وفي الجزء السابع من رواية لن استسلم دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء السابع من رواية لن استسلم
اتصلت سمية بشاب متع المطعم
الو مساء الخير
الشاب:مساء النور ..من معاي
سمية:انا اللي عطيتني رقمك امس ف المطعم
الشاب:اهﻻﻻﻻﻻ
سمية:اهلين بيك شن اخبارك
الشاب:تمام وانتي
سمية:كويسة شن اسمك؟؟
الشاب:جﻻل وانتي
سمية:اسمييي مرام
جﻻل:عاشت اﻻسامي
سمية:سلمك
جﻻل:تعرفي امس استنيتك لين قلت هادي حسها فاتتني هههه
سمية:ههههه ﻻﻻ مافضيتش امس
جﻻل:هههه باهي مواليد كم يامرام ياخوفي تطلعي عزوزة هههه
سمية:ههههههه ﻻﻻ مش عزوزة مواليد 91
جﻻل:كتكوتة بطولت عمرك
سمية:تسلم عرفني بنفسك
جﻻل:حاضر 81 متخرج من هندسة الكهربية ونشتغل ف شوي اعمال تانية
سمية:العمر كله وربي ايعاونك
وطال الحديث بينهم وقتله خﻻص توا معش نقدر نكلمك تو بكرة نرن عليك اوكي
جﻻل:اوكي في حفظ الله تصبحي ع خير
سرحت سمية شوية حست انها ارتاحت شوي
جتها زينب :تعرفي امبكري قريب متت
سمية:حتى انا بالله
زينب:عﻻش شن فيه
سمية:اسامة طلع مرتبط
زينب: حقققق 
؟
سمية:ايه
زينب:كيف عرفتي احكيلي
سمية:مش مهم كيف عرفت
زينب:ماتقوليش سندس !
سمية:للاسف ايه
زينب:هالحيوانة هاددي عرفتها انا
سمية:راك اتقولي
زينب:ﻻ بنقول
سمية:ورحمة بوك ماتقولي
زينب:باهي لكن ماتخليهولهاش ياسمية
سمية:اكيدة تبصري انتي
زينب:ﻻ مانبصرش بش اتقولي لن استسلم؟
سمية:ﻻ نستسلم ﻻ بطيخ تره…..حقااااا
زينب:شنوو
سمية: كلمت …
وسكتت
زينب من كلمتي
سمية سرحت قالت فباله ﻻ مش ﻻزم نقولها ع جﻻل خير ماتقول مصرع يطلت من هدا خدت هدا
سمية:كلمت عبير امبكري وقتلي ان عبدو ماحكاش لبوها
زينب:اها كويس
ليل الليل والكل رقد
وصبح الصبح مع نسمته المنعشة والباردة داعب الهواء خدود سمية
مع ساعة 7:15 فاقت لقت مكالمة من جﻻل ..طلعت من العريشة ووقفت قدام البحر وسرحت ف ليلة امس كان بنسبالها زي الكابوس وقعمزت ع الشط مع نسمة الحلوة
خدت نفس عمييييق ودارت رنة ل جﻻل
عاودلها جﻻل وقالها: ياصباح العسل والشهد والرونق ياصباح المسك والزيتون
سمية:ههههههههههههه شن جاب الزيتون ف النص
جﻻل:ههههه كنت اندوش بشامبو الزيتون فخطر فبالي ههههههه
سمية:هههههه جو عليك انت … عموما صباح الفل
وهدرزو وفاتت ربع ساعة
فاق اسامة يحك ف عيونه ويتمتن زعما ناخد دوش ؟؟واﻻ خلي نمشي ناخد غطسة قبل بعدين ندوش بالمرة خير ما يتعبى البحر بالنتايات معش نلقى وين نحط رجلي
طلع من عريشته اسامة ومتجه للبحر لقي سمية قالها صباح الخير
سمية تتكلم هزتله راسها زعميتك صباح النور وولت لمكالمتها
اسامة خش عام ويفكر ف من تكلم هادي،؟؟
زعما عبدو الكلب ؟؟تو نطب عليه بعدين ف الليل نطيحله تاكم سنونه … خلي نشاورلها تجي تعوم بش تسكر
تلفت لقاها قاعدة منسجمة ف مكالمة و32 سن باينة … اشرلها تعالي …ردت عليه سمية باﻻشارة ﻻﻻ
اسامة يتمتم :اياح هدا كله عبدو باهي ربي ايهني
كملت سمية مكالمتها ومشت فيقت امها وخ نفيسة ودارو فطور وقعمزو يفطرو
طلع اسامة من البحر خدي دوش ولبس شورت وتيشرت
وقعمز معاهم
اسامة:سمية تره مديلي الجبنة
خدت سندس الجبنة ومدتهاله هاك وسيما
سمية ماعدلتش عليهم
وفات الوقت ووتو حاجاتهم وبيروحو ف الطريق
زينب لسمية:شنو بتفتحي محل غدوة
سمية:ان شاء الله بش اتجي معاي عاد
زينب :اكيييد
ووصلو طرابلس واسامة حط سندس ف حوشها وحط خ نادية وبنتها ف حوشهم وحط عيلته ف الحوش ومشي طبق لعبدو
وصل لشارعهم
صاحب عبدو:الشبلي ياعبدو
عبدو:دير روحك ماريتاش
صاحب عبدو:انه يتقدم ياعبدو جايك الباين
