وفي الجزء الرابع من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .
الجزء الرابع من رواية عكس ما تمنيت
ياسمين كانت ماخدة اجازة يومين بعد م اتشاكلت مع روباا ومحمد
اما فاطمة كانت مع زوجها في اجازة وسافرو إجازة
روبا قاعدة في نص السرير مربعة رجلها ومتمحنة
محمد جا لقها كدا ضحك 
مالك عاملة زي الحريم المطلقة
روبا زهجانة والله الأسبوع الفات دا كلو يا نايمين يا بناكل محمد انا زهجت عايزة اطلع
محمد زهجني مني بسرعة كدا
روبا مسكت يدو وقعدتو جمبها انا مستحيل ازهج منك بس عايز اغير حوا قعدت الوضة م حببها
محمد طيب تحبي نمشي وين
روبا الملاهيييي
محمد معرس طفلة انا
روبا ايوا عندك مانع
محمد تؤ م عندي هو انا أطول
روبا ايوا كدا اتعدل البس شنو
محمد اممممم تعالى نختار سوا و مسك يدها ووقفو قدام الدولاب رايك شنو في كجول يعني بنطلون أو جيب شورت واسع معاه تونك طويل اشان تاخدي راحتك
روبا اوكي اختار انت وانا بدوش
محمد أوكي
روبا دخلت الحمام اووووف قلبي بدق شديد لمن يقرب مني خايفة احبه خايفة أقرب انا باعدة من قصص الحب اشان كسرة القلب يارب م تعبدنا من بعض وبدأت تدوش
محمد اختار ليها جيب شورت واسع اسود وتونك اسود بابيض وطرحة وردي واسبورت نفس اللون
روبا طلعت انا جييت
محمد نورتي وقرب منها مسك يدها يلا البسي وانا بدخل ادوش
روبا محمد ممكن البسك على مزاجي
محمد اممممم افكر
روبا ضربتو في بطل سقالة
محمد طيب البعجبك انا قلت لك قبل معاك في أي حاجة
روبا طيب يلا ادخل ادوش سرعة
محمد حاضر ودخل الحمام انا مرات بسأل نفسي انا كيف قادر اتعامل معاها كدا يعني عادي كأني م كنت بحب ياسمين ومتفقين نتزوج هي فيها شنو مميز يجذبني اتعامل معاها كدا احتمال احساس المسؤولية تجاه والدها وأنه دي أمانته ايو هو دا السبب اكيد بس ياسمين اوووف م عارف لكن لازم اتكلم معاها
روبا طلعت ليه بنطلون وقميص اسود وابيض
لبست هدومها
روبا قاعدة في الكرسي حق التسريحة محمد طلع لقها بتعمل في روج وردي غامض
محمد بتعملي شنو
روبا روج ودايرة اعمل لاينر
محمد امسحي الروج دا
روبا لي كدا انا حبيت الدرجة بتاعته
محمد حبيتها تعمليها لي انا وبس م للناس
روبا بس وين المشكلة
محمد قرب منها المشكلة انه مبقيك حلوة شديد وملفتة للنظرة وأنتي سمحاتك دي من حقي انا وبس م بستحمل رجل غيري يشوفها
روبا بس انت م بتحبني اشان تغير
محمد من قال انه الغيرة مربوطة بالحب بس بس انتي مرتي وحرمة عرضي مستحيل أقبل أقل حاجة عليك احتمال م في بينا مشاعر حب بس بينا مودة ورحمة واحترام ودي اساس العلاقة انتي ومسك وجها بين يده انتي الرحمة والمودة دي أولادنا ليها منو
روبا هزت ليه بمعنى لا
محمد ادها لينا ربنا ربنا حبانا ليها جعلنا سكن لبعض م في ما يمنع انه يكون في حب لقدام
روبا بالجد
محمد ايوا بالجد تحبي اثبت ليك
روبا كيف تثبت لي
محمد كدا وقرب منها 
وبعد انتي لمن قربت منك مش قلبك نبض
روبا هزت رأسها بايوا
محمد وانا كمان وشال يدها ختها في قلبه شوفتي
روبا يعني ح تحبني في يوم
محمد اكيد وانتي
روبا انا ح ابذل كل مجهودي انه العلاقة دي تنجح
محمد وانا كمان معاك
روبا طيب يلا انا نكمل لبس
محمد اوكي وأمسحي الروج دا
روبا حاضر
