الجزء السابع عشر من رواية المشوه

غياث تحت السيارة معادش عرف يتصرف يشوف ف رجليهم كانو هلبا حاول يتصل لكن بكككل التغطيه استنى تحت السيارة

فاتو ساعتين

اخشوو كللهم يتغدو غياث شافهم من تحت السيارة كلهم مشو لخيمه طالع منها دخان يطيبو ممكن المهم كالهم مشولها غياث سحب روحه وطلع خش للخيمه لفيها غفران كانت تتحرك وتاحول تفك يداها وادير ف صوت لانه فمها وعيونها مصكرات

غياث قرب: اششش ولا صوت اشششش… فك عيونها وفمها

غياث حط صبعه ف فمه بمعنى اسكتي

غفران ادكراته لم كان عريس: انت راجل لميس

غياث: اي اسكتي وفكي روحك بسرعه

غفران فكت روحها ووقفت

طاققققققق

غياث طاح وراسه ينزف

غفران عيطت

غياث ع الارض ورصاصة ف راسه

غفران نهارت ع الارض وتشوفله ترجف

.

هكي زاد التشويق

.

فات يوم كامل

لميس اتصلت لكن يعطي فها خارج نطاق التغطيه

فات اليوم التاني

لـ هو يوم المحكمه

واصف واقف ف الدفاع ع جهاد وصل جهاد ودخلوه

واصف قربله: شجو

جهاد: حمدلله

واصف: خليك ع كلامك ماتغير شي وواتق ف ربك بس وماتصدق حد ممكن يقولولك نخفافو عنك لو تعترف بلجريمه لكن انت خليك ع كلامك ومتكدبش بولا حرف صدقني مدام ماتكدبش رح تطلع

جهاد: اكيد اني مكدبتش قبل باش نكدب توا

واصف؛ ربي يفك اسرك… وبعد وقف ف مكانه

جهاد يشوف ف الموجودين لكن غفران مش موجوده

القاضي: السلام عليكم جميعا اليوم نبحكمو ع المجرم الذي يلجأون اليه الناس للعلاج ولكن غدر بهم وقتله مريض لجى اليه

واصف تعصبب ضرب ايده ع الطاولة: اعتتتترض اليوم رح تعرف ان الدكتور هدا بريئ وصدقني رح تعتذر منه ع كلامك

جهاد: مانبي حد يعتذر مني لانه معادش بنقبل اعتذرات حد ليقول عليا كلمه يسجلها ف تاريخ حياته وحيجيه يوم يحتاجني

القاضي: سكووت اليوم وبتاريخ،،،،،،،،،، نقيم الحكم ع جهاد عدنان ال،،،،،،

العمر27 سنه

ووووو

القاضي. المتهم بقضية قتل مريض لجى اليه جهاد عدنان اروي لنا القصة وبصدق لانك ستتعرض ع الحلف ع كتاب الله ع كلامك

جهاد: مستعد نحلف ع كتاب الله ان اني مقتلت حد الى اليوم هدا والمريض لـ كان معاي ف العمليه نقسم اني مالمسته حتى صح شفته لكن نقسم اني ملمستاش

القاضي: اروي لنا بطريق اوضح

واصف ف داخله: وييينك ياساجده يارب ماتخافش وتجي تشهد ز موعدتني لو مجتش ساجده رح ينسجن جهاد ومعادش ف حل بعدين يارب تتغلب ع خوفها

جهادش: ف غرفة العمليات كنا تلاته اشخاص لم خشيت كان ف دكتور وممرضة معاي الدكتور لابس كمامه ولابس ع راسه مقدرتش نشوفه لكن حفظت صوته اني لبسة القلافز قربت بنطلع الرصاص للمريض فجآة الدكتور لمعاي قام يبرة فيها كمية كبيرة من ال،،،،، قتله شن ادير بتقتله سالتها قتله تتعلم انت ولا شني رح يموت ونقسم اني عارضته انه يضربه اليبرة ودفيته طاح الارض ووقف اني طلعت منتحملش مسؤوليته وشكيت فيه لرئيس الاطباء ورئيس الاطباء جي معاي للغرفة لقينا المريض ميت

