الجزء السادس من رواية الزوجة التائهة بين الأحلام والواقع

نحن مازلنا في بداية الأحداث ومازال هناك الكثير والكثير من المواقف التي تنتظرك لمعرفتها لذلك جهز نفسك جيداً وهيا بنا سوياً لنبدأ قراءة أحداث الجزء السادس من الرواية في السطور التالية .

الجزء السادس من رواية الزوجة التائهة بين الأحلام والواقع

وبعدها خشت دارت مسك وكريمات لشعرها ومن هنا وهنا لحد ماجت المزينه وبدتلها وطبعا خدت المزينه حوالى 3 ساعات بين شعرها وظوافرها ومكياجها وبعد مالبست وتكمت وهيا كيف طالعه من دار وخشت للمطبخ بتجيب طاسة ميه لللمزينه ولما تلفتت لقيت احمد فى وضع صدمه وكانه يشوفها لاول مره ولاول مره تطلع من فمه كلمات لا ارديا وقاللها ….
احمد …. انتى الوردة الا حلمت بيها طول عمرى …. نتمنى قلبى بشوفك زى ماعينى تشوف فيك ..
ليلى طبعا وجهها ولى احمر ووخدت طاسه ووهيا طالعه من مطبخ شدها من ايدها وقاللها
احمد …. رح نقول لامى تبخرك اليوم وابتسملها ابتسامه ماكره بريئه
وطبعا وهيا طالعه شافت باب رئيسى اللوح للشقه مفتوح مشت بترده وهيا حاطه ايدها على باب سمعت احمد يتكلم فى تلفون والكلمه الا جت فى ودنها نحبك يا اميره وطبعا الصدمه خليتها تطلع تجرى وتقربع الباب وهدا الا خلى احمد يصكر تلفون ويركب ولما فتح الباب مالقهاش وماقدرش يمشى يسالها بحكم انا مزينه معاها والناس لوطه فالدلك طلع وصكر باب وووهوا فى دروج عاود شرين تلفونه ….
احمد …الووووووو….. انهارت الغبر السود شن فى تانى؟؟؟؟
اميره…. انت علاش سكرت عليا لما قتلك انى قاعده نحبك يااحمد؟؟
احمد ….اضنى كلامى سمعتيه قبل مانصكر عليك وسمعتيه باااااهى ورح نعاودهولك ياسيدى بكل احترام ماشى << انى كنت نحبك يااميره وركزى فى كلمة كنت ؛؛ كنت ؛؛ نعاودهالك وكنت من الماااااااااااضى يعنى انتى بالنسبه ليا صفحه وطويتها >>ا
اميره ….. بس انى قاعده نحبك يااحمد ومش قادره ننساك وواللهى حتى وانى مخطوبه ماقدرتش ننساك .
احمد …. هههههههه منى انتى تقصدى على للى خاطره ركبتلى قرون وسيبتنى وانى فى اكتر وقت كنت محتاجك فيه تعرفى الا مضايقنى شن هوا؟؟؟ انى نادم على 7 سنين الا ضيعتهم مع واحده زيك ماتستاهلنيش و الا زايد حارقنى انى اكتشفت حقارتك وخاينتك ليا بعد ما سيبتنى وبدون اسباب ومشيتى نخطبتى منه واحنا ماصكرناش حتى شهرين فاسخيين وانى كنت نموت كل ليله مانسمعش فيها صوتك وانتى كنتى عايشه الحب معاه والغرام بس نقولك شى واخر كلام اعتبريه منى لانى مش ناوى نضيع اكتر من ال 7 سنين الا فاتو من حياتى مع وحده خاينه زيك ولو حتى 5 دقايق ..رقمى امسحيه وصوتك معاش نبى نسمعه قى تلفونى وانتى حاليا بالنسبه ليا بنت خالتى الا زى اختى بس بس ولو نقدر نمسحك حتى من اقاربى راهو درتها وهيا توا تشاو عليك وصوتك معاااااااااااش نبى نسمعاه ماشى تشاوووووووو.
طبعا ليلى بعد ماقربعت الباب خشت للحمام وقعدت تبكى وحست انا مش خاطرها فى اللحظه هيا الا انها تلم حوايجها فى شنطه وتنسحب من حياته للابد وكرهت اللحظه الا تعلقت فيها بيه وحباته وحست انها غبيه لما تعلقت بيه من اول مره شافاته فيها وانها غبيه لانا حاولت تصدق انها رح تخليه يحبها و كرهت اى لحظه حاولت تبرر تصرفاته اتجاهاها ووطبعا فجأه سمعت حد ينادى ويقول
ليلى….. ليلى ….. بنيتى وينك الناس يستنو فيك لوطه
ليلى ….. حاظر ماما شويه وننزلهم
ام احمد …. باهى بنيتى خفى روحك خلى ننزل انى ونقول للبنات يحطو الشاى على النار
طبعا طلعت ليلى من حمام وخشت للمزينه << سميره>>
