وفي الجزء السابع من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء السابع من رواية المشوه
غياث بعصبيه :كل همك الحصان ياعم اسمعني اهتم ببنتك اسألها بعد الامتحان جاوبتي واسالها ع قرايتها هي يتيمه ااجبر بخاطرها ربي يجبر بخاطرك
عدنان:هي حكتلك قصدي حاكي معاها
غياث سكت لانه مستحيل يكذب
ترررن ترررن
جواد:السلام عليكم
غياث: وعليكم السلام من معاي
جواد:معاك المفتش جواد سعيد
غياث: اهلين معاك الملازم العسكري غياث سليمان
جواد: اهااا الاسم مار عليا بنسالك ع تنين وصلونا عطوني علم انك انت المبلغ عليهم ممكن السبب
غياث: اني وصلت جايك
جواد: اي تفضل … وصكر الخط
غياث وعدنان نزلو وخشو
غياث: سلام عليكم تبي المفتش جواد سعيد
شرطي: وعليكم السلام ورحمة الله المفتش فوق
غياث وعندنا ركبو لدور لتاني خش لغرفة: السلام عليكم
جواد: وعليكم السلام
غياث: لو سمحت نبي المفتش جواد
جواد مد ايده وسلم عليهم: اني المفتش جواد تفضلو قعمزو
غياث وعدنان قعمزو
غياث طلع البطاقة العسكرية: عشان تتاكد
جواد شافها: اهلين بيك
غياث رجع لبطاقة لجيبه: سيدة المفتش هدا العم عدنان وعنده مزرعة اليوم ف جو الظهر نخنبت منه حصان انجليزية ولـ عندك هما خانبين الحصان وحسب كلام العم انهم كانو يخنبو من قبل
جواد: ياعم عدنان انت تاكدت
غياث: اني لحققت من وراهم واستكشفت المكان قارنت دعساتهم ع الرمله وكانو واضحات وع كلام العم قال طلبوها منه اكثر من مرة وهو رفض وع كلامه اليوم لم نزلو عليه واحد منهم لبس ازرق واني اتجهت للحلاق وشفت واحد لبس ازرق يعني جميع الاستشبحات عليهم
جواد: انت محقق او عسكري
غياث: عسكري بس ف اوقات وظروف صرت محقق لمرتين ف المعسكر
جواد: مشالله الله يبارك عندك معلومات وخبره
غياث: الله يسلمك خلينا ف الموضوع
جواد: اول شي من عادتي نبي نعرف صلة القرابه بينكم
عدنان: نسيبي
غياث شافله 
جواد شاف غياث: حسيتك نصدمت ات نسيبه؟
غياث: انشالله
جواد وقف: تمام تفضلو معاي
ونزلو ودخلو غياث وعدنان لتوامه
غياث: ممكن تخلونا
الشرطي: ممنوع
جواد: بما انك ملازم عسكري تمام تقدر
.. وركبو الشرطه وسيبو غياث وعدنان معاهم ف الزنزانه
غياث قام واحد من توامه من رقبت التب: وين الحصان تككككلم
عدنان يشوفله بااعجاب كان قوي وشخصيته رزينه ملفتت للاتباه والباين اكثر انه ذكي وشاطر ف شغله
عدنان: سيبه ياغياث ماتبليش روحك فيه
غياث شافله بنظره 
: ضربك ع راسك كيف نسكتلهم… ونزل فيهم ضرب برجله
: ضربك ع راسك كيف نسكتلهم… ونزل فيهم ضرب برجلهعدنان 
جواد نزل بسرعه: انت شن ادير ممنوع يضربهم شخص غيري
غياث حط ايده ع كثف جواد: اسف اندفعت شوية بس ز ماتشوف راس العم ضاربينه مقدرتش نسيطر ع اعصابي والحصان خديت مكانها صحيت
جواد شاف عدنان: شنو يعم نسجنهم خمسه شهور عقاب خفيف ولا تسامحهم
عدنان: ربي يسامحهم
غياث: خليهم الفترة هادي ونظم امورك ياطيب عشان يتوبو 
جواد ضحك: الله عليك زردة اليوم
غياث: خود راحتك وبعدين لم يشفى غليلك سيبهم
وطلعوو
عدنان ركب
غياث ولع: تبي نوصل لـ مكان ولا للحوش طول
عدنان: للحوش
غياث ولع وطلع: مية مية
ف نص للطريق
عدنان: شن الوضع بينا توا؟
غياث: عادي ز قبل
عدنان: خلاص اني موافق عليك توكل ع ربي
غياث وقف السيارة ع جنب وقام كم للجاكيت: تشوف فيه هدا
عدنان: شفته خلاص
غياث: ايووة عشان متنصدمش ف النهاية
عدنان: ربي يسهل
غياث ولع وطلع
ووصله
عدنان نزل
غياث نزل: كلمت جهاد ع نت
عدنان تلفتت: خير
غياث: قالي الخطبه يوم حفلت تخرج لهو بعد خمسطاش اليوم
عدنان: ربي يسعدكم
غياث: تسلم
.