ولا موجود الدكتور ولا الممرضة

القاضي: جيبو الكتاب الله خلوه يحلف

جابو المصحف

القاضي: انت طاهر

جهاد: اكيد … وحلف ع كتاب الله

القاضي شاف لـ المحامي من عيلة المريض تفضل

المحامي من عيلة المريض: سيادتك المستشفى بلكامل شهدة عليه انه هو صاحب الجريمه مافيش ولا شخص وقف معاه يعني اكيد الشخص هدا مجررم

جهاد: اني كان معاي رئيس الاطباء (شاف رئيس الاطباء) تكلم علاش ساكت

رئيس الاطباء نكر: اني ماشفت حد معاك

جهاد: شن هداا الممرضة لكانت معاي وين علاش ماحد قاللها تجي او تشهد

القاضي:الممرضة جت وشهدة انك انت القاتل وانت ضربته اليبرة

جهاد: كييف الممرضة لكانت معاي شهدة؟!

القاضي:اي نعم شهدة ضدك وشهدة انها شفاتك

واصف:نعارض

القاضي:تفضل

واصف:سيادتك الممرضة وين علاش محضرتش…قاطعه

القاضي:حننني مانبوش نعارضو الناس غصبآ عليهم هي حرة تجي او لا

جهاد دف شعره للخلف:شن هدا؟!

القاضي:لو عندك شي قول ودافع ع نفسك

جهاد شاف الحاظرين: 22 ممرضة 17 الدكتور يشهدو عليا زور وربي ماوجعني انكم شهدتو عليا زور لو جعني وين بتهربو من ربكم خلي ف راسك انت وياها اكبر الكبائر شهادة الزور مش رح نسامح اي شخص يدمر مهنتي اني لسافرة وشتغلت وتعبت عشان شهادتي ندمر بطريقه هادي حسبي الله ونعم الوكيل

واصف: الضمير ميت ياجهاد لمن تدوي بس

القاضي:المحامي واصف بشار،،، انت قدمت اوراق انه ف شاهده

واصف ضغط ع ايده:اي ف شاهده لكن موصلتش

القاضي:للاسف مش مطرين نستنو حد

واصف:سيادتك اني اتصلت بمستشفى لندن ويمدحو ف جهاد بطريق رائعه لازم تعرف انه دكتور نادر وانقد ارواح الناس لازم نعطوه فرص…قاطعه

جهاد:لاااا اني مانبيش فرصه من حد يطلعني لاي مظلوم بجد لكن متشفقش عليا

واصف:هدا جهاد عدنان،،،،قاطعاته

ساجده خشت:هدا جهاد عدنان الدكتور لشتغل ف ـ،،،،مستشفى،،،،، لعالج اكثر من مريض مجانا ومن مصروفه الخاص الدكتور لدار عملية لمريضه كبيرة ف السن وكانت فقيرة ودار العملية ع حساب الشخصي واني كنت موجوده معاه ف العملية

القاضي:من حظرتك

ساجده قربت ووقفت قدام القاضي جنب واصف:اني الممرضة ساجده

القاضي:ساجده مني؟!لو سمحتي اسمك الكامل

ساجده سكتت

واصف: مش مهم الاسم لانه ف اوقات حرام يتسجل اسم الاب جنب اسمها

ساجده شافتله بمعنى شكرا

القاضي:تفضلي

ساجده:اني الممرضة ساجده نعارض اتهم القتل لـ ع الدكتور جهاد عدنان ال،،،،، وعندي اذلة لكن قبل الاذله نحب نقولك انه اني نعرف المجرم الحقيق اول شي نقولك اني واتقه فيه مستحيل يديرها

واصف: سيادتك الممرضة هادي استلمت هاتف من قريبة جهاد وفيه اذله تقلب القضيه راسا ع عقد

القاضي:تفضلو

جهاد:لحظه مني قريبتي؟!

