وفي الجزء السادس عشر من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء السادس عشر من رواية رحلة الحب
فتحت الباب.. معتز اتخلع..
معتز : لينه بتعملي هنا ف شنو؟
لينه: انا اتاخرت على شغلي ارح وديني..
معتز : قفل الخط وشال مفاتيحو وطلع..
…..
هديل: اهلين حبيبتي اخبارك 
لينة: بخير الحمد لله وانتي كيف حالك
هديل : الحمدلله تمام
لينة: عايزاك تخلي بالك من نفسك ومن فارس، واوعى تصدقو اي حاجه تتقال الفتره دي من اي زول فهمتي ي هديل.. ف ناس كتيره همها تفرقكم م تسمحوا بكده..
هديل :ناس كتيره همها تفرقنا..
فارس: دا شنو..
هديل: طيب ليون تسلمي
..
فارس: لينة مالها؟
هديل : قالت لي اخلي بالي منك وم نسمح لأي شي وأي زول يفرقنا ف حاجات حتحصل الفتره دي سيئه وف ناس همهم يفرقونا..
انا سرحتا في كلام لينة.. و بالمثل فارس
فارس:تعالي لي يقلبي انا ليك وانتي لي ومهما عملوا م ح يفرقونا.. فارس حضني..
هديل: فارس
فارس: عيونو
هديل: يكون ديل نفسهم بتاعين الصور؟
فارس اخد ليو سرحه..
لينه وكمان صور هديل مع معتز طيب لينة بتعرف منو غير معتز اخوها ي ربي اابفكر فيه صح؟…
……
في بيتنا..
أمير كان نايم في رجلين امي..
امل :عارف أميري، وانت صغير كنت م بتعرف تنوم الا ف رجليني حتى ابوك يجي يشيلك وياخذك ع سريرك 
امير ضحك :ياااه ي امي من زمان كان نفسي احس باطمئنان كده.. لمن هديل كانت بتقولي دي مستحيل تكون امنا كنت بشاكلا ، بس طلع احساسا صح وبشكر
ربنا الحنان دا ياخ القاه وين كنت ي ستهم
ابوي جا لقاهم :انا كده بغير والله 
امير:معقوووله بس
……..
معتز :الو
زول : فارس طلع وخلي المدام ف البيت اوامرك شنو؟
معتز: اوعى تعمل فيها شي م صح بقتلك..
زول : اوامرك..
……
انا ودعت فارس ودخلت.. بتذكر ف كلامو لي وبضحك براي رتبت بيتي وسلمت ع حجه انصاف بالحيطه.. ودعتها ورجعت قلت آخد لي نومه.. اول م فتحت باب البرندا حسيت ب حاجه ساحباني لي جوه وطوالي ختي لي شي ف مناخيري وتاني م وعيت على شي ..
…..
فارس ف العربيه..
فارس مع نفسو دا شنو الغباء دا كيف انسى الورق دا وعمل خلف ورجع،، اول م وصل.. براحه فتح الباب ف بالو يخلعني.. كان ماشي زي الحرامي لقى باب البرندا مفتوح استغرب لاني أخوف الخوافين وبقفل الباب..
ففجاه سمع صوت زول بتكلم بالتلفون..
زول :ي مستر حاليا هي مخدره وم عارف اعمل معاها شنو؟ اي خدرتها.. طيب اخطفا ولا اعمل شنو مخي شاطب م قادر افكر وخايف زول يطب على 
معقوووووله ي معتز.. فاارس اتخلع معتز 
يعني الكنت بفكر فيه صح..
والله انا شايف مف فايده انو نطعن ف شرفا ولا نصورا صور م ياها لانو فارس م حيصدق زي المره الفاتت وحبهم حيرجع أقوى ومن رأيي انو احنا نخلي فارس في نظرا زول كعب احسن مما نعمل العكس..
فارس جا خاشي الولد ارتبك..
