الجزء الرابع من رواية كنت للروح سقيا

وفي الجزء الرابع من رواية كنت للروح سقيا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة شهد محمد .

الجزء الرابع من رواية كنت للروح سقيا

تغيّرت البداية يا عزيزي.. فلا تمُر حباً ولا مرحباً بك ولا عليك السلام ما كان انتزاعك من داخلي بتلك الصعوبة التي اخبرتك بها يوماً… لم تكنْ عانتزاع الروح من الجسد
لم أمت.. لم يكن العزاء لي كان لك، واتمنى لك الاسوء دائما

تقريبا ده اول لقاء لينا بعد انفصالنا
همس قالت لي انا ح امشي الدكان طيب قلت ليها لا ما بحتاج
مروان :اسف لاني اتاخرت
انا :على شنو بالضبط؟
مروان:على حاجات كتيره بس اهمهم اني ما عزيتك ولا كنت جمبك
انا:انا اصلا ما كنت محتاجه وجودك ولا غيابك إثر على… ف لو سمحت ممكن امشي ما حلوه نقيف كده مع الوقت ده
مروان :طيب…. في حاجة عايز اقولا ليك ف شايفه الأحسن شنو
انا:وتسب
مروان :طيب

“انا م كذبت لما قلت ليهو ما احتجت لوجودك انا حقيقي بقا ما فارق معاي ولا بتهمني وقفتو معاي أو لا”

قعدت مع ناس امي شويه وبعدها انا وهمس طلعنا ننوم خلاص (طلبت من همس تنوم معاي تاني)
ما حاولت افتح الوتسب ولا شغلت بالي بانو ح يقول شنو لاني شبه عارفه كلامو شنو بس هو اتأخر واتاخر شديد وبحمد ربنا انه اتأخر
أثناء ما انا نايمه جاتني مكالمه ما حاولت اشوف الاسم منو بس رديت طوالي
لؤى:لي فاتحه الأنوار للأن بس ما يكون في شي؟
انا:انت بره؟
لؤي:كنت في مشوار واتعمدت اجي ماري ببيتكم عشان اطمن
انا:انا كويسه ماف شي اما الأنوار ف دي همس ما بتحب الظلام
لؤي : ااا اوك طيب ح امشي بعد ده تصبحي على خير 
انا:وانت من اهلو 

“الحوار الدار بيني وبين مروان”
مروان :بقيت حاسس انو انا ما فارق معاك
انا:انت جد ما فارق معاي
مروان :شهد انا اتاخرت عارف بس ما بستحق تعامليني كده
انا:مروان انت اتاخرت على حاجات كتيره شديد اتاخرت على انو تعرف قيمتي اتاخرت على انك تحاول تسمعني ولو لمره اتاخرت على انك تكون معاي في اكعب يوم في حياتي
مروان :انا عرفت متأخر وقلت ماف داعي بعد ده
انا:ماف داعي؟ ياها ماف داعي دي الوصلتنا لهنا ااااي شي بخصني انت عندك ما مهم
انت الكنت كسبان بس في العلاقه دي بس. انا كسبت بعدها انت متذكر شي واحد بس بهمني؟
مروان:شهد انتي برضو كنتي غلطانه م كنتي بتسمعي كلامي ما كنتي بتعملي الانا عايزه كنتي بتغلطي غلطات كتيره شديد انا في كل مره كنت بتجاوز عشانك بس
انا :كنت بتتجاوز عشان نفسك عشان عارف لو سبتني الوقت داك كان ح تقعد من غير موضوع ماف زول ح يتصل عليك كل شويه يطمن عليك ماف زول ح تفرض سيطرتك عليهو ماف زول ح يهتم بتفاصيلك والأهم من كده ماف زول ح يطبطب عليك لما تكون قافله معاك انا كنت معاك في اي لحظه بس انت كنت وين هاا؟ كنت وين فتره امتحاناتي الانت عارف انو بتجرس فيها؟ كنت وين لما امي تعبت شديد؟ كنت وين لما فقدت شجن وابوي في نفس اليوم انا اتجاوزت ليك كتير شديد وخلاص اكتفيت والله
“كنت عارفه ومتاكده بعد الكلام ده ما ح يرد اصلا طبعو كده بهرب دايما”
******
اتذكرت وقت انفصالنا

شجن :مالك بتبكي؟
انا:خلاص انتهينا
شجن :هو الانتهى ما انتي انتي نهايتك ما معاهو انتي اصلا ما مناسبه لإنسان ما بحبك ده كان بستغلك والله انت المره دي ما تحاولي ترجعي زي كل مره حاولي اتجاوزي شوفي حوالينك كل الناس بتحبك ومعاك صدقيني ح تلقى وجودو وعدمو. واحد
انا:يمكن يتصلح!
شجن :م اقول ليك ماف ابن آدم ما بتصلح بس ده بالذات ماف امل منو ده بخت مصلحتو قبل أي حاجه تفتكري ح يتصلح؟
******
لؤي :ممكن اخطفك الليله؟
أنا : اسفه ما ح اقدر
لؤي :صوتك مالو؟
أنا:متضايقه شويه
لؤي :عشان مروان؟
انا:حتى مروان عارف قصتو؟
لؤي :عارف عنك حاجات كتيره
انا : ولي؟
لؤي:عشان بتهمني….. ما ح اقول ليك الكلمه ألفي بالك حاليا الا اتأكد من انك ح تسمعيني بقلبك وم ح تتسرعي وتبعدي انتي لازم تعرفيني بالاول حتى اعرفك على مشاعري اتجاهك
انا:بس انا حاليا عارفاها أن ما قلت ف أفعالك بتدل على كده
لؤى: افعالي ونظراتي وكل شي فاضحني قدامك لاني ما بقدر ما أظهر حبي ليك غصبا عني و الله
انا:اممم
لؤي :خليك من ده انا عارفك متضايقه لي بعد ساعة بالضبط اطلعي لي طيب؟
انا:عايز تقابلني؟
لؤى :لا ده لا الوقت المناسب ولا المكان المناسب بس بعد نعرس ماف زول ح يمنعني
انا :بطل ثقة
لؤي:حاضر حاضر يلا سلام

