وفي الجزء السادس عشر من رواية خط احمر يا تري ماذا سيحدث من جديد مع ابطال الرواية وهل سيكون هناك مواقف حزينة يا تري ؟ كل هذا وأكثر سوف نعرفه سوياً في السطور التالية مع الكاتبة ميشو محمد .
الجزء السادس عشر من رواية خط احمر
فرح 
: ارملة يافادي
: ارملة يافاديفادي تلفتت بلكرسي: كيييف؟!
فرح قعمزت 
ابتسمت: اي ارمله…. شافت المتصل امها
ابتسمت: اي ارمله…. شافت المتصل امهافادي: طول الشهر واني نشوف فيك فكرتك … قاطعاته
فرح: نعرف انك تتقرب مني اني كنت قاصده منمنعكش انت كنت منهار… قاطعها
فادي: اني كل يوم نجي عشان نشوف ابتسامتك لم نوقف وتفرحيلي وف الاخير انتي مش حاكيتيلي شي
فرح: ولدي مريض شوية بنستاذنك بنجيبه لدكتورة الاطفال.. وطلعت
فادي حاول يستوعب
فرح دمعتها نزلت وهي طالعه مسحتها بسرعه
___________
.
.
يقين نفسيتها مدمرة كل دقيقه مرت عمها تزل فها وبناتها التلاته وقدام فرح و عماد معامله تانيه
وفي الفترة هادي اتصل بها باسم وسال عن وضعها واطمن فيه ويتكلمو برسميه عشان متبيشي يلوم نفسه وينشغل علها
____________
.
رناد راقده نومها خفيف حست بصوت رجولي وهيبه جنبها فاقت ةشافت هشام وقف جنبها ويسال ف لدكتور علها
الدكتور: قالولي انها طايحه بس واضح انه ف عنف صايرلها .. وطلع
هشام شاف لـ رناد: متخيلتش انك ضعيفه لدرجه انه تسكتي ع تعنيف
رناد بصوت واطي: عشان متعرفش اختي انه ليصير معاي بسبب طليقي اني مش ضعيفه بس كله عشان راحت غيري
هشام: انتي شن تحسي (بتهزيب) يمدو ايدهم عليك ف شرطه ف قانون عندك حقوق وحتى لو كنتي مطلقه
رناد: انت شن عرفك ف العنوان
هشام: عرفت انك اكيد ف المستشفى المركزي
رناد تنهدت
هشام شافلها كيف شاحبه وشفايفها متورمه بسبب الضرب: علاش يضربو فيك؟!
رناد بصوت تاعب: متشغلش بالك عادي
هشام تعصب ضرب السرير: شن السبب؟!
رناد: مطلقه وز ماتعرف المطلقه عيب تطلع وعيب تخش وعيب تعيش وعيب تتكلم..قاطعها
هشام تعصب : مديرليش سبله مطلقه انتي تخلي ف روحك ضحيه المطلقه مش هكي
ادريس خش: من انت؟!،،،، ااه هدا انت؟!
رناد: اني مطلقه لـ ولاد عمي يشوفو فيا فريسه ليهم ز مثلا الحيوان لقدامك
هشام تعصب: اطللع
ادريس: راجلها جاي معاي انت لتطلع
هشام شاف رناد: انتي مطلقه شن جاي يبي فيك؟!
محمود كبير ف السن شعره ابيض: السلام عليكم
رناد شفاته قعمزت وحطت ايدها ع وجها وتبكي وترجف
هشام مش فاهم شي: وين راجلها؟!
