الجزء الرابع من رواية عشقها لعنة

حمزة رجع وخش بسرعه ونصدمه لم شاف امه واقفه مافها شييي

حمزة صكر الباب بهدؤ: يعني بنخشو ف باب الكذب ولف ودوران

بسمه: من اليوم معاااد توصل حدد تمشي للمركز وبسس لا عبدالواثق لا عبد الصمد يلا

حمزة: نرفض خطوبه تبدي تكدبي!!!

بسمه: انت برا سلم ولدي شوفها البنيه اية من الجماال حنطيه عيونات… قاطعها

حمزة: بتوصفيهالي يااام خيرك حرام توصفيلي بنت الناس وبعدين مش كل شييي جماال وعيون زرق

بسمه: حني عيلة باهيبن وحمدين ربي وعندي ولد واحد خليني نفررح بيك

حمزة: يعني نتزووووجها عشان نفرحك!!!

واني وين فرحتي!!!؟؟

اني رااافض جنس حواء كله من غير بنت وحده بس وغيرها لاااا

بسمه: شن اسمها لتبها

حمزة شافها بتحدي: دارين

بسمه: كنت عارفه هي نفسها تشغل عندها هادي سيدتك ياسواق يازمزاك

حمزة شاف امه كيف تتكلم: ياام خيرك مكنتيش هكي شن صار قلتيلي اشتغل والشغل مش عيب وتوا طلعت اني سواق

بسمه: انييي امتى قلت هكي

حمزة قرب من امه: ياام خيرك عليااا؟؟؟

بسمه: شفت حوشك لفي الدور التاني متخشلاش انثايه غير صفاء والا نغضب عليك غضب قلبي وربي ليوم الدين

حمزة قعمز ع الكرسي: شن صاير وانتي حلفتي واني حمزة ولد بطنك الحوش لفوقك هدا مش رح تخشله لا صفاء لا دارين معاد نبي ناخد حدد عشان منظلموش بعض هكي الاحسن..وطلع

تررررن ترررن

ابتسام:هااا طمنيي خيرهاا

حمزة: كله بسببك انتي اني ياظالمه اشتغلت ودرتلك عرسك وكللل شي عشان فرحتك علاش تخربي عليااا

ابتسام:حمزة خيرك ماما فيها شي

حمزة:اني جاي…وصكر الخط

وفعلا حمزة زار اخته

ابتسام شاده بطنها:شن في الله يربحك

حمزة قرب ع كراسي ف الحنان شاف للارض تنهد وقام راسه:اني شنو منقص عليك

ابتسام:تكللم ماما خيرها

حمزة:ماخيرها شي لكن اتصلت بيك وكذبت بس هي هادي

ابتسام:كيف كذبت يعني مافي شي

حمزة يعد ع صوابعه:كنت ع الحديدة ف خطبتك قلتي تبي فضانيه درتلك فضانيه قلتي تبي سهرية كبيرة واشتغل ودرنا سهرية وتبي عرس ف الصاله وقلت اختي الوحيده وتدلل عااادي واخترتي اغلى فيلو وقلت عادي فلوس بنصرفهم هكي ولا هكي هدا كللله ف عرسك بس وخلي اللبس والهاوتف والدلال اني مش جاي نتجمل عليك انتي اختي لو تقولي تبرعلي بقلبك نتبرعلك عاادي سؤال واحد بس عمري قصرت معاك عمري زعلتك عمرري ضربتك جاوبيني وريحيلي دمي فاير

ابتسام شاده بطنها:لاا قولي شن فيه قلبي طاح تكلم

حمزة بصوت حاد:صفاء جارتك اني قتلك اخطبها؟؟؟؟اني قتلك موافق؟؟؟ اني قتلك دوريلي؟؟؟

ابتسام قعمزت ترعش:لاا اني مخطبتهاش حكيت علها لماما بس ولم مرض قيس جت البنية وماما شافتها وعجبتها بس

حمزة: باه وامك توا بتغضبب عليا عشان رافضها

تو بنسالك وتجاوبي عمري طلبت رقم بنت ولا قتلك كلميلي بنت ولا حتى نبي نشوف بنت عندك

ابتسام:حشاك اكيد لا

حمزة: اني ماعمري فكرت نتعلق بـ انتايه اخترت شغل الشرطه عشان نبعد عن جنس حواء لعند مرة حاني واحد وحشمني قالي بما انك شرطي وتقدر تحمي الامانه نبيك تكون سواق لحفيدتي واني مش شغلتي وتحشمت ومر يوم وتنين وتلاته واني نسوق بلبنت ومش طايق نشوفها حتى بينا صباح خير صباح النور بسسسس

