وفي الجزء الرابع من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء الرابع من رواية رحلة الحب
فارس بدا يغني بصوتو.. حضر حالك ي قمرر. لتكون انت الهديه،، بعيد ميلاد أغلى البشر ونجومك تنزلا هيااا
وطبعا عارفين الاغنيه
فارس فنان الشله من زمان،، صوتو اكتر من رهيب دايما بعبر عن مشاعرو بالغنا 
فتحوا الانوار وهو لسه يغنيي انا انبهرت بصوتو وطريقه لحنو للاغنيه كانو عملها لي براهو
بعد انتهى نزل من المسرح 
شكرتو شديييييييييييييييد
هديل:فارس فارس بالجد شكرا م قصرت 
فارس :انتي تستاهلي
واخدو وادو ف الكلامم
لينه:واييي حلوين مع بعض
معتز:منو
لينه:هديل وفارس
معتز:بالعكس هديل م بتستاهلوا
لينه: بالعكس هديل دي أطيب مخلوق وانت ضيعتها من يدك لأنك غبي 
معتز:وويك واك ووك نفس الاسطوانه 
لينه:باير يلا من وشيي
ومشت..
معتز:اها وانتي الماشاءالله سايقه أولادك قدامك، م برضو بايره
غايتو أسوأ حاجه ف الدنيا الأخوات 
بعدها قطعوا التورته وقعدو يتونسوا ويشربو ف الشاي،،
لينه : طبعا يا أمير جاتني منحه للماجستير ف تركيا..
أمير :كويس والله ربنا يوفقك
لينه :بس مماشه
أمير :ليه، دي فرصه ظابطه م بتتعوض
لينه:للأسف
هديل:امشي ي بت 
فرصه لاستكشاف العالم
لينه :انا أتقدم لي زول ع فكره
معتز :اي صاح كنت عايز اكلمك قبيل ف المكتب نسيت ياهه
أمير :ما بصدق لينه الشافعه حتعرس ماشاءالله، اصلا انت ماسوره ساي
لينه:انت موافق يعني؟
أمير :هعترض ليه أن شاء الله مش زول كويس؟
معتز :والله زول كويس شديد ياخ
أمير :طيب مالك طوالي ي زوله نرتاح منك ومن تشغيلاتك لي عزو بليل 
لينه قامت علي حيلها وقالت لأمير عقبالك بصوره وقحه ومشت..
استغربو
أمير :مالا؟
معتز :ماعارف الزمن اتأخر زاتو نمشي بشوفا انا يلا سلام
أمير :شنو يافارس ساكت لاحس لاخبر
فارس : ف دمك البقري، البت بتحبك
أمير :لينه دي زي هديل بالنسبه لي
فارس :ياخي حرام عليك م حتلقى زيها والله
هديل:اي والله لينه دي انسانه طيبه شدييد وانا بحبها
فارس:م يكون دا كلو عشان العجوز الانت مباريها
أمير حمر لي فارس :ي زول احترم نفسك
فارس :انا شايف انك َ م عارف مصلحه نفسك، ف زول بعرس زوله اكبر منو؟
أمير :الرسول عمل كده انت مالك؟ وبعدين كلها شهور يعني
فارس :يعني انت مخلي سنن الرسول كلها وشغال بالعملو دا؟ بعدين ياخي شكلا ساي اكبر منك بي خمسين سنه مش شهور،
أمير :فارس عليك دينك م عايز نقاش انا
فارس :حتندم ي أمير لانو رؤى ولا زفت دي م بتشبهك واكبر منك عمرا وشكلا وامك مستحيل توافق
أمير :حعرس انا ولا امي؟
فارس: امير انا م شايف ليك غير لينه البتستاهلك 
أمير :وانا لينه قلت ليك زي اختي، وقع ليك؟
فارس:تمام، استأذن انا
ودعهم ومرق..
هديل : لينه واضح انها بتحبك شديد
أمير :وانا بحب رؤى وقررت اني اخطبها خلاص
هديل :ربنا يكتب ليك الفيه الخير،، تصبح على خير بعد كذه
أمير قعد يفكر وفي نفسه مقتنع انه رؤى هي الحتسعدو من دون كل البنات
مر اسبوع وأمير مستني امي ترجع بالسلامه ويفاتحها ف الموضوع..
