيركبو ف السيارت الثلاته
لميا:
عيونها قريب يطلعو بعد شافا السيارات وبناتها كدالك
عيونها قريب يطلعو بعد شافا السيارات وبناتها كدالكجمال: ماشالله ماشالله
احمد:
أيمن:
عند حياه
نضمت امورها ودوشت وبدلت لبست احلى ماعندها لانه هدي اول مره تلاقيهم و كاكنه
ركبت جواهر وجمال وروان في سيارت احمد
وركب علي ونرجس وميسم ولميا في سيارت أوس وركب عادل ومرام وهدى في سيارة إسحاق
المهم بعد ربع ساعه وصلو للفيلا وجوه مندهشه وجوه مصدومه
نزلو من السيارات
احمد : تفضلو البيت بيتكم
لميا:مش مصدقه
مش مصدقهنرجس: ميسم اقرصيني
ميسم صكري فمك حشمتينا انتي وامك
طلعت حياه هيا ونور بيرحبو بيهم
حياه من داخلها ميته من الخوف
كلهم بدو يسلمو على حياه ونور
جواهر: ياهلا بمرت ولدي البكر
حياه: ا اهلين عمتي
جواهر: شبحت فها من فوق ولوطه وخشت
أيمن عيونه ماحولهم من على حياه
جمال : اهلين ببنتي
حياه: ااهليين عمي كيفك وكيف حال صحتك توا
جمال: بشوفتكم وشوفت احفادي تحسنت الحمدلله
إسحاق:ف داخله من قبل ماخيره شي متسبل
حياه:
لميا شافت اهتمام جمال بها ونضرات ايمن ليها وجمالها ولبسها وحوشهاو اولادها ولعت فها الناااار
روان : تبوس وتحضن ف حياه محلاها مرت خوي
حياه:
خشو وكلهم مدهولين من الفيلا والديكورات والالون والخدم وحياه
جواهر: وين احفادي وين
نور: كلهم مشو لشركه شوي ويجو
جمال: ربي يعاون
حياه: نادت ع فطوم [العامله]
خشت فطول لصاله وضيفتهم احلى ضيافه
جواهر:
طبعا الوحيده لي مش عاجبها شي
*_الكــاتـبـــــه زهــره الشــيـــــــخ_*
اتصل ايمن ب ياسر وحمزه ودلهم ع طريق الفيلا وبعد نص ساعه وصلو
ياسر: ياساتر لنقنا عايشين
حمزه: تبارك الرحمن
خشووسلمو ع حياه ونور وعمهم
فطوم: الغدا واتي
حياه: نور كلمي خوتك شوفيهم وين وناضت تشوف ف السفره
بعدكم دقيقه وصلو
خشو سلمو
جمال : كيف امور العمل
إياد : خاشه ف بعضها ماتفهم كيف
إسحاق:يشوف ف ياسر
ياسر:
احمد: كيف خاشه ف بعضها !
أوس : فوضى الموضفين يبو تغير
احمد: شن في يا اسحاق
اسحاق : تبي قلبه صح الشركه درنا لي نقدرو عليه الباقي بكرا ان شالله
احمد : باااه
حياه: هيا تفضلو ع غرفة المعيشه
جواهر :
ع السفره
حمزه عيونه ماحولهم ع نور
أوس : ين
إياد:اسكت حتى نا نشوف فيه خلي نوضو من ع سفره نكلموه
نوراضايقت من نضرات حمزه لها
احمد: ايمن اولادك شن يشتغلو توا.