محمود: اني راجلها
هشام نصدم: تبصرو
محمود تعصب: مش معبي عينك ولا كيف
هشام: اني معاش فهممممت شييي.. وضرب الكرسي
محمود قربلها: رناد شوفيلي بطلي بكي حسستيني نرعب فيك
رناد تبكي بعدت ايدها: اني مانبييككش افهم حس ف مخلوقه تنضرب وتنهان بسببك خليني فحالي تربححح
محمود شاف هشام: اطلعو نتفاهم معاها طلع ولد عمك (فكر هشام ولد عمها)
هشام: شن تفضلت شن حسك قتلي
وصارت عركه كبيرة هشام تحجم ع محمود ضربه واعتقلوهم
ف المركز
باسم: اول شي اسمائكم
هشام متعصب متكلبش
محمود: اني محمود ال،،،،، زوج البنت لكانت ف الغرفة
ادريس: اني ادريس ولد عمها
باسم شاف هشام بمعنى وانت
هشام: مش مهم نكون قريبها المهم اني نعرفها اكثر منهم
باسم شاف عادل: جيبو البنت
عادل طلع
باسم شاف هشام: اسمك؟!
هشام: هشاام
رناد خشت: السلام عليكم
هشام: علاش الشرشحه علاش جايبينها
باسم: اهدىء، انتي رناد نفسك واظن تعرفيني؟!
رناد: لا منعرفش
باسم: مش مهم المهم توا يارناد بنخليك معاهم تلاتتهم ونتفاهمو .. وطلع مع عادل
رناد شافت هشام: اسفه… قاطعها
هشام: متوقعتش انك بنت مرخيه هكي تي تكلمي دافعي ع روحك متخلينيش نفصلل عليك هني
محمود: انتي مش ماشي معاك جو الدلاع بترجعي وغصبا عنك سامعه غصبااا عنك كيف مصار ف المرة الاوله خديتك بلغصب
رناد: نموت ومانرجع مستحيل
هشام: ارفضيه اني ف ظهرك اني محامي رناد صدقيني ندعمك متضعفيش 
ادريس: مانتسيش حسابك ف الحوش
هشام تعصب: رناد
رناد قامت راسها: اسفه مانبيش نسببلك مشاكل معنديش حل تاني .. قاطعها
هشام وقف: متهبليش المستقبل قدامك
عممم السكوت
رناد تنهدت: استاد هشام شكرا ع وقفتك بس ياسر مشاكل تعبت معاد نتحمل ولا ضربه زياده…قاطعها
محمود ابتسم : من الاول هكي .. وبدي يشوفله ف نظرات سخيفه 
هشام: متهبلينيش هدا زواج مسؤواليه وصغار انتي بتكوني ام لصغار القداره هدا عاجبك
رناد فتحت الباب وطلعت
باسم خش: البنت تنازلت تقدرو تطلعو كلكم (شاف ادريس) انت روح ببنت عمك
طلعووو الزوز
هشام: اسمعني البنت تتعرض للعنف
باسم قاطعه: شفت الاف زيها بس معندي ماندير هي خدت قرارها
هشام تعفلق وطلع شافها تشوفله طلع متعفلق
___________
.
.
ولد فرح عنده حرارة وتاعب مريض خداته لدكتورة الاطفال ورقدو الولد داروله تغديه فرح قعدت جنبه
لعند حست بعجل كرسي متحرك ف الغرفة تلفتت: انت قاعد
فادي قرب بـ الكرسي: نشغلت ع الولد قعدت لم قلتي انك بتجيبه.. قربله شد ايده
فادي: شن اسمه؟!
فرح ابتسمت: جاد
فادي: عندك زوز صح
فرح: تؤام بنوتة وولد ميرال وجاد
فادي: مايشوف شر ربي يقدرك وتشوفيهم كيف ماتحبي
فرح: تسلم
فادي شفلها: خايفه صح !!
