وفي الجزء السابع من رواية اصبحت حياتي للكاتبة زين الشريف يا تري هل سيحدث شيء غير متوقع مع ابطالنا يقلب الموازين رأساً علي عقب ام لا ؟ دعونا نعرف إجابة هذا التساؤل في السطور التالية بإذن الله .
الجزء السابع من رواية اصبحت حياتي
وصلت مريم و خشت
ودارلها جو خيالي واغاني و جو اعراس زمان
و شيماء و سيرين قعدن حدا مريم عشان متفضحهن ..
وزعو القهوه …
وجن كلهن قعدن و بدن يصفقن و فجأه جت اغنية ..مزمار درنه وكانت تهبللل و هامن عليها كلهن
مريم: يننعليي يبنااتت نبي نصبي نرقص معش قدرت !
سيرين :سكري فمك ترقصي شنو يعنجد وجك اجمدي
شيماء: و هي تضحك تحسب روحها ف حوشنا
و قعدن يضحكن
نجمه : هيا ي بنات معقوله مفش وحده تعرف ترقص علي مزمار درنه ؟؟؟
حنان : والله لانا و لا بناتي نعرفو
فايزه: هيا صبن سيرين و شيماء
سيرين: لالا نتحشمو
نجمهه:: فطنتلهن
غير هيا سلم بناتي لي زمان علي جو درنه
أسماء: صبن عيب عشان خاطر عمتكن نجمه
سيرين و شيماء: حاضر
فعلا و صباً
و بدو يرقصو علي مزمار و رقصهم كان خيال و العيون عليهن
حنان : شكلك حطيتيها ف راسك ي نجمه
نجمه ؛ هزت حواجبها بمعنى اها و ضحكت
حنان : ربي يخليها من نصيبكم
نجمه: ان شاء الله ي رب
حنان : حتي بنت خالها متعوض لاكن ولدي الله يهديه ما يبيش سيره هدي بكلل
نجمه : حتي ولدي غير نا نطخ من راسي
و ضحكن
وردن يشوفن ل سيرين و شيماء اللي كاان رقصهن خيال
قربت شيماء ل مريم: واللهي ما تمشي ف خاطرك و صبنها و ولعن الجو
و كانن يهبلن مع بعضهن لدرجه نجمه قالت ل سهام عدي حطيلي وشق و جيبيه ليي
و بعدها وقفن رقص و جن قعدن
فايزه بصوت واطي : باهي ل مريم متحزمه كان هضا الصبايا شافني الرقص يلي علي أصولهه
قعدن يضحكن
مريم : بلاش تهزي ايوه را نسلحه و نوريه لهن رقصي
فايزه : لا ي حنه ريحي روحك
سيرن : بعدها و هي ترقص تقول شالطها ضي
و نقلبت ضحك
جتهن نجمه بالوشق ماشاءالله علي بنياتي و فايزة و اسماء يبحتن و هن فرحانات
و دارن جو سمح علي الاغاني متعات زمان و الوشق الي ريحته يجيبك من وين
صبن غاده و اسماء و فايزه و بن يلبسن يبن يروحن
نجمه و حنان ؛ كنكن تلبسن مزال بدري
ةسماء : بدري من عمركن واللهي منقدر مزال ورنا طريق ولدي منخليش فيه يسوق فالليل مزال جديد
حنان : عليك بخت والله قعدتكن ما ينمل منها ان شاء الله طريقكم بيضاء
اسماء :سلمك و بدن يسلمن علي بعضهن ان شاء الله معرفت خير و نجوكم ف الافراح
نجمه : ان شاء الله ي بنات مدينتي ي الريحه الطيبه
اسماء: راك تحشمي مني انتي م ترايفي علي درنه حوشي و حوش خوي علي حسابك
فايزه : والله مانستقبلو اعز منك
نجمه : سلمك ي ربي يحفظكن ان شاء الله نوسعو العلاقات
فايزه و اسماء: هههه ان شاء الله
في الوقت هضا سيرين كانت توصي ف مريم و قالتلها راكي تهزبي راجلك ولا تكلميه