ساجده طلعت الهاتف:سيادتك البنت عطتني الهاتف وكانت شاكه انه ممكن يصير معاها شي وكتبت ف الهاتف كل شي شفاته وصورة كللل شي شفاته

رئيس الاطباء من الخلف وقف:ياسر كذب

جهاد نصدم

ساجده تقوة وتلفتت:اسفه بس مش كل مرة بنوقف معاك يابوي لو الشخص هدا ميطلعش رح نتعاقب انه وضميري حي مستحيل نديرها

رئيس الاطباء قرب من بنت متعصب

واصف بعده: احترم نفسك

ساجده: الغريب يبعد فيك عليا بدل ماانت يابوي ادفع عليا صار العكس اسفه لكن اليوم تم لعبك ع الناس

ساجده شافت القاضي وقامت الهاتف:سيادتك نقرالك من لكتباته البنت

جهاد شاف هاتف غفران عنده واذكر لم قتله نخطفت سكتتت معرفش يتكلم

ساجده:كاتبه انها تقابلت مع المتهم جهاد وفهمت منه القصه وبعد مسمعت القصه توجهت للمستشفى وشافت رئيس الاطباء وحكت معاه وكان ضددد جهاد بكل قوة لكن طلبت نشوف غرفة العمليات ورفضوو خشت الدكتور ووركبت للممر العمليات وكان فاضي وخشي واكانت الغرفة قعده كيف ماهي بدمها وكل شي كان ف قلافز ع الارض بدمه خديت القلافز وحللته وطلع بصمات

واصف: لكن للاسف التحليل مش موجود معانا

ساجده:مش مهم التحليل ف حاجات اهم قالت البنت انه تاني يوم ركبت لكاميرات مع رئيس الاطباء معاها وشافت الدكتور جهاد عدنان من الكاميرا طالع وصوراته وكانت الكاميرا مسجله الساعه كم طلع وصورت الصورة الساعه لطلعه فها جهاد عدنان من العمليات وبعد دقيقتين طلع شخص تاني وبنفس الشي صورته وصورة الوقت لكن الممرضة مطلعتش

رئيس الاطباء

ساجده:وتالت يوم اتفقت مع رئيس الاطباء عشان الكاميرا كنت بناخد التسجل لكن التسجل نحدفو وكلام متع تالت يوم اني ساجده شخصيا كتبته وكملت لكانت ادير فيه الاخت غفران طاهر

طاهر كان موجود :وين بنتي؟!

جهاد شافله وقلبه:كيف وينها؟!

القاضي: من تكون البنت هادي؟؟

ساجده:للاسف البنت هادي بسبب كانت ادافع ع الدكتور جهاد نخطفت قدام عيوني والممرضات والدكتورة يشهدو

جهاد شاف الموجودين: البنننت نخطفت قدااامكم

الدكتور من الموجودين مرية نفسيا هادي مش بنت عادية

جهاد طلع من مكانه وهجم عليه لكن الشرطه بعدووه عليه

القاضي:اوقف مكانك

جهاد ضاغط ع سنونه بغل

ساجده فتحت الهاتف:سيادتك تسمحلي نقرب نوريك الصور

واصف غار :عطيني اني نوريه

ساجده عطاته الهاتف

واصف:هادي صورة جهاد طلع شوف الساعه والدقايق (فوت الصورة)وهدا المجرم وشوف الساعه

ساجده:غفران طاهر عندي لها فيديو يخليك تشوف تعاون رئيس الاطباء وولده جهاد مع المجرمين وساعدو ع خطف غفران طاهر

جهاد ولد رئيس الاطباء:وهميه هادي واصلا مريض هادي اختي

ساجده.عندي ليك فيديو ماتقدرش تتكلم توا ادكرتني اختك!!!