فرح: ولدي هدا اكيد بنخاف صدقني لو يفيق ومايلقى اخته جنبه رح يقلب الدنيا عياط ونفس الشي هي خليتها تبكي … وبنبرة صوت الام المضايقه
فادي: كله يهون عشانه
وقعد فادي مع فرح
ترررن
بسرعه رد: ايوواه يامصيبه خيرك…. اي ملف تمام اسمع خش لمكتبي تلقى درج فيه مفاتيح المكتبه تلقى فها الملف معاش تتصل…. وصكرالخط
فرح ضحكت
فادي: شن تضحكي خفت ينوضو الولد
الممرضة خشت: ف جريح عادي تجي معاي
فرح: مفيش غيري يعني
فادي: اني معاه بري انتي
فرح ابتسمت: شكراا مش رح نتاخر.. وطلعت
فادي يشوف ف جاد ابيض صغيرون هلباااا شعره اسود ناعم خفيف
فادي فداخله هي محاولتش تعبد عليا ولا حاولت تباعدني علها تبيني كيف مااني رايدها وانه يكونو عندها طفلين مش عيب تتزوج تاني ممكن نصيبي التؤام يربو عندي وينادولي بوي اني شي صار معاها قضاء وقدر بما اني نحبها ونبيها مش عيب لو ربيت صغار يتامه ونحصل اجرهم
(ارتقو هكي الناس تفكر مش عيب يكون متزوج/ة وعنده صغار خصوصا لو كانو ايتام تحصلو اجرهم ارتقوو)
____________
.
يقين ايدها وجعوها من الوراكينه من الصبح تغسل ف الماعين لانه جو خطابه لـ البنت الكبيرة م1994 ولـ هي خوله
خشت خلود م1995:عااام فيهم عاااام
يقين: ايديا تحساسو من الوراكينه خلود شوفي كيف منظرهم ز المحروقاات
خلود: ونبي ياااي حساسه اغسلي اغسلي نوكلو فيك ونشربو فيك ع الاقل تغسلي الماعين .. وطلعت
يقين غسلت ونظفت المطبخ وطلعت وجت عينها ف عين ولد ف الصالة وقفت هي تستوعب هدا مني وهو منزلش عيونه من علها ف حد معاه ف الصالة يهدرزو يقين انتبة ع روحها ركبت تجري
وطبعا كانت عندهم اخت مرت عماد
خشت لدار شافت ميرال راقده بعد مابكت هلبااا قربت تشوف من الشباك لعند طلع الولد يتلفت بس مشافهاش وطلع
يقين اذكرت باسم شافت الساعه لـ الكمدينه
___________
.
.
سامر رجع للحوش ببدلته العسكريه 
سامر مش ع بعضه مزاجه متغير: ررسللل رسللل
رسل طلعت من الصالة: شن في
سامر: البسي بناخدك
رسل: مش عندك خدمه
سامر تعصب: عرفو الحوش يهدادو فيا بيك البسي بتطلعي بسرعه
رسل لبسة وطلعو ركبو ف السيارة
سامر ركب كيف بيولع السيارة رن هاتفه : الووو … تمام بسيطه تمام.. وصكر الخط .. ونزل من السيارة
سامر فتح باب رسل: انزلي بسرعه
نزلو خشو
رسل خافت: شن في
سامر: متخافيش مافي شي
رسل: انت مش رح تحكككي.. قاطعها
سامر باندفاع: هدادوني بيك بعتولي صورة الحوش وتوا اتصلو بيا المراقبه وقالولي السيارة مفخاخه يعني مجرد مانولع السيارة بوووم
رسل
سامر: بما انهم فخاخو السيارة كان فخ ليا انه نجيك عشان ياضربو عصفورين بحجر واحد يعني جايين
رسل: علاش يلحقو فيك ؟!