مريم: عليش بنهزبه
سيرين و شيماء بحتن ف بعضهن : هههههه احسن شي انها تنسي مريم منوصوك اعقلي و ردي بالك من روحك
مريم : بدت تبكي مروحات و مسيباتني
سيرين نعنجد وجكتبيني نخبطك سكري فمكنبو ناخذوك معانا ولا نجو نسكنو هنا هضا الزواج ي ماما
مريم : لا روحني معاكن
سيرين: را صبري نفذ راه يجيك كف سمح يسمح الكبد
مريم: اه سكتت به كل شوي كلمني
شيماء: حاضر
اسماء : هيا ي بنات
شيماء سيرين اوكي ردي بالك من روحك و باسنها و طلعن و مراد ف الوقت هضا مكانش قاعد و روحن
عبد رزاق: هي وانتن تقول تمشن علي دحي و ركبن معاه سيرين و شيماء و فايزة
اما حمزه خو مريم ركبن معاه اسماء و غاذه و طلعو
علي : آحسن
احمد: وانت كنك بس فهمني خليهم يوصلو لعند نهايه الشارع ع الاقل
علي : وانت كنك مش حامل فيهم شي و بعدين خسابك منتهش معايا
احمد : اي حساب وانت خربت عليا فرحتي
مخليتنش نحس بالفرح وانت كل شوي تهزب لك كم يوم متغيرعلي : قلبه نكسر وحس انه خرب علي احمد و مشا وهو ساكت في القت هضا جا مراد
مراد : كنك قالب وجك ي علي
علي : كذا راه مش فاضي راه واللهي ضايقه بي الواسعه
مراد : وسع بالك وين مزال قاعدين العرب
علي : لا روحو و تريحت منها البنت يلي لسانها اطول منها
مراد : كيف روحت ؟؟؟
علي : اها انت فهمني شقصتك معاها عهدذ بيك ما عندك ف هلخبر وان ادم هوا اللي خفيف لاكن شكله العكس
مراد : قتلك راه البنت مش هي لسانها طويل انت اللي كلامك لازم ينرد عليه !
علي : متغيرش الموضوع
مراد ضحك ع جنب و سكت
علي : ربي يشفيك ان شاء الله و نصيحه مني جنس حواء هذا ابعد عليه بكل
مراد : ي راجل كنك انت تكره في
علي : سكت كان يبي يقوله انهن خوانات زي وسن وانهن يجرن ورا لفلوس كان يبي يقوله انه نجرح بس اختار انه يسكت و تنهد تنهيدهه طويله و طلع …
مراد : اكيد في شي جارحه ولازم نعرفه ولازم نغير نظرتك لهن ي علي و نا وياك الزمان …
قرب احمد للحوش …
احمد : كذا قولي لهلي هيا
طلعت مريم و روحت هي و احمد و روحو لشقته و غيرو دبشهم و طلعو يتعشو برا
مريم ؛ حبيبي كنك مضايق ؟؟؟
احمد : خالي علي معشش لي!!
مريم : عليش كنه هوا علي حسب كلامك لي زمان كان مدلعكم !!
احمد: مش عارف كنه اليومين هذين 180 درجه عكره م عملني هكي ومن النادر يهزبني خاصه و انه الايام هذي فرحي مش عارف كنه ؟؟
مريم : معلش تحمله الله غالب اكيد متضايق ولا سايرتله حاجه
احمد : حط راسه من راس سيرين و اصحابي مش عارف نا شن سايرله مريم : عادي راه سيرين متشيلش ف قلبها عارفه كل حاجه راه و حتي اصحابك مقصروش كانو بيديرو جو مش تمام مدافعش عليهن 
اخمد : هه وسعي بالم عاد اصحابي ضرايرك
مريم : اها اللي يسرق مني خمودي نكرها
احمد : ي عينو حمودي والله ما حيودوني ف داهيه غير حمودي هضا.