الولد ف التلفون، وهو خايف ف ف فارس
جيب التلفون دا، فارس كان شايل حديده..
فارس :الكلام دا كلو يطلع منك انت ي معتز خساره الصحبه وقفل الخط ضرب الولد بنية وطوالي اتصل للشرطه.. جو ساقو الولد قاليهم امسكو عندكم.. قعد معاي لمن فوقتا..
هديل : اااي راسي ف شنو
فارس حضني مف شي يقلبي ماف شي ارتاحي بعداك قالي البسي حتمشي تقعدي عند ناس امك كم يوم
هديل: ليه؟
فارس: عندي شغل ضروري حيحتاج اني ابعد بليل كمان.
هديل: طيب حبيبي.. وقامت لبست اما فارس فكان مصدوم من صحبو..
بعداك ساقني ناس امي لاقى أمير ودخلو غرفه أمير وقفلوها …
….
أمير :فارس انت لو جنيت قولي انا جنيت دا معتز انت غبي؟
فارس: انا مصدوم نفس صدمتك دي انت عارف انو زمان هديل كانت بتحب معتز؟
أمير اتخلع : زمان متين؟
فارس: لمن عملت حادث قبل ٧ سنة.. فارس بقى يحكي لي أمير
لمن خلص،، بس انا م عارف يعني هل هو ندم لمن انا عرستها وحب ياخدها ولا هو بعمل كده ليه؟
أمير : انت مش قولت الولد ف السجن، دا هو الحيجاوبنا..
وبسرعه أمير شال مفاتيحو وطلعوا..
امل : الغدا ي اولاد ماشين وين؟
أمير : اكلو انتو..
امي عاينت لي : ديل مالهم ي بت؟
هديل : علمي علمك والله
….
في القسم..
احمد شرطة : لالا م تخاف اي معلومه دايرنها بنطلعها ليكم منو؟ دي غرفه التحقيق ارح..
مشوا دخلوا كلهم بعد شويه جابو الولد..
احمد ش : اسمك منو؟
نادر
احمد ش : شغال لمنو؟
نادر : م شغال ل زول
فارس : انت حيوان ولاشنو انا قبضتك بتتكلم مع معتز..
احمد ش: انت اصبر بس،، اها ي معلم حتعترف ولا نمشي للعنف؟
..
تلفون أمير دقاا طلع خلاهم..
أمير :معتز انت وين؟
معتز: ف بيتنا ليه في شي؟
أمير : لالا مف شي عشان طولت مشفتك..
معتز: بعدين لي ٩ كذه بجيك منتهي..
وقفلو
أمير جا خاشي..
احمد ش: سوقو من هنا..
أمير : اعترف؟
احمد ش: دا نوعيه جبانه ساي..
امير: ومعتز عايز يعمل كده ليه؟
احمد ش: عايز مدام فارس، بحبها دي حاجات شخصيه تحلوها براكم ولا ندخل؟
أمير عاين لي فارس..
فارس : طيب تمام ي جنابو نحنا بنمشي هسي ونوريك البحصل شنو
احمد ش: خير
…
فارس مصدوم : سوق انت..
أمير : فارس انا عارف انو الموضوع صعب وطعنه الأصحاب مفف احرى منها
فارس: في مرتي ي أمير؟ طيب هو من زمان كان عميان منها؟ والله لو كنت عارفو بحبها كان اتنازل ليو بس هو َ م قالي ليه يعمل فيني حركه وسخه زي دي
أمير طبطب على فارس..
فارس شوف شوف شايف الصور دي؟
أمير اتخلع..
فارس : دي نفسهم أمير فبركهم عشان اخلي هديل طعن ف شرفا بس انا عرفت انها مؤامره وم اشتغلت بالموضوع
أمير : الموضوع دا صراحه م حسكت عليه كيف يعمل كده دي اختي الحيوان قليل التربيه والله اكسر راسو
رجعوا البيت،، ودخلوا غرفه أمير وقفلوها..
