وفي الجزء السابع عشر يا تري ماذا سوف يحدث من جديد داخل أحداث الجزء وهل ستكون سعيدة ام تعيسة يا تري ؟ دعونا نعرف ذلك في السطور التالية بإذن الله من رواية حتي الممات للكاتبة نور عبدالسلام .
الجزء السابع عشر من رواية حتي الممات
ف روما
ناض من نوم غسل وجه حك سنونه خذا دوش طلع
لابس منشف ف وسطه وجسمه رياضي باين عضلاته
وسيم لأبعد حد لبس ملابسه وطرح صلايه صلى صبح وطلع شغل خذا قهوة من كافي وصل شغل
الو ها توا خشيت العمل تحكي جد تبيني نسيب روما
ونرد ليبيا فوتني هههه والله كم باهي خلاص خلاص
توا نجي ف اول طيارة مش عارف امتى خش لمكتب
وضغط شغل معاملة الاجانب له عشان غريب عليهم مقدرش يتحمل قدم استقالته وطلع
مالك : مش قصدي طلعت عفوا
ليان : اقعد فيها بروحك نا خلاص مش متحمله اكثر
مالك : يعني
ليان : يعني بححح وخبطت يديها ف بعض انا وانت خلاص لا نا نقدر نبقى بشرى ولا هننسى امي نا مالقيكتش وقت محتاجتلك ايش لازمتك في حياتي
لما طحت انت مكنتش معاي ساد كرامتي وقلبي
تقطع من وراك وانت اقعد ف هدوءك ونظافتك
وذكرى مرتك لعند تموت تمام ومشت تلم ف دبش
مالك يشوفلها مش عارف شن يدير
ليان حكت خدها الو بابا تعال خوذني توا توا
مالك توا نشيلك نا
ليان خذت عبايتها لبستها فوق التوته سروال باين من تحت العباية وحطت محرمه حط ع راسها نص
شعرها لمكركط برا رن تليفونها خذت شنطتها وطلعت لبوها خذا منها شنطة حطها ف شنطة سيارة جت بتفتح الباب تركب عيونها شافو عيون
مالك اللي يتباوع فيها من روشن دار ب حزن
شافتله ب كره وركبت سيارة طول طريق ساكته
ولا حرف تشوف طريق وخلاص بوها قلبه متقطع
كله منه هو اللي اجوزها له حس بتأنيب ضمير
وصلو لحوش ليان نزلت رجليها نملو فتح بوها الحوش تشوف الاثاث الديكور كله متغير مافي
شي نفس ماهو قلبه تقطع الف قطعه ذكرياتها
امها كانت ف كل مكان توا مالهش اي ذكرى
مرت بوها مقعمزه حاطه رجل ع رجل تقلب ف قنوات سمعت باب انفتح صبت شافت ليان وبوها
ليان واقفه جنب بوها تشوفلها
مرت بوها يعوضك الله خير ياخذ سوك
ليان شافتلها من فوق لتحت ومشت وسيبتها
مرت بوها شفت شفت
بو ليان معلش معلش ولحق بنته
ليان تركب ع دروج ومش عارفه وين تمشي
بوها دارك نفس ماهي مغيرتش فيها شي قلت يمكن تجي تبات ولا تجيبلنا بنوته لما تجي لجدها
تبات فيها
ليان فتحت باب الدار وخشت حمدت ربها ان دار متغيرتش قعمزت ع طرف سرير بوها طلع وصكر باب قعدت تفرج ع سقف لعند ماانفتح الباب
مرام : عادي انخش
ليان : ابتسمت تعالي
مرام : جتها قعمزت وحضنت اختها
ليان : ياريت ماما قاعده محتاجتها بكل
مرام : ادعيلها
ليان : وينك يماما وينك
مرام : الله يرحمها ياليان عندي اللي احسن مني ومنك
ليان : مكسوره من بعدها
مرام : هذي مرات بوك تنادي