مريم : كملت حبيبي ارجوك دهورني مرايفه علي البيضاء
احمد : من عيوني هيا ندهورك
وطلعو و دهورو و دارو جو يهبل
__________________________________________
اما سيرين و شيماء: دوبهن وصلن و كانت الطريق مع عبد الرزاق ككلها مغامرات
سيرين و عبد الرزاق كلمه بكلمه و شيماء تحز بينهم
سيرين ؛ ولع شيلات
عبد الرزاق: شيماء كنها هذي
شيماء: فكنا منها و لعلها
عبد الرزاق : شنو جو الكأبه هضا مش مولع
سيرين : ولع راه مايسيرلك خير ايواا
عبد الرزاق : سكري فمك خيرلك ناقص علي غير انتي تمشي امرك عليا
سيرين : غصبن عنك نا اكبر منك و احترم نفسك
عبد الرزاق : مش مولع
سيرين: حط انتهت فرحة سنيني خيرلك نبي نتمجمط و نسمعها عندك مانع
شيماء: ي زوقه و لعلها و فكنا منها الله يربحك
عبد الرزاق : شوي و نطفيها عشان خاطر فايزه و شيماء
فايزه : لا خاطري لا شي مدخلونيش مع سيرين بكل
سيرين : ولعها و يسير خير
و كملت الطريق بالشكل هضا 
……..
……..و صلن خشن من عند الباب
شهد : تمت تبكي اول مرا تخشن منغير مريم
سيرين: كذا اسسس اصلن محقيتنهاش هي و المتخلف متاعها
كذا اسسس اصلن محقيتنهاش هي و المتخلف متاعهاغاليه : نجك لي مريم توا انرايف عليها
اسماء : ينعلي ي بنات جيبلي اميه حمزه نشفىي ريقي سعاد مرت خوها : كنه يخيتي و حكلي بنيتي شن طلعت
اسماء : ينعلي هوا قصير و يجري بهدلني ههي انتن ي بناات جيبليي ميه
غاده : نجك لي مريومي طلعت تهبل و درنالها جو
سعاد : ماشاءالله و تمت تبكي من خزامها و مكياجها
غاده : سلم شيمو و اسو نعنهن م يغيبن ديما ساتراتنا قدام الناس سيرين و شيماء حزمنها و سيرين مكيجتها طلعتها ملكه توا نوروك صور خلنا نتريحو قبل كلا حمزه توبههههه نمشي معاهه توووببهه
اسماء : ووووييين لميااا
سيرين : هاكي ي ماما اسكتن ع اساس نحنا مشيتنا تهبل مع عبد الرزاق
فايزه : ينعلي قتلوني من الضحك
شيماء ينعلي معش تركبوهم بع بعضهم هضوم
سيرين : اصلن هوا تافه و نا منحبش التافهين و نقطه و نتهى
و طربقنها ضحك
______________________________________
في الوقت هضا بدو الضيوف يروحو…
و بدن البنات يلمن ف الحوش
خش علي ….. اف عليك سريب الواحد يخش يلقا كوم حاجات قدامه
حنان : وسع بالك اهن البنات يضمن
علي : وين دبشي متاع الشغل
حنان : تبي تمشي توا وتسيبنا حايسين
علي : يام الجو هضا خانقني ..
حنان : به علي راحتك و هو حطيته لكي ف دارك
………………………
اما مراد كان كل تفكيره ف سيرين و انه روحت منغير ميشوفها ..
