وفي الجزء الرابع من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الرابع من رواية المشوه
غياث طلع ركب سيارته متعصب
عدنان خش للبيت ف المزرعة وتلوح ع الكنبه: توا وقته هدا
.
.
غياث اتصل: لميس لعند هني وبس
لميس تقرا وقفت: شن في خيرك
غياث: بوك جاني جوه تمام طلبتك منه خديت رايه لاني مانقدرش نكلمك ونتواصل معاك هكي بوك رفض يالميس
لميس: كيف ليش
غياث: شي يرجعله
لميس: غياااات نكلم فيك بابا اكيد قالك ليش رفضك
غياث: قالي رافض وبس خدمتي عندكم كملت ع خير
لميس: بابا وين
غياث: ف المزرعة خليته
لميس: طردك
غياث: لميس اني متصل عشان نعطيك علم لااكثر وناخد رايك بلداره بوك
لميس: غياث انت تعرف رايي
غياث يسوق: نعرف
لميس: غياث الموضوع يخص ايدك
غياث: لا
لميس: اي واني متاكده بابا نعرفه كل شي يهمه المظاهر
غياث: لميس نبيك افهميني
لميس: واني مش رح نرضى بغيرك او تق فيا
غياث تنهد: تحبني؟!
لميس: نحبك 
غياث: بنتواصل غضوا مع خوك علي وناخد رايه
لميس: غياث متقفلش هاتفك باهي
غياث: اكيد
لميس: اني معاك انت مش بروحك واني رح نكلم بابا
غياث: ديري بالك
لميس: وانت باي
غياث صكر الخط
لميس نزلت تسخن ف عشي لبوها
وسمعت الباب تصكر
لميس طلعت من المطبخ: بابا تتعشى
عدنان: اني ف الصالة حتي عشي..وخش الصالة
لميس خدت العشي وحطاته قدامه:تبي شي تاني
عدنان:شغلي التلفزيون وهاتي الريموت وركبي لدارك
لميس شغلاته وعطاته الريموت وركبت وتلفتت بتركب غرفتها
عدنان:تعااالي
لميس تلفتت:ن نعم
عدنان يلقب ف القنوات:قعمزي
لميس قعمزت
عدنان: تعرفي صاحبي خليل وله من لم كنتي صغيرة شيفتيه وتعرفيه
لميس:خليل لقبل يجي اي نعرفه
عدنان: يعرفك وامس اذكرك وطلبك لـ رياض ولده
لميس خشت بعضها وسكتتت وجتها الرجفه
عدنان شافله:جيبيلي اميه
لميس هربت للمطبخ اتصلت بـ غياث:غياااث
غياث:شن صار خيرك
لميس:غياث خليك ع الخط واسمع…وحط الهاتف ف جيبها والخط شغال
لميس خدت الميه وقعمزت
عدنان:نستنى ف الجواب
لميس بااستعباط:ع شنو
عدنان بعيط:بلا غباء رياض ولد خليل طلبك اني موافق ومش طالب رايك عفكرة بس خليل صاحبي قالي ناخد رايك بس
غياث 
لميس:مانبيش اسمعني
عدنان وقف:شنو ماتبيش تبييي بسيف عليك
لميس تبكي: مانبيش انت طلبت رايي وهدا رايي مااانبيش..وقفت بتمشي
عدنان: وين ماشيه توا ؟؟؟
لميس:بنقرا تبي شي
عدنان ركب غرفتها نزل شنطتها وكرساتها:هادي القراية مش جايني منها شي اصلا…وطلع لو الكتبات ف الجنان
لميس تشوفله: شن بدير
عدنان طلع من المخزن بنزينه وسكبها ع الكتب
لميس بصدمه:بتحرقهم ؟؟!!!