حمزه: كحح كح
ايمن : يشتغلو في شركة انتاج
علي:
احمد: اها به
جمال: ه الشركه نا مش مرتاحلها بكل
احمد: علاش
جمال: هك مش عارف
احمد: ساهله عادي يشتغلو ف شركة إسحاق احسن
ياسر: مستحيل نقعد موضف في شركه كنت فيها انا المدير
حمزه:هه
إسحاق: غير خلي تحصل ع موافقتي قبل
فؤاد: واللهي العظيم
جمال: صوت خلاص خيركم انتم خوت ره
إياد: خوت منين
فؤاد: حليب الناقه
أوس:
حياه: فؤاد
فؤاد: شاف لي امه باهي خلاصسكتت
سكتتنرجس : بصوت واطي محقرهم
ميسم: مش غير
جمال: شن ه الفوضى خلاص انا كلامي واضح ياسر وحمزه معاش نبي نشوفكم تشتغلو غادي
احمد: شاف لي إسحاق ونا كلامي واضح ولاد عمكم وعادل ولد عمتكم كلكم تشتغلو في مكان واحد
لميا فرحانه بطيرمن ه الخبر
إياد: شد هي
أوس: بصوت واطي توا هدا لي يتأمر مش كان مريض وعلى فراش الموت
فؤاد ماقدرش يشد ضحكته انفجر ف الضحك هوا وإياد
أوس: بجد نحكي ره
إسحاق:صحه وناض طلع
صحه وناض طلعف العشيه
ميسم : مش مصدقه هيا غرفتنا تهبلل
نرجس : مش غير
هدى: وااك غرفه كبيرههك مانحبها
مرام: بلعكس تجنن
روان : هههه اي ريتي
حياه:وههه
جواهر تشبح فها وتفنص
حياه:
روان: شافت لحياه كيف مضايقه خلاص حبيبتي امي هك طبعها ماتعدلي
حياه: تمام
نور نازاله من الدروج تجري امي خاطري نطلع الله من يوم جيت ماطلعتوني
حياه: بري كلمي خوك يطلعك
مشت تجري للمربوعه
نور: فؤاد تعالا بنقولك
فؤاد: جايك
حمزه: امك
أوس: هيي انت زودتها ره من بكري ونا نشوف فيك كيف تشوفلها
إسحاق:
حمزه ولا صوت
إياد:نستنا فيك تغلط مره ثالته بنشرب من دمك وانت حي
احمد: شن تقول انت وياه شن في !
أوس: اشر ع حمزه هوا نضراته مش مزبوطه نشوفه يشوف لنور مره تانيه يتحمل ما يجيه
إسحاق: صفيه
احمد: إسحااق
أيمن : لو كان تستر في روحها زيها زي بنات عمتها وعمها لو ماشافلها شن تحساب روحها ف ايطاليا
أحمد: خليك برا انت
جمال : انا بتمرضوني ساد ساد
ناض طلع حمزه مع سامر
حمزه يسب ويلعن
سامر خلاص ياسرك عييت شوف كلم لي وظفنا قوله مانقدروش نكملو معاهم
حمزه : تو نشوف
بعد مرور يومين ع نفس الحال عراك بين ولاد احمد وولاد ايمن
حمزه وياسر سيبو العمل وبدو يشتغلو مع إسحاق
ف المكان لي كانو يشتغلو فيه سامر وحمزه اكتشفاته الشرطه وتم القبض ع العصابه الا 2 وفي واحد كان معاهم دكر اسم عيلة جمال
الشرطي : عيله جمال مستحيل يطلعو ليهم دخل ف الموضوع
مستحيل يطلعو ليهم دخل ف الموضوعالمحقق مشي بنفتشوهم
والشرطي هدا كان ع معرفه ب ايمن اتصل بيه وحكاله كل شي
أيمن: لالا ما لينا علاقه بس تفضل وفتش براحتك
الشرطي :تمام وصكر
اتصل ايمن اتصل ب ولده ياسر
سامر: ايوا
ايمن: عندك شي داسه ف الحوش الشرطه جايا تفتش وحكاله كل شي
سامر: جاته زي الساعقه بخوف اااه اي اي في ف الدرج امتاعي وتحت دبشي وفتش غرفة حمزه
أيمن: تمام
أيمن خطرت عليه خطه إبليسيه
حياه نزله من الدروج خبطت ف أيمن
حياه: ااسفه ماكنتش نشوف فيك
أيمن: عادي ولو ومسكها من ايدها يشوفلها ياريتك ديما تخبطي فيا
حياه: بصوت واطي ايمممن تحشم راني مرت خوك
أيمن : مرته ولا ….. من شاهد ع زواجكم
حياه: هييي ايمن تماديت انت حول عني قبل لا نلم عليك امة لا اله الا الله
وإسحاق كان يسمع في كل شي وايمن كان قاصد انه يسمعه