سامر تنهد بعد شعره للخلف يحاول يتصل بلهاتف: مش مهم اني معاك مش رح يوصل فيك حد اهدي بس وماتخافيش…. سمعو صوت باب الجنان نفتح
سامر مشي جري لصالة فتح الستار بهدؤ وابتسم ع جنب: من حفر حفرة لـ اخيه وقع فيها جيتني برجليك … طلع لـ رسل
سامر قرب حسها متوترة لمس خدها: ياعمري اني معاك مافي حد رح يلمسك توا انتي بتخشي لدار النوم وتصكري الباب بلمفتاح تمام
طقققطقققق بقوة
سامر جبدها دخلها لغرفة النوم: تقعدي هني صكري الباب صكريه
رسل خايفه صكرت الباب وقعمزت ع الارض ونسندت ع الباب غطت وجها بيدها
سامر فتح الباب: نوور الحوش
رامي كان ف التلاتينات متع عصابات مخدرات، دعاره، خطف: منور بلقمر لفيه… دف سامر وخش ومعاه زوز تاني
سامر تراجع: خليك راجل ولو لمره انت حسابك معاي اني مش مع غيري
رامي شاف لشخصين: هاتولنا القمر لداخل تعبنا من الخلايق الناشفه
سامر فداخله ياريت طلعتها: خلي البنت ع جنب ادوي معاي
رامي صكر الباب وقام سلاحه ع سامر: انت راسك يابس تو لم تشوف مرتك ف حضني تو يرطاب وتعطيني شن نبي احسن مايصير فها ز ماصار ف خوك زين
سامر جت عينه ع الشباك شاف جمعته وصلو ابتسم: الدنيا دوارة يارامي قبل ماتتكلم ننصحك تشوف برا
رامي تلفتت وهني قرب سامر وشده من رقبته وجبد السلاح منه: هات هدا عليك مش للعب
بااختصار خشو جمعت سامر وخدو التلاته اشخاص وصارت دوشه وتجمعو الجيران
سامر: مافي شي كانت ف مدهمه بس.. اذكر رسل داخل
خدوهم ومشو والدنيا فضت خش سامر ونفتحت دار النوم طلعت رسل حضناته
سامر ضحك: مصار شي اهدي واني معاك مافي حد يلمسك ف وجودي
رسل حضناته وتبكي: خفت عليك ياخدوك
سامر ضحك: ميقدر حد ياخدني خلاص قصة وتمت
رسل بعدت شافتله
سامر مسحلها دموعها: نكشف الحوش واني طول وقتي ف الخدمه معاش نقدر نخليك بروحك رح نرجعك لحوش العيلة الفترة هادي
رسل حضناته تاني
______________
.
.
فرح خشت لغرفة ولدها وهي تشوف ف فادي يلمس ف جبينه يشوف ف حرارته
فرح: تاخرت عليك توقعتك مشيت
فادي: لا قعد حرارته نخفضت شوية
فرح لمست جبينه: اي احسن من قبل
فادي يشوفلها: اني طالع ماتبي شي
فرح: شكرا بس متنساش التمرين لقتلك عليه لـ رجليك والحجامه
فادي: اكيد مايشوف شر…وطلع
فرح: اي صح انتي كيف جيت؟!
فادي: ايهاب وصلني توا بناخد تاكسي
فرح.: اهاا كويس
فادي طلع وهو ماشي بلكروسه شاف نفس البنت واقفه ع الرسبشن الرسبشن:مافيش مريض بـ الاسم هدا تاكدت اكثر من مره
اسمهان:بس هو معاق ومتكسر مع بعضه معقولا طاب وطلع
فادي وراها ويشوفلها من بعيد
فرح قربتله مدتله رشيته:نسيت خود هدا مرهم تمام
فادي خدي الورقة:مشكور
اسمهان تلفتت وشافت فادي ف الكروسه لابس سروال اسود وتب رصاصي وكبوس شمسيه وايده اليمين مزال ملفوفه وفيه جرح ع جبينه قربتله:فادي….قاطعها
فادي:مااات
فرح حست الموضوع حساس
اسمهان: نبي نتكلم معاك فادي
فادي شافله بقرف: متخلينيش نغلط فيك اسمهان اطلعي
اسمهان:اني جايه هني بدون علم حد عشانك
فادي: بلله اي ع اساس هامني اني قبل شهر وين كنتي اهو اني نقولك شفتيني ملوح ميت معاق خفتي يدبسوني فيك (ضحك بهزوه) فرحت انها جت منك
فرح تراجعت بهدؤ
فادي شافلها:وين هاربه انتي
اسمهان شفت لفرح
فادي: شكرا ع كل حال بسببك اخترت الافضل
فرح شافت لـ فادي
يتبع ……
لقراءة الجزء التالي : الجزء السابع عشر من رواية خط احمر
لقراءة الجزء السابق : الجزء الخامس عشر من رواية خط احمر
للإطلاع علي فهرس اجزاء الرواية : جميع اجزاء رواية خط احمر للكاتبة ميشو محمد
جميع الحقوق محفوظة للكاتبة ميشو محمد .