غياث طلع من حوش وقربع الباب 
لميس نهارت تبكي وتشوف ف كتباتها ينحرقو قدامها ونست الخط مفتوح
غياث بحرقه: اني ميبنيش باهي لكن ميدمرحاش قدامي 
لميس: علاااش هكي شن دخل الكتبات تحرقهم 
عدنان: رفضتي عشان القراية واني شن جايني منها القراية هكي اريح وهكي معادش عندك لا خشه ولا طلعه
لميس ركبت غرفتها تجري وتبكي واذكرت الخط مفتوح صكراته
غياث شاف الخط تصكر عاودلها
لميس تبكي:
غياث يسمع فها تبكي: كل شي بسببي صح
لميس: مش بسببك بسبب رياض
غياث: من رياض ليبيك تعرفي لقبه
لميس: مانعرفش
غياث: اني ف الطريق جاي
لميس وقفت: وين جاي غياث بلا مشاكل ارجع
غياث: ماتدخليش
لميس: غياث لو جيت بابا رح يعرف انك تتواصل معاي خيرك
غياث شد فرينو: اووووووف
لميس مسحت دموعها تنهدت: القصة كبرت
غياث: بما انك قعده تقوليلي نبيك مافي شي رح يوقف ف طريقنا
لميس: انت كيف رح تتصرف ع خدمتك
غياث: اني مانشتغلش بسبب الفلوس اني عندي فلوس نشتغل عشان الخنابين بس ، خليك مني توا كلمي عمك عشان القراية واكيد رح يوقف معاك
لميس: غضوا نكلمه
غياث: رح نخدلك كتب ورح تكملي ماتخافي من شي ولو بوك مش راضي اني رح نتصرف بطريقتي
لميس ف وسط دموعها ابتسمت: نحببك
غياث: قيمتك عندي كبيرة تسوي للدنيا ومافيها انتي
لميس ابتسمت واكتفت بسكوت
قاطعهم
عدنان من لوطى: يابببنت
لميس بخوف. بابا بنادي
غياث: خلي الخط
لميس: اهاا… وحطت الهاتف ف جيبها..وطلعت
غياث:خلينا نشوفو لوين بتوصل ياعدنان
عدنان:اني طالع رجلك تعب برا الحوش نفصل راسك ع جسمك فااهما
لميس تشوفله وساكته
عدنان متعصب قلب سفرت العشي وتكسرت الصحون وطلع وقربع الباب
لميس قعمزت ع الدروج دموعها ينزلو بلا صوت ماتبيش غياث يسمعها تبكي قامت الهاتف
لميس تصبغ ف صوتها ع انها عادية:طلع
غياث: لميس خليك ع تواصل معاي ف اي شي
لميس:تمام باي
غياث:تصبحي ع خير
لميس:وانت بخير…وصكرت الخط
.
.
لميس رقدت ودموعها ع وسادتها
غياث مرقدش طول اليل
غياث طلع من حوشه لجنان حوشه يدخن ويدخن ويدخن شاف ايده
غياث: كل شي بسبب جروح ف ايدي اني مالينيش ذنب فها والكل يشوفلها ع انها تشوه
وكمل باقي ليله تدخين
لميس فاقت واذكرت امتحانها بدت تبكي: اخر سنة ياربي
لميس نزلت خدت مذكرت الارقام خدت رقم عمها واتصلت بيه وحكتله
عمها:بوك جن كيف اخر سنة ليك يحرقهم
لميس: كلمه ياعمي تربح
عمها: اكيد نكلمه ونعاودلك بنتي…صكرالخط
عمها فعلا لم صكر من لميس كلم عدنان وعاركه
عدنان:ماتدخلش بينا بنتي واني حررر
خوه الصديق: بنتك تقولك مش نوافقه وتكمل قرايتها تمشي تحرقهم مسحور انت ولا خيرك تعالي لحوشي توووا
عدنان:مش فاضي
الصديق صكر عليه وطلع
.
.
