وفي الجزء السابع عشر من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء السابع عشر من رواية عالمي
قلت ليها اقرصيني انا في حلم ضحكت قالت ليوربي فرحانه ليك عديل قلت ليها هو قبلني كيف بدون اثبات شخصيه وحاجات زي د قالت لي لو لاحظتي للأستماره فيها عيد ميلادك وكل شي بخصك قلت ليها بس دليل ماف قالت لي وهي ماسكه يدي وطالعين من المستشفى انا امس بقيت افتش ف المستشفيات يلا لقيت انها عاوزه سكرتيرات لكن شغلك د داير ليهو اكل ضحكت قلت ليها أن شاء الله اشتغل مع دكتور عندو أخلاق ضحكت كتير وركبنا ركشه وصلنا طلعت من الفرح بنطط 
مشيت صليت وحمدت ربنا اتذكرت القران بس مف قران نزلت تطبيق وبقيت اقرا لمن نعست عملت ماسك ولفلفت شعري ونمت امنيه فضلت صاحيه وبالها بعيد صحيت بعد مسافه عاوزة ادخل الحمام لقيت امنيه مف جمبي دخلت الحمام وطلعت م لقيتها برضو دخلت البلكونه لان مف محل تاني لقيتها بتبكي قلت ليها امنيه قالت لي بخلعه بنااااان قلت ليها بتبكي براك ليه قالت لي الفيك مكفيك قلت ليها بصوت عالي امنيه انا شكيت ليك.؟ قلت ليك انا م عاوزة حد يتقل على مالك ياخ قالت لي بنان انا بحب عبد السلام فجأه سكت وبقيت مخلوعه عبد السلام البشوفنا اخواتو؟ م بتكلم معانا كتير ولمن يلقانا قاعدين بنتونس مع ناس يامن ولد عمتها يشاكلنا عبد السلام الواحد د قلت ليها امنيه انتي صح عارفه ان عبد السلام شايفنا ك اخوات بسس قالت لي بنان اتمنيت اتمنيت بجد يكون لي رجوله وشهامه واحترام وريني صفه وحدة مافيهو عمري م. حبيت زول غيرو ولسه بتذكر لمن امشي الشغل بقول لي الا اوصلك وانا بقول معجب بي بس لا هو شايفني اختو بس بنان م حصل بينت ليهو حبي ولا بينت لزول بنان قبيل لمن قلتي لي عبد السلام عرسو قرب م قدرت استحمل تتزكري لمن مشا خطب
انا كنت عاوزه حاجه بس توديني او ألتجئ لي اي مكان مافيهو هو وفرصه انك عاوزه تسافري وانا القلت لي ولد عمتي يحجز قريب ولمن جيت هنا شوية بقيت انساهو لمن الليله رجعت نقطة الصفر قلت ليها امنيه د كلو وم بينتي لي قالت لي اخخ ي صحبتي حضنتها قوي وبكت ف حضني وبعدها مسحت دموعها وضحكت قلت ليها مالك قالت لي لأن بكيت وفضيت الجواي قلت ليها أمنية انتي قلتي م ليك نفس تمشي عشان م تلاقي عبد السلام وتضعفي في عرسو ولمن جيتي اشتغلتي في الرياض معانا وخليتي عطبره عشانو هو ولمن نكون طالعين طلعه الاها بتقولي لي خليك مع يامن وبتركبي انتي مع عبد السلام د كلو عشان تشوفيهو قالت لي اههه بس لو يحس بي حبي اهه بس عارفه انا حتنازل ولا اقول ليك اتنازلت بنان صح الحب بضعف الإنسان بس انا أقوى قلت ليها اثرتي فيني قالت لي يلا ندخل لاني نعست م حاولت اتكلم معاها كتير عشان في ناس بكو بي البكاء وم بقدر يتكلمو في ناس بحكو من جوا قلوبهم وعيونهم بتتكلم وفي ناس خواطرهم البكتبوها بتسرخ وفي ناس متجمعه فيهم الحاجات دي كلها د كلو وانا راقده وبفكر نمت…
——————————
*الصباح في السودان في الرياض تحديدا:*