اني تعلقت بها وكلمتها بااحترام ويشهد ربي نحبه حب بينا ربي لالمست ايدها لا قربتها تعرفني نبها وعرفتها تبيني ونتكلمو توا واني بنحكي لـ امي تجيني هي بروحها وتقولي ابتسام خطبتلك

ابتسام تبكي:صفاء حتى اسمك ماتعرفاش صدقني ولا فتحتلها سيرة عليك

حمزة: شن تقولي انتي ملا امك شن تخرط اني معاااد فهمت شي

ابتسام: خيرها زعما

حمزة: وين نعلم

تيييك تيييك

وصلته رسالة فتحها: حمزة وينك كلتني الشمس ره

حمزة: تاخرت ع البنت سلام

ابتسام: قنينه كنتنا تعرف تختار ياحيوان

حمزة: توحمي علها .. وطلع

اتصل بها

حمزة: ايوواه

دارين: كلتني الشمس حرام علييك

حمزة ركب سيارته ولعها ويسوق: اي نشم ف ريحت الشواء اني من الصبح يعني هادا جلدك

دارين ضحكت: وووه عليا

حمزة: متصكريش الخط لعند نوصل

دارين:باه وين وصلت

حمزة يتسهوك:خلي تسخن السيارة

دارين ضحكت:الناس تشوفلي نضحك بروحي بلا عار

حمزة: تو نجي نضحك معاك

دارين:تعالى بنركب معاك من قدام اليوم

حمزة : قعزي وين مايعجبك كلها ع حسابك

دارين:تعرف بديت حمراء من الشمس بنخش

حمزة:تمام

دارين خشت وتهدرز ع الهاتف قربلها نفس الدكتور الدحناس

دكتور:دارين خوك تاخر ف شي

دارين: نكلم فيه دكتور

دكتور: لو في مشكله نوصلك مع اختي عادي

دارين:اءء لا شكرا اهو ف الطريق ليوصل فيا مشكوره

حمزة شد للدومان بيديه التنين وعض ع لسانه ويسمع

الدكتور:اي صح نسيت انتي دايرينلك سواق

حمزة سمعه:اني جايك كان منصطربش فوقك ياتيس ونوريك السواق

دارين كانت منزله الهاتف

دارين: اي لكن مش سواق هدا خطيبي

حمزة من الكلمه شاف ف الهاتف وابتسم:قصفاته

الدكتور وجها تغير:كيف يعني انتي مخطوبه؟

دارين:اي لكن مش رسمي كلمة بس

الدكتور:السواق نفسه؟

دارين:مش سواق يعني لو كان يسوق بيا اني صار سواق!! يعني انت تسوق وتوصل ف اختك وبنت عمتك سواق!!!!

الدكتور ضحك: اي فهمتك

حمزة صكر وعاود اتصل

دارين:ايوواه

حمزة:اطلعي تو نوريك عجباتك الهدرزه

دارين:اي طالعه

دكتور:بنطلع معاك نسلم عليه يلا

دارين صكرت

.

حمزة ف للسيارة يقلد فيه: بنطلع معاك اي بتقيملها الطرحه عليك دحنسه كان مانمسحش فيك الجامعه ونخليك مضحكه قدام بنت عمتك واختك معادش نبدا حمزة

ووصلو دارين ركبت من قدام

دارين بلطف:اهلين

حمزة: نورتي

دارين فنصت فيه

حمزة شاف الدكتور مقرب من شباكه فتح الشباك

الدكتور مد ايده بيسلم

حمزة:عفوا بس ايديها فيهم تحاليل ومش غاسلهم كنت نحلل

دكتور:ولا يهمك شن خبارك

حمزة شاف دارين:جاوبتي

دارين:اي جاوبت

الدكتور :اي شن كنت تحلل ؟!

حمزة: افروزه الطيور ..ونزل صكر الشباك وصكر الباب

حمزة:تعالى معاي نبيك عجنب

دارين تشوف فيه فكرته يهدرز لعند ماحمزة اشر بصبعه ع دارين وهي ف السيارة وكان معصب والدكتور كان طريقه حركاته يشرحله او يبررله

لعند ماحمزة ضرب الدكتور ع انفه ودكتور وقف يمسح ف انفه

دارين خافت ايدها ع فمها

حمزة قام صبعه بتنبيه ويهدد فيه

دارين:يااميي يخوف شن هدا

حمزة ركب وقربع الباب والدكتور خش ومتعصب

دارين من الخوف منطقتش حرف فجآة نقلب لوحش وشن السبب مانعرفش

حمزة يسوق تنهد:عاجبك!!!

