وفي الجزء السابع يا تري هل سنري ظهور أحداث جديدة ممتعة مع ابطال الرواية ام لا ؟ كل هذا وأكثر سوف نعرفه سوياً في السطور التالية بإذن الله من رواية إدمان للكاتبة المتألقة زهرة الشيخ .
الجزء السابع من رواية إدمان
____________«زهره الشيخ»______________
انس تبصرو صح رغدد تكون اختي فهمونيي شن قاعدين تقولو
مالك حنقطع نفسس اي حد يفكر مجرد التفكير انه ياخد مني رغدد 
كريم انت شن تقولل
انس :طوووط …فهموني شن صاير توا
مالك: قاعد وحاط ايديه ع راسه ويفكر
كريم :انس رغد مش بنتنا ولا تكون اختك
انس :بصدمه كييف
مالك :كيف صار ونا وقت نفهم فيك ابعد عنها وخليها ديما مستوره قدمك وماتحضنها. شن تقول عني هدا متشدد وهدا هدا عرفتت توا ليشش نا نعامل فها هكي
انس؛ مش مستوعب الشي لي يسمع فيه قعد ع الكرسي وعيونه ف مالك
مالك :وربيييي بنجن ناا كيف بنديرر بسسس
خالد لاحظ الخوف والحب لي ف عيون مالك ابتسم ..مش حيصير شي وماتخاف رغد بنتكم ومش حياخدوها منكم
عائشه :بخوف ان شالله ان شالله ..بس مع هدا كله البنت لازم تعرف
انس :مش فاهم شي الي فاهمه انه رغد طلعت مش اخته
مالك :
____________«زهره الشيخ»______________
رغد ابتسمت لي طه ولي اول مره لانه دافع عليه وطلع راجل
طه ابسملها من غير نيه وكل تفكيره وين اخته؟وكيف عايشه؟
يونس :ف شن تفكر يا طه
طه: ينفخ ف الدخان قعد ع الكرسي ..مش عارف
يونس طبطب ع كتفه ماتخافش انا معااك
طه :انكسسسرر من الداخل بعد هوالكلمتين وقعد يفكر ف الغلطه لي دارها وكيف بيواجه يونس صاحبه
رغد :خشت للامتحان مع البنات بعد ساعه كملو الامتحان وطلعو اول ما طلعت جتها بنت غريبه تحكي معاها
رؤيا :اهلين
رغد: باستغرب هلا
رؤيا :حبيت نتعرف عليك لاني بجد معجبه بيك وبشخصيتك
رغد :ابتسمت بفرحه وتعرفنا ع بعض وطلعت تسكن قريبه منا
نسرين: اهلين 
رغد من هدي لي معاك
رغد من هدي لي معاكرغد :صاحبتي
نسرين :اها .. المهم بنقولك في حفله العشيه عندنا عيد ميلاد اختي الصغيره ياريت تجينا
رغد :اها نفكر
نسرين: تمام خودي راحتك ومشت
رؤيا: بصدمع ماتقوليلي صاحبتك هدي
رغد :باستغراب اي علاش
رؤيا: لالا شي مجرد سؤال
رغد :شكيت ف الموضوع واصريت انها تخبرني
رؤيا: الحق سامعه عليها كلام اخيي وسمعتها مش كويسه
رغد :اممم
رؤيا: انا مش حنقولك شي الا رد بالك منها
رغد :ان شالله تسلمي
____________«زهره الشيخ»______________
انس ناض قعد ف غرفته يفكر ويدكر ف اليوم لي امه جابت رغد ع البيت وكانت صغيرره كيف مولوده .. ويفكر لو ماكانت اختي ف من وين جابتها امي؟ ومن تكون ؟
تلفونه كان يرن قفل التلفون وحط راسه ع المخده رقد
.
.
منى: ف المطبخ وتلفونها كل شوي ترن..ردت
منى :الو
… ايوا منى ولا
منى: الصوت ماكانش غريبب عليها .. بخوف م من
…. : هه قصدك قدرتي تنسيني
منى: قعدت تبكي
……: اسمعيني السر لي كان مدفون من 19سنه من الاحسن انه يقعد مخبى والااا
منى: بلعت ريقها ا انت حسبي الله ونعم الوكيل فيك
…..؛ طووووط صكر الخط فجاء
منى حطت كل شي ف ايدها وقعدت تبكي وتدكر ف كل شيي صار معاها من 19 سنه والاهم كيف قدرت تخلي بنتها بروحها فم باب ناس غريببه
.
____________«زهره الشيخ»______________
عائشه: انس الموضوع وماكانه صار شي المهم انهم مايعرفو انها هنا
مالك: لا مايعرف ماكان جا ودرس فم الباب يدور عليها
كريم: البنت لازم انها تعرف
مالك: لااا مستحيللل
عائشه: تنهدت ربي يهدي وين عمك نادي عليه السفره واتيه
مالك :طلع متكنطي لجنان يدور ع عمه
خالد: كان يحكي ع التلفون اول ماحس بخطوات مالك: صكر الخط
مالك :هيا يا عمي السفره واتيه
خالد: بقلق اه باهي به
مالك :ركب ف سيارته ومشى للكليه لعند رغد
رغد واقفه مع صاحبها رؤيا يهدرزن جاها اتصال من مالك ..رديت
مالك: اطلعيلي نا برا
رغد :اه به باهي هي جايا
رؤيا: بتروحي
رغد: ايه خويا جا
رؤيا :تمام معرفة خير حبيبتي
رغد: ابتسمتلها وطلعت لقيت مالك واقف برا مشيت لعنده
رغد :هلا
مالك ؛بنضرات كلها حب اهلين
رغد: ركبت ف سياره
مالك قاعد واقف جنب السياره كمل دخانه وركب ف السياره
رغد طول الطريق ساكته ومالك نفس الشي بس مره مره كان يشوفلها
وصلو للفيلا
ونزلت رغد مع مالك
كريم وخالد كانو.يحكو ع القصه الي صارت اول ماشافو رغد غير الموضوع على طول ..