يا عماد بنان وين قال ليها م عارف انتي براك ضيعتي بتك وم احتويتيها في عز وجعها م لقت امها تاني تلقاك ف شنو وريني انتي بقولو عليك ام هسي عارفاها ميته ولا حيه ولا مشرده ولا الحاجه عليها شنو عارفه اخبارها عارفه انها بتنوم وين وبتصحي وين عارفة م عارفه د م قلب ام ده قلب قاسي انا والله لو مخرف كنت قلت انو م بتك وشلتيها من الملجأ نسيبه فتحي عيونك د كويس د بتك الوحيده لو ضاعت من يدك ومن احتواك انتي الله وحيدك وم تقولي بتي وبتي وم عارفه معني الامومه والخوف والقلق قالت ليه وهي بتصرخ بتي شديده وكويسه و و م بتموت تخليني بعرفها بتي حياتي م بتموا يا عماد م بتمو…. ياااامن يااا عبد السلام يااااخاالددد الحقو نسيبه م كان قادر يشيلها طبعا ناس يامن لمن سمعو السوريخ من صنيه الغده قامو جرو لي لقو عماد بتكلم مع نسيبه الكلام صن لي يامن اضانو بس م اشتغل بالموضوع وكانو راجعين لانها مشكلة زوجيه بس فجأه عماد بقا يسرخ جرو عليها وشالوها التلاته ورقدوها عبد السلام بقا يشوف الضغط بالجهاز اداها مويه سكر وملح وقهوه عشان تشد حيلها ويامن جاب الحقنه خالد صاحبهم استأذن ومشا ابو ناس يامن كان معاهم ومتابع الحصل عبد السلام سحب عماد لجنب بعد. أمي صحت وقال ليه البنات لازم نعرفهم وين كيف نسيت انا قايلهم ف عطبره عماد قال ليه م عندك شغله بيهم نهاي انا عارفهم ومأمنهم زمن وبرجعو والحصل م هين عبد السلام قال ليه الحمد طيب م حيجو عرسي؟ قال ليه م عارف والله كدي بدق ليهم قال ليه طيب كلمهم لان العرس باقي ليه ايام قال ليه طيب ومشا لي نسيبه قال ليها وقعتي ليه يادوب قلبك فاق قالت ليه عماد م تتكلم معاي كده انا اكيد عندي قلب وبخاف والله يوم قلت الكلام الفي المستشفى بدون قصد وم كنت قااصده بيه شي بس الحق يقال قال ليها طيب وطلع الصالون دق لي بنان ..
——————————
كنت بلبس رفعت شعري لي فوق ضنب حصان وبعد د اتجدع ساي لانه نعم
بس مشكلتو تحت كتفي قلت خلاص اخليه كدة خططت حواجبي وعملت ايلاين وروج بنبي فاتح لبست اللبس كان قميص ابيض وبنطلون ابيض امنيه كانت نايمة نزلت تحت شربت عصير واكلت واتحركت على المستشفى وصلت مشيت لي مكتب المدير عشان اعرف حشتغل مع منو دقيت الباب قال لي اتفضل دخلت قلت ليه السلام عليكم قال لي وعليكم السلام قلت ليه انا السكرتيره الجديدة وعاوزه اعرف حشتغل في اي طابق ومع اي دكتور قال لي م متأكد الدكتور جا ولا لا بس في الطابق التالت قلت ليه اوك ومرقت تلفوني دق مشيت الاصانصير ورديت قال لي بتي اخبارها قلت ليها ابوي الغالي كويسه والله قال لي جايه متين عبد السلام بسأل حتجو متين عشان عرسو قلت لية العلاج لسة يا ابوي وم بقدر اجي قال لي كيف الكلام د قلت ليه اها اخلي العلاج قال لي م تخليه خلاص طيب يلا عشان امك جايه قفل قلت استغفر الله في الكذب الكذبتو قلت ياربي انا لي وقفت العلاج تاني قلت هو انا م حعرس اتعالج ليه وخليت الموضوع لانو تعب والله وصلت الطابق التالت ويا هدوء الطابق التالت بس الناس شبه كتيره بقيت اتلفت زي الهبلة وخايفه تاني اتشجعت مشيت اتجول تلفوني دق رديت لقيت كميه اولاد جمبي نزلت راسي وبقيت شغاله اتكلم مع أمنية كلام م مفهوم من التوتر الحصل لي. قالت لي طلعتي لي بدون تكلميني قلت ليها كنت مستعجلة فجأه اتطقشت بكتف زول….
*_-_-_-_-_-_-_-_-_-_-_-_-_-*
*لا بأس بأن تعيش حياة لا يفهمُها الآخرون .”*
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الثامن عشر من رواية عالمي
لقراءة الجزء السابق : الجزء السادس عشر من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