محمد لبس وهي مسحت الروج وعملت ملمع عادي
محمد انا جاهز وانتي
روبا جاهزة
وطلعو محمد عندو عربية ركبو
محمد احكي
روبا عارف انا نفسي في شنو
محمد نفسك…ي شنو
روبا نفسي في بيت صغير وزوج حنين يكون بينا حب وتفاهم لأبعد درجة اكون انا عنده اول اوليته لمن يرجع من الشغل واستقبله بحب يقلى أكله جاهز وبعد نعلم جبنة أو شاي نتونس ويقرا لي كتاب يحفظني حزو من القرآن
محمد عاين ليها وحلمك ادمر بزواجي منك
روبا انتي لي بتفهمني غلط قبيل قلت لي زهجتي مني انا ح ابطل احكي معاك وقبلت على الشباك
محمد طيب اسف
روبا م ردت ليه
محمد روبا م بحب التجاهل قلت ليك اسف
روبا احسن م نتلكم اسي وقبلت على الشباك تاني
محمد طيب نرجع الفندق
روبا البريحك
محمد سكت وواصل طريقه وصلنا
روبا نزلت ووقفت منتظره
محمد مسكها من يدها عايزة تسحبها بس م شدد اكتر على مسكته ليه ودخلو جوا
محمد عايزة نركب ياتو لعبة
روبا البتشوفها
محمد طيب اقعدي هنا واشر ليها على مقعد قعدت
روبا مشت قعدت بس محمد اتأخر وهي زهجت فقام تتمشى قريب من المقعد اشان م يفتشها وم يلقاها وفي أثناء م هي بتمشي لقت. بت صغيرة بتبكي مشت ليها شالتها
روبا اسمك منو ي حلو
البت وتين
روبا بابا وماما وين
وتين م عارفة انا كنت دايرة اسمك بالونتي طارت
روبا طيب كنتي وين
وتين جمب الدب الكبير
محمد رجع لاقها م في فتشها لقاها شايلة طفلة وبتسكت فيها بالحلاوة ومتجهة على حتة مشى وراها لحدي م وصلو جمب دب كبير بني لقو مرة بتبكي بتي م لقيتها
روبا ياريت تنتبهي على بتك اكتر
الأم ضمت بتها بلهفة كنت وين توتة
وتين بالونتي طارت
الأم شكرا ليك
روبا العفو يلا ياتوتا باااي
وتين أشرت ليها بيدها بأي قبلت لقت محمد بعاين ليها ومبتسم
روبا جاتو
محمد اتفضلي
روبا شنو
محمد افتحي وشوفي
روبا فتحته لقتو دبدوب لونه ابيض صغير وشكله كيوت
ماسك ورقة شالتها مكتوب فيها سوري بعتزر منك.عاينت ليه محمد عاين ليها بنظرة بريئة
روبا اووووف طيب خلاص م زعلانة
محمد بأس خدها
روبا يا مجنون الناس
محمد تاني في حاجة في الكيس
روبا شافت لقتها شوكلتها البتحبها
محمد لا م هنا في البيت اوكي
روبا حاضر مشو ركبو م خلو لعبة م ركبها جرو ونطتو وكان يوم جميل
محمد م جعانة
روبا جعانة شدددديد
محمد تاكلي شنو
روبا فطيرة طعمية ظابطة
محمد قلتي شنو فطيرة طعمية العلمك ليها منو دي
روبا لي قايلني من وين انا بحبها شديد تعال اوريك مكان ظابط
محمد طيب ووصفت ليه مكان مشي ليه كان مكان بسيط طلبو الفطيرة وعصير
محمد انتي بسيطة شديد
روبا واكون م بسيطة لي عايني انا خلصت فطيرتي وانا جعانة ليسا
محمد طيب ششيلي حقتي وانا بمشي اجيب
روبا نوووو أنا وحدة تاني وحدة ساي ووحدة ببطاطس
محمد انتي انفجعتي فجأة لي
روبا انا لمن اجي هنا باكل لمن اشبع
محمد هههههههههه والله أنتي
الويتر طلبك ي مدام
روبا يا فاهمني ياصالح تسلم
صالح شكرا
روبا اعرفك زوجي
صالح بفرحة بالجد مبرووووووووك
مبرووووووووك يا استاذ زين م اخترت
روبا تسلم يا صالح
محمد الله يبارك فيك
بعد م مشي وهو بفهمك من بتين أن شاء الله
روبا لا هو عارف انا لمن اجي هنا بطلب شنو فبجهز لي
محمد امممم طيب انجزي اشان نرجع
روبا اوكي واكلت مستمتعة شديد.
