وفي الجزء السابع من رواية عقارب الساعة يا تري هل سيحدث شيء غير متوقع يجعل ابطال الرواية في حيرة من امرهم ؟ ام ستسير الأمور بشكل طبيعي ؟ دعونا نعرف إجابة هذا السؤال مع الكاتبة زهرة الشيخ .
الجزء السابع من رواية عقارب الساعة
فاق منذر بدري دوش ولبس احلى طرحه عنده وطلع يجري كان امجد برا يستنى فيه بيمشو للكليه
وصلو للكليه
قعدو يراجو عندهم امتحان
منذر شاف مصعب خاش مشاله
امجد: 
منذر: اختي ملاك تمشي للمدرسه
مصعب: شني امالا بتمشيلها
منذر: جاوب
مصعب: اي تمشي
منذر:بيمشي
مصعب: بس اليوم لا لانه ف المستشفى
منذر: شنوو خيررها
مصعب: والله اختك شكلها جنت سممت نفسها امس
منذر هجم على مصعب يضرب فيه اكيد انت درتلها حاجه يا حيوان يا سافل احكي شن درتلها لين قررت تنتحر يا بغل
امجد: 
مصعب:
منذر نزل في مصعب ضرب لين قريب راح فها احكييي ياحيوان شن درت فيها يامعفن احكي
لارا تشوف فيه من بعيد تحسابه يتعاركز عليها دخلت وقالت مصعب بعد عنه انا لي خترت نكون معاه نش بسييف خليه قريب يموت
امجد: خيرها هيا
خيرها هيامنذر: شافلها بنضرت تقزز فوتيني خليك في حالك ونا اصلا مادخلنيش بيك
لارا بعد الحركه هدي عرفت انه معاش تعني شي لمنذر ولاهو معبرها اصلا
منذر: يخنق في مصعب قوولي اختي في ايا مستشفى
مصحعب كح كحح
امجد: يبعد منذر من على مصعب به خليه تو يقولك
منذ: فكه احكي ويين اختي
مصعب: ياخد في نفس كان قريب يموت اليوم ع ايد منذر كحح كح ف في مستشفى كحح …..
__♡___الكاتبه زهره الشيخ___♡___
طلع منذر مع امجد ركبو في السياره في طريقم للمستشفى
منذر: يدعي ياربي ياربي اصلا الحق عليا كيف قدرت نطلع ونخليها بروحها مع الوحوش هذوم ياربي تكون بخيير
امجد: اهدا منذر مش حيصيرلها شي كون مطمن
منذر: ان شالله
حواء :كولي الشربه هدي عشان تقدري تشربي دواك
ملاك: لا منييش مانبي شي نبي نمشي لعند خويا بس
حواء: بلاش جنان مادوخيني اشربي بسرعه
ملاك: رفعت حاجبه ونا قلت مانبيشي
شوي خش عليهم بشير متعصب من تصرب بنته
بشير” انتي جنيتي لو قتيلي تبي تموتي نعطيك طريقه اسهب وانتي تشهدري فينا قدام الناس
ملاك وجعها كلام بوها هلبا وقعدت تبكي
حواء: مابتش تاكل شي عشان تاخد دوها كيف تبيها تتحسن
بشير: اشربي دواك احسنلك
ملاك : تبكي
بشير: بصوت عالي تي شن يبكي فيك
منذر وصلو للمستشفى وسئلو عليها قالة في الدور التاني ركبو الاصانصير بسرعه ووصلو لدور التاني قعدو يدوى لين وصلو لي غرفتها
خشو للغرفه وكان صوت بشير قالب الدنيا
منذر: شاف لي ملاك تبكي وحاطه ايديها ع وجها وبشير يعيط عليها
حواء:
منذر” هييي وشبح فيه بشير شن في خيركم وكنها ملاك