اسامة :سﻻم عليكم
عبدو:وعليكم السﻻم مرحبااااا ياشبلي ي ي
اسامة:هات نقالك
عبدو:هه عﻻش بنعطيك نقالي فسطه صور العيلة
اسامة يكشخ:هات نقالك ياعبدالله
عبدو:باهي هاك
خداه اسامة وبربش السجﻻت مالقاش مكالمات وفتح رسايل مالقي شي ردهوله وقاله تكلم فيها؟؟
عبدو:تي من هيا اللي بنكلمها النهار موبارك
اسامة:ماتستعبطش
عبدو:تكلم من غير الغاز يااسامة خيرنا
اسامة:على البنت متع يومتها
عبدو:اها مرتك سمية؟؟
اسامة:ضم فمك ياعافن مش مرتي وجاوب تكلم فبها؟؟
عبدو:ماعندي ﻻش بنكلمها ياشبلي من هداكا النهار مسحت رقمها مرة واحدة
اسامة:كداب
عبدو:ﻻاااا ياشبلي اي صحيح انا صايع وضايع لكن كدب مانكدبش واسئل عليا وراك جاي ف جيهتي وتهين فيا شوف شن عندك قبل ماتجي تتبلى على الناس ..واصﻻ عرسي سبوع جاي ﻻ نبي نكلم صاحبتك ﻻ مرتك ﻻ البلي على روسكم
اسامة شاف لعبدو شبحة نص عين ومشي وخﻻه
وراسه يضرب خماس ف سداس اماﻻ منو اللي تكلم فيه ؟؟؟
فاتت ايام واسابيع وجﻻل يوماتي يتصل ب سمية لين تعودت عليه رسمي
وف يوم اتصل اسامة ب سمية يلقى فيها انتظار مشي قرر انه يمشيلها بدل حوايجه لبس سورية مزلزة بيج وسروال جينز ازرق هافت وطلع تمشى لين وصل للمحل
خش السﻻم عليكم
سمية كانت تتكلم مع جﻻل وقتله:شوية ونكلمك اوكي…هههههه باهي يﻻ باي
…وردت ع اسامة وعليكم السﻻم
اسامة:شن الجو ؟؟
سمية:تمام
اسامة:قتلك زينب خيرك معش اتجينا للحوش ((كدبة))
سمية:مشغولة شوي
اسامة:اوك ربي ايعاونك كان احتجتي حاجة كلميني بالك تبي بضاعة واﻻ حاجة
سمية:ﻻﻻ مشكور مزال مانشهرش محل
اسامة :اوكي هي سﻻم
طلع اسامة ومستغرب من التغير المفاجئ اللي صار ل سمية قبل تحب تناشبه تعانده اي حاجة بس توا ﻻ
اتصل بجﻻل … وين انت
جﻻل :ف الحوش
اسامة:اوك اهو جايك
جﻻل:اوكي هي
وصل اسامة لحوش جﻻل وخشله ف مربوعة
جﻻل:شن الجو
اسامة:مش عارف مكعفز شوي
جﻻل:خيرك
اسامة :والله مشعارف نحس ان حاجة ماكنتش حاطها فبالي وبضيع مني
جﻻل:حاجة شنو
اسامة: سمية الياين عندها واحد تكلم فيه نقالها ديما انتظار
جﻻل:زعما عبدو؟؟
اسامة:مش عبدو مشيتله وقالي ماكلماتهاش وعرسه قريب ماعتقدش هوا
جﻻل:باهي انت تبيها؟؟
اسامة:معش نعرف حتى شن حاس قبل كانت تناشب وتعاند وتبصر توا ﻻ حتى جيان للحوش معش اتجي
جﻻل:اسامة معش تكابر انت تحبها وماتندريش ع روحك
اسامة:ﻻﻻ ماعتقدش هيا زي اختي
جﻻل:معش تكدب ع روحك انت قبل تشوف فيها قدامك وديما معاكم لكن لما غابت عليك شوف شن صارلك تي حتى انك معش وليت شبلي متع قبل حسيتك هبيت ياراجل
اسامة:ﻻﻻﻻ مافيش منها دوة هادي
جﻻل:ﻻ فيه وبرا لحق روحك قبل ماياخدوها منك
اسامة:بس هيا تغيرت معادش زي قبل
جﻻل:من تصرفاتك من بيتحملك بالله؟؟عصبية زايدة فيسع مايركبك النيرفو …باهي سؤال هيا تحبك وتبيك،؟؟
اسامة:مش عارف قبل كانت اتلمح هكي بس انا مش عاطيها وجه
جﻻل:مصحك ومزال تبيها تستنى زويلك نوض بالك دير تمرة لروحك
اسامة تنهد وقال:ان شاء الله خير
جﻻل:برالها يااسامة وصارحها
روح اسامة وهو يفكر ف كﻻم جﻻل وراسه معبي عﻻمات استفهام
مع الظهرية اتصلت سمية بعبير وقتلها الشبلي جي اليوم للمحل …. وهدرزو شوية وسكرو
ومع العشية فتحت سمية المحل
جاها اسامة خش وهدرز معاها وقالها
سمية انا نبيك ف موضوع
سمية:تفضل
يتبع …….
لقراءة الجزء التالي : الجزء الثامن من رواية لن استسلم
لقراءة الجزء السابق : الجزء السادس من رواية لن استسلم
للإطلاع علي فهرس اجزاء الرواية : رواية لن استسلم جميع الاجزاء كاملة
جميع الحقوق محفوظة للكاتبة لوزة .