واصف فتحله القيديو:تفضل تفرج

القاضي يشوف كمل وهو يشوف:اقبضو ع رئيس الاطباء وولده جهاد

للشرطه شدوهم

ساجده شافت الكلبشه ف ايدين بوها وخوها بدت تبكي

واصف طلع

القاضي تعصب: 39شخص شهدو زور ياويلكم من ربي المحكمه اليوم بتاريخ،،،،، تعلن برئة الدكتور جهاد عدنان ال،،،،

ساجده تبكي واصف خش عطاها اميه

واصف: تعرفي كلامك صدمه نحسك محاميه وشاطرة اكثر مني

ساجده ضحكت وهي تبكي

جهاد طلع

ورئيس للطباء وولده نسجنو

.

.

.

غفران تشوف ف راس غياث والدم داخت

الجماعه خافو يكون مبلغ عليهم هربو وخلوه ف مكانه وعرفوه ميت الرصاصه ف راسه

.

.

جماعة غياث شكو فيه مخطوف دارو بحث ع هاتفه ولقوه وسعفوه

كيف سعفوه والرصاصه ف راسه

سعفوه الانه الرصاصة قريبه من راسه الرصاصة ف رقبته

سعفوه ووصل علم لـ جهاد مشي بسرعه للمستشفى شافه

جهاد:ممنوع ولا دكتور يلمسه غيري اني قلت اطلعووو

ممرضة قعدت

جهاد.اكلعييي معاهم نتكلم عربي

طلعو كلهم

ساجده خشت:سلام

جهاد:اهلا سلامات بسرعه البسي عشان تساعديني

ساجده لبسة كمامتها وقلافز و:يلا

جهاد بدي ف االعملية:بسم الله

.

.

هدا كله ولميس ماتندري ع شي هاتفه خارج التغطيه وخلاص

مرور اربعه ساعات واتصل جهاد

جهاد:لميس البسي جاي ناخدك متسالينيش علاش وكيف وشني البسيي بس..وصكر علها الخط

لميس لبسة ووصل خداها

لميس:اني نكلمم فيك وين واخدني

جهاد:لـ غياث

لميس:وينه؟!

جهاد سكت ووصلو للمستشفى

لميس بدت تبكي:مانبييييش ننزل لالا مانبيش ننزل

جهاد:مافيه شي كويس

لميس:مانبيش قوله ينزل مانبييش

جهاد:راقد هو وكويس انزلي

لميس نزلت وصلو لعند الغرفة

جهاد:خشيله مافي حد عنده

لميس خشتله وكان ف غرفة جهاد الخاصه هو طلب يحولوه بروحه

لميس خشت شفاته رقبته ملفوفه وفاتح نص عيونه حطت ايدها ع فمه وتبكي

غياث ابتسم وفتح ايده

لميس قربت شدت ايده وتبكي

غياث من وجع مش قادر يفتح فمها يتكلم مقدرش يقولللها اسكتي لكن قرصها وحط صبعه ع فمه بمعنى اسكتي

لميس مسحت دموعها ورجعت تبكي تاني:

غياث مد ايده ومسحلها دموعها ومبتسم وحط ايده ع فمها بمعنى اسكت

لميس تتلامس ف لحيته:من ضربك امتى هدا

غياث اشر ع فمه ودار بصبع هزه بمعنى لا

لميس:ماتتكلمش توا؟!

غياث قام حواجبه بمعنى اي

لميس نهارت تبكييي

غياث ضرب ايده ع حافت السرير بقوة

لميس شافتله

غياث حط ايده ع قلبه بمعنى مانتحملش..وبعد دار صبعه ع فمها بمعني اسكت

غياث قام ايده يتلامس ف خدها

.

.

.