واقفه مع ذكررر وتهدرزي معاه لاااا واني نسمع فيكم

دارين: هدا دكتوري وين المشكله وبعدين هو جاني هو مش اني…قاطعاها

حمزة شافلها بنظره حاده:اني سمعت كل شي مش ضروري تعاودي سمعتت حرف حرف

دارين شافت قدامها وسكتت

حمزة وقف السيارة ع جنب:دارين اسمعيني

دارين: خلاص معادش نبي نبرر انت سمعت كل شي وعندك حق اساسا

حمزة اضايق قعد واقف بسيارة ويشوف من شباكه وكان يهدى ياخد ف وقت عشان يهدى قعدو واقفين ف الشارع بسيارة دقايق

حمزة شافلها: اكيد تقولي شن هدا (توتر شد الدومان) مريض نفسي عصبي متوحد مغولي اني هكي حاولت نهدى حاولت نطول بالي مافيش فايده ف شي

دارين شافتله ابتسمت

حمزة ابتسملها:عفكرة نذكر ف كلمة هدا مش سواق هدا خطيبي

دارين:اي ندمت علها الكلمه

حمزة شافلها

دارين: مفروض قلت هدا راجلي لانه لدرته ميعطيش انك خطيبي بس

حمزة ضحك

دارين ابتسم.ياسلام هدا لا خطيبي ولا راجلي وهكي فصلت لو….وسكتت

حمزة:ماتخافيش اني نكسرك ولا نغدر بيك صدقيني ناويك

دارين شافت محل اشرت عليه:ريت المحل هداكا

حمزة:اي متع حلويات هدكا

دارين:اي وعنده جيلاطي يجنن ديما ناخدو منه ننزلو مع بعض ناخدو

حمزة:جيلاطي قبل الغدي!!!!

دارين:وووه ز جدي كل شي ممنوع قبل الغدي غير هي عندي فلوس ناخدلك حلوان الصلحه ع حسابي

حمزة:هو مش كويس قبل الغدي لكن يلا منرفضلكش طلب

ونزلو وخشو

دارين: لوسمحت عبيلنا من متع الفستق والتوت

الخادمه شاف حمزة:استاد شن طلبك

حمزة:لا مشكور

دارين:علااش حرام عليك اول طلب نطلبه

حمزة شاف الخادم: مخاطريش واصلا منحباش

دارين:اوكى براحتك

حمزة دفع الحساب

دارين شافت حمزة.اني قلت ع حسابي

حمزة.مش موضوع عادي هي

دارين خدت حلويات ودفعت الحساب وطلعو

وركبو ف السيارة

دارين:انت شريتلي جيلاطي واني شريتلك كنافه وهكي تعادلنا

حمزة سكتت

دارين فتحت وبدت تاكل ف السيارة:خود معاي

حمزة:هدااا لـ مزال اني ناكل جيلاطي

دارين حطت الكنافه ع الفودرة:هادي لـ امك

حمزة اذكر امه

.

.

روح من خدمته وشاف بسمه تاخد كياس من التاكس والتاكسي مشت

بسمه من كثرث الكياس مقدرتش تقيمهم مع بعض

عزو خش:هاااتي عليك

بسمه:لا اعود بلله صحيت ولدي

عزو قام الكيس منها وابتسم:تقال عليك وبعدين الناس لبعضها

بسمه:بارك الله فيك

.

مريم:اي قصدك مش شايفتيه

نور:لالا خوتي قالو ف ساكن جديد مشفتاش صاار ف قصة حب

مريم:حبك برص من جي الحب

نورضحكت:خاطري نشوفه لـ تقولي طرف ويهبل

طططققق طققق

ناضو يجرو الزوز للباب

مريم ونور وبسرعه لبدو وراى الباب لانهم بدون حجاب

بسمه تاخد ف الكياس منه وخشت

مريم لبسة وشاحها وطلعت:زياد ادحنس ع ماما باهي

عزو حط الكياس ونزل

مريم تلبكت:اي احسسسن..وخشت

نور سمعتهم:اقعدي ماده وجهك يامقهوره

مريم:انبحي انتي جو الصياعه معنديش فيه

.

عزو رجع للحوش:ياام

فضيله:خيرر

عزو تلبك ضحك: تخطبيلي

فضيلة فرحت ابتسمت:حااظر وعلاش لا شن نستنو

عزو:اني نعرف وحده

فضيلة: لاماما هادم الصايعات لااااا

عزو:شنيي صايعات؟؟ يعني اني متع صايعات؟؟

فضيلة:منو وين جاتك البنت مالا

عزو تعصب:بنت تسكن فوق شقتي بسسس

فضيلة :لا ماما اني نبي كنه كبيرة وواعيه ورزينه مش فرخه شعرها برا وتدلع

عزو:نعممم يعني اني متع فرخات هكي نفهم

فضيله: اهييي قدام غزالة علاش تمشي بعيد

عزو:قدامي غزالة؟؟؟

فضيلة: اي دارين خيرها صح دلوعه لكن فالحه ولسانه ز العسل

عزووقف بصدمه: استغفر الله ياربي اختي تي اختتتي هادي

فضيلة:لا اختك لا شي ديما مستوره قدامك وديما بحجابها وتعرف الدين علااش لا

عزو: ياام خيرك هادي دارين لم كانت صغيرة نقيم فها ف حضني ولو طاحت تقولي بوسني ع الجرح تي اختتتي وتضرب فيا ونضرب فها مش قادر نتخيل المنظر