ليان : نبي نرقد نا تعبانه
مرام : متبيش تتغدي
ليان : صحه عليكم
في وسط صالة ملتمة العيلة بااستثناء مالك وروان
خديجة : الولولي
رهف : ابتسمت
احمد : شاف لرهف ورد شاف ل امه وين روان
خديجة : ف دارها تقرا
احمد : خليها تجي تاخذ حلو بمناسبة ولد خوها
رهف : صبت خذت طبق الحلو من ع طاوله وقدمت لعمها
سعد : مبروك يابنتي يتربى ف عزكم ان شاء الله
رهف : ان شاء الله عمو وردت قعمزت جنب راجلها
روان : حبي شن رايك
تيم : نار ياقلبي نار وريني اخرى
روان : ارجى طق الباب روان
روان : صكرت المكالمة وفتحت كتابتها ومشت تفتح الباب هيا جايه فتحت باب
خديجة : كنك قافله ع روحك
روان : نقرا
خديجة : وستر ليش لابسه هك
طبعا روان لابسه شورت وكت مفتوح فوق سره
روان : حمو ياماما شفشاف
خديجة : البسي مستور وانزلي خوك ومرته تحت
روان : من منهم
خديجة : يعني من الي يجونا ويدورو فينا غير رهف واحمد
روان : باه توا ننزل امشي توا نلحقك
روان : بيبي بننزل جا احمد ومرته بعدين نحكو
تيم : تمام ياقلبي هيا اوكي
روان : باي
غيث : سلام عليكم
مؤيد : وعليكم سلام شخبار
غيث : والله حال عدوك
مؤيد : خير ان شاء الله شن في
غيث : انساباتي جايين والوليه تبي لحم ونا ماعندي غير حق مصروف الحوش العادي
مؤيد : هذي بس يرا لنقنك الا شورخ كم
غيث : لا يرا مانشحتش نشكيلك
مؤيد : را نضربك قول كم تبي نحنا خوت
غيث : باه اكتب شيك بيش نًرده لك
مؤيد : تمام كم تبي
غيث : 3 الاف
مؤيد : هاك 4000
غيث : تسلملي والله نردهن لك ف اقرب وقت
مؤيد : خوذ راحتك ياغالي
غيث : شكرا والله هيا نستاذن وصبا فرحان طلع
اسيل نظفت الحمام ولمت الحوش كله مع خشة غيث
غيث : سلام عليكم
اسيل : جيت شن جبت كذا خذت شكاير وخشت كوجينة حمدلله جبت فاكهة بيش ندير سلاطة فواكه
غيث : حبيبتي عادي نعزم هلي
اسيل ؛ لا خوتي يبو ياخذو راحتهم ميبوش حد براني
غيث : اسيل قتلك خواتي مش براني
اسيل : بنسبة لهلي برانيه بناخذو راحتنا
غيث : باه
اسيل : هيا اطلع انت بيش ميقولوش قاعد ف الحوش
جو هل اسيل امها وخواتها
حطت عصير وشوكولاطة وقهوة و بشكوط
بعدها بيتزا وشاهي وحطت جولاطي يبرد عليهم
امها ماشاء الله مش منقص شي
اسيل اي ربي يخليه لي
اختها لكن مفروض اديري حوش ملك
اسيل سكتت
اختها والله هله عايشين ف فيلا طويلة عريضه
وانتي ف شقة ايجار
اسيل غيث يتحشم ميحبش يطلب
اختها امممممم
حطو العشاء رز بالخلطة ولحم ومشروب ومبطن وبوريك وكباب وكل شي عرم عرم عشان تثبت لهلها
انها متريحه ومش محرومه من شي مش مهم راجلها من وين جاب لفلوس لمهم هلها…
رهف كانت تدهن ف يديها خشت سريرها بترقد
احمد تعالي هنا
رهف خشت رقدت ف حضنه
احمد يتحرك ولا
رهف مزال
احمد بنسمع
رهف مزال
احمد نجرب ناض حط راسه عند بطن رهف