جهاد مقعمز برا يفرك ف ايده بخوف

ترررن تررن

جهاد.ايوواه

،،،،،: اهلا بلعاشق اكيد خايف ع الحلوة

جهاد وقف: مني معاي؟!

،،،،،:من الاخير تبي غفران اطلع جهاد وبوه تاخدها

جهاد:البننتت وين ؟!

،،،،،: طلعهم فهمت

جهاد: ف احلامك حبيبي

غفران بصوت مرعوب: جهاد

جهاد شاف الهاتف: غفروة ياعمري وينك

غفران تبكي: جهااااد

جهاد دمعته نزلت مسحها ووقف ف زاوية الممر:.كنتي تعرفي انهم بياخدوك مع هدا مستسلمتيش عشاني

غفران بعبرتها: عادي المهم انت بس مايهمني حد غيرك وغير بابا وكرم

جهاد: نحبببك

غفران:مي توو

جهاد:ماتخافي من حد رح نطلعك وعد

غفران:لااا مادير شي هادم كدابين …سحبو الهاتف منها

،،،،،،: عندك لغضوا المغرب وف صلاة العشاء يوصلك راسها لباب الحوش

جهاد صكر الخط عليه

.

.

جهاد طلع ومشي للمركز ودارو اتفقيه انهم بيمتلو انهم بيسلنو جهاد وبوها

وفعلا ف صلاة الظهر صار التبادل لكن ماجي منهم حد الخاطفين

تررررن ترررن

جهاد:ايووواه

،،،،،:بتلعب انت؟!

جهاد:شاطر شكلك اي تلعب مع الصغار يحدفوك بشملاتهم

حددود المركز مكاوجهك هاد مشي للمكان لتحدد

.

.

.

.

صلاة المغرب

،،،،،:دف غفران ع الارض

غفران طاحت وكانو عيونها مغمضات وفمها مفكوك ومربوطه

،،،، سحب مسدسه:صار قلتيلنا تحبيه وبطلعيه

غفران:نحبببه

،،،، حط المسدس ع راسها:تو تتلاقو ف الجنه باي

طااااااق

غفران غمضت عيونها وترجف

جهاد طاح ع ركبته ويبكي

غفران خافت: هييي

جهاد قامت الربطه من عيونها ودموعه نزلو:ماتبيش تعيشي معاي ياحيوانه

غفران ابتسمت وتبكي حضناته وايدها مربوطات

فكوهم

غفران: انت قتلته

جهاد: لالا مماتش بياخدوه الشرطة

غفران شفايفها فيهم دم

جهاد حط ايده ع شفايفها: موجوعه؟!

غفران: لالا هييي نمشوو

بعد مرور عامين

غياث رجع من خدمته: ميس

ميس تمشي وشاده ف الحيط وتضحك تقرب من بوها : دا دا دا

غياث قامها: يروح الدااادااا

لميس راقده ف الصالة

غياث شاف بنته ف حضنه:الماما من لم تزوجتها وهي ترقد هكي ومن لم جيتي انتي ع الدنيا تستني فيا ع الباب وهي لا اني نحبك انتي اكثر منها

ميس تناغي وتضحك

لميس فتحت عيونها ضرباته بلمخده:مصصح وجهك وهادي لتحبها وقريب تاكلها منين جت ماهو مني يعني انييي نمبر ون وهي نمبر تو

غياث:عيشي ف اوهامك هي نمبر ون وتو وتري وفور

لميس شافتله :تو نجب ولد

غياث ضحك:منين بتجيبه الولد

لميس بغيره:من وليد ولد عمتي

غياث حط لميس جنب العابها وناض لغرفة النوم

لميس سمعاته قربع الدولاب ناضت تجري تضحك خشت:حسسن تاكل فيك النار عشان معادش تفكر تحب غيري

غياث جبدها لصقها ف دولاب ومتعصب: وليد ال معادش تدكريه صغاري مانبيهمش يعرفو حد اسمه وليد سامعه هادي مش غيره تعلمي تتصرفي بعدين اضحكي وانتي تعرفي النار تاكل فيا وتضحكي استمري شكراا….خدي ملابسه وخش لدوش

لميس وجعها خاطرها طلعت لصالة

غياث نفس الشي وجعه خاطره

لميس تلعب ف ميس وضحك فها

.