و مريم و احمد يدهورو و اغاني و عايشين حياتهم
و نجمه كل متحي صورت سيرين قدامها تضحك
اما حنان كانت لاهيه
____________________________
و طبعا جا نص الليل و روحو علي و مراد و ادم
و روحو مريم و احمد ل شقتهم بعد يوم كله مغامرات و تعب
كملن البنات حوستهن و داروه سفره حليب و شاهي و كعك درناوي اللي جابنه معاهن اسماء و فايزه
و بدو يسهرو و جو كان دافي و ضحك و لعب سهام متحشمه من ادم و هو صابع طبعا كل شويهه يعطيها نضره
و كلهم يحكو ع الفرح و جو الصباحيه و كيف ان الكسكسي جا خيالي
نجمه : ماشاءالله ربي يكمل عليهم جت كل حاجه زي منبوها واحسن
حنانا : الحمدلله الفرح عدا بلا مشاكل
نجمه : فرحت لما سيرين و نط قلب مراد مع الاسم . فرحت لما سيرين و شيماء دارنلي جو دكرني بجو هلي وجو درنه وايام الشباب ربي يحفظهن
حنان : فعلا الله اكبر عليهن ينعلي ما يتفوتن بكل ربي يخليهن لهلهن
علي : اه بدن في البنات تقول محضر الفرح غير هن
مراد : وانت عليش مضايقتك بالك هنا اللي غطن ع اللي حضرو كلهم
نجمه : ف هذي صدقت ي وليدي حتي امهاتهن تقول شبابات
صالح اب مراد : اها يعني نشوفلي وحده منهن
نجمه : ولا في الاحلام
و قعدو يضحكو
حنان : خطرها ع سيرت يلي حضرو علي كيف مفش حد من عيلت جدك حضر لا عماتك لا اسيادك شن في
علي : واللهي شن قولك عندهم ظرف
حنان : كنهم شن في
علي : سالمه بنت سيدهم
حنان : كنها ؟؟
علي : عطاتك عمرها
حنان : ينعلي امتي وليش مقلتها
علي : توفت امس ف ليل
حنان : ينعلي معقوله ي علي متقولها ينعي راه مدرنا صباحيه و زيطه ينعلي ي سالمه اكيد العرب يضحكو علينا.
علي : يمي عليش نلغو هم اللي قالولي رغبت سالمه انكم متعرفوش و تكملو فرح غير نا قتلك عشان بس يكون عندك علم هضا سيدي بروحه
حنان : ينعلي ي سالمه صغيره
نجمه : الله يرحمهت والبركه فيكم
حنان: هي شيلني
علي : توا عارفه الساعه كم
حنان : يننعليي واللهي منقعد
علي : عليك قصه يمي عقاب ليل
حنان : نا ماشيه نلبس و مشت وهي تردد ينعلي ي سالمه صغيره
نجمه : لا حول الله الله يرحمها
زاهيه : صغيره شباب مسكينه جاها السرطان و مافطنولش
حنان لبست و طلعت : منوصيكش ع الحوش مع سلامه ي نجمه نسيبك عاد يوم سامحيني
نجمه : عليك خبر حوشي حتي هو ولا مش حوشي
حنان : لا حوشك و نحنا ضيوف
نجمه : عدي وخودي راحتك ونحنا نلحقوك بكرا ان شاء الله
حنان : ان شاء الله زاهيه متخليش مريم تجي والاحسن متقولنهش
زاهيه : ان شاء الله
حنان : هي بسلامه هيا عليوا
علي : هيا الواحد توا يقول كلمه يزرط فيها
مراد : مكانش معاهم كل تفكيره كان ف انه مشافش سيرين و هي مروحه و قعد يدكر ف لقطاتها
و خشو كلهم يبو يرقدو و كانو كلهم تعبانيين من الحوسه و جري عكس استبرق اللي كانت تكره الليل لان يبدن ذكرياتها و شريط حياتها المرير يمر قدامها
استبرق : ياارب منبيش نا اخ نعيمه يارب فكني منه يارب
قبس : استبرق
استبرق : نعم ي عيوني
قبس : السبوع الجاي صاح
استبرق : سكرت عيونها للحظه و خدت نفس عميق .. …. مع الاسف
قبس : بتوافقس
إستبرق: نزلو دموعها…. مش عارفه
قبس : استجمعي قوتك انتي عارفه ان بابا ما يتحماش خشي انتي و قوليله منبيش مزلت نبي نكمل قرايتي و توا نخش نا و نقنعه معالك لعند امتي اللي تقوله ماما تنفذيه حتي علي حسابك
استبرق : قولتك
.قبس: اها و ربي يكتب اللي فيه الخير
استبرق: ان شاء الله يخليك لي ي صاحبتي و تؤمي و خيتي و سمحتي ( دكرتني ب بستيي
) ..