.
ف حوش تاني
ام جواد: الله يحشمك ياجواد وينك لتوا
جواد: اركبو هيا كنت ف الخدمه
وصال اخته ام حلا: بتمشي لخطيبتك بملابس الخدمه
جواد يسوق: وخيرهم
وصال: محلاهم مخيرهم شي غير خايفه بوها يفكرك جاي بتقبض ع بنته
جواد: يمه صكري فم بنتك
وصال: سكتتت خلاص 
ووصلو ونزلو
ف حوش تاني
نورس خايفه بتموت خوف
قامت شعرها الطويل ديل ولبسة سروال جينز قصير ازرق وفيه جيوب ف الركبه مع بلوزة داخل السروال ورديه هاااديه مع مكياج بسيط
نورس عطت لـ امها علم وجهزو بسرعه شي بسيط وحلو
نباء: ابو نسيب ربي يحفظه ويحميه
نورس: علااش الدعوات الحلوة نشالله خير
نباء: بيخليلي الدار ليا بروحي
نورس تدلع: ومن قالك بنوافق
نباء: قرب تهربي من الحوش كيف ماتوافقيش
نورس: يكفني بيديه ياربي 
نباء: إن شاء الله اليوم قبل غضوا 
نورس: يومك قبل يومي يارب
غفران خشت: اني جييت
نورس حضنتها: نورتي
غفران: معقولا تصدقي جايه عشان بنت عمك هديكا الحلوة لميس
نورس: كلنا حلوات مش لميس بس
غفران: وينها
نباء: ياحسره كيف بتجي
غفران: نباء امشي مع بوك جيبها
نباء: يوم البيان نجيبها وعد
غفران: استاحشتها محلاها
نباء: حتى جهاد مسكين قريب يجي مستاحش هلبا ناس
نورس: حيوانه
غفران: من جهاد
نورس: ولد عمي خليك منها وقوليلي كيف طالعه
غفران: حلوة بنات اني جايه نشوف نورس وبنروح
نورس: عينك مافيش مرواح
غفران: بنطلعو لـ خالتي ياهمي
نورس: اني اولا بخالتك معقولا كلكم بتخلوني اليوم
نباء: نورس اليوم خطبه مش عرس ره
نورس: انبحي انتي
غفران بستها وحضنتها: يوم الحفله معاك لصبح
نباء ضحك: لصبح ونار جواد من يطفها بعدين
نورس: حي ع ساقطه توه عليك يامش متربية
غفران: كملو عراك باي… وطلعت
نورس : ياحمارة معاد تجبدي سيرة جهاد قدامها خيرك غفران مرتبطه
نباء طلعت قالبه وجها
ووصلوو
جواد: انزلو انتم
امه واخته وحلا نزلو
حليلي ع حلا محلاها ومشيتها
جواد اتصل: حبيبت جواد جاهزة
نورس: اي جاهزة بنمشو لحدود اسرائيل
جواد: غبارتي بناخد مجنونه ردي بالك تقولي نكته او شي قدام امي تقلبها علينا نقتلك بعدين
نورس: خايفه اني ووه عليا
جواد: امي كويسه وديمااا مقنينك وياسمح وياحليلي توا تغازلك مدوري شي
نورس: انزل نشوف فيك من الشباك اني
جواد: جاي ببدله الشرطي الزرقه الصاعكه كيف ننزل
نورس: انزل نشوفك عمي الشرطي
جواد نزل وبعد ع السيارة والهاتف ع وذنه: صكري الستار عطك قصه ف ايدك شوفيني من وراى الستار
نورس: قصة؟
جواد: حلا عندك نورس
نورس: حي عليا باي… وصكرت عليه
جواد نصدم صكرت عليه: ياخوفي ف يوم العرس تقولي بنرقد حلا عندنا نحدفهم من الشباك بعدين 
نورس خدت عصير وشكلاطه وضيفتهم