ملاك اول ماسمعت صوت خوها رفعت راسها اول ماشافت منذر اختفى منها الوجع معاش تحس بيه ناضت تجري تغامراته
منذر عيونه ف عيون بشير اخرلك مره ترفع صوتك عليها
بشير انت ماليكش علاقه بيها وشن جابك مش قتلك معاش نبي نشوف وجهك
منذر: ضحك لانا لي ميت ع شوفتك
امجد:
بشير: هييي احترم نفسك
منذر: علاش؟ من حضرتك عشان انا نحترمك
حواء/امجد:
منذر:جاوب انا نعرفك؟ لا مانعرفكش واختي من اليوم انساها الها بولادك لي يشرفوك امتاعين الشرف والاخلاق زيك من يوم توفت امي و انا واختي مالينا حد غير ربي وطول عمرنا ماعبينا عليك لاقبل ولا بعدين
امجد: مصدووم من الكلام لي يطلع من منذر منذر خلاص هيا
مصدووم من الكلام لي يطلع من منذر منذر خلاص هيابشير: نزل عليه كلام منذر زييي السم وقعد يدكر ف معاملته معاهم من صغرهم ويوم طلعه من الحوش وتبرا منه
بشير: بس
منذر: ماخلاه يكمل كلامه هي امجد تاخرنا وطلع وهو ماسك ف اخته
امجد:
حواء:
بشير: قدااامي وطلع ركب ف سيارته وحواء تجري وراه
__♡___الكاتبه زهره الشيخ___♡___
ركبت ملاك خلف السياره ومنذر وامجد من قدام
منذر: التفتلها شن دايره ف روحك
ملاك: شي
شيمنذر: انا عارف شن درتي بس ليشش سممتي روحك فهميني
ملاك: بدت عاد تبكي
منذر: تي نسال فيك الزفت شن دارولك
امجد: خلااص منذر يرا مش هكي
منذر: اففف باهي خلاص اسكتي راسي بيتفجر ماتزيديلي
ملاك: بصوت يقطع القلب انا قلتلهم خلوني نكلم منذر ماخلوني حاولت نهرب نلحقك شدني مصعب كيف بنطلع يهدد فيا خفت عليك
امجد: يشوفلها من لمرايا كيف تتكلم بسيف وتمسح ف دموعها وجعاته
منذر: به خلاص اسكتي هانيه ماخيرني شي
وصلو لحوش خالتهم نزل منذر ونزل ملاك
فتحت صابرين الباب
صابرين: تنط وفرحانه ملوووكه
ملاك :تمسح ف دموعها وبسيف تضحك صابرين
منذر: خشي داخل انتي وياها انا طلع بعدين نجي
صابرين: تمام
__♡___الكاتبه زهره الشيخ___♡___
كمل مصعب امتحانه بسيييف اتصل بأمه قاتله احنا ف الحوش مشى للحوش
مصعب: سلام اعليكم
كلهم وعليكم السلام
مصعب: وين ملاك
حواء: خدها خوها
مصعب: شنييييي
حواء: استغربت من ردت فعله اي خداها
مصعب: وانتم كيف تخلوه ياخدها كييييف
بشير: خوها وخدها وهي راضيه شن بنديروله هي
مصعب قعد متعفلق قريب يطربق
حواء: انتبهت ع آثار الضرب لي عليه ش شن فيك ولدي مع من متعارك
مصعب: مايبيش يقول واكل طريحه من منذر تعاركت مع واحد
حواء: اففف طلعت لاسعافات وقعدت تنضفله ف جرحه ربي يهديك
مصعب: بنقوللكم جايين خطاب لي عيووش
بشير: من هدا لي بياكلها
حواء: فرحت الحمدلله الحمدلله
مصعب: نفسه لي غلط فها كنت بنقتله اعتذر وقال بيصلح غلطه
بشير:؟
حواء: مستحيييل
مصعب: يييييي امي دماغي بينفجر مافي حل غير هكي خلي تنستر وخلاص كلامي واضح ولا شني ياباتي