محمد مبسوط بفرحتها
ورجعو الفندق
محمد مسكها من يدها ممكن م اكون الزوج البتتمني بس ح احاول اكون كدا واسعدك
روبا وانا بكفيني شرف المحاولة
محمد جرها عليه وقرب منها ينفع نكون واحد مستعدة
روبا ممكن م يحصل كدا الا لو في مشاعر بينا حتى لو حبة انا بكون راضية بيها
محمد لي الطلب
روبا اشان احس انك عايزني اشان بتحبني م رغبة بس اشان الحب بجمل اللحظات
محمد طيب لو م قدرت احبك
روبا حست بنغزة في قلبها وجابته يبقى ح يكون حق ليك وواجب علي
محمد يعني وسكت
روبا يعني شنو
محمد يعني انتي عايزة يكون بينا في مشاعر
روبا منو ألما بتتمني انه رجلها يكون بحبها مم في احلى من شعور انك تحس انك بتحبب ومن انسان حلالك اي حاجة بينكم حلال نظرتك ليه ولمستك كلامك اي حاجة حلال وربنا يبارك فيها محمد انت
محمد كملي انا شنو
روبا م من حقي اقول
محمد لا قولي
روبا انا حاسة انك م حقي رغم انك من حقي
محمد رفع ليها حاجبه دي فزورة
روبا لا م فزورة دي قصتي وم تتريق ودايرة تمشي
محمد م نقاش بينا تنهيه نقاشي يا تقنعيني ويا اقنعك
روبا دنقرت
محمد رفع رأسها قلت مية مرة انا معاك م تنزلي راسك
روبا انت م مديني الحق فيك
محمد ودا كيف
روبا بتعاملني برسمية حاسة في حاجز بينا لي كدا
محمد قربها منه منو القال كدا انتي عارفة من يوم م عرستك وبدت تتكون جواي مكانة ليك حتى ياسمين م بفكر فيها
روبا خجلت ودنقرت بس ازكرت كلامه ورفعت رأسها سريع محمد ضحك حلو كلامي بقى بتسمع وداعب انفها يلا خلينا ننوم ولمن تكوني جاهزة نكون مع بعض انا م عندي مانع وباس خدها وضمها ليه موافقة
روبا هزت رأسها بخجل
من جهة تانية فاطمة وعمر
عمر فطومة روبا كيف
فاطمة كويسة ورجلها كويس معاها
عمر طيب م تقربي مني لي البعد
فاطمه قعدت جمبه اها كدا كيف
عمر احلى قرب خليك كدا دايما
فاطمة عمر
عمر عيون عمر وقلبه…نبضه
فاطمة انا حامل
عمر طيب حلو شنوووووووو حا.. حا… حامل كيف يعني لا اقصد حامل كيف
فاطمة ههههههههههه اجي مالك يا رجل كيف حامل كيف انت الفرحة لسعتك
عمر عاين ليها مسافة كانو بستوعب قالت ليه وبعدها شالها ولف بيها مبروووك يا ملاكي مبرووووووووك
فاطمة طيب نزلني يا مجنون
وكمله ليلته بفرحة 
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الخامس من رواية عكس ما تمنيت
لقراءة الجزء السابق : الجزء الثالث من رواية عكس ما تمنيت
للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر
جميع الحقوق محفوظة للكاتبة روبا جعفر