صبرية: هادي كنتي؟
سهيله: هادي كنتك
صبرية: مشالله علها مشالله
نورس قلبه بيطلع
حلا بفرح: انتي 
وصال شافت بنتها
نورس داخلها. نفضتحي يانورس
نورس: اهلين شن اسمك ياحلوة
حلا:انتي هديكا متع….قطعتها
وصال بصوت واطي: خودها قبل ماتفضحك كنتنا
نورس شدت ايد حلا:تعالي نعطيك كيكه وخشت المطبخ
وصال لحقتها طق ع المطبخ:عفواا
نورس:لا عادي تفضلي
وصال:لفهتم من بنتي حلا مرة طلعت مع جواد مشوارولم روحت حكتلي كل شي الورد والبوكي حلا تعاود ف الكلام
نورس 
حلا:هي هادي الحلوة
نورس:متعرفين ع بعض صح بس…قطعاتها
وصال:مش هكي قصدي واني نعرف خوي وانت باين انك بنت ناس
نورس:صدقيني بصدفه تعرفت عليه
وصال:جواد نعرفه مستحيل يختارك بدون ماتاكد من طبعك
نورس ترجف
وصال: ياريت كلامي يقعد بيناتنا
نورس اكيد
وصال:ماتخافيش مني اني قتلك هكي عشان متفضحكش حلا بس وتفهمي ان حلا صغيرة وتعاود ف الدوه
نورس من الخوف دموعها نزلو:اسفه ع الشي لصار قدام حلا بس صدقيني مافي ولا لمسه بيني وبينه حتى السلام ماعمري سلمت عليه
وصال:ماتبكيش يانورس بلعكس يقولو مايلومك ويخاف عليك الا ليحبك صدقيني نيتي صافيه
نورس تبكي معاد تسيطر ع دموعها
وصال شدت ايدها:خلاص نورس عيب هكي معقولا خايفه
نورس اتكت ع الحيط وتبكي تمسح ف دموعها
وصال:خلاص بلله عليك ياسر مرت خوي حساسه ياحليلي
نورس دموعها ينزلو: خوك كان معاي راجل صدقيني علاقتنا نضيفه وراس امي
وصال:نعرف بس نبهتك بس خلاص تربحي اني وجعني كلامي ليك خلاص ولا نتصل بـ جواد يكلمك
نورس ضحكت ومسحت دموعها
وصال:حليلي
نورس تشهق من الخوف: مافي بينا لا ورد ولا شي بس لم جت معاه حلا جابلي ورد بس يراضي فيا ع مرضه بس
وصل فنصت:تعرفي؟
نورس زادت تبكي: كان رح يتخلا عليا بسبب قلبه…قطعتها
وصال ابتسمت: قبل مايدير تحليل كلم امي وقالللها بيخطب وقتها اني عندهم وامي فرحت وصلت لسمي وبعد اسبوع كلمته ع الموضوع جواد رد علها متعصب قلللها صكريه الموضوع برضو اليوم هدا كنت موجودها لحقته وكلمتها ليش يضايق ف امي كان متعصب وعايف نفسه وراقيتله قالي مش قصدي نوهمها بس
قتله بس شنو جواد طلع من جيبه البخاخ وحدفه ع الارض حللت وقالي انه مرتبط ويكلم ف بنت ورفضها وبعد اليوم جاني قالي حكلك ورفضك بس انتي متخلتيش عليك وقال هكي المراة متتخلاش ع راجلها ويتسهوك
نورس ابتسمت: وووه عليا خوفتيني فكرتك متبينيش
وصال:حشاك علاش مانبيش تهبلي
نورس: عيونك الحلوات
وصال:اطلعي قعمزي مع ماما..وطلعو مع بعض وفهمو حلا تسكت وامها بتعطيها حاجه ف الحوش حلا سكتت
وتمت الخطبة بنجاح بس بستنو الجمعه الجاية لانه طلب نظرة شرعية 
.