فضيلة:عادي مافها شي ف النهاية بنت عمك

عز: نقوللك اختتتتي اني نعتبرها اختي وهي تقولي وخيا ونبي ندمت لقتلك انسي كل شي…وطلع

عزو ركب سيارته

ترررن ترررن

عزو:ايوواه حمزة

حمزة: وينك تعالى للمعرض

عزو:اي اهو جاي…وصكر لخط

.

.

دارين تقرا

تررررن تررررن

حمزة:اقري شن اديري

دارين ضحكت:نقراا ولله

حمزة:مزال غضوا بس

دارين سكتتت

حمزة: بنستاحشك لنمم

دارين ضحكت:وووه ع لنم

حمزة ضحك: تبي حاجه غضوا

دارين: لالا نبي نجاوب بس

حمزة:اقري هي باي

دارين: باي

الخط قعد مفتوح

دارين:صكر

حمزة:نحبك دارين

دارين عضت ع شفايفها التحتيات بفرح وساكته

حمزة:شن صار

دارين:اني مش رح نقول شي كلام اليل مدهون بزبده ز مايقولو

يعني نقولك الصبح

حمزة: مطوول لسانك اهو عزو جي هي باي

دارين:باي..وصكرت

.

عزو:شن صار

حمزة: لا شي قالولي من الصبح مجيتش استغربت

عزو: حمزة نبي نشرب

حمزة: خش اشرب..وعطاه بضهر بيخش

عزو:بنسكر ياحمزة

حمزة تلفتت: شنيي صاير شن الشي ليخليك تشرب انت هبلت بعد الكبر هدا تشرب هدا ع اساس انت الكبير وواعي

عزو قعمزز ع سيارته: ووووك

حمزة:ادددوي

عزو:تعرف شقتي وله

حمزة:شقتك اي لجنب جامعه بنت عمك اي نعرفها

عزو: اني انييي تعرفت ع بنت وعجبتني ونبي نجيهم من الباب من الاول

حمزة.كويس باه

عزو تعصب:دوويت لـ امي قالتلي خود بنت عمك

حمزة:لو بنت عمك كويسه وعجباتك خودها

عزو وقف فاصل: تي نحبببها لو عندي اخت مستحيل نحبها ز مانحب دارين خيرك انت دارين اختيي

حمزة:كيف قصدك امك تبي دارين

عزو:عندي بنت عم وحده بس هي نفسها لتسوق بها دارين

حمزة وجها تغير:ايي وباه توا كيف بيصير

عزو: هادي لو تلمسها شوكه قريب نهبلو حني علها نقولك اختي تقولي خودها تي هي نفسها تقولي وخيا ياراجل

ترررررن ترررررن

حمزة:ايوواه ياحاج

عبدالواتق متعصب:وينك ياحمزة

حمزة استغرب شن صاير ف المعرض اني

عبد الواتق:تعالى نبيك توا

حمزة:شن في

تصكر الخط

عزو:شن في

حمزة:جدك فاصل

عزو:تعالى نمشو مع بعض

مشوو الزوز

ونزلو خشو للمربوعه

حمزة خايف:سلام عليكم

عزو: شن في

عبدالواتجق بدون مايرد حتى السلام:شن المصيبه لدايرها ياحمزة

حمزة شاف عزو:شن درت

عبد الواتق: عزو خش نادي دارين

عزو طلع وخش لحوش جده:دااارين

دارين طلعت من المطبخ لابسه كبوس ع راسها:نعمم

عزو:البسي وشاحك واطلعي للمربوعه حمزة وجدي يبوك براا

دارين:شن درت عزو!!!

عزو:مانعرفش جدي اتصل بحمزة فاصل عليه غير هي البسي وتعالي

تتبع……..

لقراءة الجزء التالي : الجزء الخامس من رواية عشقها لعنة

لقراءة الجزء السابق : الجزء الثالث من رواية عشقها لعنة

للإطلاع علي فهرس أجزاء الرواية : جميع روابط اجزاء رواية عشقها لعنة للكاتبة ميشو محمد

جميع الحقوق محفوظة للكاتبة ميشو محمد .