طققق طققق
لميس لبسة وشاحها:منيي؟
الصديق:اني عمك افتحي يابنتي
لميس فتخت وسلمت عليه:تفضل خش ياعمي
الصديق:نادي ع بوك
لميس:بابا مهناش بايت برا
الصديق بصدمه:وانتي هني بروحك 
؟
؟لميس: شن بندير امبارح طلع
الصديق: ديما يبات برا؟
لميس.ف ايام يقعد بتلاته ايام
الصديق طلع هاتفه واتصل:لعنت الله عليك ياعدنان بنتك تخلي فها بروحها اسمع من الاخير وخلي عندك علم البنت بناخدها عندي لم ترجع تعالي وخودها
عدنان: خودها تريحني
الصديق صكر عليه: البسي واطلعي اني برا
لميس: مانقدرش ياعمي
الصديق: سلم بنتي راني متعصب اركبي البسي
لميس: ياعمي افهمني … قاطعها
الصديق: هيااا كلمه
لميس ركبت لبسة عبايتها
.
.
ووصلت لحوش عمي وكنت عارفه شن يستنى فيا 
سامية: اهلا
لميس:اهلين بيك
نباء: شن في
لميس:شي 
الصديق خش:البنت بتقعد لعند مايجي بوها
سامية ابتسمت بصعوبة:اهلين بها
لميس ابتسمتلها وهي متاكده ان سامية ف من وراها عاصفه ز كل مرة
نباء فرحت:بعد شهر نشالله 
لميس ابتسمت
نورس خشت سلمت ع لميس ومبتسمه:اهلين لميس انستينا
لميس حست ان في شي بصوت واطي.خيرك وجهك اصفر؟
نورس شد ايد لميس:بابا عند اذنك بنخدوها
الصديق:خودي راحتك بنتي
وركبو البنات لغرفتهم
لميس:خيرها اختك نباء
نورس عمزت ع السرير تبكي: جواد يا لميس
لميس:خيره حبيب القلب
نورس ندفعت تبكي
نباء: اتصل بها امس وقاللها دار تحليل وطلع عنده القلب وطردوه من خدمته ووضفوه ع الحاسوب لانه شرطي مايقدرش يجري ولا يدهش ف داروه يشتغل ع الحاسوب
لميس قعمزت جنب نورس:وانتي شن تصرفتي 
نورس تبكي: نهي علاقته بيا عشان مرضه قالي من كلام يكسر…وتبكي
لميس حولت عبايتها ووشاحها وقعمزت تهدي فها:اتصلي بيه وخليك سند ليه هو محتاجك بس زعلان
نباء:ممكن يكون ميبيهاش وكدب علها فيه القلب
نورس:بعتلي صورة التحليل وحلف وبعدين جواد مايكدبش
لميس:اتصلي وللهي محتاجك اتصلي
نورس وقف بكي شوية واتصلت ينادي الخط وماحد يرد لعند مارد ساكت
جواد: شن تبي يانورس
نورس دموعها نزلو:نبييك ياجواد بلله عليك ماديرش فيا هكي اني نحبببك
جواد تنهد:ياقلبي ياعمري انتي تستاهلي شخص طبيعي
لميس تسمع فيه
جواد:انتي تعرفي حوشي وتعرفيني ولو نتزوج غيرك واني حلفت مش رح نتزوج غيرك ولا رح نتزوجك
نورس: نعرفك ياجواد(تبكي بعبرتها)بس معقولا مرض يفرقنا
جواد تعصب وعلا صوته: عندددظي اللقللللب مانقدرش نتنفس عادي تخيليني معاك ف يوم عرسنا وفجاة نطلع من جيبي البخاخ قدام الناس شن رح تحسي انتي اني مكسور من خدمتي ومنك صدقيني رسمة حلمي معاك وبس ونعرفك
نورس: اخر كلام بينا شنو رح يكون
جواد غمض عيونه: قلبي مش رح تخشله غيرك ومانكونش راجل لو ناخد من بعدك