امل :لا دا شي خطير الاتنين جو صارين مالهم؟
هديل: نفسي اعرف..
بعد ساعه..
معتز جا سلم علينا انا وامي..
معتز : جيتي مع منو هنا فارس وين؟
صادفت بابا جا داخل قاطعني..
اووو عزوز وين ي ولدنا طولة شديده سلم عليه.. بابا قالي نادي اخوك..
طلعت فوق دقيت الباب..
أمير : منو؟
هديل: انا،. معتز تحت مع بابا..
بعد شويه فتحو الباب الاتنين وجو جارين خلعوني ياربي ديل السر وراهم شنو؟
نزلت وراهم..
أمير : معتز كيف قوم فوق ارح
بابا : وين يا تينا جايبه الشاي خليكم طولت منو ياخ.. والله لو كان عندي بت تاني كان عرستها ليك..
أمير م صبر وجا اداه بونيه ف نص وشو قلت ليك قوم.. فارس مسكو
بابا قام على حيلو : أمير انت جنيت؟
أمير : اي جنيت..
انا زحيت ع طرف،،
بابا: أمير اعقل..
امير: انت لسه قاعد واداه البوكس التاني..
فارس زحا أمير وجراه من لياقة القميص وبقوا جارينو وهو بحاول يفك منهم..
بابا : دا شنو البلطجية دي ي أمير بتكلم معاك.. أمير وقف : قلت ليك م تتدخل ي ابوي موضوع بينا وبينو.. وطلعوا بيه الشارع.. ابوي جرا لحقهم
امل : دا شنو ف شنو سمعت جوطه..
هديل: أمير وفارس ومعتز اتشاكلوا وبابا لحقهم
امي جرت توبا وقامت جاريه وراه..
انا بقيت اتذكر كلام لينة هل لينة كانت بتعرف شي عن معتز وفارس وأمير عرفو ولا ف شنو ي مخي ف النهايه جريت وراهم.. طلعت الشارع لقيتهم بدقو فيه ف الحديقه بره..
بابا: أمير الله يهديك حيموت ف يدك.؟
فارس : أمير خلاص
أمير : دي اختي، دي اختي ي حيوان ي كلب كيف تعمل فيها كده، بترضى انا اعمل كده ف لينه؟ لينه كانت اختي ويوم واحد م فكرت أأذيها كده تنتهي من صحبتنا باسلوبك الوسخ دا، طيب ليه م راعيت لي انا اخوها صحبك مدخلك معاي البيت وبقوليك خلي بالك منها لمن امشي بعيد تجي تغدرني..
معتز :، بآخر روح اد ادوني ف فر فرصه ابرر ل ليكم
أمير لحقو كف : تبرر؟ تبرر شنو؟ الانت عملتو دا عندو مبرر يعني، ايا كان مبررك م كان بخليك تعمل كده.. دي اختي ومرت صحبك يعني امانه يعني زي اخواتك ي كلب..
امل بكت: أمير عشان خاطري ي ولدي وقف ح تقتلو
أمير وعيونو كلها شرار من الليله م اشوف وشك ف حياتي ولا ف الشركه وحقوقك كلها حتصلك لكن م عايز اشوفك تاني فاهم ولا لا.. ودخل وهو بيبكي وبمسح ف دموعو
…
بابا : فارس ف شنو؟ أمير دا كان ببرطم ف شنو؟
فارس خلانا ودخل جوه
ابوي طلب إسعاف..
وهو وامي مشوا معاه المستشفى..
….
انا قاعده ف الصاله ومتمحنه
تلفوني دقا،، لينه
هديل: لينة
لينة :الو كيفك
هديل: بخير وانتي
لينة :الحمدلله،. معتز معاكم؟…..
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء السابع عشر من رواية رحلة الحب
لقراءة الجزء السابق : الجزء الخامس عشر من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
