وفي الجزء السادس من رواية بايرة حلتنا دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة مريم أحمد .
الجزء السادس من رواية بايرة حلتنا
واااي بسس من منظري يعني مرة كبييرة قدري كدي أمها بتدق فيها
طبعا مسك الضحكة وعمل رايح، أمي طوالي نزلت المفراكة وقالت ليهو أهلين يا ولدي قال ليها صباح الخير قالت ليهو صباح النور قال ليها معليش على الازعاج بس دقيت الباب وما سمعتو وكان فاتح فدخلت قالت ليهو ما مشكلة أساسا ح نسمع كيف مع البايرة الحسها عالي دي وحمرت ليقال ليها أمي قالت عاوزة ميامن تجيها تساعدها لانو البيت جايط بسبب أمس، في قلبي قلت عان ميامن دي سمحة حلفتك بالنبي قولا تاني اا السمح
قالت ليهو طيب هسي بتجي وأتفضل خش أشرب الشاي معانا قال ليها مرة تانية وفات، أمي عاينت لي وقالت لي أزفتي وأمشي لي محاسن قلت ليها هيا كمان محاسن لقتا لعبة من جا ولدلا تشغل فيني زي الخدمة
قالت لي يا بت عيب البتقولي دة وطيري سريع من هنا عشان ما أضربك زيادة، سرعة جريت غسلت وشي ومشيت ليهم لقيت فلانة لسة قاعدة محاسن قالت لي أنها حتقعد شهر كمان عشان أمتحنت الشهادة وهسي مواجزة قالت تغير جو وتقعد عندنا، في قلبي قلت مششمم عشنا وشفنا أنا عارفها قاعدة لي شنو لكن تصبري لي بقطعا ليها في راسها وبعرسو..
بدينا ننضف في الحتة وأنا وفلانة لكن هي شغالة شغل حناكيش وبتنفض من فوق لفوق وبي أطرف أصبعاها
لمن أنتهينا محاسن قالت ليها الليلة فترتك معاي معليش أعفى بي يا بتي قالت ليها لالا يا خالتو عادي قلت ليها هي زاتها ما نضفت كتتتير عشان تفترهنا محاسن سفهتني وقالت ليها أجيب ليك موية باردة تشربي! وأنا ولا عبروني في قلبي قلت أصلا الحسنة في المنعول ما بتنفعقعدت شوية وقلت ليها نصيحة مني ليك يا بت الناس أرجعي أهلك قالت لي وليييه أن شاء الله! قلت ليها لانو القاعدة عشانو دا ما حيحصل قالت لي وإنتي العرفك شنو أنو ما حيحصل قلت ليها لاني ح أمنعو وأنا عارفاك قاعدة لي شنو وأطمنئك حبيييباة سليم لي أنا وبس
ضحكت ضحكة رقاصات كدي بالله انا لمن أنخلعت في الشافعة، قالت لي هههه في أحلامك يا عسل قلت ليها أصبري ح أخلي خشمك ملح ملح يا شلابة قالت لي معليش معليش أحلمي بعيدد مني أنا ما ناقصني وهمنة بايرات قلت ليها البايرة دي ح تعرس الخاتها عينك عليهو
قالت لي إنتي يا بت الناس البورة دي موثرة عليك لي الدرجة دي! بالله عايني لي نفسك وعايني لي هسي بالغلط كدة أنا وإنتي بنتقارن؟! قلت ليها عاد ما فسختي وأتوسختي دايرانا نتقارن كيفقالت لي أخير أنا فسخت والفسخ هين لكن إنتي وين القطررر فاتكك والزمن شاتك يا الشمس ضربتك والرجال إبتكقلت ليها هييي يا اليدينك مفاريك والرجلينك كواريك والراس عاد فتر من البواريك قالت لي الاضان هبابة والفلجة بوابه الجبهة سبورة والنخرة ماسورة وشك كدا ولا خربو الشتاطبعا هنا ضربتني بالبارد لكن انا عاد بسكت ليها! قلت ليها ما كعبة الخالة الشينة كعبة الشافعة العينها طايرةقالت لي شافعة بعيالا أحسن من خالة ما شغالةقلت ليها أصلو ما كعبة الضكرية كعبة البتلولو لسانها عشان تبقى حنكوشة قال بتتجدع بالخصلة مسكينة ما عارفة الباروكة الجزور قالت لي خالة بايرة ولي العرس دايرة قلت ليها الخالة دي أحسن منك وح تشبلو قالت لي أنا في وإنتي في نشوف، طلعتا منهم سريع ويا بيت ناس ننو جاك زول من وصلت وريتها الشكلة قالت لي الشافعة طلعت قليلة أدب ولسانها طويل قلت ليها الردحي وجعني يا ننو قالت لي ح نرد ليها الصاع صاعيين لمن تعرسي سليم
قلت ليها كيف بس! قالت لي إنتي بس أعملي تقيلة وما تشتغلي بيهو قلت ليها مع أني ما بقدر لكن عشانو ح أحاول …..
☆☆☆☆☆☆☆☆☆☆
اشوفكم
…
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء السابع من رواية بايرة حلتنا
لقراءة الجزء السابق : الجزء الخامس من رواية بايرة حلتنا
للإطلاع علي فهرس اجزاء الرواية : جميع روابط اجزاء رواية بايرة حلتنا للكاتبة مريم أحمد
جميع الحقوق محفوظة للكاتبة مريم أحمد .