غمض عيونه: قلبي مش رح تخشله غيرك ومانكونش راجل لو ناخد من بعدكنورس: يحرم عليا غيرك
جواد وقف:انت كيف تحلفي ع نفسك هبلللتي
نورس:انت حلفت واني حلفت مستحيل نكون لغيرك
جواد:صدقيني تجنني انتي يتمناك سيد التريس
نورس تبكي:وانت سيد التريس اني نبيك انت بس
لميس وقفت ع الشباك ودموعها نزلو
جواد تنهد:فيا القلب يانورس افهميني تربحي تزيدي فيا
نورس تبكي: قلبي ليك جواد نتبرعلك بقلبي بس ماتخلينيش
جواد تنهد: نحبك وربي يشهد ع كلامي نموت فيك ، لو خديتك خلاتك وعماتك رح يسالوك من يكون عريسك ومش رح يقولو جواد ونورس بلعكس رح يقولو مريض بلقلب ونورس هكي رح يقولو تتحملي
نورس:مايهمنيش كلامهم وبعدين اني مش رح نسكت ع اي شخص يتكلم عليك
جواد: توافقي لم نتعصب عليك نطلع البخاخ
نورس:موافق
جواد :توافقي لم خوتك يوقفو ضدك عليا لاني مريض
:توافقي لم خوتك يوقفو ضدك عليا لاني مريضنورس:موافق مش رح يدخل بيني وبيك حد
جواد: ترضي تعيشي طوول عمرك لعند ماتصيري ف التمانينات مع واحد مريض وعايش ع البخاخ
نورس ضحكت ف دموعها:موافقه
جواد ابتسم: توافقي نبوسك ونحضنك ف مقابلتي الشرعيه ليك
نورس دموعها نزلو بفرح:موافقه
جواد :اطلعي من الشباك
نورس طلعت من الشباك تسمع ف صوت كلاكس بعييد
جواد: شن تسمعي
نورس ضحكت ودموعها ع خدها: كلاكس
جواد:هادم كلاكس سيارتي لم بناخدك
نورس ضحكت:نحببك
جواد ضغط ع الكلاكس ويسوق:الناس رح نطرشهم بـ فرحتي نبي ليبيا كلها تعرف سيارتي وفرحتي
نورس ضحكت وتسمع ف صوت الكلاكس: نعشقك اني
جواد يكلاكس.يدومك ليا ومايحرمني منك
نورس: بعنادي لـ متحباش لـ ديما تقولي ياعنيده بعنادي بناخدك
جواد يكلاكس :انادي عليك من الشباك بصوت عالي؟
نورس ضحكت:ههههههه
جواد:مانبيش الناس تعرف اسم مرتي
نورس:مرتك
جواد:نحبك
نورس تسمع ف الكلاكس بعييد: ياسر بتحرقلي الكلاكسي ف العرس بشنو بتكلكس
جواد ضحك: فداك روحي مش غير السيارة
نورس بعتتله بوسه ع الهاتف 
جواد: نحبك ونموت عليك
نورس:باي
جواد:باي…صكر الخط
نورس وقف صوت الكلاكس
لميس ضحكت:شفتي يحبك
نورس حضنتها وباستها ع خدها:نحبك لميس
لميس تضحك:حتى لميس تحبك
نباء:يعععع ع الكلام لنسمع فيه
وقعمزو البنات
نورس:الحمدلله ربي بعتك ليا
تيييييك تيييك وصلتها رساله من غياث
لميس قامت الهاتف (شغلتيني وينك بنتصل)
ترررن ترر
لميس:الوو
غياث بعصبيه:وينك انتي ماتقوليش ف مخلوق مشغول عليك
لميس: اني معاك من شن خايف
غياث:عليك
لميس: ماتخافش كلمت عمي وحكيتله شن صار
نورس اشرتلها: منو؟؟
لميس: استني
غياث: اي وشن صار
لميس:مزال مصار شي خداني وخلاني عنده
غياث:عند عمك انت؟
لميس:اي عنده
غياث:اممم 