أما انا كل يوم بقيت اتذكر ف فارس وملامح فارس 
بيني وبين نفسي،، بس ي هديل فارس دا بحبك ولا انتي م بتتوبي؟ نسيتي قصه معتز
فلاش باك :
ويييينك ي عزو تعال رجعني لانو انت عارف أمير مافي،، رد لي مسافه السكه بس ي مزززههه لحدي م جا عزو وساقني وف العربيه ونسه وضحكك،، كنت بنسى بيهو هموم البيت
قلت ليه عزو انا حابه اقوليك شي بس خجلانه،، اتلفت على ومن متين مزتي بتخجل مني؟؟ الموضوع بخجل عشان كدهه،، سكت قالي طيب حغمض عيوني عشان تتكلمي براحتك 
ضحكت وقلت ليه عزو انا بحبك كبس فراااممممل ف نص الشارع واتلفت علي وملامحو اتغيرت قالي م فهمتك انا وقتها كنت مفتكره انو بحبني،، رديت ليه يعني تعال كلم أمير عشان يكون حبنا مكتمل سكت بعدين بركن على طرف،، قالي هديل انتي شكلك فهمتيني غلط انا اتخلعت،، قصدك شنو م فاهماك،، انا بتعامل معاك عادي زي أمير وانتي بالنسبه لي زي لينا وبقول ليك مزتي وبتاع زي أمير عشان اغير ليك معنويات علشان كنت فاكر انك خاتاني زي أمير انا بصراحه كنت مصدومه صدمه السنين،، دا اكتر شي ساعد على اني اخش ف نوبه الإكتئاب زول كل تصرف منو بيدل على انو بحبك وف الآخر يقوليك زي اخوك
عاينت ليه بس عمرك م كنت اخوي بالنسبه لي، لاني اخوي واحد واسمو أمير وقدام الناس كلها أخوي وماف اي علاقه بين اي ولد وبت اسمها زي اختي وانت لا كنت اخوي ولاعمري ختيتك ف الحته دي،، عموما شكرا ليك انا حنزل،، م حتنزلي حوصلك لاخوك وبعدين قلي ادبك عيوني اتملت دموع.. اقل أدبي؟، بس بسرعه فتحت الباب وجرييت ومن حظي الكعب اول عربيه لاقتني ضربتني
حياتي كلها عباره عن دراما ومتاهه بتاعت أحزان،، ربنا كتب لي عمر جديد،، بس تعامل اهلي الكعب معاي وخذلاني من معتز خلوني افقد السيطره على دموعي ونفسي بعدها معتز بفتره بسيطه خطب ودي كانت بالنسبه لي الصدمه رغم انو فسخ خطوبتو بشهور بس كرهتو، كرهتو لانو م راعى لي ولاعمل عشاني اي شي ولا بدافع الاخوه القالا زاتو
رجعت بذاكرتي،، ابتسمت وقمت على حيلي 
..
في مكان آخر :
ابو فارس (خالد) :انت قايل العززالانت فيه دا كلو بسبب منو؟ القرايه القريتا دي بقروش منو؟ انت كنت انسان فاشل وانا الخليتك تبقى زول عارف ي فارس ولا م عارف؟ يعني ابدا م بحق ليك انك يوم بالغلط تفرض رايك هنا وبالنسبه للأوراق السرقتها.. (قاطعه)
فارس :أنا م سرقت اي ورق منك وانا مستغرب الورق دا الوصله لحدي غرفتي شنو،، انا صاح قلت ليك انا شايف انو ماتسجل اي شي من امللاكك ل فهد ومرتو لأنك عارف انك متزوج تاني وعندك اولاد تانين وكده حيتظلموا وانت عارف فهد ومرتو،،
فهد:مالهم فهد ومرتو يافارس؟ ولا انت خايف عشان ابوي م حيكتب ليك الشركه باسمك؟
فارس:انا مشيت قريت طب وخليت اداره الأعمال كلها والسودان عشان شركتكم دي ولو اكلتوها كلها انا م عندي فيها شغله وكلكم عارفين
فهد:سرقت أوراق التمليك والضمانات ليه ماعندك مبرر ي فارس
فارس:انا م عايز اتناقش معاكم وعارفكم لي بكره م حتصدقوني..
خالد:فارس سلمني مفتاح العربيه والشقه وأي شي عندك من الليله م عندك مكان معانا..
فارس:من زمان عارفك م بتريدني وبتفضل فهد دايما علي، وم قادر اتخيل انو ف ابو كده،، عموما انا زاتي م بتشرف اني اكون معاكم هنا ف البيت دا
ام فارس (امل) :فارس انا حمشي معاك
خالد:لو مرقتي من هنا طلقانه
فارس:خليكي ي امي ح اطمن عليك دايما..
فارس جدع المفاتيح ومرق وهو شايف نظره الشماته ف عيون اخوه..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الخامس من رواية رحلة الحب
لقراءة الجزء السابق : الجزء الثالث من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