.

.

غفران: كرررم ياكلب معاد ضرب يزن هدا صغيير

جهاد خش:من يضرب ف ولدي

كرم شاف غفران:نوضي روحي راجلك جي

جهاد ضحك:حق راجلك جي نوضي روحي

غفران:مصح وجهك بديت تلزز

كرم: هدا الحق وخيتي

غفران: بارد

جهاد:بارد ز اختك لمن بتطلع يعني

.

.

.

ساجده:بلاهبااال واصف

واصف ضحك: غير اصبري خليك تو نجي ووطلع

ساجده لحقاته بشوية بدون صوت

واصف كان ف المطبخ ياخد ف التورته وتلفت وشافها وراه : علاااش

ساجده قربت: نحبك اني بلا تورطات تعرف وله

واصف:اممم مش متاكد

ساجده: نحبك اني

واصف يتسهوك:كيف نصدقك

ساجده:ماهو تزوجتك امس

واصف مات ضحك:البرئه

وقصو الكيكه واحتفلو بعيد ميلادها

واصف جبدها ليه:عندك علم تزوجتك امس عشان نعرف عيد ميلادك

ساجده: نسيت عيد ميلادي اني

واصف:عرسنا ف عيد ميلادك بنكرهك ف اليوم لجيتي فيه

ساجده دابت من الضحك

.

.

.

لميس حطت العشي

غياث ناض: بنرقد اني معنديش نية

لميس نهارت ع الارض تبكي من حركاته

غياث متحملش رجع يضحك قعمز جنبها:اغلطي وخلي النار تاكلني وقعمزي ابكي صحه ليك دموع وخناين

لميس نزلت راسه ع ايدها وتبكي بعبرتها

غياث جبدها : معادش تعادوها باهي

لميس تبكي :باه

غياث : اعتذري باهي

لميس بعدت شافتله:اس،،،

غياث: معادش تبكي شوفي كيف شفايفك حمر

لميس ضحكت:كيف بنشوف

غياث:تبي من الاخير جيعان اني راه

وقعمزو ع الطاولة يتعشو

ميس خشت السمونية مشت لبوها

غياث:اني جيعان امشي لماما

ميس مشت للميس

لميس: بري لبابا هو يحبك

ميس مشت لبوها

غياث:مش فاضي بعدين انلعبك

ميس مشت للميس

لميس ماتبيش تشوفلها شافت غياث: ياروحي بتزعل

ميس بعت وقعمزت ف باب المطبخ تعيط

لميس وغياث ناضو بسرعه قامها غياث ويضحك

غياث قامها باسها:نبصرو يابابا نبصر

لميس باستها: ياعمري تعالي لماما

ميس حضنت بوها بعبرتها

لميس: ميس ياماما نبصر اني واصلا هو لزك الاول علاش تحبيه اكثر مني

غياث:نفس الحركات عفكرة لم تحرجي تقعمزي تبكي

لميس تبوس ف ميس:تعالي لماما

ميس غمضت عيونها ف حضن بوها

لميس قرصت غياث:ياسحار سحرت البنت تو نجيب ولد اسمر قنين مش ز بنت بيضة ز الجبنه

غياث:بنتي بيضة ع اساس انتي سمره نسخه مصغره ف كل شي

لميس:تو نجيب ولد اسمر عيونه رماديات  بوه

.

.

النهاية……….

لقراءة الجزء السابق : الجزء السادس عشر من رواية المشوه

للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد

جميع الحقوق محفوظة للكاتبة ميشو محمد .