.
غياث ركب سيارته ولفت انتباهه كتابات ف السلة الكناسة (حشاكم)
غياث: اكيد زعلانه الشينه ..وولع ومشي
فات يوم
غياث رجع لحوش عدنان وطلبها
عدنان:اني عاطيك باذن الله، بس اني عاطي علم للبنت تشوفك وتشوفها..وطلع
ولحظات وخش لميس
لميس بصوت واطي:شن تبي تشوف فيا
غياث: اني ربي ماطيحني غير فيك بترضي بيا الله غالب
لميس: لو وافقة تكلمني
غياث ابتسم:نكلمك
لميس: لو عصبت عليا تضربني
غياث بمللل:لااا
لميس:ولو ضربتك تلزني
غياث:ووواك قدامي بنت روضه تمهيدي اسالتك ف غايت الفخامه
لميس: تحبني؟!
غياث: شن رايك انتي جاي نلقض ف الفصوليا عندكم
لميس تبصر صح بس دموعها نزلو ومسحتهم:احلف معاد ترخي بيا
غياث:معاد تبكي اني امتى رخيت بيك
لميس مسحت دموعها:عيييث اني
غياث بصوت واطي:اني
لميس: نبيك تتخايل عندك اخت من لحمك ودمك
غياث شافلها
لميس:لـ تتمناه لـ اختك وخوفك ع اختك ولـ ترضاه ف اختك ارضاه ليا نبيك تكون ناصح ليا مش معاقب بس)
غياث: ربي يقدرني لميس ياسر معاد تبكي يجي بوك يفكرني ضربك ياشينه
لميس ضحكت وسط دمووعها وطلعت
ومر يوم
وتنين
وتلاته
واربعه
وسبوع
وسبوعين
وهوووب هووب رجع جهاد وعنده الشهادة الطب
ودرنا حفلتة تخرج وحفلة خطبه مع بعض وغفران كانت موجوده
لميس لبسة قفطان دم غزال هدية من جهاد من لندن طويل فخم يجنن وشعرها فلو فخم مفتوح وروج نفس القفكان تهبل طالعه
غياث بما انه معنده حد ف الدنيا هادي هو رح يلبسها وكل الهداية وللحاجات لخداهم لها كانو من اختياره الحر واختيارها معاه
وخش غياث ببدلته السوده الانيقه وجسمه المشدود لبسها
لميس مبتسمه: خيرك متحشم
غياث:دبريلي بنطلع لميس نخنقت
لميس: نزل راسك اوطلع عادي
غياث نزل راسه شويه وطلع
لميس شافت البوكيات:ف حاجات بدون علمي طبعاا
نورس: محلاكم صورتكم بدون علم
لميس:ابعتيهالي بعدين
نورس:حاظر
لميس: عقبال بيانك
نورس:مزال اسبوع بس
لميس شافت هاتف والع ابتسم:حبيبي
غياث: تجناني ملاكي
لميس: كنت تقولي شينه
غياث: لانه مانحبش نجامل
لميس: غياث حبيبي
غياث: حبيبتي لميس
لميس: حتى انت طرف ياعمري ومحلق تهبل
غياث: ف واحد تعرفت عليه جديد هو حلقني بلغصب
لميس: شكرا بنيابه عليا
غياث: نغاار مانقدرش
لميس: نعرف
غياث: بعدين نكلمك باي
لميس: باي… وصكر
نورس. صايعين الناس تشوفلكم
غفران: مبرووك اني جيت
لميس حضنتها: عقبالك غفورة
غفران: تسلمي
نورس لبسه جامسوت جلد اسود وشعرها ديل طالعه جريئه وتهبل
غفران قفطان اسود بسيط طويل ماشي ع الجسم وكمام بس عتفها بدون كمام وشعرها فلو مفتوح ركبت نزلت من جديد عشان تتكلم ع الهاتف بسبب الدوشة
غفران نزلت:الووو تسمعي فيا …الووو
جهاد عطوه علم ان بيصور مع اخته ف قاعة التصور خش وتفاجا ببنت واقف ع للمرايا وعطياته بظهرها العريان شويه وشعرها طويل مفتوح