ليلى…. سامحنى سميره مشيت نبى نجيبلك الميه خشت حاجه فى عيونى وقعدو يدمعو وطلبز مكياج شوى بعد ادنك ممكن توسيهولى قبل ماتروحى
مزينه سميره …. باهى باهى ولا يهمك هيا قعمزى خلى نوسيهولك
طبعا وسهتهولها وبعدها سالتها كم حسابها وقالتلها ….صحيتى خالتى سميحه <<ام احمد>> خلصتنى مبكرى
ليلى …. خلاص مالا صحيتى هلبه وانا شالله من اليوم بنكون وحده من زباينك
سميره ….. ولا يهمك وبنسادنك توا لانى راجلى يستنى فيا لوطه سلام
وطبعا نزلت مزينه ووهيا نازله تلاقت مع احمد فى
دروج واستغل انها نزلت وركب لى ليلى باش يفهم خيرها تصرفت هكى
وطبعا ركب احمد لقى ليلى كيف بتنزل وجت عينهم فى عين بعض وقاللها
احمد ….. علاش مبكرى قربعتى الباب .
ليلى …. انى مافربعت شى ممكن ريح <<< وطبعا هيا قالتله هكى لانا ماهانتش عليها كرامتها انها تقوله انها سمعت كلمه << نحبك يااميره >>وهيا مازال قاعده ومستمره معاه ولاكأن شى صار فهدا علاش نكرة انها هيا الاكانت فم الباب ودارت روحها مش هيا مع انا كل ملامحها تقول العكس.
احمد ….. بس انى متاكد انا فى شخص قربع باب لانا الريح ماعنده منين بتجى
ليلى….. مش عارفه وتوا انى بننزل ومش فاضييه فالو سمحت حول من الباب لانك مصكر عليا وانى بنطلع
احمد …. مش رح نحول الاما نعرف خيرك مكوشه عليا….
ليلى….. مافى شى ولو سمحت حول
ام احمد…… ليلى ………. ليلللللللللى وينك يابنتى ناس يسالو عليك
طبعا احمد لما سمع امه تضبح بعد على باب ووهيا طالعه شدلها ايدها وقاللها
احمد….. اللليله ماترقديش لين نعرف خيره وجهك مقلوب ومن الاخير بعد مايروحو ناس نبى ندوى معاك ونقولك على شى واهو قتلك ماترقديش لانك لو رقدتى مش رح يصير طيب فهمتنى ولا نعاود ……..
طبعا ليلى نزلت واول ماخشت الكل قعد يشوفلها كيف طالعه حلوه وتهبببل وكل وحده سمها يتقادح على وجهها لما شافتها وطبعا ليلى قعدت تسلم وتشوف وتدور بعيونها على الا دمرت حياتها قبل حتى ماتخشها وتبى تدمر حياتها توا وطبعا بعد ماسلمت قعمزت فى تركينه تسمع فى تهدريزهم ودووووب ماترد لانا النار الا فى داخلها خلتها ماعندهش شن تقول ولا حتى تجامل حد وطبعا فجأه جت وحده قعمزة جنبها وقالتلها
انتى اكيد عرفتنى انى منى صح؟؟؟؟
ليلى….. لا واللهى ماعرفتكش انتى من ؟؟؟
هيا …. ههههههههه انا خطيبة احمد قبل.. اميره ..
طبعا ليلى كانا لقت نار ولعتها فيها بس حاولت تتظاهر قدامها بالبرود وردت عليها وقالتلها ..
سمعت انا قبل كان خاطب حد بس ماهتمتيش انى نعرف منى هيا لانا هدا شى من الماضى ومايخصنيش
اميره ……. هههههههه صح اكيد من الماضى وانى واحمد توا زى خوت بزبط هههههههه
ليلى … اى اكيد وتوا نستادن منك بنركب نصلى العصر لانى ماصليتاش
اميره …….خودى راحتك
…. ليلى طبست على عزوزتها وقالتلها…ماما انى بنمشى نصلى عصر وننزل
وطبعا ركبت ليلى بتصلى عصر ولقيت احمد يتفرج على مباره فى صاله خشت لدارها ولحقها احمد وكيف بيقولها شى لقو صوت يضبح ليلى ….. ليلى …
ليلى …. ايوا منى ينادى
انى انى دورت على صلايه لوطه ومالقيتهاش قولت نركب نصلى فوق
وطبعا احمد لما سمع صوت حس انا يعرفه ولما طلع لقاها اميره وطول شبحتله شبحه خبيته ولئيمه
وجتها ليلى وقالتلها اه بتصلى باهى اوك تفضلى على كنابه شوى بس نصلى ونعطيهالك
وطبعا ليلى خلت احمد فى صاله واميره وخشت هيا لدار نوم ونار راكبتها بس مابتش تحسس اميره باانها خايفه منها على احمد وتصرفت طبيعى جدا جدا وبعد ماكملت صلاتها طلعت لقيت اميره ماهناش فاعرفت انا فى نقاش صار بينهم وطلعت وفى شى قالوه لبعض وهوا هدا الا راكبه على خاطره اميره ونزلت… وهدا الا اعتقداته ليلى…….. بس المحادته الا صارت فعلا هيا ……
