وفي الجزء السابع عشر من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء السابع عشر من رواية رحلة الحب
انا قاعده ف الصاله ومتمحنه
تلفوني دقا،، لينه
هديل: لينة
لينة :الو كيفك
هديل: بخير وانتي
لينة :الحمدلله،. معتز معاكم؟
هديل:لينة انا م عارفة اقوليك شنو بس معنز ف المستشفى معاه امي وابوي بس…
لينة : معتز لسه بحبك
انا بقيت عامله كده 
هديل: يعني دا السبب الخلا أمير وفارس يدقو؟
لينه: غالبا السبب انو معتز كان بيحاول يصل ليك بأساليب قذره اخوي وانا عارفاه وهسي لمن ضربت ليك انا كنت عارفه انو ف المستشفى كلمتني خالتو امل قبل شويه معتز اتأخر شديد وفارس بحبك خلي بالك منو شديد وم تشتغلي بالعملو معتز واتمنى انو م يأثر ف صحبتنا
ابتسمت ليها اكيد حبيبتي اطمني 
.
بعد ٣ يوم..
ابوي جمعنا وقالينا انو لازم يسافر
امل : م ممكن تقعد معانا شويه تاني؟
عبدو: حبيبتي م ممكن طبعا بس م تخافي سايقك معاي 
ماما وقفت ع حيلا،، سكتت تاني قالت عبدو انا م صدقت اني حاليا وسط الناس الاتحرمت منهم ٢٥ سنه وم بقدر امشي وقلبي واولادي هنا م عايزه افارقكم انا عايزه اكون وسطكم كلكم
أمير جا حضن ماما وقالينا انا اصلا عايز اسافر كفايه الصدمات العشتها م قادر اقعد اكتر من كده تاني بقو يعاينو لي كلهم 
وقفتهم لحظه لحظه معنى كلامكم دا عايزين تسيبوني براي هنا، بابا قالي انتي م براك معاك فارس قلت ليهو ايوه معاي فارس بس انا اتحركت منكم ٢٥ سنه برضو وهسي سنه ساي ع الاقل م عايزين تقعدوها معاي؟ فارس قالي عمي مربوط بي شغل يا هديل ولازم يسافر أمير دموعو نزلت وقام على حيلو وطلع فوق فارس قام وراه ابوي قاليه حصلو امي جات حضنتني انا عايزاك معاي م عايزه افارقك 
عبدو اتصرف م حسيب بتي اقنع فارس يسافر واتلفتت على انتي مش قلتي عندو شهاده اداره اعمال يشتغل مع أمير بقيت اتكلم معاهم وانا بببكييي ياماما فارس راسو قوي مستحيل يمشي معانا خليكم انتو م تمشو .
………
أمير قاعد ف نص السرير وفارس قاعد ف الكرسي
فارس: م اتعودت عليك جبان ي صحبي 
من زمان وانا كنت بقاوم مشاكلي لأنك بتقولي الراجل بواجه مابهرب 
هسي انت عايز تهرب وتسيب كل العملتو هنا؟ الشركه اصحابك الحتات الظابطه عشان اتخذلته؟ أمير رد ليه انا م كان عندي زول غير هديل ومعتز ورؤى الاتنين خذلوني عارف يعني شنو زول يكون كل عالمك وفجأه العالم يضيق بيك؟ 
فارس قاليه وانت بإمكانك ترجع عالمك واسع وتعيش فيه مبسوط بس م تهرب 
مافي زول عايش حياه كامله وسعيده كلنا عشنا الجانب السيئ بس صابرين عشان خاطر ناس اها بالله شوف انت اتخذلته ف صحبك وحبيبتك انا اتخذلته ف اخوي وابوي؟ بالله البعد نفس قعدتك دي منو؟ أمير عاين ليه؟ فارس قاليه اي صبرت وم حكيت لأنهم ف النهايه اهلي ابوي طردني عديل ونكرني عشان كلام سمعو من اخوي وتحريضات اها اتخيل بس حضن الحياه كلو وسندها اتشال مني؟ بس واجهت واجهتها وصبرت وربنا جازاني على صبري اداني مرة عمري كله م كنت بحلم اني القى زيها اداني عم عبد المولى وعوضني مكان ابوي واكتر واداني ليك بقيت لي الاخو والسند ربنا لما بيعوضنا بينسينا اصلا نحنا فقدنا شنو 
Be strong ya man 
أمير قام وحضن فارس بعد شويه فارس فكاه وطلع تلفونو وفتح السيلفي اها بالله Smile للحياه كدة 
………..