) ..قبس باستها و رقدن وهن حاضنات بعضهن
_________________________________________________________________
سيرين : شيماء هيا بنرقد
شيماء: جت و رقدت جنب سيرين من يوم وهن طفلات وهن يرقدن جنب بعضهن
شهد :و غاليع : والله !!! منجدكن
سيرين : تعبانه و مش قادره نرقد بنت كلب تزعزني نفصم رقبتها
شيماء: فكنا منها خلنها ترقدد حرام تعبت وهي تلبس ف مريم و مريضه اليوم
غاليه: باهيي احسن شن صار تسيبنا هكي !!
سيرين شن نحكولكن حاجه جديده و فجأءه يحن مواقفها مع مراد قدامها سكتت و بسمه خفيفه ع وجها الله لا يسامحكن ذكرتني و طمرت وجها ف المخده
شيماء: تضحك
شهد و غاليه: مستغربات….. كنهاا؟؟!
شيماء: يااامااا صااار ي بناات
سيرين : شفته شفته ي بناااتت و صبت تنط و تضحك
شهد و غاليه: من من
شيماء: مراد متاع الجامعه
شهد : شن جابه غادي
سيرين : قعدت فجأه مفكرتش والله و طربقنها ضحك
غاليه : الحمدلله يلي شفتيه
سيرين : ضحكت نجكن لي يلي فرحتي من فرحتكن و حضنن بعضهن و بدت شيماء و سيرين يحكلهن ع الفرح و المواقف يلي صارن بدن يقرم من اللي لابسه و شن لابسه ….
____________________________
جا تاني يوم و طلعت الشمس و بدا يوم جديد
لبسن زاهيه و نجمه بيش يمشن للعزا
مراد : امي تعالي نبيك
نجمه : نعم ولقت معاه ادم .. كنكم شن في ؟؟
مراد: بعد تروحي من العزا لازم نحكو ف موضوعنا نشوفو حل
نجمه : يسير خير فجعتوني خيا و صلنا ي مراد
و طلعن و عدن يعزن و بدت حنان تعرغ ف العيله ع نجمه و كلهم حبوهت لانها كانت راقيه جدا لبسها عطرها و كلامها يلي كانه بلسم ينزل ع جرح …………
————————————————–
إستبرق: كككالعاده في شغل و سارحه .. و فجأه فجعها تلفونها رن ….
شافت لقتها نعيمه : الو
نعيمه : اهلين قتلك
إستبرق: نعم
نعيمه: قررنا نا و هلي عشان الاسبوع الجاي جامعتك نقدمو لخطبه لبعد بكرا ؟؟
إستبرق: قلبها طاح من كميه الخزف
نعيمه: نطرشتي ..
إستبرق: باهي يسير خير
نعيمه : غصبا عندك بتاخدي خويا
و سكرت الخط
إستبرق حست قلبها بيوقف من كثر مضايقت بس مسكت روحها و كملت شغلها عادي
علي : وعا من صبح و عدا لشغله و فجأه وهو حايي بين شغله و كل شي جا قدامه خيال إستبرق و هي طايحه بين يديه ..
علي هز راسه يمين و يسار وقعد يقول كني نا .