بشير: عندك الحق
مصعب: شبح في امه معناها وتي روحك غدوا وناض طلع
منذر ف السياره مع امجد
منذر: نبي خدمه
امجد: زي شني
منذر: مش عارف اي شي المهم خدمه
امجد: شن كنت تشتغل ف شركتكم
منذر: انا لي كنت نديرها
امجد: تي وين انت ماشالله تو نشوفلك عندنا
ماشالله تو نشوفلك عندنامنذر: تم
مشو للكليه كمل وقت الامتحان
امجد: لالالا ماتقولها
منذر:افففففف كل شي بسببي نا
امجد: تمشي تمشي
منذر: تعبتك ف جرتي قلنا به معقوله حتى الامتحلن ماتحضره بسببي
امجد: عادي انا وانت واحد اصلا ماكنت ينحل وانت مش موجود يا ننجحو مع بعض يا بلاها
منذر حضن امجد والله الا انت خوي مش صاحبي
امجد: اكيد تو كيف عرفت ولا كيف
منذر: حاجه زي هكي
امجد: حي حي الزفت نسيت موعد امي
منذر:
اها
اهاامجد: تو تقلبها فوق راسي زي امس اففف شوف منذر هاك المفتاح انت سوق
منذر: علاش
امجد: غير هيا
منذر:به ركب وولع السياره
امجد: ركب جنبه
امجد: تو وصلني للحوش وانت امشي بيها السياره نظم مورك اختك مازاللها ادويه وهكي
منذر: لالا مايصيرش غر فوته بس توا ندير راي
امجد: فكنا من الجو منذر اختك متسممه مش لعب ره واصلا ماكملتش دواها وانت تو تبدا تشتغل تاخد سياره ردهالي
منذر: به وانت
امجد: عندي غيرها ولا نسيت تو غير وصلني للحوش بس
منذر: به
هكي الصحبه ولا بلها
وصل منذر امجد وخدا كم حاجه لخالته وصابرين ولي ملاك وروح
اول ماخش لحوشهم
امجد: يام معقولا هكي من بكري نتصل مشغول فمن تكلمي
منى: 
امتى ماكلمت حد وين كنت تاخرت عليا
امتى ماكلمت حد وين كنت تاخرت علياامجد: نا من بكري نحاول نتصل بيك بنقولك بنطول ف الامتحان
منى: اها المهم حليت
امجد: اا اي حليت هيا وتي روحك خلي نمشو نلحقو
منى: به هي
امجد: ف داخله الحمدلله
سالمه : بنتي خيرك مركبه تغديه شن فيك
ملااك: انا تسممت
صابرين: خيييرك
خيييركسالمه: امتى
ملاك: امس شربت ادويه
سالمه: لاحول ولاقوة الا بلله بعقلك انتي
صابرين : اكيد جنيتي
ملاك: ماقدرت نتحملهم اكثر من هكي
سالمه: سلامتك الحمدالله وخلاص
الباب طق طق طق
سالمه : صابرين نوضي افتحي اكيد منذر
صابرين مشت تجري تفتح اول مافتحت لقت ولد عمها علي ع الباب
علي ياهلا
صابرين: اا اهلين
منذر وهوا خاش لقا علي وصابرين واقفين ع الباب
منذر: اهلين
علي: بيك من انت ؟
منذر: صابرين بري البسي باهي وشافلها بنضرته تخوف
صابرين خافت ومشت تجري
منذر:
يتبع ……..
لقراءة الجزء التالي : الجزء الثامن من رواية عقارب الساعة
لقراءة الجزء السابق : الجزء السادس من رواية عقارب الساعة
للإطلاع علي فهرس اجزاء الرواية : جميع روابط اجزاء رواية عقارب الساعة للكاتبة زهرة الشيخ
جميع الحقوق محفوظة للكاتبة زهرة الشيخ .