انتظرت ساعه بس ما جا عدت عشره دقايق كده حتى جا واتصل لي
لؤى:اطلعي يلا
انا:اتاخرت ي استاذ
لؤى:حقك علي ما كنت متخيل الموضوع متعب كده.. المهم اطلعي تلقى في علبه صغيره جنب الباب شيليها وادخلي طوالي وأول ما تصلي غرفتك اشري لي ب اوك عشان ارجع بعد ده
انا:طيب
فعلا نزلت وعملت القالو العلبه كانت حلوه شديد وكان مكتوب عليها
“أنتِ شجاعة جدًّا وهادئة لدرجةِ أنني أنسى أنّكِ تُعانين..!”
كانت عباره عن ورق فيهو ادعيه وآيات قرانيه مريحه جدا حقيقي كان عباره عن هديه خفيفه ولطيفه
اتصلت عليهو طوالي
انا:شكرا ليك بجد 
لؤي :عجبتك؟
انا:جدااا
لؤي:الحمد لله … الفكره انو ي توزعي على الناس أو تحتفظي بيها وكل ما تتضايقي تقري منها حاجه مقسمه على حسب الألوان طيب اللون الأصفر ادعيه وآيات لشجن وابوك كل ما تتذكريهم افتحي منهم الورق البي اللون الأخضر ليك انتي كل ما تحسي نفسك متضايقه افتحي البي اللون الكحلي دي مني ليك
انا:بس ده ما كحلي 
لؤي :المهم يا ستي اللون الاخير ده بس 

في فلاشه تحت الورق فيها قرآن كريم كل يوم افتحي طيب 

عارف ما محتاج أوصيك على علاقتك مع ربنا لأنك ما شاء الله بس ح اقول ليك كل ما تقربي اكتر كل ما ح تقوى اكتر واختك وابوك ما غالين على ربنا صدقيني
انا: كل الح اقدر اقولو انك جيت في الوقت المناسب ف شكرا لؤي :انا دايما ح أكون معاك ان شاء الله 
انا:أن شاء الله 
لؤي :انا ح انوم بعد ده لاني تعبان شديد ووراي شغل من بدري ف تصبحي على خير

انا : وانت من اهلو

ما عدت خمسه دقايق الا جاتني منو مسج مكتوب عليها
“سيبرد كل جرح ف اطمئني”

هو كيف قادر يكون بالطافه دي كلها
نمت وانا مرتاحه شديد حقيقي كنت مرتاحه م ح اقدر اعرف مشاعري اتجاهو شنو بس وجودو بقا مطمني أكتر

بعدها عدو اسبوعين عادي لحدي ما في يوم اتصلت على همس وقالت لي انو نتجتنا انو وعبير طلعت والحمدلله نظيفه والتخريج بعد شهر قالت لي عبير قالت ما عايزه تعمل تخريج عشان ما بتحب المواضيع دي
(انا عارفه انها لغتو عشاني بس وقالت كده قبل ما انا أرفض عشان ما احاول اقنعها م حاولت اجادل كتير لاني عارفه نهايه الموضوع ده شنو بس كل يوم باكدو لي اكتر اني اخترت صح ).

كلمت امي ووافقت ما قالت حاجه ووريت لؤي بالنتيجة وكده ف قال لي بمناسبه الحاجه دي ممكن اقابلك بكره؟
قلت ليهو جدا  قلت ليهو نفس المكان الفات لو ممكن
قال لي طيب حاضر.
تاني يوم اتصل لي من الصباح قال لي يلا قلت ليهو بسم الله الساعه 7 

قال لي ما قادر والله
قلت ليهو اصبر اصبر
تاني اتصل على قال لي ح تلبسي لون شنو
قلت ليهو تقريبا اسود
قال لي خلاص ظابط ح أطقم معاك عشان نكون كابلز كابلز  ما تغيري رايك وتجي بلون تاني ما عايز خرخره طيب؟
أنا هنا ضحكت شديد على كلامو عامل زي الشفع 

خاطره من لؤي :
ضحكتك تقلب المدينه رأسا على عقب انت اضحكي وانا ساعيد بناءها 

خاطره من شهد:
“كان لحديثه إيقاع آخر 

يتبع ……….

لقراءة الجزء التالي : الجزء الخامس من رواية كنت للروح سقيا

لقراءة الجزء السابق : الجزء الثالث من رواية كنت للروح سقيا

للإطلاع علي فهرس اجزاء الرواية : جميع روابط اجزاء رواية كنت للروح سقيا للكاتبة شهد محمد

جميع الحقوق محفوظة للكاتبة شهد محمد .