أيمن: هه خوفتيني وعدا شاف لي إسحاق
إسحاق:نار والعه فيه
نار والعه فيهنزلت حياه وهيا تسب فيه
مرام تكلم ف جابر
مرام: خيرك لاباس اعليك
جابر: لا غير بنقعد فها فتره وراجع نبي نتلاقى معاك قبل لانسافر
مرام: ان شالله يصير خير حبي
جابر : ضروري نبي نشوفك ره
مرام : به حاضر نتلاقو بس وين
جابر : نجيك بسياره وبعدها ساهل
مرام : باه
فؤاد كان ف الحديقه يدخن وسمع كل شي
لميا تشوف لحياه بعدها شافت ف جواهر بمعنى خيرها
جواهر: من يوم ماجيت و مرت ولدي البكر مش معبرتني ولا مقيمتني ماشفت غير تفنيصاتها من بعيد ولا مقيمني حد ف هدا الحوش اصلا
جمال:
احمد: ياام
ياامحياه: عيب كيف نفنص فيك عمتي
جواهر ناضت وخشت لغرفتها
جمال : استغفر الله
حياه: تكلم ف الخاده فطوم شني نضفتي غرفة إياد اكيد رايحه كلها سميسا
فطوم :اي نضفتها
حياه: وأوس
فطوم: حاضر تو نضفها
حياه: بسرعه بلله وتعالي ساعديني بنخش بنطيب اليوم ع خاطر عمتي
فطوم: تمام عن اذنك
جمال : ماينفعها الخير عمتك
حياه: الله غالب نجربو
لميا:
إسحاق نازل وهوا معصب
هدى: تتصل الله هههه ريتي ماتوقعتها تطلع هيا وفجاء بوووم
إسحاق:
انتييي ماتشحي قدامك ولا شني
انتييي ماتشحي قدامك ولا شنيهدى: اللطف ياربي راك انت لي خبطت فيا وانا لي توجعت مش انت
إسحاق: اسمعي
هدى: مانسمعش طرشه خيرك انت ديما والع على لا شي وتوا جاي بتفش فيا غلك تحسابه ماعندي لسان يعني تتكلم لين ولا لونها احمر
إسحاق : لوك لوك لوك تدوي من غير فاصل اعلاني خودي نفس وبعدي عن طريقيمش فاضي
مش فاضيهدى: واحد حقيروزفت ومتكبر وعصبي ع الفاضي وهم احرف ومشت تسب وتلعن
إسحاق خيرها هيا
ميسم: بنضرات حب خيرها معاك سوري ماتعدلش عليها مريضه بضحكه
إسحاق: ياسبحان الله عيله مش عارف من وين زارقه الزح وعدا مارد عليها
ياسبحان الله عيله مش عارف من وين زارقه الزح وعدا مارد عليهاميسم:
إياد وعلي وفؤاد شدوها ضحك عليه
إسحاق: شن يضحك ضحكوني معاكم
شن يضحك ضحكوني معاكمإياد: يحاول يقلد صوت هدى واحد حقير وزفت ومتكبر وعصبي ع الفاضي وننننن
أوس :واااك
واااكفطوم:فتحت باب غرفة أوس شافت أيمن طلعت طول
وستناته لين طلع من الغرفه خشت وفتشت حييي
حيييالشرطه اقتحمت الفيلا
احمد: خير شن عندهم هنا
شن عندهم هناالشرطي احمد جمال نبو نفتشو الفيلا لو سمحتو
إسحاق: ومعاها لو سمحتو لا مش مسموع
لا مش مسموعالشرطي: معانا قرار تفتيش ومدله الورقه
إسحاق: تفضل فتش
حمزه يشوف لي ياسر بخوف شافلهم ايمن بمعنى اطمنو كل شي تمام
خشت الشرطه معاهم احمد فتشت لقت ممنوعات في غرفة إسحاق وإياد
احمد: ش شن هدا
الشرطه: هه ممنوعات يا استاذ
نزلت الشرطه معاهم احمد وعلامه الصدمه ع لى وجهه مش قادر يرفع راسه
إسحاق: شني ارتحتو
الشرطي : تفضلو معنا إسحاق وإياد
إياد:تفضلو ع شنو ع الغدا لا شكرا غداكم الوحيد لي مش مطمنله
تفضلو ع شنو ع الغدا لا شكرا غداكم الوحيد لي مش مطمنلهكلهم:
الشرطي : بنعتقلكم بتهمة تهريب
إشحاق : شنووو
يتبع ……..
لقراءة الجزء التالي : الجزء الخامس من رواية افعال ابليس
لقراءة الجزء السابق : الجزء الثالث من رواية افعال ابليس
للإطلاع علي فهرس أجزاء الرواية : جميع روابط اجزاء رواية افعال ابليس للكاتبة زهرة الشيخ
جميع الحقوق محفوظة للكاتبة زهرة الشيخ .