لميس ساكته
غياث: لو عمك مدار شي بقصة الكلية خليك واتقه انك رح ترجعي تقري لو بوك يكسر الدنيا رح تكملي
لميس:معاد تهمني القراية هيا اخر سنه واكيد عمي رح يقنع بابا اني مش خايفه توا انت تهمني بس
غياث: مش غياث لـ يرخي بيك
لميس:وانت تعرفني
نورس قرصت لميس
لميس ايدها ع القرصه : احححح
غياث:من اولها احات
لميس فنصت ف نورس وفهمت قصده:بنت عمي قرصتني مسمعتكش 
غياث ضحك:عطها قرصه اوكي خليك مع البنات يغيرولك جوك بعدين نكلمك
لميس: اوكي باي
غياث.صكر الخط
لميس:نورس يابااارده
نباء:غير مني هدا ياجميل
نورس:لميس خانم من هدا
لميس تنهدت بحب:اححح ياقلبي هدا غياث
نباء:المشوه 
لميس وقفت بعصبيه: مش مشوه ياسر نباااء غياث ف ايده اثر جروح
نباء: بس يخوف كيف كلمتيه
نورس:نباء اسكتيي
لميس: حتى اني اول ماشفته خفت بس صدقيني يجننن زي البيبي معاي 
نباء:قعدت اني ز المزهارية
لميس:طول معقليتك متخلفه رح تقعدي هكي
تررن ترررن
نورس شافت رقم جواد ردت:ايووه
جواد:استاحشتك
نورس طلعت من جنب البنات: زعلانه اني
جواد:عارف تو نراضيك يوم الاحد ف الكلية
نورس:بتجيني؟
جواد:اي جاي استاحشتك شن بندير
نورس ضحكت:حالت طوارئ
جواد ضحك: بعد المحاظرة التانيه لم تطلعي تكلميني
نورس:من قالك عندي زوز محاظرات
جواد: العصفورة
نورس: شرطي ياحليلي 
جواد:اي قتلك بسبب المرض غيروني حطوني ع الحاسوب وتوا كلمتهم داروني نحقق مع المجرمين
نورس:معنها لم نكون عندك لو درت شي اطربقني كف
جواد ضحك:مااكبر مخيلتك هههههه انتي لو اديري شي نعرفك من عيونك بدون تحقيق
نورس تنهدت: لاحد متاخر
جواد: مزال يومين اطول من حياتي
نورس:ربي يطولي بعمرك ونشيبلك شعرك 
جواد ضحك: هههههه استاحشت هبالك من غيرك بنهبل فاصل ع جماعت المركز وخلاص
نورس:تو خلاص اهدى عشان يلاحظو
جواد:حاله
نورس: جواد تعذب فيهم الناس انت ؟؟؟!!
جواد:في ناس غير ناس
نورس: حي عليا
جواد ضحك
ميشوو محمد…اني اندمجت ف الاتصال
ف اليل
الصديق تعشى وكمل وناض:لميس بترقدي هني لليله
لميس:مانقدرش ياعمي بابا بيقعد من غير عشي
الصديق:انتي واكله همه هني وهو ينسرف
نورس ققرصتها:اقعدي نعطيك بجامه من عندي سامية ناضت لغرفتها
ناضو البنات نضفو الطاولة والمطبخ وركبو غررفتهم
لميس:بيطلبك قال؟
نورس:اي قال لكن بيشوفني الاحد وبنتفقو
لميس:حليلي
تررن
لميس:ايووه
غياث: كيف الحال
لميس:تمام وانت
غياث:ماشي اي كلمت خوك علي قتله طلبتك من بوك وبوك رفض وهكي
لميس:اصدمني
يتبع ……..
لقراءة الجزء التالي : الجزء الخامس من رواية المشوه
لقراءة الجزء السابق : الجزء الثالث من رواية المشوه
للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