رغد: مشت تجري لعند كريم باتيي
كريم: بابتسامه .. سنفورتيي
رغد :حللييت ومتاكده من حلي
كريم :بفرحه نا عارفها بنتي شطوره
خالد: بدايه موفقه فراوله
رغد :ابتسمت لعمها ان شالله عموو
مالك: سلم رغوده امشي بدلي ونوضي انس ونزلو خلي نتغدو
رغد :من غير ايا مناقشه حاااضر وطلعت نجري ع غرفتي
بدلت وغسلت ومشيت لعند انس نخبط مره وتنين مافي رد فتحت الباب
انس كان راقد ع بطنه وجنبه زوز باكوات فاضيات امتاع دخان والغرفه حايسه
رغد باستغراب انسس انسس تحرك فيه عشان ينوض
انس فتح عيون وشاف رغد قدامه من داخله يااارب يطلع حلم الشي لي سمعته
رغد: نووض حي بالااك من ماما شوف غرفتك كيف
انس قعد ويشوف للغرفه تنهد .. اهاا
رغد: مسكت ايد انس انت بخيير انس
انس: شبحلها قريب يبكي ولتفت لجهه لخر وضحك لالا بخيرى خيرك ياهبله هي ضمي الغرفه ونا نخش ندوش ع السريع
رغد: ابتسمت وماحست بشي هيا به وقعدت ضم ف الغرفه لي قالبها انس ع طلعت انس من الحمام (حشاكم)..
انس :سلمها الشطوره
رغد :هياا ياسرك تمدح فيا جعتتت
انس: حضن رغد الله لا يحرمني منك يا غاليه
رغد :تأثرت وحضناته بقوه ولا يحرمنييي منك
زهره الشيخ : ونا تأثرت
____________«زهره الشيخ»______________
مالك: يحضر ف السفره ومع امه
رغد :بأستغراب وتضحك ..الدنيا مطرت اليوم
انس يضحك…حتى كان مامطرت توا تمطر
مالك :ها ها ها مبردك انت وياها يلا بلا مسخره
رغد: يحليليي 
مالك تحشميي واقعدي كولي انتي التانيه
اني يضحك يساير ف رغد ومن داخل مدمرر تماما
طه روح ع البيت خش طمن ع بوه وامه ومشى لغرفته
التلفون يرن
طه شاف الرقم نسرين طفى عليها
عاودت اتصلت مره وتنين وثلاثه
طه :رد ايوا
نسرين: خيرك تصكر عليا
طه ؛مشش فاضي وبعدين انتي شن تبييي منيي
نسرين :انا شتقتلك طه اشتقت لذكرياتنا مع بعض
طه : بعصبيه تحشميي اما دكرايات يافاسده اشتقتي للعار لي انتي درتيه
نسرين؛ ماتلومني بروحيي انت السبب
طه: اسمعي اخر مره نقولك تحدفي د… امي من راسك ورقمي تحدفيه سامعه انا وانتي مابيناتنا شييي سامعه وصكر الخطط
نسرين تحكييي وبغللل نا عارفه عقلك وين ياطه وربي الا ندمك يا رغد ع اليوم لي دخلتي فيه قلبه
طه: صكر ودكرر اليوم الاسود والغلط لي داره صكر تلفونه ورقددد
رغد تغدينا ونظمت السفره ومشيت للمطبخ نغسل ف اماعيني
انس :خش للمطبخ رغد
رغد :نعم
انس :نبي ديرلي اكله من ايدياتك
رغد :من عيونيي
انس :يسلمولي عيونك ..ديريلي حلو
رغد؛ حاضر
طلع انس ونا بديت نديرله في كيك كراميل
انس قعد جنب كريم بوه ..انا مش مستوعب شي انا مدكر اليوم لي جيت انت وامي من المشفى ورافعين معاكم رغد
كريم :يشرب ف دواه ..تنهد مش عاارف
مالك: سألت عليه الولد طلع اسمه طه ويقرا في نفس كلية رغد وام رغد اسمها منى
خالد:
عائشه: رغد ضروري تعرف اهلها الحقيقين
انس: لا رغد اختي
مالك :تكنطى انسس ماتزيدلي رغد مش اختتك افهممم هيا بسس بنت تربت عندنا وتعلقنا بيها
رغد :واقفه ومصدومه من الشي لي سمعته تمنيت نموووت قبل لا نسمع لي سمعته اليوم ولا مع هدا كله ماستوعبت كل ه السنين نا عايشه في وهم …م من نكوون انا
مالك: بخلعه وصدمه كبيره التفت شاف رغد واقفه وراه .
رغد :انا بنت منو
يتبع …….
لقراءة الجزء التالي : الجزء الثامن من رواية إدمان
لقراءة الجزء السابق : الجزء السادس من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