و دغري لها روحه ف شغل
—————————————–
روحن نجمه و حنان و زاهيه من العزا و خشن للحوش و بدن يسهرن …
خش مراد يمي يمي تعالي نبيك
مش نجمه و قعدت هيا و راجلهت و ادم و مراد في المربوعه
صالح : اسسمعي ي نجمه نحنا خدينا قرار و جايين نبو ناخدو رايك
نجمه : خير ان شاء الله
مراد : قررنا يمشي واحد منا لطرابلش
نجمه : بدون متخليه يكمل لاااء طرابلس لااء اني قلت و قعدت تبكي فتحولها جرح مزال جديد
صالح : غير اسمعي يمي ادم لانه هوا اللي خفيف و محامي و يعرف ف للاوراق عندي صاحبي ماشي غادي زياره لهله ووصيت عليه الامن غادي ح يستلمو ادم من المطار و يمشو معاه وين م يبي و بعدين ما يسير غير اللي كاتبه ربك
نجمه : وهي تبكي عليش تبي تمشي
صالح : عشان يبيع املاكنا اللي غادي و يجيب اوراقنا و اوراقه هو و مراد و نعيشو هنا و نشرو مكان نقعدو فيه
نجمه : عليش انا قاعدين عند عيت علي و حالنا كويش
مراد : يمي منجدك لعند امتى بنقعدو عند العرب و رزقنا قاعد .
نجمه : تبكي قاطعتهم حنان سامحوني مريت من هنا سمعت بالغلط عليش تبو تطلعو نحنا قصرنا معاكم ف حاجه و لا ضايقناكم ف شي ولا علي ضايقكم في شي
صالح : لا يخيتي والله ما قصرتو ف حاجه و يشهد ربي انا متحشمين الا منكم
حنان : لا حشم لا شي نحنا واحد والنبي م تطلعو
صالح : لا لازم والله نشهدبالله ما قصرتو ونعنكم متغيبو لاكن نحنا رزقنا قاعد غادي و غلط نقعددو مع بعضنا و ناس يجو و عارفه انتي
حنان : براحتكم لاكن والله ما هينا عليا طلعتكم و قعدت تبكي ( عرس سوادين شكله هوا عليك ميعاد
) و حضنتها نجم
) و حضنتها نجممراد : خلاص قلبنتنها درامه توا نشرو جنبكم هنا
وضحكو
صالح : موافقه ي نجمه
نجمه : ربي يوفقككم
………
جت ساعه 8 ف صبح …….
سيرين : سيرين رغم انها تسهر و تحب النوم بس متحبش ترقد لعند وقت متأخر وعت و خشت للحمام و طلعت مسحت وجها و خشت للبنات اللي كانت راع معاهن ف طاله اللي ميحبنش يرقدن الا فيها
و طبست ع شيماء باستها شيمو حبيبتي ( زيي نا و بنت خالتي) هيا صبي معاي هيا
) هيا صبي معاي هياشيماء : صباح الخير ي عيوني امتي تبطلي العاده هذي
سيرين ؛ ولا تحلمي
شيماء :
و صبت شيماء و خشت للحمام طلع فهد خال سيرين
سيرين: صباح الخير يأحلي خااال ف دنيا
فهد : صباح النور سرونه
سيرين: تراحي القهوة
فهد: لا لا مستعجل شوي و نجي مش مطول
سيرين: تمام علي مالمينا الحزش
فهد: تما تبن شي وهو يبخ ف البارفان
سيرين: ما نبي شي غير سلامتك
شيماء: صباح الخير بابا
فهد: صباحو شومتي اللي ما توعى بدري غير لما تشزف سيرين
سيرين & شيماء
و طلع فهد اما سيرين و شيماء بدن ف دار البنات يلي حوسنها و طلعن رقدن ف صاله
و ظمنها و فرشت لهن و للعويل و بخرن الدار و سكرنها
سيرين : شيماء تعالي حقي
شيماء: شن
سيرين: خالاتب كلهن و امي و امك و مرت خالي عاطب راقدات بنوم