احمد ….. انتى علاش راكبه هنا وانى شن قتلك ؟؟؟؟
اميره …. انى راكبه باش نشوف حوشى الا خداته منى العبيطه الا داخل ههههههه هى قصدك صدقت انك انت خديتها لانك ميت فيها ولاشن كدبت عليها انت
احمد …. ليلى مرتى واشرف وانظف منك ومعاش تجيبى سيرتها على فمك وتعرفى كانا ماتنزليش توا بكل احترام قسما بالله تشوفى منى الويل وانتى تعرفنى لما تنوض عليا هوبا متعى
اميره … انى نازله بس حابه نقولك شى لو قدرت تكدب على العبيطه الا داخل انك خديتها لانك ميت فيها فامتقدرش تكدب عليا انى لانى انى عارفه انى شن بالنسبه ليك ومش حابه ندكرك قبل انت شن درت على خاطرى باش نرجعلك بس
احمد .. برى اقلبى وجهك ومعاش نبى نشوفك هنا ولو ماتنزليش فى دقيقه هيا نديرلك العاااااااااااااااااااااار …
اميره …. هههههههه قول لمرتك بلاش حصلتها صلايه وصليت هههههه سلام يااحمد
وطبعا هيا طلعت من هنا وليلى طلعت وفى ايدها صلايه وعباية صلاه من هنا بس لما طلعت مالقتهاش فهمت بطريقتها شن الا صار فا حطت الحاجات على طاوله الا جنبها ونزلت وهنا احمد قعد ينادى
ليلى استنى …. وهيا مابتش تعدل عليه ونزلت وبعدها قعد يعيط ويقولها قتلك استنى نكلللللللللللللم فيك وهيا نزلت من دروج بسرعه ولما وصلت لى صاله سمعت صوت مرش تكسر وعرفت انا هوا نا ضت عليه هبلته وكسر تحف فا خشت تجرى لدار الا فيها ناس وقعدت مقعمزه فى تركينه وماقالتش ولا كلمه ونست انا حتى اميره مقعمزه قدامها وطبعا فاتت صلاه مغرب وحطو العشى وبعدها حطو مكسرات وقعدو ناس يهدرزو لحد ساعه 11 فى ليل وهيا ومابتش تركب وبعد ماروحو ناس قالت لصفاء….
ليلى …اعطينى وحده من بيجاماتك خلى نساعدكم فى معايين وحوش
مشى ردت عليها ام احمد وقالتلها لا بنيتى انتى تعبانه حتى بكرا
ليلى … لا لا ماما عادى خلينى نظمها توا لانا بكرا بنات عندهم قرايه وانى اصلا مش جاينى نوم واحمد توا اكيد رقد من بكرى فاخلينا توا انى وبنات نظمو حوسه كلها باش بكرا يجينا خفيف لانا انى من بكرا بنوتى روحى لسفر .
باهى باهى بنيتى الا يريحك …. صفاء اعطى لى ليلى بيجامتك البيج هونى تلقيها مطبقه نزلتها صبح من حبل
طبعا ليلى مش حبا فى ظمان بس هروب من مواجهة احمد وخاصة بعد صوت مرش الا سمعاته تكسر فوق
ولدلك حاولت تتبطى فى ظمان قدا الامكان وتحاول تخلق مواضيع مع بنات لحد ماطقت ساعه 2 فى ليل وجت اللحظه حاسمه لانهم كملو كل شى وبتركب وبعد ماخدت حوايجها وركبت فى دروج ومع كل درجه تركبها تدعى ربها انا يكون راقد ولما ركبت لقت ضى حوش مطفى ومفتوح ضى سهره متع صاله بس وحست تحتها انا فى مرش وشافت للانترى لقت تحف ومراية الانترى مكسورات فاعرفت انا هوا لحقها ولما هيا نزلت كسر مرايه وتحف متع الانترى الاجانب الباب وطبعا خشت لدار نوم وشافته واقف على روشن ويدخن << عاطيها بالظهر>> فادارت روحها عاديه وفتحت دولاب وقلبها على ايدها وهيا تعلق فى حوايجها ومتجاهلته ف هوا تلفت وقاللها ……

يتبع ……

لقراءة الجزء التالي : الجزء السابع من رواية الزوجة التائهة بين الأحلام والواقع

لقراءة الجزء السابق : الجزء الخامس من رواية الزوجة التائهة بين الأحلام والواقع

للإطلاع علي فهرس اجزاء الرواية : جميع الأجزاء كاملة لرواية الزوجة التائهة بين الأحلام والواقع

جميع الحقوق محفوظة للكاتبة كيندا من ليبيا .