جهاد بيصكر الباب بس غفران حست ببرود خش من وراها شافت ف المرايا طاح الهاتف من ايدها وتلفتتت وهني تلاقت عيونهم وطلعت من فم غفران:انت نفسك
جهاد: هكي كل شويه تطلعيلي من وراى باب
غفران عطاته بظهرها وركبت
جهاد: شن لشفته قبل شوية
غفران:اني هبلللت كيف نكلمه
جهاد قام هاتفها من الارض ولحقها شافه راكبه:استني هاتفك
غفران شفاته ونزلت من جديد
جهاد من الصدمة جسمها وشعرها وشكلها وقف ف مكانه
غفران من الخوف والكعب نزله عترت وهببب ف حضن جهاد من الكعب
جهاد ايد وراى ضهرها واايد ع خصرها وهي ف حضنه بززبط
غفران عدلت وقفتها وسمعت صوت كعب من فوق شدت ايد جهاد ونزلو خشو للحمام (حشاكم)
غفران شافتله:اسفهه جبدتك حييي ع المنظر ووووك اسفه اسففففه
جهاد بصوت واطي: اهدي خلاص مصار شي غفران
غفران فنصت فيه:انت تعرف اسمي؟
جهاد:انتي عطيتي اسمك ع الباب فحوش عمي
غفران تلفتت وعطاته بظهرها:اوكي تمام غمض عيونك معاد تتفرج
جهاد:عفكرة قاري برا صح بس مش صايع…وغمض عيونه
غفران تلفتت شافتله وتتفرج عليه عيونه مغمضات: خلاص افتح عيونك مش ضروري تنفد كل كلامي
جهاد قرب من باب الحمام ويسمع ف ثوت نسوين قدام الباب يهدرزو
جهاد فتح حمام خاص وجبد غفران معاه خاف يخشو عليهم وطبعاا زي مانعرفو حمامات الصالات زي للقبر وهني لصقو ف بعض
جهاد يشوفلها وهي منزله عيونها وترجف بين يديه
غفران بصوت واطي: اليوم اخرتي
جهاد معدش تحمل لقدامه بعد شعرها من وجها للخلف قامت عيونها فيه:اسف الحق عليا
غفران:كل بسببي اكيد انت تقول شن للغبية هادي صح
جهاد ابتسم:اكيد لا اني رافض التصوير لانه حفلت تخرجي اليوم وحفلت مطوبت اختي اليوم وبنصورو بس حصلت معاك
غفران غمضت عيونها:اسفه
جهاد صايع:ف حد قالك انك تهبلي
غفران:ف حد قالك انك وقح
جهاد:منك نسمع هدا من ذوقك
غفران تلفتت وعفست ع رجله بلكعب
جهاد غمض عيونه عفست عليه.ارزيني فيك يابركان
غفران بعصبية: موقحك غفرااان مش بركان
جهاد فتح عيونه: اااه رجلي
غفران: تستاهل يرتها ايدك مش رجلك
جهاد: حفلت تخرج برا واني حاصل معك فرغان ولا شنو اسمك
غفران تعصبيت: غفران فهممني انت كيف يخرجوك ماتعرفش تنطق اسمي
جهاد:دكتور بشهادتي مش مستنين مني نحفظ اسمك
غفران:دكتور شنو انت إن شاء الله مش نفسي
جهاد ببصاره:نسائي
غفران وجها تغير تلفتت من الحشمه وذكرت القفطان من جديد بتتلفت بس حست بيديه ع خصرها ونفسه ع وذنها
جهاد :اهدددي
تتبع …
لقراءة الجزء التالي : الجزء الثامن من رواية المشوه
لقراءة الجزء السابق : الجزء السادس من رواية المشوه
للإطلاع علي فهرس اجزاء الرواية : رواية المشوه ( جميع الاجزاء كاملة ) للكاتبة ميشو محمد
جميع الحقوق محفوظة للكاتبة ميشو محمد .