انا جيت دقيت باب غرفه أمير.. ردو لي خشي، خشيت عليهم ولقيتهم بتصورو دايما فايتاني اللحظات السعيده وانت ي فارس ي رمه تتصور بدون مرتك كيف؟ حضني عليه واتصورنا التلاته
كنت مبسوطه اني بشوف أمير بضحك حتى ولو كانت م من قلبو المهم بتناسى
…….
نزلنا التلاته..
أمير جت قعد ف نصهم اها قلتو لي نلغي السفره ولاكيف؟ابوي عاين لي وعاين لي فارس اقنعته بالقعاد ولاشنو؟ امي عاينت لأبوي وف وشها ابتسامه حسرة متصنعه معناها ي قلبي توصل بالسلامة ابوي قام على حيلو هوى لحظه كلكم بعتوني يعني 
جيت حضنتو لو باعوك كلهم بتك حبيبتك م بتبيعك فارس حمر لي بالنسبة للحمار الواقف هنا دا بتبيعيو عادي؟ كلنا ضحككككنااا
…………
امي طلبت مننا قبل م ابوي يسافر نمشي كلنا لي عماتي
وفعلا مشينا وكانو احلى 3 يوم معاهم وحصلت فيهم خطوبة ريان وعمتو سحر كانت مبسوطه عايزه تطير السماء فارس بقى قريب مني شديد وطوالي معاي لدرجة عمتو وئام قالت ليه انت خايف يسرقوها منك ولاشنو وكل الناس ضحكت عليه 
عمتو وئام عندها ٣ اولاد واثق ووليد ووائل،، وائل دا كبير معضل مغترب ف عمان نزل اجازه 
واثق ف خامسة هندسة مدنيه ووليد ممتحن ٣ ثانوي المهم وائل دا كان مرازيني شديد ودا سبب انو فارس بقى معاي ٢٤ ساعه
ذات قعدة بالمسا كده من وبكره حنرجع.. كلنا وعماتي وبناتهم واولادهم..
وائل : لكن ي خالي بالغت لو عارف بتك سمحه كدة م كان خليتا تطلع من بره الأسرة 
فجأه الناس دي صنت كلها ابوي سكت ساي لانو عارف فارس وغيرتو 
بعد شويه فارس قام على حيلو وجراني عمي احنا حنمشي.. امي قامت علي حيلها فاوس دا كلام شنو وعمتو وئام طردت وائل وجات تتأسف من فارس وفارس حلق قال الا يمشي وعمتي حلفت يمين بالله ماف مشي الا الصباح لكن طبعا خلاص فارس كان م شايف قدامو وجابو ليه وائل يعتذر واتشاكلو وطبعا ف ليلنا رجعنا بيتنا
طول آلطريق حلف كان يفتح خشمو معاي..
اول م خشينا بقى يكورك هو حيوان ولاشنو قايلني م متابع نظراتو واحد كلب وتافه والله مسكت اعصابي كان حقتلو.. جيت وقفت جمبو وانتو مسبقا عارفين طولنا بقيت اعاين ليه وساكته وهو سكت زاتو بعد شويه لفيت يديني حوالين خصرو حبيبي خلاص بطل غيرة انت عارف في النهايه انا بحب منو وعايزه منو هو بتكلم بس قالي لو شافك قبل م اعرسك كان سبقني قلت ليو م مهم دا المهم هسي انا مع منو؟ باسني ف خدي وقالي معاك 
عشان في ناس من الدفعه كتار هنا م حقدر أتم يلا انتو عارفين بعد اللحظات دي بحصل شنواي حصل الحصل
بكره من الصباح امي وابوي وصلو وامي كانت بتجهز لي ابوي ف شنطتو تخت قميص وتبكي تخت وتبكي ابوي جا لقاها شنو يا السمحه م توجعي قلبي هسي بخلي السفر وامي ساكته بس تبكي
رغم انهم كانو شهرين بس بي سنيني العشتها بعيد منك كلها م عايز دمعه منك تاني تنزل ردت ليه بس انا م حتحمل انك تبعد تاني ي ابو أمير جا ضماها عليه عندي ليك مفاجأة
قولي انك م حتسافر
لا حسافر..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الثامن عشر من رواية رحلة الحب
لقراءة الجزء السابق : الجزء السادس عشر من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