شيماء: حقيتي و يوعن متأخر يقوللنا واعيين بدري
سكرن عليهن الدار بشويا
و مشن لمن المطبخ اللي لقنه محوسينا العويل دايرين سحور و بخرن الحوش و خلنه جنه و بدلن دبشهن و سيرين فرقت شعرها نصيت و دارتهن ضفيرتين و بخن عطور كالعاده رجاليه وطلعن
وطلعنمشن لشهد و غاليع وعنهن و خششتهن لدار الي لمنها و لمن الصتله و خلنها خيال طلعن ع شباب ف المربوعه
كانو كلهم منعزقين تقول سكاره
عيال خوالها و خالاتها و بدن توعي فيهم صبو هيا خالي فهد شوي و يجي قال منبش نلقا شي
جت توعي ف خوها عبد الرزاق و قرونها ساباقتها و ملطف فيه شهاب ولد خالتها تهز فيهم
عبد الرزاق: خطي وجي وانتي مغير كي العنز المالطيه
شهاب : و دانها اكبر مني
و دانها اكبر منيعبد الرزاق: مسطرات اكثر من حياتي
و قلبوها ضحم
سيرين : عبدو ي منحط صبي
معاكم خمس دقايق
كلهم صبو يخافو منها لانها و كأنها وراثه قوة الشخصيه من امها و عو كلهم عبد الرزاق: وااك ينمم انتي ساعه تسعه شنبو واعيين ف صقع هضا
سيرين : مغير ان شاء الله تجوزو وحدات كيفنا بس صقع عليك ي عبدو هيا لدار اللي جوا فرشتلكم معانا مكان محد يخشله و بخرته و لعتلكم الدفايه و بطاطين جددو مخاد صقع و عطرناهن مغير هيا
اخمد ولد خالها عاطي : عقاب ليام نرقدو مع بنات
عبد الرزاق: صبي ي حميدا عيب وانتي يا يا
كلنم : كنك سكتت
عبد الرزاق: انت ي سي نم حمزه و شهاب شن اسمائكم النسائيه
و طربقوها ضحك كلهم
سيرين: صبو هيا
شهاب : هيا ي حميدا و ي عبده بخرن الدار و انتي ي حميزا و ي منشهبا صبن هيا
شهاب : لا والله ما نقدر راجلي حالفلي ما تقعدش ب تجمعات القرمه .
حميدا قصدي احمد : اللي يسمعك يقول متقرميش فيه هوا و امه
: اللي يسمعك يقول متقرميش فيه هوا و امهو طربقوها ضح
سيريت : هيا صبو واللهي نديرولكم صفره من الاخر
عبدو : هيا صبو ي عيلا الخبر فيه وكال
سيرين & شيماء: بطنك و خلاص ي عبدو
بطنك و خلاص ي عبدوهيا صبو تعرفوع خالي فهد لما يفصل معش يعرف حد
عبد الرزاق : من فهد هضا بحركه من رمشة عيني يطيح و نا يسمي شتفكري انتي جمالي ماليززي
خش فهد كلهم مسكو ضخكتهم بالغصب
فهد : ف هذي صددقت جمالك ماليزي بسلامتك
و قلبوها ضحك
فهد : هيا صبو نا ماشي عندي شغل تجي مانلقاكم هنا جاييني خوالي .. و طلع
صبو كلهم
جو عند باب الشقة
احمد : الكبيرا وين :
الكبيرا هي اسماء لان طبعها واعر و ديما تهزب سموها الكبيرا عشان نفس حركان الكبيرا اللي ف فيلم ( كتكوت) … فينادو عليها هكي الا لما يجو الضيوف
سيرين: الكبيرا راقده خشو بشويش راه توعى تعرفوها
شهاب: و راص امكم ي عيله خشو بشوي بشوي
و فتحو الباب و خشو كلهم علي ااصابع كرعيهم من لخوف و فتحو بابا الدار و فجأه يطيح عبدو شحم البطن اللي طالعه
كلهم طاحو ع بعضهم من الضحك ووك
سيرين : يومكم راه توعى