رهف ابتسمت
احمد يتحرك شكله شيطان كيف بوه
رهف هههه ان شاء الله يطلعلي هادي
احمد نعلي منك انتي وقرب ووو
مرام ليان عادي نرقد معاك
ليان تعالي
مرام خشت جنبها ورقدن ليان ترقد وتوعى بعدها صبت ساعة 2 صلت قيام الليل ودعت ل امها
بعدها صبت الفجر وقرت قرآن لعند ساعة 7
صدق الله العظيم صبت مرام مرام هيا نوضي
مرام عممم
ليان نوضي مدرسة وقت
مرام حي ناضت تجري
ليان لمت شعرها ومشت تفتح شنطة دبشها تحط
دبش ف دولاب جا بوها
صباح الخير
ليان بحده : صباح النور
بوها : من الاحد تبدي تمشي لجامعتك
ليان : حاضر
بوها : وين اختك
ليان : في الحمام
بوها : مشا
مرام : شن في
ليان : شي البسي نمشي نوتي الفطور
مرام : تم
ليان : مشت حطت الفطور وهك قعمزت مرام فطرت وطلعت مع بوها خشت مرت بوها كانت
ليان مقعمزه تفطر ع طاوله ف كوجينة مرت بوها تحك ف شعرها صباح الخير
ليان تشوفلها من فوق لوطه
مرت بوها تفتح ف دولاب طلعت نسكافي وبدت تضرب ف نسكافي خذت المق وشافتها لمي طاوله بعد تكملي
ليان شافتلها ب هزوه وكملت تفطر
الاحد
ليان تبي تركن سيارتها توخر وتقدم لين خبطت سيارة اللي وراها هو نزل
وجه قعد الوان حاول يتمالك اعصابه
ليان : آسفه اسفه منعرفش نسوق
غمض عيونه بنفاذ صبر حصل خير
ليان انت اللي غلطت را عليش جاي وراي
هو نا اللي غلطت مش انتي يعني
ليان مشت وسيباته شافت مالك مقعمز ركبه ونص
حط يده ع ركبته ولابس اسود ف اسود استغفر الله ياربي هذا من وين يطلعلي بس
مالك صبا نفض روحه صباح الخير
ليان صباح زفت فوتني
مالك منسجمه مع مرت بوك
ليان ارحم من معاك
مالك تمام خليتي مكانك
ليان امشي لرويعي افضل لك هيا فوتني
مالك متستفزينيش
ليان اعلى مافي خيلك اركبه
مالك هك تمت
ليان : مشت وسيباته
مالك : ليان انا نحبك وشاريك
ليان : اها بكل اسمع نا تأخرت ع محاضرتي هيا وجك
مالك : لسانك اهو بديتي تحكي لما روحتي لهلك
ليان : هلي سندي ع قولتك خلاص مالكش حد لا ليا ونا متريحه بلاك وجوي سمح خلاص بنمشي
مالك : مسك يدها ب قوة
ليان ؛ سيبني والا نلم عليك جامعة
جا اللي خبطتله سيارته هي شن في هنا كنك معاها
مالك : مش شورك مرتي
هو هذا راجلك
مالك شافلها ب نظرة شر
هو راجلك ولالا
ليان اي راجلي
هو مشا وسيبها
ليان سيب يدي خلاص
مالك سيب يدها
مشت وسيباته
مالك : شافها مشت وتجاهلاته وكانت كأنها نساته
ليان : خشت القاعة وشافت طلاب كلهم داخل
وهو واقف معاهم يعرف ع نفسه
انا امير كنت ف روما من 10 سنوات سنة غير جيت
وهتكون استاذ بدال استاذ عبد الرازق
ليان : صباح الخير
امير :احم انتي قاعده مع راجلك ومحاضره مفروض باديه لها ساعة
ليان بس انت توا غير خشيت ومنعرفش انك انت اللي تعطي علينا
امير اخرى تلاطعي في
ليان معلش اسفه وجت بتخش
امير بصوت حاد وعالي مزلت ماكملت كلامي كيف
تخشي
وطلبة كلهم يشوفولها
ليان نا مادرت شي وجت بتطلع
امير تعرفي تطلعي تكملي عمرك ف المادة هذ
ليان مش بمزاجك وبتطلع
امير ابتسم ع مزاجي تبي تخشي وتضمني الماده خشي تبي تكملي عمرك فيها اطلعي
ليان نكمل عمري فيها كل شي الا كرامتي وطلعت
تفاجئو كلهم كيف مش خايفة ومستهتره
امير بانت ع وجه ابتسامة غرور انتو هيا كل حد يطلع شيت بتاعه واللي مش معاه يطلع برا
برا ع قد مااستفزها جعنها ماصفت مش هيكون احسن من راجلي
روحت ليان للحوش غيرت دبشها ونزلت قعمزت
ع خشة مرام خيررر
ليان : خير شن جو
مرام : تمام نمشي نغير دبشي ونجي نهدرز عليك
ليان : تمام
مرت بوها : اه تعبانه ليان ديري الغداء تعبانه بكل ظهري دايرها فيا
ليان : لاا
مرت بوها ياقليلة ادب نا كيف امك
ليان كلمة لا مافيها لا داء
مرت بوها واللهي نحرش بوك
بابا شن في هنا
مرت بوها شفت شفت بنتك وقالتله
بابا خلاص توا ندز من المطعم
مرت بوها ليش مصاريف
مرام يس احلى بابا ف دنيا نبي همبورغر
ليان بيتزا وشاورما وبيبسي بابا وانتي متبيش مصاريف ديري سندوتش تن
مرت بوها انصدمت
بابا ضحك
ليان ترقص ف حواجبها
مرت بوها عصبت وسيبتهم
ليان مربعه فوق صالون تاكل
مرام جنبها ويضاحكن
مرت بوهن ف دار تسحن ه الحقيرات كانت ناقصتني
انتي ياليان واللهي نوريك ياثعلب
بعد اسبوع
في القاعة خش هو يمشي ف مشيته المغروره وقف ع طاوله
رفع عيونه
لقاها قاعده ف مدرج
هو استمر يشوفلها لثواني بعدين قال
هو امير طبعا خطأ المرة اللي فاتت قلت عمره 26 هو عمره 36 سنة اشقر وسيم وشخصية ملامحه
اجنبيه
امير : انتي ياطالبة
كلهم يشوفوله
ليان : بكل هدوء لمت شيتاتها وشنطتها وناضت
امير : اطلعي برا وقعد مصدوم انها ناضت قبل مايقولها اصلا لكن من عصبيه مركزش قعد يتبع فيها ب عيونه لين طلعت
ليان كانت معصبه وصلها لها لعند هن مشت للقسم ترجى فيه قدام مكتب بتاعه
قعدت نرجى ساعتين كاملين وهيا واقفه
تمشي وتجي ف الممر
هو ماشي بغرور شافلها ابتسم ع جنب طلع مفتاح المكتب فتح الباب واشر ب يدها انها تخش
ليان : منيش خاشه بس نبي منك معش تحرجني وتخليني نحضر
امير : وعليش خليكي عشان مرة اخرى معش
تصرفي من راسك
ليان : كنك ادور في عشان خبطتلك سيارة توا نصلحها
امير : زاد انجذبلها ليش بالك مستحق نرجى ف تصليحه منك
ليان : شن تبي باه
امير ساكت باه المحاضره الجاية تقدري تحضري
ليان شكرا
امير بس اهتمي بنفسك عشان نجحك لان سماحه هذي حرام تبقى هامله نفسها
ليان انصدمت من وقاحته
امير لو تبي تنجحي
يتبع ………
لقراءة الجزء التالي : الجزء الثامن عشر من رواية حتي الممات
لقراءة الجزء السابق : الجزء السادس عشر من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