خشو كلهم بهدوء للدار و رقدو كل واحد ف مرقده و خشن سيرين و شيماء للمطبخ و دارن سفره فطور ملكيه .. و فطرو كلهم شباب و البنات
سيرين : ها شنرايكم جو مادراته لكم امكم اللي جايبتكم غير خوتي ناكرين جميل عمرهم ما عمرهم قالولي كلمه طيبه
شهاب & احمد : ربي يعطيك الصحه
شهاب : والله الله يحفظك ي سيرين مش عارف نا لما تحوزي شيسير فينا من الكبيرا
سيرين: ع اساس لما نجوز نعيش عند راجلي
زوقه : استغفر الله عليش بنجوزوك نحنا اصلن اللي ياخدك هضا نحطه علي راسي
شهاب: حرام عليك
سيرين: خليه حيعرف قيمتي لما الكبيرا تسكر عليع الباب ساعه 12 و تقعد زي الكلب ف شوراع ( زيي نا و خويا مالطا 
)
خليه حيعرف قيمتي لما الكبيرا تسكر عليع الباب ساعه 12 و تقعد زي الكلب ف شوراع ( زيي نا و خويا مالطا )زوقه : لا في هذي تعوزيني
عبدو: مغير يجي سي نم هضا ادمدرو
كلهم
زوقي : غطي ستي النم غاليه رقدتها تقول سيمافرو راقد
شهاب : عشان تعرفو اني نعاني يرا اختي اطول مني
زوقه : : تقول عجينه يطرحو فيها
شهاب & سيرين & شيماء & حمزه
عبدو : هيييي متبش ترقدو ولا كيف ينحل الباب ككلهم سكوووت و يرجو ف اسماء الكبيرا تمسح بيهم البلاط..
طلع صافي اصغر واحد ف العيله و دلوعها و هو ولد فهد و فهد معندش عويل الا صافي و عنده طبعا شهد و شيماء و مرام و متمني يجيه وليد اخرهه….
سيرين : تفوو ع وجك فجعتني تعال
صافي : راه الكبيرا بدت تفلب
كلهم بدو يرقدو
سيرين & شيماء: خدن الصفره و غسلن و دارن قهوه شربنها و دارن برمه اخيره ع الحوش و خشن يرقدت خايفات موت …
رقدو كلهم شباب و البنات ماكنش ف بينهم تفكير ان هضا شاب و هذي بنت ما يقعدو مع بعضهم جدهم معودهم انهم كلهم خوت و مزالو نفس الشي حتي اسماء الي واعره معودتهم ع شي هضا … طبعا عبد الرزاق كسر القاعده و حب غاليه و كلهم دعمو العلاقه هذي
يرجو لين يكبرو بس محسسوهمش انهم ف شي
—————————————-
جت ساعه 10
صل ادم للمطاؤ …. استقبلوه الامن و رافقوه لحوشه وصل حط شنطه
شاب من الامن : نحنا برا تبي شي عيطلنا
ادم : ح حاضر ..
و جا قدامه شريط حياته ف الحوش هضا صح خشوله و هما كبار بعد م هربو من عمامه بس كانن فيه دكريات حلوه عرايك و بصاره و ادكر هيثم
رجع شعره لورا رحمة الله عليك ي هيثم و العبره خانقته ف الوقت هضا كانت نهال اخته عايشه ف جحيم مع راجلها نهال اكتشفت انه خداها عشان فلوس هلها و كان يوهم فيها انه يحبها بعد سافرو هلها نقلب 180 درجه و قعد يضرب فيها برغم انها سيبت دراستها علشانه مخشتش الجامعه و خداته و صبت ضد هلها
مكنتش قادره تحكي لهلها ع شي لأنهم مش ناقصهم ……
يتبع ……….
لقراءة الجزء التالي : الجزء الثامن من رواية اصبحت حياتي
لقراءة الجزء السابق : الجزء السادس من رواية اصبحت حياتي
للإطلاع علي فهرس اجزاء الرواية : جميع روابط اجزاء رواية أصبحت حياتي للكاتبة زين الشريف
جميع الحقوق محفوظة للكاتبة زين الشريف
